👨‍👨‍👦‍👦മലയാളി മനസ്സ് — ആരോഗ്യ വീഥി 👨‍👨‍👦‍👦 – 2025 | ഫെബ്രുവരി 15 | ശനി

ക്ഷീണം അകറ്റാന്‍ ഡയറ്റില്‍ ഉള്‍പ്പെടുത്തേണ്ട ചില ഭക്ഷണൾ

ചില ആളുകളെ കണ്ടിട്ടില്ലെ, എപ്പോഴും ക്ഷീണമായിരിക്കും. പ്രായമാകുമ്പോൾ ക്ഷീണം തോന്നുന്നത് സ്വാഭാവികമാണ്. പക്ഷെ ചിലർക്ക് ഈ പ്രശ്നം വളരെ ചെറുപ്പത്തിൽ തന്നെ ഉണ്ടാകാറുണ്ട്. ഇത് മാറ്റാൻ ചെയ്യേണ്ട ചില കാര്യങ്ങൾ ചെയ്യേണ്ടത് വളരെ പ്രധാനമാണ്. പ്രത്യേകിച്ചും ഭക്ഷണത്തിലും മറ്റും നല്ല ശ്രദ്ധ നൽകാൻ ശ്രമിക്കണം. കൃത്യമായ വ്യായാമം, ഭക്ഷണം എന്നിവയൊക്കെ ഒരു പരിധി വരെ ക്ഷീണം മാറ്റാനുള്ള വഴികളാണ്. ഇത്തരം ക്ഷീണം മാറ്റാൻ ഡയറ്റിൽ തീർച്ചയായും ഉൾപ്പെടുത്തേണ്ട ചില ഭക്ഷണങ്ങളുണ്ട്. അവ എന്തൊക്കെ ആണെന്ന് നോക്കാം.

ഓട്സ്

ധാരാളം വൈറ്റമിനുകളും ധാതുക്കളും അടങ്ങിയിരിക്കുന്നതാണ് ഓട്സ്. പ്രത്യേകിച്ച് പ്രമേഹമുള്ളവർക്ക് ഒക്കെ ഇത് വളരെ നല്ലതാണ്. ഇതിൽ ധാരാളമായി ആൻ്റി ഓക്സിഡൻ്റുകൾ അടങ്ങിയിട്ടുണ്ട്. സ്ഥിരമായി ഇത് കഴിക്കുന്നത് ഊർജ്ജം നൽകാൻ ഓട്സ് വളരെ നല്ലതാണ്. ലയിക്കുന്ന നാരുകൾ ധാരാളമായി അടങ്ങിയിരിക്കുന്നതാണ് ഓട്സ്. കുടലിലെ നല്ല ബാക്ടീരിയകളുടെ എണ്ണം കൂട്ടാനും ഓട്സ് സഹായിക്കാറുണ്ട്.

2. ബദാം

പൊതുവെ നട്സുകൾ കഴിക്കുന്നത് ആരോഗ്യത്തിന് വളരെ നല്ലതാണെന്ന് എല്ലാവർക്കുമറിയാം. ഇതിലെ പ്രധാനിയാണ് ബദാം. ഫൈബർ, ആൻ്റി ഓക്സിഡൻ്റുകൾ, പ്രോട്ടീൻ, ആരോഗ്യകരമായ കൊഴുപ്പ് എന്നിവയൊക്കെ ഇതിൽ അടങ്ങിയിട്ടുണ്ട്. അതുകൊണ്ട് തന്നെ ശരീരഭാരം കുറയ്ക്കാൻ ആഗ്രഹിക്കുന്നവർക്കും ബദാം നല്ലൊരു ഓപ്ഷനാണ്. വർക്കൌട്ടിന് പോകുന്നതിന് മുൻപ് ബദാം കഴിക്കുന്നത് ഊർജ്ജം നൽകാൻ സഹായിക്കും. ശരീരത്തിന് ആവശ്യമായ ഊർജ്ജം നൽകാനും ആരോഗ്യത്തോടിരിക്കാനും ബദാം ഏറെ നല്ലതാണ്.

3. ചീര

ധാതുക്കളും വൈറ്റമിനുകളും ധാരാളം അടങ്ങിയിട്ടുള്ള ഭക്ഷണ വിഭവമാണ് ചീര. ശരീരത്തിന്റെ ക്ഷീണം മാറാന്‍ സഹായിക്കുന്ന ഇരുമ്പ് സത്തും ചീരയില്‍ ധാരാളമായി ഉണ്ട്. ശരീരത്തില്‍ ഇരുമ്പിന്റെ അംശം കുറയുന്നത് തലച്ചോറിലെ കോശങ്ങളിലേക്കുള്ള ഓക്സിജന്‍ വിതരണത്തെ കുറയ്ക്കുകയും ക്ഷീണത്തിന് കാരണമാകുകയും ചെയ്യും.

4. വാഴ പഴം

പൊട്ടാസ്യം, പ്രോട്ടീന്‍, ഫൈബര്‍ എന്നിവ അടങ്ങിയ ഒരു ഊര്‍ജ്ജദായകമായ വിഭവമാണ് പഴം. വര്‍ക്ക്ഔട്ടിന് മുന്‍പും ശേഷവും പഴം ശുപാര്‍ശ ചെയ്യപ്പെടുന്നതും ഇക്കാരണത്താലാണ്. ഊര്‍ജ്ജത്തിന്റെ തോത് ഉയര്‍ത്താന്‍ സഹായിക്കുന്ന കാര്‍ബോഹൈഡ്രേറ്റ്സും പഴത്തില്‍ ധാരാളമുണ്ട്. രക്തസമ്മര്‍ദം നിയന്ത്രിക്കാനും പഴം നിത്യവും കഴിക്കുന്നതുവഴി സാധിക്കും.

5. ബീറ്റ്റൂട്ട്

ചീരയെ പോലെതന്നെ ഇരുമ്പ് സത്ത് ധാരാളം അടങ്ങിയതാണ് ബീറ്റ് റൂട്ടും. ശരീരത്തിന് ഊര്‍ജ്ജം പ്രദാനം ചെയ്യുന്ന കോശങ്ങളുടെ ഉത്പാദനക്ഷമത മെച്ചപ്പെടുത്തുന്ന നൈട്രേറ്റുകളും ബീറ്റ്റൂട്ടില്‍ ഉണ്ട്. പോഷകങ്ങളുടെ കോശങ്ങളിലേക്കുള്ള വിതരണം മെച്ചപ്പെടുത്താനും ബീറ്റ്റൂട്ട് സഹായിക്കും.

6. ഈന്തപ്പഴം

ദിവസം രണ്ടോ മൂന്നോ ഈന്തപ്പഴം കഴിച്ചാല്‍ ശരീരത്തിന്റെ ഊര്‍ജ്ജനില താഴാതെ സൂക്ഷിക്കാന്‍ കഴിയും. പഞ്ചസാര അടങ്ങിയ ഭക്ഷണത്തോടുള്ള ആര്‍ത്തി കുറയ്ക്കാനും ഫൈബര്‍ ധാരാളമുള്ള ഈന്തപ്പഴം സഹായിക്കും. പഞ്ചസാരയ്ക്ക് പകരം വയ്ക്കാവുന്ന ആരോഗ്യകരവും പ്രകൃതിദത്തവുമായ വിഭവം കൂടിയാണ് ഈന്തപ്പഴം.

7. മുട്ട

ഉയര്‍ന്ന നിലവാരത്തിലുള്ള പ്രോട്ടീനും ആരോഗ്യകരമായ കൊഴുപ്പും മുട്ടയില്‍ അടങ്ങിയിരിക്കുന്നു. ഇരുമ്പ്, കൊളീന്‍, വൈറ്റമിന്‍ ഡി, വൈറ്റമിന്‍ ബി-12 എന്നിവയാലും മുട്ട സമ്പന്നമാണ്. ദിവസം മുഴുവന്‍ ശരീരത്തിന് ഊര്‍ജ്ജം പകര്‍ന്ന് ക്ഷീണമകറ്റാന്‍ മുട്ടയ്ക്ക് സാധിക്കും.