🌹 ചിന്താ പ്രഭാതം 🌹 – 2024 | സെപ്റ്റംബർ 19 | വ്യാഴം ✍ ബേബി മാത്യു അടിമാലി

തെറ്റുകളും,കുറവുകളും, പരാജയങ്ങളും ജീവിതത്തിലുണ്ടാവുക സ്വാഭാവികം തന്നെയാണ്. ഒരാളുടെ വ്യക്തിത്വത്തെ സ്വാധീനിക്കുന്ന അവയെ കാര്യമാക്കാതിരിക്കുകയും, സമ്മതിക്കാതിരിക്കുകയും ചെയ്യുന്നതാണ് വലിയ തോൽവി.

ചുറ്റുപാടുകളിൽ നിന്നും എത്രയൊക്കെ വിട്ടുപിടിച്ചാലും സ്വന്തം മനസാക്ഷിയെ നമുക്ക് എതിർത്തു നിൽക്കാനാവില്ല. നമുക്കുണ്ടാവുന്ന പാകപിഴകൾ സത്യത്തിന്റെ പ്രകാശത്തിൽ അവലോകനം ചെയ്തു ജീവിതത്തെ കൂടുതൽ നവീകരിക്കാൻ ശ്രമിക്കുക.

ഹൃദയങ്ങൾ തമ്മിലുളള കളങ്കമില്ലാത്ത ഒത്തൊരുമയിലൂടെയും നിഷ്കളങ്കമായ വിട്ടുവീഴ്ചയിലൂടെയുമാണ് സുഹൃത്ബന്ധങ്ങൾ രൂപപ്പെടുന്നത്.

സൗഹൃദത്തിന് അതിരുകളോ മാനദണ്ഡങ്ങളോ ഇല്ല. സംഘർഷങ്ങളുടെ ലോകത്ത് സ്നേഹ ബന്ധങ്ങളുടെ തണലിലാണ് നമുക്ക് ഹൃദയവേദനകൾ ഇറക്കി വെക്കാനാവുക.

ഹൃദയത്തിന്റെ മുഴുവൻ അറകളും ഇഷ്ടപ്പെട്ടവർക്കു മുമ്പിൽ തുറന്നു കൊടുക്കുമ്പോഴാണ് സൗഹൃദത്തിന്റെയും സ്നേഹത്തിന്റെയും ഉൽകൃഷ്ട ഭാവങ്ങൾ അനുഭവിക്കാനാവുന്നത്.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി