കേരളപ്പിറവി ആശംസകൾ
ഓരോ തലമുറയും ഓരോ സ്വഭാവം, ആശയം, വിശ്വാസം, ജീവിത ക്രമം എന്നിവ അവരുടെ അനുദിന ജീവിതത്തിൽ പിന്തുടരുന്നു. പുതുതായി വായിച്ചറിഞ്ഞ ചില ആശയങ്ങൾ ഇന്ന് കേരളപ്പിറവി ദിനത്തിൽ പങ്കു വെയ്ക്കാൻ ആഗ്രഹിക്കുകയാണ്.
🍀തലമുറകളും മാറ്റങ്ങളും
1900 മുതൽ 2039വരെയുള്ള വർഷങ്ങളെ വിവിധ തലമുറകളായി തിരിച്ചിട്ടുണ്ട്. മനുഷ്യ ചരിത്രത്തിലെ പുതിയ യുഗങ്ങളെ സൂചിപ്പിക്കാന് ഗ്രീക്ക് അക്ഷരമാലയില് നിന്നാണ് ഈ പേരുകളെടുക്കുന്നത്
1901-1924 ~greatest generation,
1925-1945~silent generation
1945-1965~baby boomers
1965-1980~generation X
1981-1996~millenials
1997-2010~Gen Z
2011 -2025 ~generation alpha
2025-2039~generation beta
2025 ജനുവരി മുതൽ ജനിച്ച കുട്ടികൾ ജനറേഷൻ ബീറ്റായിൽ ഉൾപ്പെടുന്നു.
🍀Gen-ബീറ്റാ
ജെന് ആല്ഫയുടെ പിന്ഗാമികളായി 2025 മുതല് പിറക്കുന്ന കുഞ്ഞുങ്ങളാണ് ജെനറേഷന് ബീറ്റ ടീം. 2025 മുതല് 2039 വരെ ജനിക്കുന്ന കുട്ടികളാണ് ജെന് ബീറ്റയില് ഉള്പ്പെടുക. 90സ് കിഡ്സ് കേബിള് ടിവിയും സിഡിയും, ജെന്സീ കിഡ്സ് ഇന്റര്നെറ്റ് ടീമും ആയിരുന്നെങ്കില് വിര്ച്വല് റിയാലിറ്റിയും ഇന്റര്നെറ്റ് ഓഫ് തിങ്സും (all connected together)എഐ സാങ്കേതിക വിദ്യയുമായിരിക്കും ബീറ്റ ജനറേഷന് ലോകം. ജെന് ആല്ഫ കാലത്തും ഇപ്പറഞ്ഞ സാങ്കേതിക വിദ്യകളുണ്ടെങ്കിലും തൊഴിലിടം, വിദ്യാഭ്യാസം, ആരോഗ്യം, വിനോദം തുടങ്ങി സര്വ മേഖലകളിലും എഐ, ഓട്ടോമേഷന് സാങ്കേതികവിദ്യകള് പൂര്ണമായി ഉപയോഗിക്കുന്ന ആദ്യ തലമുറ ജെന് ബീറ്റ ആയിരിക്കും. ചുരുക്കത്തില് 22-ാം നൂറ്റാണ്ടിലേക്ക് ലോകത്തെ പരുവപ്പെടുത്തുന്നത് ഇപ്പറഞ്ഞ ജെന് ബീറ്റ ആയിരിക്കുമെന്നാണ് കണക്കുകൂട്ടല്.
🍀ജനറേഷൻ ആൽഫ
2010-നും 2024-നും ഇടയിൽ ജനിച്ചവരെയാണ് ആൽഫാ തലമുറ (ജനറേഷൻ ആൽഫ എന്ന് വിളിക്കുന്നത്. ജനറേഷൻ Z-ന് ശേഷം വരുന്ന ഈ തലമുറയാണ് 21-ാം നൂറ്റാണ്ടിൽ പൂർണ്ണമായി ജനിച്ച ആദ്യത്തെ കൂട്ടർ. മില്ലെനിയൽസിന്റെ (1981-1996 )കുട്ടികളാണ് ഇവർ.
ജനറേഷന് ആല്ഫയുടെ ഓണ്ലൈന് ഭാഷാ ശൈലി അതിവേഗം പരിണമിക്കുന്നു അവരുടെ ദ്വയാര്ഥ പ്രയോഗങ്ങളും, ചുരുക്കെഴുത്തും പരിഹസിക്കുന്ന പ്രയോഗം പോലുള്ള പദങ്ങളും എഐ മോഡലുകള്ക്ക് തിരിച്ചറിയാന് ബുദ്ധിമുട്ടാണ്. ഇത്തരം ‘കോഡ് ഭാഷ’ വഴി ബുള്ളിയിങോ ചൂഷണമോ നടക്കുമ്പോള്, എഐ അധിഷ്ഠിത സുരക്ഷാ സംവിധാനങ്ങള് പലപ്പോഴും പരാജയപ്പെടുന്നു.
Gen -Z
1997-നും 2012-നും ഇടയിൽ ജനിച്ചവരെയാണ് സാധാരണയായി ജെൻ-സെഡ് (Gen Z) എന്ന് വിശേഷിപ്പിക്കുന്നത്. മില്ലെനിയൽസിനും ജനറേഷൻ ആൽഫയ്ക്കും ഇടയിലുള്ള ഈ തലമുറയെ പല പ്രത്യേകതകളും വേർതിരിക്കുന്നു.ജെൻ-സെഡ് ആണ് ശരിയായ ഡിജിറ്റൽ നേറ്റീവ്സ്. അതായത്, ഇൻ്റർനെറ്റും സ്മാർട്ട്ഫോണുകളും ഇല്ലാത്ത ഒരു ലോകം അവർക്ക് ഓർത്തെടുക്കാൻ കഴിയില്ല. ഇവർ വിവരങ്ങൾ ശേഖരിക്കുന്നതിനും ആശയവിനിമയം നടത്തുന്നതിനും വിനോദത്തിനുമായി ഡിജിറ്റൽ സാങ്കേതികവിദ്യയെ ആശ്രയിക്കുന്നു. കാലാവസ്ഥാ വ്യതിയാനം, വംശീയ നീതി, എൽജിബിടിക്യു+ അവകാശങ്ങൾ തുടങ്ങിയ സാമൂഹിക വിഷയങ്ങളിൽ ജെൻ-സെഡ് സജീവമായി ഇടപെടുന്നു.
പരിസ്ഥിതി സൗഹൃദ ഉൽപ്പന്നങ്ങളും സുസ്ഥിരമായ ബിസിനസ്സ് രീതികളും അവർക്ക് പ്രിയപ്പെട്ടതാണ്. ജെൻ-സെഡ് സ്വന്തം വ്യക്തിത്വത്തിന് വലിയ പ്രാധാന്യം നൽകുന്നു. ആധികാരികമായ അനുഭവങ്ങളും ആശയവിനിമയങ്ങളും അവർ ഇഷ്ടപ്പെടുന്നു.മാനസികാരോഗ്യ പ്രശ്നങ്ങളെക്കുറിച്ച് തുറന്നു സംസാരിക്കുന്നതിൽ ഇവർ മുൻപന്തിയിലാണ്. മുൻതലമുറകളെ അപേക്ഷിച്ച് മാനസികാരോഗ്യ വിഷയങ്ങളിൽ ജെൻ-സെഡ് കൂടുതൽ അവബോധം കാണിക്കുന്നു.
2007-09-ലെ സാമ്പത്തിക മാന്ദ്യത്തിൻ്റെ പ്രത്യാഘാതങ്ങൾ കണ്ടുവളർന്ന ഈ തലമുറ സാമ്പത്തിക കാര്യങ്ങളിൽ കൂടുതൽ യാഥാർത്ഥ്യബോധം കാണിക്കുന്നു. തൊഴിൽ സുരക്ഷിതത്വത്തിനും സാമ്പത്തിക ഭാവിക്കും അവർ പ്രാധാന്യം നൽകുന്നു.
മിക്കപ്പോഴും സ്വയം പ്രചോദിതരും മത്സരബുദ്ധിയുള്ളവരുമായിരിക്കുമ്പോൾത്തന്നെ, സഹകരിച്ച് പ്രവർത്തിക്കുന്നതിനും അവർ തയ്യാറാണ്.
ഇവർ ശ്രേണീപരമായ തൊഴിൽ ഘടനകളെക്കാൾ തുറന്ന ആശയവിനിമയമുള്ള തൊഴിലിടങ്ങൾ ഇഷ്ടപ്പെടുന്നു. പല ജെൻ-Z ആളുകൾക്കും സ്വന്തം സംരംഭങ്ങൾ തുടങ്ങാൻ താൽപ്പര്യമുണ്ട്. സ്വന്തം നിലയിൽ കാര്യങ്ങൾ ചെയ്യാനുള്ള ആഗ്രഹവും സ്വയംപര്യാപ്തതയും ഇതിന് പിന്നിലുണ്ട്.ജെൻ-z സമൂഹത്തിൻ്റെ വൈവിധ്യത്തെ വളരെയധികം ഉൾക്കൊള്ളുന്നു. വിവിധ വംശങ്ങൾ, ലിംഗഭേദങ്ങൾ, ലൈംഗികത തുടങ്ങിയ കാര്യങ്ങളിൽ അവർ തുറന്ന സമീപനം പുലർത്തുന്നു.
Gen. C
ഇനി ഇതിലൊന്നും ഉൾപ്പെടാത്ത GenC എന്നൊരു ഗ്രൂപ്പ് ഉണ്ട്. ഈ ഗ്രൂപ്പിലെ പൊതുസ്വഭാവങ്ങളും കേരളത്തിൽ ഇവരുണ്ടാക്കാൻ പോകുന്ന ജീവിത ശൈലിയിലും ഭരണരീതിയിലും ഉള്ള മാറ്റങ്ങൾ സങ്കല്പിച്ച് എഴുതാൻ ആഗ്രഹിക്കുന്നു. പ്രധാനമായും രണ്ട് ഗ്രൂപ്പ് ആണ് ഈ ലേഖനത്തിൽ വിഷയമാകുന്നത്
അതിൽ Gen -C മറ്റൊന്ന് Gen -Z ഇംഗ്ലീഷിൽ രണ്ടിനും ഉച്ചാരണത്തിൽ രണ്ടും ജെൻ -സി എന്നാണ് എങ്കിലും രണ്ടും വ്യത്യസ്ത വിഭാഗത്തിൽ ഉൾപ്പെടുന്നു. നമുക്ക് Gen C എന്താണെന്നു നോക്കാം.
🐞Gen C (ജനറേഷൻ സി) എന്നതുകൊണ്ട് സാധാരണയായി ഡിജിറ്റൽ യുഗത്തിൽ ജനിച്ച, സാങ്കേതികവിദ്യയുമായി അടുത്ത ബന്ധമുള്ള ആളുകളെയാണ് സൂചിപ്പിക്കുന്നത്. Gen C എന്നത് ഒരു പ്രത്യേക ജനറേഷൻ എന്നതിലുപരി, അവരുടെ സ്വഭാവസവിശേഷതകളെ അടിസ്ഥാനമാക്കിയുള്ള ഒരു കൂട്ടത്തെയാണ് സൂചിപ്പിക്കുന്നത്. ‘C’ എന്നത് ഇവയെല്ലാം സൂചിപ്പിക്കുന്നു.
ഇന്റർനെറ്റിലൂടെയും സോഷ്യൽ മീഡിയയിലൂടെയും നിരന്തരം ബന്ധപ്പെട്ടിരിക്കുന്നവർ.ഓൺലൈൻ കമ്മ്യൂണിറ്റികളിൽ സജീവമായ ഇടപെഴകുന്നവർ.ഓൺലൈനിൽ തങ്ങളുടെ താൽപര്യങ്ങൾക്കനുസരിച്ച് വിവരങ്ങൾ ശേഖരിക്കുകയും പങ്കുവെക്കുകയും ചെയ്യുന്നവർ. കണ്ടെന്റ് നിർമ്മിക്കുന്നതിലും പങ്കുവെക്കുന്നതിലും താൽപര്യമുള്ളവർ.
സാമൂഹ്യമാധ്യമങ്ങൾ, ഓൺലൈൻ പ്ലാറ്റ്ഫോമുകൾ, മൊബൈൽ സാങ്കേതികവിദ്യകൾ എന്നിവ ഉപയോഗിച്ച് ആശയവിനിമയം നടത്താനും, ഉള്ളടക്കം പങ്കിടാനും, തങ്ങളുടെ താൽപര്യങ്ങൾക്കനുസരിച്ചുള്ള സമൂഹങ്ങളിൽ ചേരാനും Gen C-യിലുള്ളവർക്ക് താൽപര്യമുണ്ട്. അതുകൊണ്ട്, Gen C എന്ന പദം പ്രത്യേക സമയത്ത് ജനിച്ച ആളുകളെ സൂചിപ്പിക്കുന്നതിനേക്കാൾ കൂടുതൽ അവരുടെ പെരുമാറ്റത്തെയും താൽപര്യങ്ങളെയും അടിസ്ഥാനമാക്കിയുള്ളതാണ്.
🐞gen c യും പുതു തലമുറകളും യും ചേർന്നാലുള്ള ഭാവി കേരളം
ജനറേഷൻ സി (Gen C), gen ആൽഫ, gen ബീറ്റാ എന്നിവരുടെ കൂടെ ജനറേഷൻ സ്സീ (Gen Z) ചേരുമ്പോൾ കേരളത്തിന്റെ ഭാവിയിൽ വലിയ മാറ്റങ്ങളുണ്ടായേക്കാം. ‘Gen Cഎന്നത് പ്രായത്തിനനുസരിച്ചുള്ള ഒരു തലമുറയല്ല, മറിച്ച് സാങ്കേതികവിദ്യയുമായി അഗാധമായി ബന്ധപ്പെട്ട ഒരു ഉപഭോക്തൃ സമൂഹമാണ്.
അതേസമയം, 1997-നും 2012-നും ഇടയിൽ ജനിച്ച ഡിജിറ്റൽ ലോകത്ത് ജീവിക്കുന്നവരാണ് ‘ജെൻ-z, ജെൻ- ആൽഫ, ജെൻ ബീറ്റാ എന്നിവർ ഇവരുടെ കാഴ്ചപ്പാടുകളും ശീലങ്ങളും കേരളത്തിന്റെ സാമൂഹിക, സാമ്പത്തിക, തൊഴിൽ, സാംസ്കാരിക മേഖലകളിൽ സമൂലമായ പരിവർത്തനങ്ങൾക്ക് കാരണമാകും.
ഇവർക്കെല്ലാം ഓൺലൈൻ ഷോപ്പിംഗാണ് താല്പര്യം. ആമസോൺ, ഫ്ലിപ്കാർട്ട് പോലുള്ള പ്ലാറ്റ്ഫോമുകൾക്ക് കേരളത്തിൽ കൂടുതൽ പ്രചാരം ലഭിക്കും. ഗിഗ് ഇക്കോണമിയ്ക്ക് സാധ്യത കൂടും. തൊഴിലിടങ്ങളിൽ വഴക്കമുള്ള സമീപനം ആഗ്രഹിക്കുന്നവരാണ് ജെൻ-C&Z വിപണിയുടെ കാര്യത്തിൽ ഈ തലമുറയ്ക്ക് നല്ല ധാരണയുണ്ട്, ഇവർ പണമിടപാടുകളിൽ കൂടുതൽ ശ്രദ്ധ ചെലുത്തുന്നവരാണ്.
സ്റ്റാർട്ടപ്പുകൾ, ഡിജിറ്റൽ പേയ്മെന്റുകൾ, ക്രിപ്റ്റോകറൻസി, ഇൻവെസ്റ്റ്മെന്റ് ആപ്പുകൾ എന്നിവ അവരുടെ സാമ്പത്തിക ഇടപാടുകളെ സ്വാധീനിക്കുന്നു. മാറിക്കൊണ്ടിരിക്കുന്ന തൊഴിൽ മേഖലയ്ക്ക് അനുസരിച്ച് പുതിയ നൈപുണ്യങ്ങൾ നേടേണ്ടത് അനിവാര്യമാണ്. ഇത് യുവജനങ്ങൾക്ക് പുതിയ തൊഴിലവസരങ്ങൾ നൽകും. ഓഫീസ് ജോലികളിൽപ്പോലും വീട്ടിലിരുന്ന് ജോലി ചെയ്യാനുള്ള ഓപ്ഷനുകൾ ഈ തലമുറ കൂടുതൽ ആവശ്യപ്പെട്ടേക്കാം. ഇത് തൊഴിലിടങ്ങളിലെ പരമ്പരാഗത രീതികളിൽ മാറ്റങ്ങൾ വരുത്തും.ടെക്നോളജി, ഉള്ളടക്ക നിർമ്മാണം, സോഷ്യൽ മീഡിയ മാർക്കറ്റിംഗ് തുടങ്ങിയ മേഖലകളിൽ ഇവർക്ക് വലിയ സാധ്യതകളുണ്ട്.
സാമൂഹിക പ്രശ്നങ്ങളെക്കുറിച്ച് ശക്തമായ നിലപാടുകളുള്ളവരാണ് ഈ തലമുറ. സമൂഹത്തിൽ മാറ്റങ്ങൾ കൊണ്ടുവരാൻ ഇവർക്ക് വലിയ താല്പര്യമുണ്ടാകും. ഓൺലൈൻ പ്ലാറ്റ്ഫോമുകളിലൂടെയുള്ള ഇടപെടലുകൾ പുതിയ ആശയങ്ങൾക്കും കമ്മ്യൂണിറ്റികൾക്കും രൂപം നൽകും.
ഫാഷൻ, വിനോദം, ജീവിതരീതികൾ എന്നിവയിലും ജെൻ-C&ജെൻ-z ശീലങ്ങൾ മാറ്റങ്ങൾ കൊണ്ടുവരും. സോഷ്യൽ മീഡിയയും ഇൻഫ്ലുവൻസർമാരുമായിരിക്കും ഇതിന് പ്രധാന പ്രചോദനം.മികച്ച തൊഴിലവസരങ്ങൾ തേടി കേരളത്തിന് പുറത്തേക്കും വിദേശത്തേക്കും കുടിയേറാൻ യുവതലമുറ ശ്രമിയ്ക്കും. എന്നാൽ അത് സാധ്യമാകാതെ വരുമ്പോൾ നാട്ടിൽ പ്രതിസന്ധിയും പ്രതിഷേധവും ഉയരും. ഈ മാറ്റങ്ങൾക്കനുസരിച്ച് കേരളത്തിൽ കൂടുതൽ തൊഴിലവസരങ്ങൾ സൃഷ്ടിക്കുക എന്നത് ഒരു വെല്ലുവിളിയായി മാറിയേക്കാം.
ഓൺലൈൻ ഇടപെടലുകൾ വർധിക്കുന്നതിനാൽ ഡിജിറ്റൽ സുരക്ഷ ഉറപ്പാക്കേണ്ടതുണ്ട്. സാങ്കേതികവിദ്യയുടെ ഉപയോഗത്തിലുള്ള വ്യത്യാസങ്ങൾ കാരണം പഴയ തലമുറയും പുതിയ തലമുറയും തമ്മിലുള്ള ആശയവിനിമയത്തിൽ വിടവുകൾ ഉണ്ടാകാൻ സാധ്യതയുണ്ട്.
ഈ തലമുറയുടെ ഡിജിറ്റൽ അറിവ്, സംരംഭകത്വം, സാമൂഹിക പ്രതിബദ്ധത എന്നിവ കേരളത്തിന്റെ ഭാവി രൂപപ്പെടുത്തുന്നതിൽ നിർണായക പങ്കുവഹിക്കും. ഒപ്പം, ഈ മാറ്റങ്ങളോട് ഗവണ്മെന്റ് എങ്ങനെ പൊരുത്തപ്പെടുന്നു എന്നതിനെ ആശ്രയിച്ചായിരിക്കും ഇനിയും കേരളത്തിന്റെ ഭാവി.
ലൗലി ബാബു തെക്കെത്തല ✍️



