കാർവർണ്ണാ ! കനിയുക നാഥാ !
കാരുണ്യം ചൊരിയുകയെന്നിൽ.
നിൻനാമം പലവുരു ചൊല്ലാം
നിർമ്മാല്യം തൊഴുതുവണങ്ങാം.
ദീപങ്ങൾ തെളിയണ നേരം
വാതിൽക്കൽ മണിയടി കേൾക്കാം.
കൺമുന്നിൽ തെളിയുകയായി.
നിൻരൂപംപലതരമെന്നിൽ.
കാർവർണ്ണാ! കനിയുക നാഥാ!
വാകപ്പൂ വിതറണ നേരം
വന്നല്ലോ പലവിധമോഹം’
കർപ്പൂരം തെളിയണപോലേ..
കാണാമിന്നടിയനു നിത്യം
പാലാഴി ചൊരിയണപോലേ.’
ക്ഷീരത്തിൽ നനയണ നേരം
കണ്ണാ ! നിൻസുരഭിലരൂപം.
കാർവർണ്ണാ! അണയുക
വേഗം
ചാഞ്ചാടുംകുറുനിരയാലേ
ഗോപീചന്ദനക്കുറി ചാർത്തീ
ആടാമോ മൃദുചുവടാലേ.
ചേലേറുംനറുചിരി തൂകീ
പാടാമോ മുരളികയിൽ നീ
പ്രേമത്താൽ മധുരിമരാഗം
കേൾക്കാം ഞാൻപ്രിയമനമോടേ…
കാർവർണ്ണാ! കനിയുക നാഥാ !
സാധിക്കുന്നിവളുടെ മോഹം.
കണ്ണാ! നിന്നധരപുടങ്ങൾ
ചുംബിക്കുന്നൊരു കുഴലാകാൻ.
നീ മീട്ടുംസ്വരലയരാഗം
എന്നിൽ ചേർന്നൊഴുകുകയല്ലോ
ഞാനോ നിർവൃതിയടയൂല്ലോ.
കാർവർണ്ണാ! അണയുക
വേഗം.
🙏