തിരുവനന്തപുരം: പാങ്ങോട് പോലീസ് സ്റ്റേഷൻ പരിസരത്ത് പിടിച്ചിട്ടിരുന്ന വാഹനങ്ങൾ തീപിടിച്ച് നശിച്ചു. ഇന്ന് രാവിലെ എട്ടേകാലോടെയാണ് സംഭവം. സ്റ്റേഷൻ വളപ്പിലെ ചപ്പുചവറുകൾ ക്ലീനിംഗ് സ്റ്റാഫ് കത്തിക്കുന്നതിനിടെ തീ വാഹനങ്ങളിലേക്ക് പടരുകയായിരുന്നു.
സ്റ്റേഷനോട് ചേർന്നുള്ള പുരയിടത്തിൽ സൂക്ഷിച്ചിരുന്ന 15 ബൈക്കുകളും ഒരു ഓട്ടോറിക്ഷയുടെ ഭാഗികമായ ഭാഗവുമാണ് കത്തിയത്. അപകടങ്ങളിൽപ്പെട്ടതും മോഷണക്കേസുകളിൽ ഉൾപ്പെട്ടതുമായ വാഹനങ്ങളാണ് ഇവയിലേറെയും. തീ പടരുന്നത് കണ്ടയുടനെ പോലീസും നാട്ടുകാരും ചേർന്ന് തീയണച്ചു.
