📱വാർത്തകൾ ഒറ്റനോട്ടത്തിൽ📱 – 2026 | ജൂൺ 15 | തിങ്കൾ ✍️ കപിൽ ശങ്കർ

🔹‎കെ എസ് ആർ ടി സി ഓർഡിനറി ബസുകളിൽ സ്ത്രീകൾക്കുള്ള സൗജന്യയാത്രയ്ക്ക് തുടക്കമായി. പ്രിയദർശിനി ബസ് യാത്രാ പദ്ധതിയുടെ സംസ്ഥാനതല ഉദ്ഘാടനം തമ്പാനൂർ സെൻട്രൽ ബസ് സ്റ്റേഷനിൽ മുഖ്യമന്ത്രി വി ഡി സതീശൻ നിർവഹിച്ചു. വനിതകളുടെയും ട്രാൻസ്ജെൻഡേഴ്സിന്റെയും പ്രതിനിധികൾക്ക് സീറോ ടിക്കറ്റ് കൈമാറിയാണ് മുഖ്യമന്ത്രി പദ്ധതിയ്ക്ക് തുടക്കം കുറിച്ചത്. കെഎസ്ആര്‍ടിസിയുടെ ഓര്‍ഡിനറി, സിറ്റി ഓര്‍ഡിനറി, ലിമിറ്റഡ് സ്റ്റോപ്പ് ഓര്‍ഡിനറി, ടൗണ്‍ ടു ടൗണ്‍, ഫെയര്‍ സ്റ്റേജ് ഓര്‍ഡിനറി, പോയിന്റ് ടു പോയിന്റ് ഓര്‍ഡിനറി, ഗ്രാമവണ്ടി എന്നീ ഏഴ് വിഭാഗങ്ങളിലാണ് സൗജന്യയാത്ര.

🔹‎തിരഞ്ഞെടുപ്പ് കാലത്ത് ജനങ്ങളോട് പറഞ്ഞ വാക്ക് പാലിക്കാനായെന്ന സന്തോഷത്തോടെയാണ് പ്രിയ ദർശിനി പദ്ധതി ബസില്‍ യാത്ര തുടങ്ങുന്നതെന്ന് മുഖ്യമന്ത്രിയുടെ ഫേസ്ബുക്ക് പോസ്റ്റ്. പുതുയുഗ കേരളത്തിലേക്കുള്ള യു.ഡി.എഫ് സര്‍ക്കാരിന്റെ നിര്‍ണായക ചുവടുവയ്പ് കൂടിയാണ് ഈ യാത്ര യെന്നും അദ്ദേഹത്തിൻ്റെ പോസ്റ്റിലുണ്ട്.

🔹പ്രിയദര്‍ശിനി പദ്ധതിയുടെ ഭാഗമായി ഇന്ന് മുതല്‍ കെഎസ്ആര്‍ടിസി ഓര്‍ഡിനറി ബസുകളില്‍ സ്ത്രീകള്‍ക്കും ട്രാന്‍സ്ജെന്‍ഡര്‍ വിഭാഗത്തിനും യാത്രയ്ക്ക് നിരക്കില്ലെങ്കിലും യാത്രക്കാര്‍ നിര്‍ബന്ധമായും കണ്ടക്ടറില്‍ നിന്ന് സീറോ-വാല്യൂ ടിക്കറ്റ് കൈപ്പറ്റേണ്ടതുണ്ടെന്ന് കെഎസ്ആര്‍ടിസി അറിയിച്ചു.

🔹‎പ്രിയ ദർശിനി പദ്ധതി പൊതുഗതാഗത വകുപ്പിന്റെ ചരിത്രത്തിലെ സുപ്രധാന നാഴികക്കല്ല് ആണെന്ന് ഗതാഗത വകുപ്പ് മന്ത്രി സി പി ജോൺ. തൊഴിലെടുക്കുന്ന സ്ത്രീകളെ സംബന്ധിച്ചിടത്തോളം ഈ പദ്ധതി വലിയ ഉപകാരപ്രദമാണെന്നും അദ്ദേഹം പറഞ്ഞു

🔹പ്രിയദർശിനി പദ്ധതിയുമായി ബന്ധപ്പെട്ട് സ്വകാര്യ ബസുകൾക്ക് ആശങ്ക വേണ്ടെന്ന് മുഖ്യമന്ത്രി വി ഡി സതീശൻ. കെഎസ്ആർടിസി ഓർഡിനറി ബസുകൾ ഇല്ലാത്ത സ്ഥലത്ത് സ്വകാര്യ ബസും പദ്ധതിയുടെ ഭാഗമാണെന്നും, സ്വകാര്യ ബസുടമകൾക്കും പ്രയോജനകരമാകുന്ന രീതിയിലുള്ള അന്തരീക്ഷം കൂടി ഈ സർക്കാർ ഒരുക്കുമെന്നും മുഖ്യമന്ത്രി പറഞ്ഞു.

🔹കെ.എസ്.ആര്‍.ടി.സി യുടെ പ്രിയദര്‍ശിനി സൗജന്യയാത്ര ഉദ്ഘാടനവുമായി സിപിഎം എംഎല്‍എമാര്‍ സഹകരിക്കില്ലെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്‍. സ്ത്രീകളുടെ സൗജന്യയാത്രയില്‍ പറഞ്ഞതല്ല സര്‍ക്കാര്‍ നടപ്പാക്കുന്നതെന്നും മലബാര്‍ മേഖലയില്‍ ഓര്‍ഡിനറി ബസ്സുകള്‍ ഇല്ലെന്നും ഈ സൗജന്യ യാത്ര ആളെ പറ്റിക്കാനുള്ള പരിപാടിയെന്നും എംവി ഗോവിന്ദന്‍ പറഞ്ഞു.

‎കോട്ടയത്ത് ഫാസ്റ്റ് പാസഞ്ചറിൽ കയറി ഫ്രീ ടിക്കറ്റ് ചോദിച്ച് മഹിളമോർച്ച പ്രവർത്തകർ. ഓര്‍ഡിനറി ബസിൽ മാത്രം സ്ത്രീകൾക്ക് സൗജന്യ യാത്ര അനുവദിച്ചതിനെതിരെ ബസ് സ്റ്റാൻഡിൽ പ്രതിഷേധിച്ച ശേഷം ഫാസ്റ്റ് പാസഞ്ചറിൽ കയറി ഫ്രീ ടിക്കറ്റ് ചോദിക്കുകയായിരുന്നു.

🔹കോഴിക്കോട് നിപ സ്ഥിരീകരിച്ച രോഗി വെന്റിലേറ്ററില്‍ തുടരുന്നുവെന്ന് ആരോഗ്യമന്ത്രി കെ.മുരളീധരന്‍. സമ്പര്‍ക്കപ്പട്ടികയിലുള്ളവരുടെ ഫലം നെഗറ്റീവാണ്. സംസ്ഥാനത്ത് 135 ഷിഗെല്ല കേസുകളും മൂന്ന് മരണങ്ങളും റിപ്പോര്‍ട്ട് ചെയ്തെന്നും മുരളീധരന്‍ വ്യക്തമാക്കി.

🔹നിപ പ്രതിരോധവുമായി ബന്ധപ്പെട്ട വിവാദങ്ങളില്‍ രൂക്ഷമായി പ്രതികരിച്ച് ആരോഗ്യമന്ത്രി കെ മുരളീധരന്‍. നിപ ഫലം ഉച്ചയ്ക്ക് വന്നിട്ടും മുന്‍ ഡിഎച്ച്എസ് ഡോ. റീന അത് അറിയിച്ചില്ലെന്നും, വകുപ്പില്‍ തുരപ്പന്‍ പണി കാണിച്ചതുകൊണ്ടാണ് അവരെ മാറ്റിയതെന്നും മന്ത്രി തുറന്നടിച്ചു.

🔹രോഗങ്ങള്‍ പ്രതിരോധിക്കുന്നതില്‍ ആരോഗ്യവകുപ്പും ജില്ലാ സംവിധാനങ്ങളും തമ്മിലുള്ള ഏകോപനമില്ലായ്മ തുടരുന്നുവെന്ന വിമര്‍ശനവുമായി പ്രതിപക്ഷ നേതാവ് പിണറായി വിജയന്‍. നിപയെ രാഷ്ട്രീയ ആയുധമാക്കാന്‍ തങ്ങള്‍ തയ്യാറല്ലെന്നും ഉത്തരവാദിത്തപ്പെട്ടവര്‍ക്കിടയിലുള്ള ആശയക്കുഴപ്പമാണ് താന്‍ ചൂണ്ടിക്കാട്ടിയതെന്നും എന്നാല്‍ ആരോഗ്യ മന്ത്രി അതിനോട് പ്രതികരിച്ചത് ശരിയായ രീതിയില്‍ അല്ലെന്നും പിണറായി വിജയന്‍ വിമര്‍ശിച്ചു.

🔹കോഴിക്കോട് പയ്യോളിയില്‍ തുറവൂര്‍ പഞ്ചായത്തിലെ പതിമൂന്നാം വാര്‍ഡില്‍ ഒമ്പതുവയസുകാരനു ഷിഗെല്ല സ്ഥിരീകരിച്ചു. കുട്ടിയുടെ ആരോഗ്യനില തൃപ്തികരമാണ്. സ്വകാര്യ ആശുപത്രിയിലെ പരിശോധനയിലാണ് രോഗം സ്ഥിരീകരിച്ചത്.

🔹‎ശബരിമല സ്വർണക്കൊള്ളയിൽ പങ്കുപറ്റിയവരെ മർമ്മസ്ഥാനത്ത് നിയമിക്കരുതെന്ന് ദേവസ്വംമന്ത്രി കെ മുരളീധരൻ. തിരുവിതാംകൂർ ദേവസ്വം ബോർഡ് ആരോപണ വിധേയരായവരെ പ്രധാന സ്ഥാനങ്ങളിൽ വെക്കുന്നത് ശ്രദ്ധയിൽപ്പെട്ടുണ്ടെന്നും ഇത് ചൂണ്ടിക്കാണിച്ച് ദേവസ്വം ബോർഡ് പ്രസിഡന്റിന് കത്ത് നൽകിയിട്ടുണ്ടെന്ന് കെ മുരളീധരൻ പറ‍ഞ്ഞു.

🔹സിഎംആർഎൽ – എക്സാലോജിക് സാമ്പത്തിക ഇടപാട് കേസിൽ ചോദ്യം ചെയ്യൽ നടപടിയിലേക്ക് കടക്കാൻ ഇ ഡി. സിഎംആർഎൽ എം ഡി ശശിധരൻ കർത്തയുടെ മകൻ ശരൺ എസ് കർത്ത ഉൾപ്പെടെയുള്ള ഉദ്യോഗസ്ഥരെ ഇന്ന് ചോദ്യം ചെയ്യും. പ്രതിപക്ഷ നേതാവ് പിണറായി വിജയന്റെ മകൾ വീണ ടി ബുധനാഴ്ചയാണ് ഹാജരാവേണ്ടത്.

🔹ആര്‍എസ്എസ് പരിപാടിയില്‍ കേരളത്തിലെ മൂന്ന് സര്‍വ്വകലാശാലാ വിസിമാര്‍ പങ്കെടുത്തത് ഗുരുതരമായ പ്രത്യാഘാതങ്ങളുണ്ടാക്കുമെന്ന് ആഭ്യന്തര മന്ത്രി രമേശ് ചെന്നിത്തല. ഈ മൂന്ന് വൈസ് ചാന്‍സലര്‍മ്മാരും കേരളീയ സമൂഹത്തോടെ വലിയ തെറ്റാണ് ചെയ്തിരിക്കുന്നതെന്നും രമേശ് ചെന്നിത്തല പറഞ്ഞു.

🔹‎ആർ.എസ്.എസ് പരിപാടിയിൽ കേരളത്തിലെ വൈസ് ചാൻസലർമാർ പങ്കെടുത്തതിനെ വിമർശിച്ച് കെ സി വേണുഗോപാൽ എംപി. ഇന്ത്യൻ സ്വാതന്ത്ര്യ സമര പോരാട്ടങ്ങളെ ഒറ്റുകൊടുക്കുകയും മതനിരപേക്ഷ ബോധ്യങ്ങളെ ബലി കഴിക്കുകയും ചെയ്ത ആർഎസ്എസ് ചിന്ത തലച്ചോറിൽ പേറുന്നവർ, മഹത്തായ വിദ്യാഭ്യാസ സ്ഥാപനങ്ങളുടെ തലപ്പത്തിരിക്കാൻ ഒരു കണിക കൊണ്ടുപോലും യോഗ്യരല്ലെന്ന് അദ്ദേഹം പറഞ്ഞു.

🔹വിസിമാര്‍ ആര്‍എസ്എസ് പരിപാടിയില്‍ പങ്കെടുത്ത സംഭവത്തില്‍ മുഖ്യമന്ത്രിക്കും പ്രതിപക്ഷത്തിനുമെതിരെ ബിജെപി. പങ്കെടുത്തത് അപരാധമെന്ന് എങ്ങനെ പറയുമെന്ന് വി മുരളീധരന്‍ എംഎല്‍എ ചോദിച്ചു. വിസിമാര്‍ ആര്‍ എസ് എസ് പരിപാടിയില്‍ പങ്കെടുത്തത് വലിയ അപരാധം എന്ന പ്രസ്താവന മുഖ്യമന്ത്രിയും പ്രതിപക്ഷ നേതാവും പറഞ്ഞുവെന്ന് ചൂണ്ടിക്കാട്ടിയപ്പോള്‍ ആര്‍ എസ് എസ് നിരോധിച്ച സംഘടന ആണോ എന്നും വി മുരളീധരന്‍ ചോദിച്ചു.

🔹ക്യാനുകളില്‍ പെട്രോള്‍, ഡീസല്‍ എന്നിവ നല്‍കരുതെന്ന ഉത്തരവ് കര്‍ഷകരെ ബാധിക്കുന്നുവെന്ന് കൃഷിമന്ത്രി ടി സിദ്ദിഖ്. കര്‍ഷകരെ സംരക്ഷിക്കാന്‍ അടിയന്തര ഇടപെടല്‍ വേണമെന്നും മന്ത്രി വ്യക്തമാക്കി. മൊത്ത വിതരണ കേന്ദ്രങ്ങളില്‍ പലതിലും വിലക്കൂടുതലാണ്. കേന്ദ്ര മന്ത്രിക്ക് ഇക്കാര്യത്തില്‍ ഇടപെടല്‍ തേടി കത്ത് അയച്ചുവെന്ന് കൃഷിമന്ത്രി ടി സിദ്ദിഖ് പറഞ്ഞു.

🔹ശബരിമല യുവതീ പ്രവേശനവുമായി ബന്ധപ്പെട്ട് യുവതികളെ പ്രവേശിപ്പിക്കാന്‍ തന്നേയും എഡിജിപി ശ്രീജിത്തിനേയും ബോധപൂര്‍വം മാറ്റിനിര്‍ത്തിയെന്ന് തിരുവിതാംകൂര്‍ ദേവസ്വം ബോര്‍ഡ് മുന്‍ പ്രസിഡന്റ് എ പത്മകുമാര്‍. ഇതിന് ചരട് വലിച്ചത് പാര്‍ട്ടിയിലും അന്നത്തെ ഭരണ നേതൃത്വത്തിലും സ്വാധീനമുണ്ടായിരുന്ന ഒരു ഉന്നതനാണെന്നുമാണ് വെളിപ്പെടുത്തല്‍.

🔹ലോറി തെറ്റായ രീതിയില്‍ പാര്‍ക്ക് ചെയ്തതിനെ തുടര്‍ന്നുണ്ടായ അപകടത്തില്‍ യുവാവിന് ജീവന്‍ നഷ്ടപ്പെട്ടതിനെ തുടര്‍ന്ന് ഒളിവില്‍ പോയ ലോറി ഡ്രൈവറെ തമിഴ്‌നാട്ടില്‍ നിന്ന് അറസ്റ്റ് ചെയ്തു. കോഴിക്കോട് വെങ്ങളം കരുപ്പാംവയല്‍ വീട്ടില്‍ ജിഷ്ണുലാലി(29)ന്റെ മരണവുമായി ബന്ധപ്പെട്ട് കന്യാകുമാരി വിരുദുനഗള്‍ സ്വദേശി ഇളങ്കോവിനെയാണ് അറസ്റ്റ്‌ചെയ്തത്. ഇയാള്‍ ഓടിച്ചിരുന്ന ലോറിയും കസ്റ്റഡിയിലെടുത്തു. കഴിഞ്ഞ ഏപ്രില്‍ എട്ടിന് പുലര്‍ച്ചെയായിരുന്നു അപകടം.

🔹പിണറായി വിജയനെ പുകഴ്ത്തി സ്തുതിഗാനം രചിച്ച സെക്രട്ടറിയേറ്റ് എംപ്ലോയീസ് അസോസിയേഷന്‍ മുന്‍ നേതാവ് പൂവത്തൂര്‍ ചിത്രസേനന്റെ സേവനം അവസാനിപ്പിച്ച് യുഡിഎഫ് സര്‍ക്കാര്‍. വിരമിച്ച ശേഷം ധനകാര്യ വകുപ്പില്‍ സ്പെഷ്യല്‍ മെസഞ്ചര്‍ ആയി കരാര്‍ അടിസ്ഥാനത്തില്‍ ജോലി ചെയ്തു വരികയായിരുന്നു ഇദ്ദേഹത്തിനോട് തിങ്കളാഴ്ച മുതല്‍ ജോലിക്ക് എത്തേണ്ടതില്ലെന്ന അറിയിപ്പ് കൈമാറി.

🔹പരാതികളില്‍ നിന്ന് പിന്നോട്ടില്ലെന്ന് അമ്മ സംഘടനയിലെ ഭാരവാഹികളായ ടിനിടോമിനും ലക്ഷ്മിപ്രിയക്കുമെതിര പരാതി നല്‍കിയ നടി അന്‍സിബ ഹസന്‍. സംഘടനയിലെ ചില വ്യക്തികള്‍ ശരിയായല്ല മുന്നോട്ടുപോവുന്നതെന്നും ഭാരവാഹികള്‍ക്ക് സംഘടനാ പാടവവും കരുണയും കേള്‍ക്കാനുള്ള മനസും വേണമെന്നും നടി അഭിപ്രായപ്പെട്ടു.

🔹നടി അന്‍സിബ ഹസന്‍ നല്‍കിയ പരാതിയില്‍ കടവന്ത്ര പൊലീസ് അമ്മ എക്സിക്യൂട്ടീവ് കമ്മിറ്റി അംഗം കൂടിയായ നീന കുറുപ്പിന്റെ മൊഴിയെടുത്തു. അന്‍സിബ നല്‍കിയതിന് സമാനമായ ഒരു പരാതി നീന കുറുപ്പ് അമ്മ എക്സിക്യൂട്ടീവിന് നല്‍കിയിരുന്നു.

🔹വാഴോട്ടുകോണം ബിജെപി കൗണ്‍സിലര്‍ സുഗതനെതിരെ വധശ്രമവും കലാപശ്രമവും ഉള്‍പ്പടെ വട്ടിയൂര്‍ക്കാവ്,നെടുമങ്ങാട് സ്റ്റേഷനുകളിലായി 19 കേസുകളെന്ന് റിപ്പോര്‍ട്ടുകള്‍. വധശ്രമം, ലഹളയുണ്ടാക്കല്‍, പൊലീസ് ഔദ്യോഗിക കൃത്യനിര്‍വഹണം തടസ്സപ്പെടുത്തല്‍ തുടങ്ങിയവയാണ് കേസുകള്‍.

🔹വിമാനം താഴ്ന്നു പറന്ന് നെടുമ്പാശ്ശേരിയില്‍ വീടിന്റെ മേല്‍ക്കൂര തകര്‍ന്നു. ശാന്തിനഗര്‍ സ്വദേശി കാട്ടുപ്പറമ്പില്‍ സൈമണ്‍ കെ.ജെ യുടെ വീടിന്റെ മേല്‍ക്കൂരയാണ് തകര്‍ന്നത്.

🔹സസ്പെന്‍ഷന്‍ കഴിഞ്ഞ് ജോലിയില്‍ തിരികെ പ്രവേശിച്ച കെഎസ്ആര്‍ടിസി ഡ്രൈവര്‍ ജീവനൊടുക്കി. കൊട്ടാരക്കര ഡിപ്പോയിലെ ഡ്രൈവര്‍ ആര്‍ ബാബുവിനെയാണ് കെഎസ്ആര്‍ടിസി ഷോപ്പിംഗ് കോംപ്ലക്സില്‍ തൂങ്ങിമരിച്ച നിലയില്‍ കണ്ടെത്തിയത്. സാമ്പത്തിക ബാധ്യതയും സസ്പെന്‍ഷന്‍ മൂലമുണ്ടായ മാനസിക പ്രയാസവുമാണ് ആത്മഹത്യക്ക് കാരണമെന്നാണ് പ്രാഥമിക നിഗമനം.

🔹പട്ടിമറ്റം ചെങ്ങരയിലെ റബര്‍ തോട്ടത്തില്‍ മരിച്ച നിലയില്‍ കണ്ടെത്തിയ നോര്‍ത്ത് വലമ്പൂര്‍ ആക്കാംപാറ തെക്കേക്കര സ്വദേശി ജിജോ (ജോണ്‍, 53)യുടെ തലയ്ക്ക് ഗുരുതര പരിക്ക് സംഭവിച്ചിരുന്നുവെന്ന് പോസ്റ്റ്‌മോര്‍ട്ടം റിപ്പോര്‍ട്ട്.സംഭവത്തില്‍ ജിജോയ്‌ക്കൊപ്പം ഉണ്ടായിരുന്നവരെ പൊലീസ് വിശദമായി ചോദ്യം ചെയ്യുകയാണ്.

🔹നീറ്റ് യുജി 2026 പുനഃപരീക്ഷയുടെ അഡ്മിറ്റ് കാര്‍ഡുകള്‍ നാഷണല്‍ ടെസ്റ്റിങ് ഏജന്‍സി ഔദ്യോഗിക വെബ്‌സൈറ്റില്‍ പ്രസിദ്ധീകരിച്ചു. ജൂണ്‍ 14-ഓടെ അഡ്മിറ്റ് കാര്‍ഡുകള്‍ ലഭ്യമാക്കുമെന്ന് കേന്ദ്ര വിദ്യാഭ്യാസ മന്ത്രി ധര്‍മേന്ദ്ര പ്രധാന്‍ നേരത്തെ അറിയിച്ചിരുന്നു.

🔹സ്ലൊവാക്യ സന്ദര്‍ശിക്കുന്ന ആദ്യ ഇന്ത്യന്‍ പ്രധാനമന്ത്രിയായി നരേന്ദ്ര മോദി ചരിത്രം കുറിക്കുന്നു. സ്ലൊവാക്യന്‍ പ്രധാനമന്ത്രി റോബര്‍ട്ട് ഫിക്കോയുടെ ക്ഷണപ്രകാരമാണ് മോദിയുടെ സന്ദര്‍ശനം. നാളെ വരെ നീളുന്ന ഈ ഔദ്യോഗിക സന്ദര്‍ശനം ഇരുരാജ്യങ്ങളും തമ്മിലുള്ള നയതന്ത്ര ബന്ധത്തില്‍ പുതിയ അധ്യായം തുറക്കുമെന്നാണ് വിലയിരുത്തപ്പെടുന്നത്.

🔹ഗുജറാത്തിലെ സര്‍ദാര്‍ വല്ലഭായ് പട്ടേല്‍ അന്താരാഷ്ട്ര വിമാനത്താവളത്തില്‍ നിന്ന് 4.26 കോടി രൂപ വിലമതിക്കുന്ന സ്വര്‍ണം പിടികൂടി. ദുബായില്‍ നിന്നെത്തിയ ഇന്‍ഡിഗോ വിമാനത്തിന്റെ ടോയ്ലറ്റിലെ സ്പീക്കര്‍ ബോക്സിനുള്ളില്‍ ഒളിപ്പിച്ച നിലയിലായിരുന്നു സ്വര്‍ണ ബിസ്‌കറ്റുകള്‍ കണ്ടെത്തിയത്.

🔹ഒമാന്‍ തീരത്ത് മുങ്ങിയ എംഎസ്വി വിരാട് 1 എന്ന പായ്ക്കപ്പലിലെ 14 ഇന്ത്യാക്കാരെയും രക്ഷപ്പെടുത്തി. അമേരിക്കന്‍ നാവിക സേനയുടെ നേതൃത്വത്തില്‍ നടന്ന രക്ഷാപ്രവര്‍ത്തനത്തില്‍ ഇന്ത്യന്‍ നാവികസേനയും പങ്കാളികളായി. എഞ്ചിന്‍ തകരാറാണ് അപകടത്തിന് കാരണമെന്ന് അധികൃതര്‍ അറിയിച്ചു.

🔹ഒമാന്‍ തീരത്തിന് സമീപം യു.എസ്. ആക്രമണത്തിനിരയായ കപ്പലിലെ നിരപരാധികളായ മൂന്ന് ഇന്ത്യന്‍ ജീവനക്കാര്‍ കൊല്ലപ്പെട്ട സംഭവത്തില്‍ ഇന്ത്യയുടെ തന്ത്രപ്രധാന പങ്കാളിയായിരുന്നിട്ടും ഖേദം പ്രകടിപ്പിക്കാന്‍ പോലും തയ്യാറാകാത്ത അമേരിക്കയെ ‘പ്രതികരണമില്ലാത്ത സുഹൃത്ത്’ എന്ന് വിശേഷിപ്പിച്ച് കോണ്‍ഗ്രസ് എം.പി. ശശി തരൂര്‍. സംഘര്‍ഷഭരിതമായ ഈ മേഖലയില്‍ കപ്പലുകളെ തടയാന്‍ മാരകമല്ലാത്ത മറ്റ് മാര്‍ഗങ്ങള്‍ എന്തുകൊണ്ട് ഉപയോഗിച്ചില്ലെന്നും അദ്ദേഹം ചോദിച്ചു.

🔹130 അടി ഉയരത്തില്‍ നിന്നുള്ള സാഹസിക ബഞ്ചി ജംപിനിടെ 21കാരിക്ക് ദാരുണാന്ത്യം. യുവതിയുടെ ശരീരത്തില്‍ സുരക്ഷാ സംവിധാനത്തില്‍ കയര്‍ ഘടിപ്പിക്കാന്‍ ജീവനക്കാര്‍ മറന്നതോടെയാണ് അപകടമുണ്ടായത്. സാവോ പോളോയിലെ സ്‌കെലിറ്റന്‍ ബ്രിഡ്ജില്‍ നടന്ന ഈ ദാരുണമായ അപകടത്തില്‍ മരിയ എഡ്വേര്‍ഡ റോഡ്രിഗസ് ഡി ഫ്രീറ്റാസ് എന്ന യുവതിയാണ് കൊല്ലപ്പെട്ടത്.

🔹ലോകം കാത്തിരുന്ന സമാധാന കരാര്‍ സംബന്ധിച്ചു യുഎസും ഇറാനും ധാരണയിലെത്തിയെന്ന് ഇരുരാജ്യങ്ങള്‍ക്കുമിടയില്‍ മധ്യസ്ഥത വഹിക്കുന്ന പാകിസ്ഥാന്‍. യുദ്ധം അവസാനിപ്പിക്കാനും ഹോര്‍മുസ് കടലിടുക്ക് തുറന്നുകൊടുക്കാനുമാണ് ഇരുരാജ്യങ്ങളും ധാരണയിലെത്തിയത്. സമാധാന കരാര്‍ ജൂണ്‍ 19ന് സ്വിറ്റ്സര്‍ലന്‍ഡില്‍വെച്ച് ഒപ്പുവെക്കുമെന്ന് പാകിസ്ഥാന്‍ പ്രധാനമന്ത്രി ഷഹബാസ് ഷെരീഫ് അറിയിച്ചു. കരാര്‍ പൂര്‍ത്തിയായതായി യുഎസ് പ്രസിഡന്റ് ഡോണാള്‍ഡ് ട്രംപും സ്ഥിരീകരിച്ചു. ഹോര്‍മുസ് കടലിടുക്കില്‍ യുഎസ് നാവികസേനയുടെ ഉപരോധം നീക്കാന്‍ ട്രംപ് നിര്‍ദേശം നല്‍കി.

‎🔹അമേരിക്കയും ഇറാനും തമ്മിൽ യുദ്ധം അവസാനിപ്പിക്കുന്നതിനുള്ള പ്രാഥമിക സമാധാനക്കരാർ പ്രഖ്യാപിച്ചതിന് പിന്നാലെ ഇസ്രായേൽ പ്രധാനമന്ത്രി ബെന്യാമിൻ നെതന്യാഹുവിനെതിരെ രൂക്ഷവിമർശനവുമായി ട്രംപ്. നെതന്യാഹു കൈകാര്യം ചെയ്യാൻ വളരെ ബുദ്ധിമുട്ടുള്ള ഒരു വ്യക്തിയാണെന്നും, ഇറാൻ്റെ പക്കൽ ഒരു ആണവായുധം ഉണ്ടായിരുന്നെങ്കിൽ ഇസ്രായേൽ എന്ന രാജ്യം രണ്ട് മണിക്കൂർ പോലും നിലനിൽക്കില്ലായിരുന്നുവെന്നും, അമേരിക്കയാണ് അവരെ കാത്തുരക്ഷിക്കുന്നതെന്നും ട്രംപ് കൂട്ടിച്ചേർത്തു.

🔹ദക്ഷിണ കൊറിയയുടെ ഒളിമ്പിക് ചാമ്പ്യന്മാരെ അട്ടിമറിച്ച് ഇന്ത്യയുടെ ധീരജ് ബൊമ്മദേവരയും പതിനേഴുകാരിയായ കുങ്കും മൊഹൊദും ആര്‍ച്ചറി ലോകകപ്പില്‍ സ്വര്‍ണം നേടി. റിക്കേവ് മിക്‌സഡ് വിഭാഗത്തിലാണ് ഇവരുടെ അട്ടിമറി ജയം.

🔹വനിതാ ടി20 ലോകകപ്പിലെ തങ്ങളുടെ ആദ്യ മത്സരത്തില്‍ പാകിസ്താനെ 64 റണ്‍സിന് തകര്‍ത്ത് ഇന്ത്യ. 68 റണ്‍സ് നേടിയ സ്മൃതി മന്ദാനയുടെ മികവില്‍ ഇന്ത്യ ഉയര്‍ത്തിയ 171 റണ്‍സ് വിജയലക്ഷ്യം പിന്തുടര്‍ന്ന പാകിസ്താന്‍ 17 ഓവറില്‍ 106 റണ്‍സിന് എല്ലാവരും പുറത്തായി. പാകിസ്ഥാന്റെ അഞ്ച് വിക്കറ്റുകള്‍ വീഴ്ത്തിയ ഇന്ത്യന്‍ സ്പിന്നര്‍ ദീപ്തി ശര്‍മയാണ് ഇന്ത്യക്ക് ആധികാരിക ജയം സമ്മാനിച്ചത്.

🔹ഫിഫ ലോകകപ്പ് ഗ്രൂപ്പ് സി-യില്‍ ഹെയ്തിയെ ഏകപക്ഷീയമായ ഒരു ഗോളിന് വീഴ്ത്തി സ്‌കോട്ട്ലന്‍ഡ്. 28-ാം മിനിറ്റില്‍ മിഡ്ഫീല്‍ഡര്‍ ജോണ്‍ മക്ഗിന്‍ നേടിയ ഗോളാണ് സ്‌കോട്ട്‌ലന്‍ഡിന് ലീഡ് നല്‍കിയത്.

🔹ഫിഫ ലോകകപ്പ് ഗ്രൂപ്പ് ഡി-യില്‍ തുര്‍ക്കിക്കെതിരേ ഏകപക്ഷീയമായ രണ്ട് ഗോളിന് ജയിച്ച് ഓസ്‌ട്രേലിയ. തുര്‍ക്കിയുടെ കടുത്ത ആക്രമണത്തെ പ്രതിരോധകോട്ട കെട്ടിതോല്‍പ്പിച്ച്, മിന്നല്‍ കൗണ്ടര്‍ അറ്റാക്കിലൂടെയും പ്രതിരോധപ്പിഴവ് മുതലെടുത്തുമാണ് മത്സരത്തിന്റെ 27, 75 മിനിറ്റുകളില്‍ ഓസ്‌ട്രേലിയ ഗോളുകള്‍ നേടിയത്.

🔹ലോകകപ്പ് ഫുട്ബോളില്‍ ജര്‍മന്‍ ഗോള്‍മഴ. ഗ്രൂപ്പ് ഇയില്‍ നടന്ന മത്സരത്തില്‍ ലോകകപ്പിലെ അരങ്ങേറ്റക്കാരായ ക്യുറാസോയെ ഒന്നിനെതിരെ ഏഴ് ഗോളുകള്‍ക്ക് തകര്‍ത്ത് ജര്‍മനി. ആറാം മിനിറ്റില്‍ മുന്നിലെത്തിയ ജര്‍മനിയെ ഞെട്ടിച്ച് 21-ാം മിനിറ്റില്‍ ക്യുറാസോ ലോകകപ്പിലെ തങ്ങളുടെ ആദ്യ ഗോള്‍ നേടി. ഞെട്ടലില്‍ നിന്നുണര്‍ന്ന ജര്‍മന്‍ താരങ്ങള്‍ ഗോളടിക്കാന്‍ ക്യൂ നിന്ന മത്സരത്തില്‍ ക്യുറസാവോയ്ക്ക് കാര്യമായൊന്നും പിന്നീട് ചെയ്യാനുണ്ടായിരുന്നില്ല.

🔹ലോകകപ്പ് ഫുട്ബോള്‍ ഗ്രൂപ്പ് എഫില്‍ രണ്ടിനെതിരെ രണ്ട് ഗോളുകള്‍ നേടി നെതര്‍ലന്‍ഡ്‌സിനെ സമനിലയില്‍ തളച്ച് ജപ്പാന്‍. രണ്ടു തവണ പിന്നില്‍പ്പോയ ശേഷം തിരിച്ചടിച്ചാണ് ജപ്പാന്‍ സമനിലയുമായി മടങ്ങിയത്. രണ്ടാം പകുതിയിലാണ് നാലു ഗോളും പിറന്നത്.

🔹ലോകത്ത് ഏറ്റവും കൂടുതല്‍ പ്രതിഫലം കൈപ്പറ്റുന്ന 50 കായികതാരങ്ങള്‍ കഴിഞ്ഞ 12 മാസത്തിനിടെ നേടിയത് 4.1 ബില്യണ്‍ ഡോളറാണെന്ന്(ഏകദേശം 34,000 കോടിയിലധികം ഇന്ത്യന്‍ രൂപ) ഫോബ്‌സ് മാഗസിന്റെ പുതിയ റിപ്പോര്‍ട്ട്. കഴിഞ്ഞ വര്‍ഷത്തെ റെക്കോഡ് തുകയായ 4.2 ബില്യണ്‍ ഡോളറിനേക്കാള്‍ 3% കുറവാണ് ഈ വര്‍ഷം രേഖപ്പെടുത്തിയത്. തുടര്‍ച്ചയായ നാലാം വര്‍ഷവും ഒന്നാം സ്ഥാനം നിലനിര്‍ത്തി ഫുട്ബോള്‍ ഇതിഹാസം ക്രിസ്റ്റ്യാനോ റൊണാള്‍ഡോ. 300 മില്യണ്‍ ഡോളറാണ് (ഏകദേശം 2,500 കോടി രൂപ) ഈ വര്‍ഷത്തെ വരുമാനം. പട്ടികയില്‍ 50-ാം സ്ഥാനത്തുള്ള ടെന്നീസ് താരം ജാന്നിക് സിന്നറുടെ വരുമാനം (54.6 മില്യണ്‍ ഡോളര്‍) ആണ്. ആദ്യ 50-ല്‍ ഇടംപിടിക്കാന്‍ ഒരു താരം നേടേണ്ട ഏറ്റവും ഉയര്‍ന്ന ചുരുങ്ങിയ തുകയാണിത്. പട്ടികയിലുള്ള 50 പേരില്‍ 18 രാജ്യങ്ങളില്‍ നിന്നുള്ളവരും 8 വ്യത്യസ്ത കായിക ഇനങ്ങളില്‍ പെട്ടവരുമാണ്. എന്നാല്‍ ഇതില്‍ ഏറ്റവും കൂടുതല്‍ പ്രതിനിധികളുള്ളത് ബാസ്‌ക്കറ്റ്‌ബോളില്‍ നിന്നാണ്.

🔹ദുല്‍ഖര്‍ സല്‍മാന്‍ ചിത്രം ‘ഐ ആം ഗെയിം’ന്റെ പുത്തന്‍ പോസ്റ്റര്‍ പുറത്ത്. ദുല്‍ഖര്‍ സല്‍മാനെ അതീവ സ്‌റ്റൈലിഷ് ലുക്കില്‍ അവതരിപ്പിക്കുന്ന പോസ്റ്ററാണ് പുറത്ത് വന്നിരിക്കുന്നത്. ഓഗസ്റ്റ് 20 ന് ഓണം റിലീസായി ചിത്രം ആഗോള തലത്തില്‍ തീയേറ്ററുകളിലെത്തും. ചിത്രത്തിന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്. ദുല്‍ഖര്‍ സല്‍മാന്റെ വേഫെറര്‍ ഫിലിംസ് നിര്‍മിക്കുന്ന ഈ ബിഗ് ബഡ്ജറ്റ് ആക്ഷന്‍ ത്രില്ലര്‍, ദുല്‍ഖറിന്റെ കരിയറിലെ തന്നെ ഏറ്റവും വലിയ ചിത്രമായാണ് ഒരുങ്ങുന്നത്. ചിത്രം സംവിധാനം ചെയ്തത് നഹാസ് ഹിദായത്. ആന്റണി വര്‍ഗീസ്, തമിഴ് നടനും സംവിധായകനുമായ മിഷ്‌കിന്‍, കായദു ലോഹര്‍, കതിര്‍, പാര്‍ത്ഥ് തിവാരി, തമിഴ് നായികാ താരം സംയുക്ത വിശ്വനാഥന്‍ തുടങ്ങി വമ്പന്‍ താരനിര അണിനിരക്കുന്ന ചിത്രത്തിന് സംഗീതം ഒരുക്കുന്നത് ജേക്‌സ് ബിജോയ്, സംഘട്ടനം ഒരുക്കുന്നത് അന്‍പറിവ് മാസ്റ്റേഴ്‌സ് എന്നിവരാണ്.

🔹ദൃശ്യം’ ഫ്രാഞ്ചൈസിയുടെ മൂന്നാം ഭാഗം റിലീസ് ചെയ്ത മുപ്പതാം ദിവസം 330 കോടി രൂപ ഗ്രോസ് കളക്ഷനും മറ്റ് ബിസിനസ് ഇടപാടുകളും ഉള്‍പ്പെടെ നേടിയതിലൂടെ ബോക്സ് ഓഫീസില്‍ വീണ്ടും റെക്കോഡ് സൃഷ്ടിച്ചിരിക്കുന്നു. മോഹന്‍ലാല്‍ നായകനായി ജീത്തു ജോസഫ് സംവിധാനം ചെയ്ത ഈ വൈകാരിക ത്രില്ലര്‍, റിലീസ് ചെയ്ത് ഏഴു ദിവസത്തിനുള്ളില്‍ 200 കോടി ക്ലബ്ബില്‍ ഇടം നേടിയിരുന്നു. ഇത് ദൃശ്യം 3യെ 200 കോടി ക്ലബ്ബില്‍ എത്തുന്ന മൂന്നാമത്തെ മോഹന്‍ലാല്‍ ചിത്രമാക്കി മാറ്റി, എമ്പുരാന്‍, തുടരും എന്നിവയാണ് മറ്റ് ചിത്രങ്ങള്‍. മീന, എസ്തര്‍ അനില്‍, അന്‍സിബ, സിദ്ദിഖ്, ആശ ശരത്, മുരളി ഗോപി എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ചിത്രത്തിന്റെ ആഗോള തിയേറ്റര്‍-ഡിജിറ്റല്‍ അവകാശങ്ങള്‍ നേടിയ പനോരമ സ്റ്റുഡിയോസ്, ആശീര്‍വാദ് സിനിമാസില്‍ 100 കോടി രൂപ നിക്ഷേപം നടത്തിയിട്ടുണ്ട്. ഈ ചിത്രത്തിന്റെ ഹിന്ദി പതിപ്പ്, അജയ് ദേവ്ഗണ്‍ നായകനായി 2026 ഒക്ടോബര്‍ രണ്ടിന് റിലീസ് ചെയ്യും

💦 ഗുരുജിയുടെ വാക്കുകൾ
*****************************

സമയം ഒന്നിനും വേണ്ടി കാത്തുനിൽക്കില്ല…
പലപ്പോഴും നമ്മൾ ഒരു നല്ല കാര്യത്തിന് തുടക്കം കുറിക്കാൻ “നാളെയാകട്ടെ” അല്ലെങ്കിൽ “ഒരു നല്ല ദിവസം വരട്ടെ” എന്ന് കരുതി മാറ്റിവെക്കാറുണ്ട്. എന്നാൽ ഓർക്കുക, നമ്മൾ കാത്തിരിക്കുന്ന ആ നല്ല നിമിഷം ഒരിക്കലും തനിയെ വരില്ല. നമ്മൾ എപ്പോൾ തുടങ്ങുന്നുവോ, ആ നിമിഷത്തെ മികച്ചതാക്കി മാറ്റുകയാണ് വേണ്ടത്.
മടി മാറ്റിവെക്കാം, മികച്ചൊരു നാളേക്കായി ഇപ്പോൾ തന്നെ ചുവടുവെക്കാം.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂൺ 15

•ലോക വയോജന ചൂഷണ വിരുദ്ധ ബോധവൽക്കരണ ദിനം (World Elder Abuse Awareness Day): മുതിർന്ന പൗരന്മാർ നേരിടുന്ന അതിക്രമങ്ങൾ, അവഗണനകൾ, ചൂഷണങ്ങൾ എന്നിവക്കെതിരെ ആഗോളതലത്തിൽ ബോധവൽക്കരണം നൽകാനായി ഐക്യരാഷ്ട്രസഭയുടെ നേതൃത്വത്തിലാണ് ഈ ദിനം ആചരിക്കുന്നത്.

•ആഗോള കാറ്റ് ദിനം (Global Wind Day): കാറ്റിൽ നിന്നുള്ള ഊർജ്ജത്തിന്റെ സാധ്യതകളെക്കുറിച്ചും, പുനരുപയോഗ ഊർജ്ജ സ്രോതസ്സുകളുടെ പ്രാധാന്യത്തെക്കുറിച്ചും ജനങ്ങളിൽ അവബോധം വളർത്താനായി ഈ ദിനം ആഘോഷിക്കുന്നു.

•മാഗ്നാകാർട്ട (1215): ഇംഗ്ലണ്ടിലെ ജോൺ രാജാവ് ചരിത്രപ്രസിദ്ധമായ മാഗ്നാകാർട്ട സ്വാതന്ത്ര്യ പ്രഖ്യാപന രേഖയിൽ ഒപ്പുവെച്ചത് ഈ ദിവസമാണ്.

•ആദ്യ രക്തം മാറ്റിവെക്കൽ (1667): ഡോ. ജീൻ ബാപ്റ്റിസ്റ്റ് ഡെനിസിന്റെ നേതൃത്വത്തിൽ ലോകത്തിലെ ആദ്യത്തെ വിജയകരമായ രക്തം മാറ്റിവെക്കൽ പ്രക്രിയ നടന്നു.

•മിന്നലും വൈദ്യുതിയും (1752): ബെഞ്ചമിൻ ഫ്രാങ്ക്‌ലിൻ മിന്നൽ എന്നത് വൈദ്യുതി തന്നെയെന്ന് പരീക്ഷണത്തിലൂടെ തെളിയിച്ചു.

•ഐ.ബി.എം കമ്പനി (1911): പ്രമുഖ ആഗോള സാങ്കേതികവിദ്യാ കമ്പനിയായ IBM (Computing-Tabulating-Recording Company) പ്രവർത്തനം ആരംഭിച്ചു.

തയ്യാറാക്കിയത്: കപിൽ ശങ്കർ

17 Likes

📱വാർത്തകൾ ഒറ്റനോട്ടത്തിൽ📱 – 2026 | ജൂൺ 15 | തിങ്കൾ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂൺ 15

തയ്യാറാക്കിയത്: കപിൽ ശങ്കർ

സൂപ്പർ താരം ക്രിസ്റ്റിയാനോ റൊണാൾഡോ അന്താരാഷ്ട്ര ഫുട്ബോളിൽ നിന്ന് വിരമിച്ചു

US ഇടക്കാല തെരഞ്ഞെടുപ്പ്: ട്രംപിന്റെ തോൽവി സമ്പൂർണം, സെനറ്റും ജനപ്രതിനിധി സഭയും നേടി ഡെമോക്രാറ്റുകൾ.

LEAVE A REPLY Cancel reply

Most Popular

‘കതിര്‍’ കാർഷിക പദ്ധതിയുടെ ബ്രാൻഡ് അംബാസഡറായി മോഹൻലാൽ

സൂപ്പർ താരം ക്രിസ്റ്റിയാനോ റൊണാൾഡോ അന്താരാഷ്ട്ര ഫുട്ബോളിൽ നിന്ന് വിരമിച്ചു

കൊച്ചിയില്‍ യുവ ഡോക്ടറെ മര്‍ദിച്ചു; യുവനടി അതുല്യ ചന്ദ്ര ഉള്‍പ്പെടെ മൂന്നുപേര്‍ അറസ്റ്റില്‍

Recent Comments

EDITOR PICKS

‘കതിര്‍’ കാർഷിക പദ്ധതിയുടെ ബ്രാൻഡ് അംബാസഡറായി മോഹൻലാൽ

സൂപ്പർ താരം ക്രിസ്റ്റിയാനോ റൊണാൾഡോ അന്താരാഷ്ട്ര ഫുട്ബോളിൽ നിന്ന് വിരമിച്ചു

POPULAR POSTS

US ഇടക്കാല തെരഞ്ഞെടുപ്പ്: ട്രംപിന്റെ തോൽവി സമ്പൂർണം, സെനറ്റും ജനപ്രതിനിധി സഭയും നേടി ഡെമോക്രാറ്റുകൾ.

രാംലീല മൈതാനിയിലെ ചലോ ദില്ലി റാലിയിൽ പങ്കെടുത്തില്ല; യൂത്ത് കോൺഗ്രസിൽ 60 പേർക്ക് സസ്പെൻഷൻ

സമൂഹ മാധ്യമങ്ങള്‍ക്കുള്ള നിയമപരമായ പരിരക്ഷ എടുത്തു കളയാനുള്ള നീക്കവുമായി കേന്ദ്ര സര്‍ക്കാര്‍

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ജൂൺ 15 | തിങ്കൾ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ജൂൺ 15

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************