🌺 ശുഭദിനം 🌺 – 2024 | ജൂൺ 05 | ബുധൻ ✍ അർച്ചന കൃഷ്ണൻ

“എത്ര വെളിച്ചം പുറമെ കത്തിച്ചാലും അകം ഇരുട്ടാണെങ്കിൽ എന്തുകാര്യം”.

ശ്രീനാരായണ ഗുരു

പ്രക്യതിയിലെ ഓരോ അന്വേഷണത്തിന്റെയും ആഴം നിശ്ചയിക്കുന്നത്, തേടുന്നവനും തേടപ്പെടുന്നവയും തമ്മിലുള്ള ബന്ധമാണ്. ചില മലകൾ കീഴടക്കാനാകാത്തത് മലകളുടെ വലുപ്പം കൊണ്ടല്ല; മനസ്സിന്റെ പരിഭ്രമം കൊണ്ടാണ്. വിശാലമായ വീഥികളിൽ മാത്രം സഞ്ചരിക്കുന്നവർക്ക്‌ ചെങ്കുത്തായ പാതകൾ അപകടമേഖല മാത്രമാണ്. മറ്റുചിലർക്ക് അവ ജീവിതമാർഗവും. ആയുഷ്‌കാലം മുഴുവൻ സന്തോഷത്തോടെ ജീവിക്കുവാൻ സാധിക്കണം.

വല്ലപ്പോഴുമെങ്കിലും കൊടുമുടിയിലേക്കു നോക്കണം. പതുക്കെ ചുവടുകൾ വെക്കണം. സമതലങ്ങളിലേതിനെക്കാൾ ശ്രേഷ്‌ഠമാകും ചിലപ്പോൾ മലമുകളിലെ കാഴ്‌ചകൾ. കീഴടക്കാൻ മനസ്സുള്ളവന്റെ മുന്നിൽ ഏതു കൊടുമുടിയും തലകുനിക്കും.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ