📱വാർത്തകൾ ഒറ്റനോട്ടത്തിൽ📱 – 2024 | സെപ്റ്റംബർ 26 | വ്യാഴം ✍ കപിൽ ശങ്കർ

🔹പ്രതീക്ഷയുടെ ഒരു കണം ബാക്കി വച്ച് 72 ദിവസം നീണ്ട ആ കാത്തിരിപ്പിന് വിട നല്‍കി കര്‍ണാടകയിലെ ഷിരൂരിലുണ്ടായ മണ്ണിടിച്ചിലില്‍ കാണാതായ അര്‍ജുന്റെ മൃതദേഹം ഗംഗാവാലി പുഴയില്‍ നിന്ന് കണ്ടെത്തി. ഡ്രെഡ്ജര്‍ ഉപയോഗിച്ച് ഇന്നലെ നടത്തിയ നിര്‍ണായക പരിശോധനയിലാണ് അര്‍ജുന്റെ ലോറിയും ലോറിക്കുള്ളില്‍ നിന്ന് മൃതദേഹവും കണ്ടെത്തിയത്. ലോറിയുടെ ക്യാബിനാണ് ആദ്യം പുറത്തെത്തിച്ചത്. പിന്നീട് ലോറിയുടെ ക്യാബിന്‍ ഉയര്‍ത്തിയപ്പോഴാണ് ഉളളില്‍ മൃതദേഹം ഉളളതായി കണ്ടെത്തിയത്. ലോറിയും അര്‍ജുന്റെ ശരീരവും കണ്ടെത്തിയത് ഗംഗാവലി പുഴയുടെ 12 മീറ്റര്‍ ആഴത്തില്‍ നിന്നായിരുന്നു. ഏറെക്കുറെ അസാധ്യമെന്നുതന്നെ കരുതിയിരുന്നിടത്തുനിന്ന് നിശ്ചയദാര്‍ഢ്യത്തിന്റെയും തളരാത്ത ശുഭാപ്തിവിശ്വാസത്തിന്റെയും പിന്‍ബലത്തിലാണ് അര്‍ജുനിലേക്ക് തിരച്ചില്‍ സംഘം എത്തിച്ചേര്‍ന്നത്.

🔹അര്‍ജുന്റെ ലോറി ഗംഗാവലി പുഴയില്‍ നിന്ന് പൂര്‍ണ്ണമായി കരക്കെത്തിച്ചത് ഇന്ന് രാവിലെ. ലോറിയില്‍ നിന്ന് അര്‍ജുന്‍ യാത്രയില്‍ ഉപയോഗിച്ച മിക്ക വസ്തുക്കളും കണ്ടെടുത്തു. അര്‍ജുന്റെ ബാഗ്, രണ്ട് ഫോണുകള്‍, പാചകത്തിനുപയോഗിക്കുന്ന കുക്കര്‍ ഉള്‍പ്പെടെയുള്ള പാത്രങ്ങള്‍, വാച്ച്, ചെരിപ്പുകള്‍ എന്നിവയാണ് കണ്ടെടുത്തത്. കാബിന്റെ ഭാഗത്തുള്ള ചെളി നീക്കിയപ്പോഴാണ് അര്‍ജുന്‍ ഉപയോഗിച്ചിരുന്ന വസ്തുക്കള്‍ കിട്ടിയത്.

🔹അര്‍ജുന്റെ മൃതദേഹം കണ്ടെത്തിയപ്പോള്‍ വിങ്ങിപ്പൊട്ടി ലോറി ഉടമയും സുഹൃത്തുമായ മനാഫ്. ഒരു സാധാരണ മനുഷ്യന് ചെയ്യാന്‍ കഴിയുന്നതിന്റെ പരമാവധി ചെയ്തെന്നും അര്‍ജുന്റെ അമ്മയ്ക്ക് നല്‍കിയ വാക്ക് താന്‍ പാലിച്ചെന്നും മനാഫ് പ്രതികരിച്ചു.

🔹കര്‍ണാടകയിലെ ഗംഗാവലി പുഴയില്‍ നിന്നും അര്‍ജുന്റെ ലോറി കരക്കെത്തിച്ചപ്പോള്‍ കണ്ടെത്തിയതില്‍ മകന്റെ കളിപ്പാട്ടവും. ഈ കളിപ്പാട്ടം ലോറിയില്‍ കാബിന് മുന്നില്‍ വെച്ചാണ് അര്‍ജുന്‍ യാത്ര ചെയ്തിരുന്നതെന്നും മകന് വേണ്ടി അര്‍ജുന്‍ വാങ്ങി നല്‍കിയതായിരുന്നു ഇതെന്നും അനിയന്‍ അഭിജിത്ത് പറഞ്ഞു. ലോറിയുമായി ദൂരയാത്രയ്ക്ക് പോയപ്പോള്‍ മകന്റെ ഓര്‍മ്മകളെ ഒപ്പം കൂട്ടാനായി അര്‍ജുന്‍ കൊണ്ടുപോയതായിരുന്നു ഈ കളിപ്പാട്ടം.

🔹ഷിരൂര്‍ മണ്ണിടിച്ചിലില്‍ ജീവന്‍ നഷ്ടമായ അര്‍ജുന്റെ കുടുംബത്തിന് സാമ്പത്തിക സഹായം നല്‍കുന്ന കാര്യം പരിഗണിക്കുമെന്ന് കര്‍ണാടക മുഖ്യമന്ത്രി ഉറപ്പ് നല്‍കിയെന്ന് എം കെ രാഘവന്‍ എംപി. ഇക്കാര്യം മുഖ്യമന്ത്രി സിദ്ധരാമയ്യയോട് ഉന്നയിച്ചിരുന്നു. ഒരു മലയാളിയെ കണ്ടെത്താന്‍ കര്‍ണാടക സര്‍ക്കാര്‍ നടത്തിയ പരിശ്രമത്തിന് നന്ദിയെന്നും സന്മനസ്സാണ് കര്‍ണാടക സര്‍ക്കാര്‍ കാണിച്ചതെന്നും മനുഷ്യസാധ്യമായതെല്ലാം ഷിരൂരില്‍ ചെയ്‌തെന്നും അദ്ദേഹം പറഞ്ഞു.ണ്ടി കര്‍ണാടക സര്‍ക്കാര്‍ നടത്തിയതെന്നും കെ സി വേണുഗോപാല്‍ പറഞ്ഞു.

🔹അര്‍ജുനെ കണ്ടെത്തിയ ഷിരൂര്‍ ദൗത്യത്തില്‍ കര്‍ണാടക സര്‍ക്കാരിന് നന്ദി അറിയിച്ച് മുഖ്യമന്ത്രി പിണറായി വിജയന്‍. കര്‍ണാടക മുഖ്യമന്ത്രി സിദ്ധരാമയ്യയ്ക്ക് കത്തയച്ചാണ് പിണറായി വിജയന്‍ നന്ദി അറിയിച്ചത്. സംസ്ഥാനത്തിന്റെ അഭ്യര്‍ത്ഥനകളോട് കര്‍ണാടക ആത്മാര്‍ത്ഥമായി പ്രതികരിച്ചുവെന്നും അതില്‍ കേരളത്തിന്റെ ആത്മാര്‍ത്ഥമായ നന്ദി അറിയിക്കുന്നുവെന്നും പിണറായി വിജയന്‍ കത്തില്‍ പറഞ്ഞു.

🔹ശരിയായ അന്വേഷണം നടത്താതെയാണ് ബലാത്സംഗ കേസില്‍ തന്നെ പ്രതിയാക്കിയതെന്ന് നടന്‍ സിദ്ദിഖ് സുപ്രീം കോടതിയില്‍ സമര്‍പ്പിച്ച മുന്‍കൂര്‍ ജാമ്യാപേക്ഷയില്‍ വ്യക്തമാക്കുന്നു. താരസംഘടനയായ അമ്മയും ഡബ്ല്യുസിസിയും തമ്മിലുള്ള തര്‍ക്കത്തിന്റെ ഇരയാണ് താനെന്നും ജാമ്യാപേക്ഷയിലുണ്ട്. ഓണ്‍ലൈന്‍ ആയാണ് സുപ്രീം കോടതിയില്‍ ഹര്‍ജി ഫയല്‍ ചെയ്തത്.

🔹നടന്‍ സിദ്ദിഖിനെ പിടികൂടാത്തതില്‍ പോലീസിനെ രൂക്ഷമായി വിമര്‍ശിച്ച് സി.പി.ഐ മുഖപത്രം ജനയുഗം. കടുത്ത കുറ്റങ്ങള്‍ ആരോപിക്കപ്പെട്ട സിദ്ദിഖിനെ പിടികൂടുന്നതില്‍ അന്വേഷണസംഘത്തിന് അമാന്തമുണ്ടായോ എന്ന സംശയവുമുയര്‍ന്നിട്ടുണ്ടെന്ന് ലേഖനത്തില്‍ പറയുന്നു. പഴുതുണ്ടാകരുത് പണക്കൊഴുപ്പിന്, അതിജീവിതര്‍ക്ക് നീതി ലഭിക്കണം എന്ന തലക്കെട്ടിലുള്ള മുഖപ്രസംഗത്തിലാണ് രൂക്ഷവിമര്‍ശനം.

🔹ബലാത്സംഗക്കേസില്‍ മുന്‍കൂര്‍ ജാമ്യഹര്‍ജി തള്ളി മൂന്ന് ദിവസമായിട്ടും നടന്‍ സിദ്ദിഖിനെ അറസ്റ്റ് ചെയ്യാതെ പൊലീസ്. സിദ്ദിഖ് എവിടെയെന്ന് പോലും കണ്ടെത്താന്‍ കഴിയാതെ ലുക്ക് ഔട്ട് നോട്ടീസിറക്കി കാത്തിരിക്കുകയാണ് അന്വേഷണസംഘം. സുപ്രീംകോടതി മുന്‍കൂര്‍ ജാമ്യഹര്‍ജി പരിഗണിക്കുന്നത് വരെ പിടികൊടുക്കേണ്ടെന്നാണ് അഭിഭാഷകര്‍ സിദ്ദിഖിനോട് നിര്‍ദേശിച്ചിരിക്കുന്നതെന്നാണ് റിപ്പോര്‍ട്ട്.

🔹തൃശൂരില്‍ സ്റ്റുഡന്റ് പൊലീസ് കേഡറ്റിനെ പീഡിപ്പിച്ചുവെന്ന പരാതിയില്‍ കേരള പൊലീസ് ഗ്രേഡ് എസ്.ഐ ചന്ദ്രശേഖരനെ പൊലീസ് കസ്റ്റഡിയിലെടുത്തു. രണ്ടു വര്‍ഷം മുമ്പ് ചാപ്പാറ വിനോദ സഞ്ചാര കേന്ദ്രത്തിന് സമീപത്ത് കാറില്‍ വച്ച് പീഡിപ്പിച്ചെന്ന് വിദ്യാര്‍ത്ഥിനി കൗണ്‍സിലിങില്‍ വെളിപ്പെടുത്തിയതിനെ തുടര്‍ന്നാണ് എസ്.ഐയെ കസ്റ്റഡിയിലെടുത്തത്. പെണ്‍കുട്ടിയുടെ വെളിപ്പെടുത്തല്‍ പൊലീസിനെ അറിയിച്ചതിന് പിന്നാലെ തൃശൂര്‍ റൂറല്‍ വനിതാ പൊലീസ് കേസെടുത്തിരുന്നു.

🔹തൃശൂര്‍ പൂരം കലക്കലില്‍ എഡിജിപി എംആര്‍ അജിത് കുമാറിന്റെ റിപ്പോര്‍ട്ട് തള്ളി പുതിയ അന്വേഷണത്തിന് ശുപാര്‍ശ. അജിത് കുമാറിനെതിരെ ഡിജിപിതല അന്വേഷണത്തിനും പൂരം കലക്കലില്‍ മറ്റൊരു അന്വേഷണത്തിനുമാണ് ആഭ്യന്തര സെക്രട്ടറി ബിശ്വനാഥ് സിന്‍ഹയുടെ ശുപാര്‍ശ. സ്ഥലത്തുണ്ടായിട്ടും പൂരം തടസപ്പെട്ടപ്പോള്‍ അജിത് കുമാര്‍ ഇടപെടാത്തതില്‍ കടുത്ത വിമര്‍ശനമാണ് ഡിജിപി ഉന്നയിച്ചത്. റിപ്പോര്‍ട്ട് അഞ്ച് മാസം വൈകിയതിലുമുണ്ടായിരുന്നു കുറ്റപ്പെടുത്തല്‍.

🔹അന്തരിച്ച മുതിര്‍ന്ന സിപിഎം നേതാവ് എം എം ലോറന്‍സിന്റെ മൃതദേഹം വൈദ്യ പഠനത്തിന് വിട്ടുനല്‍കും. എറണാകുളം സര്‍ക്കാര്‍ മെഡിക്കല്‍ കോളേജ് പ്രിന്‍സിപ്പല്‍ ഡോ. പ്രതാപ് സോമനാഥാണ് ഇക്കാര്യം അറിയിച്ചത്. ഹൈക്കോടതി നിര്‍ദേശപ്രകാരം ലോറന്‍സിന്റെ മക്കളുടെ വാദമുഖങ്ങള്‍ കേട്ട ശേഷമാണ് പ്രിന്‍സിപ്പല്‍ തീരുമാനം പ്രഖ്യാപിച്ചത്.കേരള അനാട്ടമി ആക്ട് പ്രകാരമാണ് കളമശേരി മെഡിക്കല്‍ കോളേജ് ഉപദേശക സമിതിയുടെ തീരുമാനം. എംഎം ലോറന്‍സിന്റെ ആഗ്രഹം അത് തന്നെ ആയിരുന്നുവെന്ന് കൃത്യവും വ്യക്തവും വിശ്വാസ യോഗ്യവുമായ സാക്ഷി മൊഴി ഉണ്ടായിരുന്നുവെന്ന് കളമശേരി മെഡിക്കല്‍ കോളേജ് ഉപദേശക സമിതി വിലയിരുത്തി.

🔹ഫിഷറീസ് വകുപ്പിലെ 662 താത്കാലിക ജീവനക്കാരെ വാട്‌സാപ്പ് സന്ദേശം വഴി പിരിച്ചുവിട്ടതായി റിപ്പോര്‍ട്ട്. ജനകീയ മത്സ്യക്കൃഷിയുടെ നൂറോളം പ്രോജക്ട് കോഡിനേറ്റര്‍മാര്‍, 565 അക്വാകള്‍ച്ചര്‍ പ്രമോട്ടര്‍മാര്‍ എന്നിവരെയാണ് കരാര്‍ കാലാവധി അവസാനിക്കാന്‍ ദിവസങ്ങള്‍ ബാക്കിയുള്ളപ്പോള്‍ ഉത്തരവിറക്കാതെ വാട്‌സാപ്പ് സന്ദേശമയച്ച് ഒഴിവാക്കിയത്.

🔹വേണാട് എക്‌സ്പ്രസിന് കൂടുതല്‍ കോച്ച് അനുവദിക്കണം എന്നാവശ്യപ്പെട്ട് മന്ത്രി വി. അബ്ദുറഹിമാന്‍ റെയില്‍വേ ബോര്‍ഡ് ചെയര്‍മാന് കത്തെഴുതി. കൊല്ലം-എറണാകുളം റൂട്ടില്‍ പുതിയ മെമു സര്‍വീസ് ആരംഭിക്കണമെന്നും കത്തില്‍ ആവശ്യപ്പെട്ടിട്ടുണ്ട്.കേരളത്തിലെ ട്രെയിന്‍ യാത്രാദുരിതം പരിഹരിക്കാന്‍ അടിയന്തര നടപടികള്‍ സ്വീകരിച്ചില്ലെങ്കില്‍ ഭാവിയില്‍ ഗുരുതര പ്രതിസന്ധികള്‍ ഉടലെടുക്കുമെന്ന് മന്ത്രി കത്തില്‍ ചൂണ്ടിക്കാട്ടി.

🔹നടിയെ ആക്രമിച്ച കേസില്‍ മെമ്മറി കാര്‍ഡ് തുറന്നു പരിശോധിച്ചതിലെ വസ്തുതാന്വേഷണ റിപ്പോര്‍ട്ടിനെതിരായ ഹര്‍ജി ഹൈക്കോടതി വിധി പറയാനായി മാറ്റി. അതിജീവിത നല്‍കിയ ഹര്‍ജിയാണ് വിധി പറയാന്‍ മാറ്റിയത്. ജഡ്ജിയുടെ റിപ്പോര്‍ട്ട് റദ്ദാക്കി ഉന്നത പൊലീസുദ്യോഗസ്ഥന്റെ നേതൃത്വത്തില്‍ അന്വേഷിക്കണമെന്നാണ് നടിയുടെ ആവശ്യം.

🔹ഓപ്പറേഷന്‍ വിസ്ഫോടന്‍” എന്ന പേരില്‍ വിജിലന്‍സ് നടത്തിയ മിന്നല്‍ പരിശോധനയില്‍ ക്രമക്കേടുകള്‍ കണ്ടെത്തി. സംസ്ഥാനത്ത് വെടിമരുന്ന് കൈകാര്യം ചെയ്യുന്നതിന് ലൈസന്‍സ് അനുവദിക്കുന്നതിലും പുതുക്കി നല്‍കുന്നതിലും ക്രമക്കേടുകള്‍ നടക്കുന്നതായി ലഭിച്ച രഹസ്യ വിവരത്തിന്റെ അടിസ്ഥാനത്തില്‍ ആണ് ‘ഓപ്പറേഷന്‍ വിസ്ഫോടന്‍” നടത്തിയത്. മിന്നല്‍ പരിശോധനയില്‍ കണ്ടെത്തുന്ന ക്രമക്കേടുകളെ പറ്റി വിശദമായ റിപ്പോര്‍ട്ട് സംസ്ഥാന സര്‍ക്കാരിന് തുടര്‍നടപടികള്‍ക്കായി കൈമാറുന്നതാണെന്നും വിജിലന്‍സ് വൃത്തങ്ങള്‍ അറിയിച്ചു.

🔹ചാലക്കുടി കാരൂരില്‍ ബേക്കറി യൂണിറ്റിന്റെ മാലിന്യക്കുഴിയിലിറങ്ങിയ 2 പേര്‍ ശ്വാസം മുട്ടി മരിച്ചു. റോയല്‍ ബേക്കേഴ്സിന്റെ നിര്‍മ്മാണ യൂണിറ്റിനോട് ചേര്‍ന്ന മാലിന്യക്കുഴിയിലാണ് അപകടം ഉണ്ടായത്. ജിതേഷ് (45), സുനില്‍കുമാര്‍ (52) എന്നിവരാണ് മരിച്ചത്. ചാലക്കുടിയില്‍ നിന്ന് ഫയര്‍ഫോഴ്സ് എത്തിയാണ് മൃതദേഹം പുറത്തെടുത്തത്.

🔹കര്‍ണാടകയിലെ ബാംഗ്ലൂരുവില്‍ യുവതിയെ കൊലപ്പെടുത്തി കഷ്ണങ്ങളാക്കി ഫ്രിഡ്ജില്‍ ഒളിപ്പിച്ച പ്രതിയെ ഒഡീഷയില്‍ തൂങ്ങി മരിച്ച നിലയില്‍ കണ്ടെത്തി. മഹാലക്ഷ്മി കൊലക്കേസിലെ പ്രതി മുക്തി രഞ്ജന്‍ റോയിയെയാണ് ആത്മഹത്യ ചെയ്ത നിലയില്‍ കണ്ടെത്തിയത്. മുക്തി രഞ്ജന്‍ റോയി ഒഡീഷയില്‍ ഉണ്ടെന്നറിഞ്ഞ് അന്വേഷണ സംഘം കസ്റ്റഡിയില്‍ എടുക്കാന്‍ എത്തിയപ്പോഴാണ് ഒരു മരത്തില്‍ കെട്ടി തൂങ്ങിയ നിലയില്‍ കണ്ടെത്തിയത്.

🔹സ്വന്തം അമ്മയെ ബലാത്സംഗം ചെയ്യുകയും തന്റെ ഭാര്യയായി കഴിയാന്‍ നിര്‍ബന്ധിക്കുകയും ചെയ്ത് യുവാവ്. വിധവയായ അമ്മയെ ബലാത്സംഗം ചെയ്ത കേസില്‍ ഉത്തര്‍പ്രദേശിലെ ബുലന്ദ്ഷഹര്‍ ജില്ലയില്‍ 36 കാരനായ യുവാവിനെ കോടതി ജീവപര്യന്തം തടവിന് ശിക്ഷിച്ചു. ആബിദ് എന്ന പ്രതിക്ക് 51,000 രൂപ പിഴയും കോടതി വിധിച്ചു. പബ്ലിക് പ്രോസിക്യൂട്ടര്‍ വിജയ് ശര്‍മ്മ പറയുന്നതനുസരിച്ച്, കഴിഞ്ഞ വര്‍ഷം ജനുവരി 16 ന് 60 കാരിയായ സ്ത്രീയും പ്രതിയും മൃഗങ്ങള്‍ക്ക് തീറ്റ എടുക്കാന്‍ വീടിനടുത്തുള്ള ഫാമിലേക്ക് പോയ സമയത്താണ് സംഭവം.
മൃഗങ്ങള്‍ക്ക് തീറ്റ കൊടുക്കുന്നതിനിടെ, ആബിദ് അമ്മയെ ആക്രമിക്കുകയും വായില്‍ തുണി തിരുകുകയും തുടര്‍ന്ന് ബലാത്സംഗം ചെയ്യുകയുമായിരുന്നു. ഇതിന് പിന്നാലെ ഭാര്യയെപോലെ തന്നോടൊപ്പം ജീവിക്കാന്‍ ആബിദ് അമ്മയോട് ആവശ്യപ്പെടുകയായിരുന്നു. പീഡനവിവരം പുറത്തുപറഞ്ഞാല്‍ കൊല്ലുമെന്നും പ്രതി അമ്മയെ ഭീഷണിപ്പെടുത്തി. എന്നാല്‍ സംഭവം സ്ത്രീ അയല്‍വാസികളോട് പറഞ്ഞു. അയല്‍വാസികള്‍ പിന്നീട് സ്ത്രീയുടെ ഇളയമകനെ വിവരം അറിയിച്ചു.
തുടര്‍ന്ന്, 2023 ജനുവരി 22ന് എഫ്‌ഐആര്‍ രജിസ്റ്റര്‍ ചെയ്യുകയും ആബിദിനെ ബുലന്ദ്ഷഹര്‍ പൊലീസ് അറസ്റ്റ് ചെയ്യുകയുമായിരുന്നു. ഒരു വര്‍ഷത്തിലേറെ നീണ്ട വാദം കേള്‍ക്കലിനൊടുവില്‍ ആബിദിനെ കോടതി ജീവപര്യന്തം തടവിന് ശിക്ഷിച്ചു, 51,000 രൂപ പിഴയും ചുമത്തി.

🔹താഴ്ന്ന ശ്രേണിയിൽ പെട്ട ബസ്സുകൾ ഉയർന്ന ശ്രേണിയിലെ ബസ്സുകളെ ഓവർടേക്ക് ചെയ്യരുതെന്ന് നിർദ്ദേശം പുറപ്പെടുവിച്ച് കെഎസ്ആർടിസി. സുരക്ഷിതമായും കൃത്യസമയത്തും നിർദ്ദിഷ്ട സ്ഥലങ്ങളിൽ എത്തുന്നതിനായാണ് ഉയർന്ന ശ്രേണിയിൽ പെട്ട ബസ്സുകളെ കൂടിയ ടിക്കറ്റ് നിരക്ക് നൽകി യാത്രയ്ക്കായി പൊതുജനങ്ങൾ തെരഞ്ഞെടുക്കുന്നത്. എന്നാൽ ചില അവസരങ്ങളിലെങ്കിലും താഴ്ന്ന ശ്രേണിയിൽ പെട്ട ബസ്സുകൾ മിന്നൽ അടക്കമുള്ള ഉയർന്ന ശ്രേണിയിൽ പെട്ട ബസ്സുകൾക്ക് സൈഡ് നൽകാതിരിക്കുന്നതായും മത്സരിച്ച് ഓവർ ടേക്ക് ചെയ്യുന്നതായും പരാതികൾ ഉണ്ടാകുന്നുണ്ട്.

🔹മൈസൂര്‍ അര്‍ബന്‍ ഡെവലപ്‌മെന്റ് അതോറിറ്റി (മുഡ) സ്ഥലം അനുവദിച്ച കേസില്‍ കര്‍ണാടക മുഖ്യമന്ത്രി സിദ്ധരാമയ്യക്കെതിരെ പൊലീസ് അന്വേഷണത്തിന് ലോകായുക്ത ഉത്തരവിട്ടതോടെ മുഖ്യമന്ത്രി രാജി വെക്കണമെന്നാവശ്യപ്പെട്ട് പ്രതിപക്ഷമായ ബിജെപിയും ജെഡിഎസും രംഗത്ത്. കേസന്വേഷണം സിബിഐയെ ഏല്‍പ്പിക്കണമെന്ന് ബിജെപി അധ്യക്ഷന്‍ ബി വൈ വിജയേന്ദ്ര പറഞ്ഞു.

🔹കനത്ത മഴയെ തുടര്‍ന്ന് മുംബൈ നഗരത്തില്‍ പലയിടത്തും വെള്ളക്കെട്ട് രൂപപ്പെട്ടു. റോഡുകളിലും റെയില്‍വേ ട്രാക്കുകളിലും വെള്ളം കയറിയതോടെ റോഡ്- റെയില്‍ ഗതാഗതം പ്രതിസന്ധിയിലായി. കാലാവസ്ഥ മോശമായതോടെ നിരവധി വിമാനങ്ങള്‍ വഴിതിരിച്ചുവിട്ടു. മഴ ശക്തമായ സാഹചര്യത്തില്‍ മുംബൈയിലെ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി പ്രഖ്യാപിച്ചു.

🔹അമിത വേഗത്തിലെത്തിയ കാര്‍ ട്രെയിലറിലേക്ക് ഇടിച്ച് കയറി യാത്രികരായ ഏഴ് പേര്‍ക്ക് ദാരുണാന്ത്യം. ഗുജറാത്തിലെ സബര്‍കാന്ത ജില്ലയിലെ ഹിമന്ത്നഗറിന് സമീപമാണ് ബുധനാഴ്ച രാവിലെ അപകടമുണ്ടായത്. ഷാംലാജിയില്‍ നിന്ന് അഹമ്മദാബാദിലേക്ക് പോവുകയായിരുന്ന ആളുകളായിരുന്നു കാറിലുണ്ടായിരുന്നത്.

🔹കുവൈറ്റ്-ഇറാന്‍ സമുദ്രാതിര്‍ത്തിയിലുണ്ടായ കപ്പലപകടത്തില്‍ കാണാതായ രണ്ട് ഇന്ത്യക്കാരുടെ മൃതദേഹം കണ്ടെത്തി. ഒരു മലയാളി അടക്കം രണ്ട് പേരുടെ മൃതദ്ദേഹം ആണ് കിട്ടിയതെന്ന് സൂചനയുണ്ട്. ഒപ്പം രണ്ട് ഇറാന്‍ പൗരന്മാരുടെ മൃതദേഹവും കിട്ടി. ഇവരുടെ വിവരം കുവൈറ്റ് ഔദ്യോഗികമായി കൈമാറിയിട്ടില്ല. എല്ലാ ശ്രമവും തുടരുന്നുവെന്ന് അധികൃതര്‍ അറിയിച്ചു.

🔹ഗുസ്തി താരവും ഹരിയാണയിലെ കോണ്‍ഗ്രസ് സ്ഥാനാര്‍ഥിയുമായ വിനേഷ് ഫോഗട്ടിന് നോട്ടീസയച്ച് ദേശീയ ഉത്തേജക വിരുദ്ധ ഏജന്‍സിയായ നാഡ. ഉത്തേജക മരുന്ന് പരിശോധനയ്ക്കായി ഉണ്ടാകുമെന്നറിയിച്ച സ്ഥലത്ത് ഇല്ലാതിരുന്നതിനാലാണ് വിശദീകരണം ചോദിച്ച് നാഡ നോട്ടീസയച്ചത്. 14 ദിവസത്തിനകം വിശദീകരണം നല്‍കണമെന്നാണ് നോട്ടീസില്‍ അറിയിച്ചിരിക്കുന്നത്.

🔹ധ്രുവ് വിക്രം നായകനായി എത്തുന്ന ഏറ്റവും പുതിയ ചിത്രം ‘ബൈസണി’ന്റെ പുതിയ പോസ്റ്റര്‍ റിലീസ് ചെയ്തു. കൂറ്റര്‍ കാളയുടെ അസ്ഥികുട തല മറച്ച് പിടിച്ച് നില്‍ക്കുന്ന ധ്രുവ് ആണ് പോസ്റ്ററില്‍ ഉള്ളത്. അനുപമ പരമേശ്വരന്‍ നായികയായി എത്തുന്ന ചിത്രം സ്പോര്‍ട്സ് ഡ്രാമയാണ്. അതേസമയം, മനതി ഗണേശന്‍ എന്ന കബഡി താരത്തിന്റെ ബയോപിക്കായിരിക്കില്ല ബൈസണെന്ന് സംവിധായകന്‍ മാരി സെല്‍വരാജ് നേരത്തെ വ്യക്തമാക്കിയിരുന്നു. ബൈസണിന്റെ പ്രമേയം സാങ്കല്‍പിക കഥയായിരിക്കും. മലയാളത്തില്‍ നിന്ന് രജിഷ വിജയനൊപ്പം ചിത്രത്തില്‍ ലാലും പ്രധാന വേഷത്തില്‍ എത്തുന്നുണ്ട്.

തയ്യാറാക്കിയത്:
കപിൽ ശങ്കർ

0 Likes

📱വാർത്തകൾ ഒറ്റനോട്ടത്തിൽ📱 – 2024 | സെപ്റ്റംബർ 26 | വ്യാഴം ✍ കപിൽ ശങ്കർ

തയ്യാറാക്കിയത്:
കപിൽ ശങ്കർ

പശ്ചിമേഷ്യൻ സംഘർഷം: ഹോര്‍മൂസ് കടലിടുക്കില്‍ ഏഴ് കപ്പലുകള്‍ക്ക് നേരെ ആക്രമണം നടത്തിയെന്ന് ഇറാന്‍

അന്നമ്മ നെടിയകാലായിലിന്റെ നിര്യാണത്തിൽ ഇന്ത്യാ പ്രസ് ക്ലബ് ഓഫ് നോർത്ത് അമേരിക്ക അനുശോചിച്ചു

സൈജൻ കണിയോടിക്കൽ ഫോമാ പബ്ലിക് റിലേഷൻസ് ഓഫീസറായി തിരഞ്ഞെടുക്കപ്പെട്ടു

LEAVE A REPLY Cancel reply

Most Popular

പശ്ചിമേഷ്യൻ സംഘർഷം: ഹോര്‍മൂസ് കടലിടുക്കില്‍ ഏഴ് കപ്പലുകള്‍ക്ക് നേരെ ആക്രമണം നടത്തിയെന്ന് ഇറാന്‍

ടെന്‍ഡര്‍ ഇല്ലാതെ കരാര്‍ നല്‍കിയെന്ന് തെളിയിച്ചാല്‍ ഒരു കോടി രൂപ ഇനാം നൽകാം; കാർട്ടൺ ഇന്ത്യ അലയൻസ്

മലപ്പുറം എടക്കര പാലാട് ഗൈഡൻസ് പബ്ലിക് സ്കൂളിൽ തീപിടിത്തം

Recent Comments

EDITOR PICKS

പശ്ചിമേഷ്യൻ സംഘർഷം: ഹോര്‍മൂസ് കടലിടുക്കില്‍ ഏഴ് കപ്പലുകള്‍ക്ക് നേരെ ആക്രമണം നടത്തിയെന്ന് ഇറാന്‍

ടെന്‍ഡര്‍ ഇല്ലാതെ കരാര്‍ നല്‍കിയെന്ന് തെളിയിച്ചാല്‍ ഒരു കോടി രൂപ ഇനാം നൽകാം; കാർട്ടൺ ഇന്ത്യ അലയൻസ്

POPULAR POSTS

രണ്ടാനമ്മയെ യുവാവ് തീകൊളുത്തി കൊന്നു

സൗദി എണ്ണപ്പാടത്തിന് നേരെ ഹൂതി ആക്രമണം; രണ്ട് പേര്‍ക്ക് ദാരുണാന്ത്യം, ഇന്ത്യന്‍ പൗരനുള്‍പ്പെടെ പരിക്ക്.

ഇന്ത്യയിൽ വൈദ്യുത നിലയങ്ങളിൽ കൽക്കരി ക്ഷാമം രൂക്ഷം; വൈദ്യുതി പ്രതിസന്ധിക്ക് സാധ്യത.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2024 | സെപ്റ്റംബർ 26 | വ്യാഴം ✍ കപിൽ ശങ്കർ

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

തയ്യാറാക്കിയത്:
കപിൽ ശങ്കർ