🌹 ചിന്താ പ്രഭാതം 🌹 – 2024 | ജൂലൈ 16 | ചൊവ്വ ✍ ബേബി മാത്യു അടിമാലി

ആധുനിക ലോകത്ത് മനുഷ്യൻ വലിയ പുരോഗതികൾ കൈവരിച്ചിട്ടുണ്ട്.
പക്ഷെ എല്ലാ പുരോഗതിയുടെയും വികസനത്തിൻ്റെയും ഗിരിശ്രംഗങ്ങളിൽ അഭിരമിക്കുമ്പോഴും ഇന്നും കോടിക്കണക്കിന് മനുഷ്യർ പട്ടിണിയിലും ദാരിദ്രത്തിലും കഴിയുന്നുണ്ട് എന്നുള്ള സത്യം പലപ്പോഴും നാം വിസ്മരിക്കുന്നു.

എല്ലാ വികസന ധാരയിൽ നിന്നും ആട്ടിയോടിക്കപ്പെട്ട മനുഷ്യരുടെ രോദനം കണ്ടില്ലെന്നു നടിക്കുന്നവരാണ് പലരും .

ഏറ്റവും മാരകമായ അവസ്ഥ വിശപ്പും. ഏറ്റവും വലിയ പുണ്യ പ്രവൃത്തി വിശക്കുന്നവന് ഒരു നേരത്തെ ആഹാരം കൊടുക്കുന്നതുമാണ്.

ഒറ്റപ്പെടുക എന്നതും ആ ഒറ്റപ്പെടലിൽ ജീവിതം തള്ളി നീക്കുക എന്നതും വല്ലാത്തൊരവസ്ഥയാണ്. ആ അവസ്ഥയിൽ എത്രയോ പേരുണ്ട് നമുക്ക് ചുറ്റിലും.
അവർക്ക് വാക്കുകൾ കൊണ്ടോ, സാമീപ്യം കൊണ്ടോ തണലേകാൻ നമുക്ക് സാധിക്കട്ടെ.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി