📱വാർത്തകൾ ഒറ്റനോട്ടത്തിൽ📱 – 2026 | സെപ്റ്റംബർ 04 | വെള്ളി ✍️ കപിൽ ശങ്കർ

🔹ഇന്നു ശ്രീകൃഷ്ണ ജയന്തി. ഗുരുവായൂര്‍ ക്ഷേത്രം അടക്കമുള്ള ശ്രീകൃഷ്ണ ക്ഷേത്രങ്ങളില്‍ ദര്‍ശനത്തിനു തിരക്ക്. നാട്ടിലും നഗരത്തിലുമെല്ലാം അമ്പാടിക്കണ്ണന്മാരും ഗോപികമാരും അണിനിരക്കുന്ന ശോഭായാത്രകളും ഉറിയടി മല്‍സരങ്ങളും അരങ്ങേറി.

🔹പിഎം ശ്രീയില്‍നിന്ന് പിന്‍മാറാനാകില്ലെന്നും മാറിനിന്നാല്‍ വിദ്യാഭ്യാസ വകുപ്പിന് കേന്ദ്ര സഹായം കിട്ടില്ലെന്നും മുഖ്യമന്ത്രി വി.ഡി. സതീശന്‍. പിഎം ശ്രീ നടപ്പാക്കരുതെന്ന് എഐസിസി ജനറല്‍ സെക്രട്ടറി ദീപ ദാസ് മുന്‍ഷി ആവശ്യപ്പെട്ടിരുന്നു. പാര്‍ട്ടിയില്‍ കൂടിയാലോചനയില്ലെന്ന ദീപ ദാസ് മുന്‍ഷിയുടെ വിമര്‍ശനവും മുഖ്യമന്ത്രി തള്ളി. മന്ത്രിസഭയിലുള്ള കെപിസിസി പ്രസിഡന്റ് ഉള്‍പ്പെടെയുള്ളവരുമായി ആലോചിക്കാറുണ്ടെന്നും മുഖ്യമന്ത്രി വ്യക്തമാക്കി.

🔹തിരുവനന്തപുരം കന്റോണ്‍മെന്റ് പോലീസ് സ്റ്റേഷനിലേക്കു രാത്രി ഡിവൈഎഫ്ഐ പ്രവര്‍ത്തകര്‍ നടത്തിയ മാര്‍ച്ചില്‍ സംഘര്‍ഷം. പോലീസ് ജലപീരങ്കി പ്രയോഗിച്ചു. സെക്രട്ടേറിയറ്റിലേക്ക് എസ്.എഫ്.ഐ. പ്രവര്‍ത്തകര്‍ നടത്തിയ മാര്‍ച്ചിലെ സംഘര്‍ഷത്തില്‍ കേന്ദ്രകമ്മിറ്റിയംഗം എസ്.കെ. ആദര്‍ശ്, സംസ്ഥാന കമ്മിറ്റിയംഗം ടോണി കുര്യാക്കോസ് എന്നിവര്‍ ഉള്‍പ്പെടെയുള്ളവരെ അറസ്റ്റു ചെയ്തതില്‍ പ്രതിഷേധിച്ചാണ് ഡി.വൈ.എഫ്.ഐ രാത്രി മാര്‍ച്ചു നടത്തിയത്.

🔹കണ്ണൂരില്‍ മുന്‍മന്ത്രി വീണാ ജോര്‍ജിനെ കെഎസ് യു പ്രവര്‍ത്തകര്‍ ആക്രമിച്ചെന്ന കേസില്‍ പ്രത്യേക അന്വേഷണ സംഘമായി. കെഎപി നാലാം ബറ്റാലിയന്‍ കമാന്‍ഡന്റ് യു. പ്രേമനും കണ്ണൂര്‍ എസിപി എം.പി. ആസാദിന്റെയും നേതൃത്വത്തിലുള്ള സംഘത്തില്‍ 6 അംഗങ്ങള്‍ കൂടിയുണ്ട്. റെയില്‍വേ ഇന്‍സ്പെക്ടര്‍ ജി. എസ്. സജിയാണ് അന്വേഷണ ഉദ്യോഗസ്ഥന്‍. കെഎസ് യു കണ്ണൂര്‍ ജില്ലാ പ്രസിഡന്റ് എംസി അതുല്‍ ഉള്‍പ്പെടെ 5 പേര്‍ക്കെതിരെ വധശ്രമം ഉള്‍പ്പെടെയുള്ള വകുപ്പും ചുമത്തി അറസ്റ്റു ചെയ്ത് ജയിലിലിട്ട കേസാണിത്.

🔹മുഖ്യമന്ത്രിയും മന്ത്രിമാരും കോഴിക്കോട് ഐഐഎമ്മിലെ ക്ലാസ്റൂമില്‍. കേരളത്തിന്റെ വികസന സാധ്യകള്‍, എഐ അടക്കമുള്ളവയില്‍ സാങ്കേതിക പരിജ്ഞാനം എന്നിവ ലക്ഷ്യമിട്ടാണു പരിശീലനം.

🔹എസ്എഫ്ഐ നേതാക്കള്‍ ജാമ്യമില്ലാ കേസില്‍ പ്രതികളായതോടെ ഇന്നലെ പൊലിസ് ആസ്ഥാനത്തേക്കു നടത്താനിരുന്ന മാര്‍ച്ച് എസ്എഫ്ഐ ഉപേക്ഷിച്ചു. വിദ്യാര്‍ത്ഥികള്‍ക്കെതിരെ വധശ്രമത്തിന് കേസെടുത്തില്‍ ഗൂഡാലോചന ആരോപിച്ച് എസ്എഫ്ഐ ഡിജിപിക്ക് പരാതി നല്‍കി.

🔹മള്‍ട്ടി പ്ലക്സ് തിയേറ്ററുകളില്‍ കുടിവെള്ളം തടയുകയും അവര്‍ ലഭ്യമാക്കുന്ന വെള്ളത്തിന് അമിത വില ഈടാക്കുകയും ചെയ്യുന്നതിനെതിരേ നടപടിയെടുക്കുമെന്ന് ഭക്ഷ്യ മന്ത്രി അനൂപ് ജേക്കബ്. പായ്ക്കു ചെയ്യാത്ത പോപ്കോണിന് അമിത വില ഈടാക്കുന്ന സംഭവത്തില്‍ ഇടപെടാന്‍ സര്‍ക്കാരിന് പരിമിതിയുണ്ടെന്നും മന്ത്രി പറഞ്ഞു.

🔹മോഷ്ടിച്ച ബൈക്കുമായി അമിതവേഗതയില്‍ സഞ്ചരിച്ച മൂന്നംഗ സംഘം തെരുവുനായയിലും മറ്റൊരു ബൈക്കിലുമിടിച്ച് മറിഞ്ഞുണ്ടായ അപകടത്തില്‍ രണ്ടു യുവാക്കള്‍ മരിച്ചു. ഒരാളുടെ നില അതീവ ഗുരുതരമാണ്. മണ്ണഞ്ചേരി സബീല്‍ മന്‍സില്‍ നരിയില്‍ സുധീറിന്റെ മകന്‍ മുഹമ്മദ് സബീല്‍ (17), മണ്ണഞ്ചേരി കുപ്പേഴം പടിഞ്ഞാറേ വീട്ടില്‍ അബ്ദുല്‍ റഷീദിന്റെ മകന്‍ റിന്‍ഷാദ് റഷീദ് (20) എന്നിവരാണ് മരിച്ചത്. മണ്ണഞ്ചേരി കുന്നപ്പള്ളി മോഴൂപുറത്ത് ഷാനവാസിന്റെ മകന്‍ ഷിജാസ് (19) ഗുരുതരാവസ്ഥയില്‍ ആലപ്പുഴ മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. ആലപ്പുഴ – തണ്ണീര്‍മുക്കം റോഡില്‍ കൈചൂണ്ടി ജംഗ്ഷന് സമീപമാണ് അപകടമുണ്ടായത്.

🔹പിണറായി വിജയന്റെ തളിപ്പറമ്പ്, പയ്യന്നൂര്‍ പ്രസംഗങ്ങളെ ന്യായീകരിച്ച് സിപിഎം സംസ്ഥാന സെക്രട്ടറി എം.വി ഗോവിന്ദന്‍. ജനങ്ങള്‍ എങ്ങനെ തെറ്റിദ്ധരിക്കപ്പെട്ടെന്നാണ് പിണറായി വിശദീകരിച്ചതെന്നും പറഞ്ഞതെല്ലാം ശരിയാണെന്നും ഗോവിന്ദന്‍ വാര്‍ത്താസമ്മേളനത്തില്‍ പറഞ്ഞു. ജനങ്ങളെ പഴിക്കുന്നതു ശരിയാണോയെന്ന ചോദ്യത്തിനു മറുപടി നല്‍കാതെ അദ്ദേഹം ഒഴിഞ്ഞുമാറി.

🔹തെരഞ്ഞെടുപ്പിലെ എല്‍ഡിഎഫിന്റെ പരാജയത്തിന് ഒട്ടേറെ കാരണങ്ങളുണ്ടെന്ന് സിപിഎം പൊളിറ്റ് ബ്യൂറോ അംഗം എ വിജയരാഘവന്‍. പത്രക്കാര്‍ക്ക് പിണറായിയേയോ മറ്റേതെങ്കിലും നേതാവിനേയോ കുറ്റപ്പെടുത്തിയാല്‍ മതി. വലതുപക്ഷ സാധ്യതകളും വര്‍ഗീയ കൂട്ടുകെട്ടും പരാജയ കാരണമാണ്. പാര്‍ട്ടി നിലപാടിനൊപ്പം ജനങ്ങളെ അണിനിരത്താന്‍ സംഘടനാപരമായി വീഴ്ചയുണ്ടായി. ആ വീഴ്ച എല്ലാവരും ഷെയര്‍ ചെയ്ത് എടുക്കട്ടെയെന്നും എ വിജയരാഘവന്‍ പറഞ്ഞു.

🔹കോട്ടയം മെഡിക്കല്‍ കോളേജില്‍ ഒരു വര്‍ഷം മുമ്പ് നടന്ന പ്രസവശേഷമുള്ള ചികിത്സയിലെ പിഴവുമൂലം ഒരു വയസുള്ള കുട്ടിയുടെ ശരീരത്തില്‍ കുടുങ്ങിയ സൂചി കണ്ടെത്തി. കോഴിക്കോട് സ്വദേശി അഞ്ജു വിനീഷിന്റെ കുഞ്ഞിന്റെ ശരീരത്തിലാണ് സൂചി കണ്ടെത്തിയത്. കോഴിക്കോട് മെഡിക്കല്‍ കോളജില്‍ നടന്ന ശസ്ത്രക്രിയയിലൂടെ സൂചി പുറത്തെടുത്തു. കോട്ടയം മെഡിക്കല്‍ കോളേജ് സൂപ്രണ്ടിന് മാതാപിതാക്കള്‍ പരാതി നല്‍കി.

🔹തിരുവോണ ദിവസം ശബരിമലയില്‍ അന്നദാന മണ്ഡപത്തില്‍ തിരുവോണ സദ്യ നടത്താതെ മെസില്‍ മാത്രമാക്കി ഒതുക്കിയതാണ് സദ്യ നടന്നില്ലെന്ന പരാതിക്കു കാരണമെന്ന് റിപ്പോര്‍ട്ടുകള്‍. വേണ്ടത്ര ആസൂത്രണം ഇല്ലാത്തതുകൊണ്ടാണ് അന്നദാന മണ്ഡപത്തില്‍ സദ്യ നടത്താതിരുന്നത്. സ്പോണ്‍സര്‍മാരെ ഒഴിവാക്കാന്‍ തീരുമാനിച്ച ദേവസ്വം ബോര്‍ഡ് നേരിട്ടാണു സദ്യ നടത്തിയത്.

🔹മുട്ടില്‍ മരം മുറിയിലെ വഞ്ചനാ കേസില്‍ പ്രതികളായ അഗസ്റ്റിന്‍ സഹോദരന്മാര്‍ പ്രതികളായ ചോറ്റാനിക്കര കോടതിയിലെ വിചാരണ നടപടികള്‍ സ്റ്റേ ചെയ്യണമെന്ന ആവശ്യം ഹൈക്കോടതി തള്ളി. കുറ്റപ്പത്രം വായിച്ച് കേള്‍പ്പിക്കാന്‍ തിങ്കളാഴ്ച ഹാജരാകാന്‍ പ്രതികള്‍ക്ക് ചോറ്റാനിക്കര കോടതി നിര്‍ദ്ദേശം നല്‍കിയിരുന്നു. തങ്ങള്‍ക്കെതിരെ വയനാട്ടിലും ചോറ്റാനിക്കരയിലുമുള്ളത് ഒരേ കുറ്റത്തിനുള്ള കേസുകളാണെന്നും എല്ലാം ഒന്നായി പരിഗണിക്കണമെന്നുമാണ് പ്രതികള്‍ ആവശ്യപ്പെട്ടത്. എന്നാല്‍ രണ്ടും വെവ്വേറെ കേസാണെന്നു സര്‍ക്കാര്‍ ഹൈക്കോടതിയെ അറിയിച്ചു.

🔹മാനസികാരോഗ്യ കേന്ദ്രങ്ങളുടെ പേരുമാറ്റം അംഗീകരിക്കാനാകില്ലെന്ന് ഇന്ത്യന്‍ സൈക്യാട്രിക് സൊസൈറ്റി കേരള ഘടകം. മാനസിക ആരോഗ്യ കേന്ദ്രങ്ങളുടെ അടിസ്ഥാന സൗകര്യങ്ങള്‍ മെച്ചപ്പെടുത്താതെ പേരുമാറ്റം പ്രശ്നം പരിഹരിക്കില്ല. പഴയ കെട്ടിടങ്ങളും ജീവനക്കാരുടെ കുറവുമാണ് പലയിടത്തുമുള്ളത്. പേരുമാറ്റം ക്ലിനിക്കല്‍ അന്ധതയെന്നാണ് സംഘടനയുടെ പ്രതികരണം.

🔹തിരുവനന്തപുരം കരകുളത്തുള്ള സ്വകാര്യ ആശുപത്രിയില്‍ ഉണ്ടായ തീപിടിത്തത്തില്‍ ആശുപത്രി രേഖകള്‍ കത്തിനശിച്ചു. കെട്ടിടത്തിന്റെ ഗ്രൗണ്ട് ഫ്ളോറില്‍ ഫയലുകള്‍ സൂക്ഷിച്ചിരുന്ന മുറിയിലാണ് ആദ്യം തീപിടിത്തമുണ്ടായത്. നിമിഷങ്ങള്‍ക്കകം കെട്ടിടത്തിലാകെ വലിയ തോതില്‍ പുക പടരുകയായിരുന്നു.

🔹തിരുവനന്തപുരം കല്ലമ്പലത്ത് കിണര്‍ വൃത്തിയാക്കുന്നതിനിടെ സ്ഫോടനം. സമീപത്തെ പമ്പില്‍നിന്നു ചോര്‍ന്ന പെട്രോള്‍ അംശമാണ് സ്ഫോടനത്തിന് കാരണം.

🔹മലപ്പുറം സബ് ആര്‍.ടി ഓഫീസ് കേന്ദ്രീകരിച്ച് നടന്ന വന്‍ ഡ്രൈവിംഗ് ലൈസന്‍സ് തട്ടിപ്പില്‍ മോട്ടോര്‍ വാഹന വകുപ്പ് കടുത്ത നടപടികളിലേക്ക്. തട്ടിപ്പിലൂടെ നിര്‍മിച്ച 25 വ്യാജ ഡ്രൈവിംഗ് ലൈസന്‍സുകള്‍ റദ്ദാക്കി. ഡ്രൈവിംഗ് ടെസ്റ്റുകളില്‍ പോലും പങ്കെടുക്കാതെ ഏജന്റുമാര്‍ മുഖേന പണം നല്‍കി സ്വന്തമാക്കിയ ലൈസന്‍സുകളാണിവ.

🔹അധ്യാപകരുടെയും വിദ്യാര്‍ത്ഥികളുടെയും മോര്‍ഫ് ചെയ്ത അശ്ലീല ദൃശ്യങ്ങള്‍ പ്രചരിപ്പിച്ചതിന് കൊച്ചിയില്‍ വിദ്യാര്‍ത്ഥിക്കെതിരെ കേസ്. തൃക്കാക്കര ഭാരത് മാതാ കോളേജ് വിദ്യാര്‍ത്ഥി ശ്രീഹരിക്കെതിരെയാണ് കേസെടുത്തത്. ശ്രീഹരിയെ തൃക്കാക്കര പൊലീസ് കസ്റ്റഡിയിലെടുത്തു.

🔹പിണറായി വിജയന്റെ ധര്‍മടത്തെ വീടിന് മുന്നില്‍ പ്രവര്‍ത്തിച്ചിരുന്ന ‘ജീപ്പ് പൊലീസ് സ്റ്റേഷന്‍’ സംവിധാനം നിര്‍ത്തലാക്കി. അങ്ങനെയൊരു സ്റ്റേഷന്‍ പത്തു വര്‍ഷമായി പ്രവര്‍ത്തിച്ചെന്ന വാര്‍ത്തകള്‍ തള്ളി പിണറായി വിജയന്‍. സുരക്ഷയുടെ ഭാഗമായുള്ള ഔട്ട്‌പോസ്റ്റ് മാത്രമാണിതെന്നും ഗതാഗതയോഗ്യമല്ലാത്ത ജീപ്പ് അവിടെനിന്ന് മാറ്റാത്തതിന് മറുപടി പറയേണ്ടത് പോലീസാണെന്നും അദ്ദേഹം വ്യക്തമാക്കി.

🔹സീബ്രാ ക്രോസിംഗ് നിയമലംഘനങ്ങള്‍ക്ക് 1038 വാഹനങ്ങള്‍ക്കെതിരെ നടപടിയെടുത്തു. കാല്‍നടയാത്രക്കാരുടെ സുരക്ഷ ഉറപ്പാക്കാന്‍ ലക്ഷ്യമിട്ട ഡ്രൈവില്‍ 2,50,631 രൂപ പിഴ ചുമത്തി. കേരള പോലീസ് ‘വൈറ്റ്ലൈന്‍ – ലൈഫ്ലൈന്‍’ എന്ന പേരില്‍ നടത്തിയ സ്പെഷ്യല്‍ ഡ്രൈവിലാണ് ഇത്രയും കേസുകള്‍ പിടിച്ചത്. സമാനമായ പരിശോധനകള്‍ തുടരുമെന്നും പോലീസ് അറിയിച്ചു.

🔹ബാറുടമകളില്‍ നിന്ന് കൈക്കൂലി വാങ്ങിയെന്ന പരാതിയില്‍ അശോക് കുമാറിനെതിരെ വിജിലന്‍സ് അന്വേഷണത്തിന് ശുപാര്‍ശ. അന്വേഷണം വേണമെന്ന് എക്സൈസ് കമ്മീഷണര്‍. അശോക് കുമാറിനെതിരെ അന്വേഷണം ആവശ്യപ്പെട്ട് വിജിലന്‍സ് ഡയറക്ടര്‍ക്ക് കത്ത് നല്‍കി.

🔹ആഭ്യന്തരമന്ത്രി രമേശ് ചെന്നിത്തല പങ്കെടുത്ത യോഗത്തില്‍നിന്ന് ക്രിമിനല്‍ കേസിലെ പ്രതിയായ ഡിസിസി ജനറല്‍ സെക്രട്ടറിയെ പൊലീസ് ഒഴിവാക്കി. നെയ്യാറ്റിന്‍കര നിയമസഭ മണ്ഡലത്തില്‍പ്പെട്ട വിദ്യാര്‍ത്ഥികളെ ആദരിക്കുന്ന ചടങ്ങില്‍ നിന്നാണ് ഡിസിസി ജനറല്‍ സെക്രട്ടറിയായ ജോസ് ഫ്ലാങ്ക്ളിനെ ഒഴിവാക്കിയത്.

🔹നേപ്പാള്‍ ദുരന്തത്തില്‍ മരിച്ചവരുടെ എണ്ണം 1200 കടന്നു; 5,000 പേരെ കാണാനില്ലെന്ന് നേപ്പാള്‍ ദുരന്തനിവാരണ അതോറിറ്റി. സഹായ വിതരണം കഠിനതരമെന്ന് ഐക്യരാഷ്ട്രസഭ.

🔹റഷ്യ-യുക്രൈന്‍ യുദ്ധം അവസാനിപ്പിക്കാന്‍ സഹായം വാഗ്ദാനം ചെയ്ത് ഇന്ത്യ. യുക്രൈന്‍ സന്ദര്‍ശനത്തിനിടെ കേന്ദ്ര വിദേശകാര്യ മന്ത്രി എസ്. ജയശങ്കറാണ് യുദ്ധം അവസാനിപ്പിക്കാന്‍ ഏതുരീതിയിലുള്ള സഹായവും ചെയ്യാന്‍ ഇന്ത്യ തയ്യാറാണെന്ന് അറിയിച്ചത്.

🔹അമേരിക്കന്‍ സമ്പദ് വ്യവസ്ഥയെ കറുത്ത ദിനങ്ങള്‍ കാത്തിരിക്കുന്നുവെന്നും ഇന്ധനമുള്‍പ്പടെ കരുതിവെയ്ക്കുന്നതാണ് നല്ലതെന്നും ഇറാന്റെ മുന്നറിയിപ്പ്. സൈനികമായി മാത്രമല്ല, ബഹുമുഖ തിരിച്ചടിയായിരിക്കും ഇനിയുണ്ടാകുകയെന്നും ഇറാന്‍ വൈസ് പ്രസിഡന്റ് സൂചന നല്‍കി.

🔹ജിഎസ്എല്‍വി എഫ് 17 ശ്രീഹരിക്കോട്ടയില്‍ നിന്ന് വിജയകരമായി വിക്ഷേപിച്ചു. ഇന്നു പുലര്‍ച്ചെ 2.55നായിരുന്നു വിക്ഷേപണം. അത്യാധുനിക ഭൗമ നിരീക്ഷണ ഉപഗ്രഹത്തെയാണ് ഈ ദൗത്യത്തിലൂടെ ബഹിരാകാശത്തേക്ക് അയച്ചത്. എട്ടു മാസത്തെ ഇടവേളയ്ക്കു ശേഷം ഐഎസ്ആര്‍ഒ വിജയ വഴിയില്‍ തിരിച്ചെത്തിയിരിക്കുകയാണ്.

🔹കേരളത്തിലെ ഫുട്‌ബോള്‍ പ്രേമികള്‍ ആവേശത്തോടെ കാത്തിരിക്കുന്ന ബ്രസീല്‍ ലെജന്‍ഡ്‌സും ഇന്ത്യന്‍ ഓള്‍ സ്റ്റാര്‍സും തമ്മിലുള്ള രാജ്യാന്തര മത്സരം സെപ്റ്റംബര്‍ 23-ലേക്ക് മാറ്റി. സെപ്റ്റംബര്‍ 20ന് കൊച്ചി ജവഹര്‍ലാല്‍ നെഹ്റു അന്താരാഷ്ട്ര സ്റ്റേഡിയത്തില്‍ നടത്താനിരുന്ന മത്സരമാണിത്. ഫുട്‌ബോള്‍ ഇതിഹാസം റൊണാള്‍ഡീഞ്ഞോ പ്രത്യേക വിഡിയോ സന്ദേശത്തിലൂടെയാണ് തീയതി മാറ്റിയ വിവരം അറിയിച്ചത്.

🔹കേരള സൈക്ലിംഗ് അസോസിയേഷന്‍ സംഘടിപ്പിക്കുന്ന 23-ാമത് സംസ്ഥാന മൗണ്ടന്‍ സൈക്ലിങ് ചാംപ്യന്‍ഷിപ് വിളപ്പില്‍ശാലയില്‍ നടക്കും. മുന്‍പ് മാലിന്യസംസ്‌കരണ പ്ലാന്റ് നിലനിന്നിരുന്ന ഇവിടെ നാളേയും ഞായറാഴ്ചയുമായി നടക്കുന്ന മത്സരത്തില്‍ കേരളത്തിലെ വിവിധ ജില്ലകളില്‍ നിന്നുള്ള താരങ്ങള്‍ പങ്കെടുക്കും.

🔹കെസിഎല്ലില്‍ തൃശൂര്‍ ടൈറ്റന്‍സിനെതിരെ ആലപ്പി റിപ്പിള്‍സിന് മൂന്നു വിക്കറ്റിന്റെ വിജയം. ആലപ്പിക്കു 141 റണ്‍സ് വിജയലക്ഷ്യമായിരുന്നു. ആദ്യം ബാറ്റ് ചെയ്ത തൃശൂര്‍ 19.5 ഓവറില്‍ 140 റണ്‍സിന് ഓള്‍ഔട്ടായി. റിപ്പിള്‍സിന്റെ ബൌളര്‍മാര്‍ കളംനിറഞ്ഞ മത്സരത്തില്‍ വാലറ്റത്ത് ബിജു നാരായണനും ആസിഫ് സലാമും നടത്തിയ ചെറുത്തുനില്പാണ് ടൈറ്റന്‍സിന് മാന്യമായ സ്‌കോര്‍ സമ്മാനിച്ചത്.

🔹ട്രിവാന്‍ഡ്രം റോയല്‍സിനെ ഏഴ് റണ്‍സിന് തോല്‍പ്പിച്ച് കാലിക്കറ്റ് ഗ്ലോബ്സ്റ്റാര്‍സ് കെസിഎല്ലിന്റെ സെമി ഫൈനലില്‍ കടന്നു. വിഷ്ണു വിനോദിന്റെ ഒറ്റയാള്‍ പോരാട്ടവും വിഘ്‌നേഷ് പുത്തൂരിന്റെ അവിസ്മരണീയ ബൗളിങ് പ്രകടനവുമാണ് മത്സരത്തെ അവസാന ഓവര്‍ വരെ നീണ്ട ആവേശപ്പോരാട്ടമാക്കിയത്. അഞ്ച് വിക്കറ്റുമായി ടീമിന് വിജയമൊരുക്കിയ വിഘ്‌നേഷ് പുത്തൂരാണ് പ്ലെയര്‍ ഓഫ് ദി മാച്ച്. കാലിക്കറ്റ് ഗ്ലോബ്സ്റ്റാര്‍സ് – 20 ഓവറില്‍ 184/6, ട്രിവാണ്‍ഡ്രം റോയല്‍സ് – 19.3 ഓവറില്‍ 177.

🔹കെസിഎ പിങ്ക് വനിതാ ട്വന്റി 20 ചലഞ്ചേഴ്‌സ് ചാമ്പ്യന്‍ഷിപ്പില്‍ എമറാള്‍ഡിനും റൂബീസിനും വിജയം. എമറാള്‍ഡ് സഫയറിനെ ആറ് വിക്കറ്റിനും റൂബീസ് ആംബറിനെ 15 റണ്‍സിനുമാണ് തോല്‍പ്പിച്ചത്. ഇരു ടീമുകളുടെയും തുടര്‍ച്ചയായ രണ്ടാം വിജയമാണിത്. എമറാള്‍ഡിനെതിരെ ആദ്യം ബാറ്റ് ചെയ്ത സഫയര്‍ 20 ഓവറില്‍ ആറ് വിക്കറ്റ് നഷ്ടത്തില്‍ 144 റണ്‍സെടുത്തു. ക്യാപ്റ്റന്‍ സജന സജീവന്റെയും അന്‍സു സുനിലിന്റെയും തകര്‍പ്പന്‍ ഇന്നിങ്‌സുകളാണ് സഫയറിനെ മികച്ച സ്‌കോറിലെത്തിച്ചത്. മറുപടി ബാറ്റിങ്ങിന് ഇറങ്ങിയ എമറാള്‍ഡ് മൂന്ന് പന്തുകള്‍ ബാക്കി നില്‍ക്കെ ലക്ഷ്യത്തിലെത്തി. രണ്ടാം മത്സരത്തില്‍ ആദ്യം ബാറ്റ് ചെയ്ത റൂബീസ്, ഓപ്പണര്‍മാര്‍ നല്‍കിയ തകര്‍പ്പന്‍ തുടക്കത്തിന്റെ മികവില്‍ 20 ഓവറില്‍ ആറ് വിക്കറ്റ് നഷ്ടത്തില്‍ 157 റണ്‍സെടുത്തു. മറുപടി ബാറ്റിങ്ങിന് ഇറങ്ങിയ ആംബറിന് 20 ഓവറില്‍ എട്ട് വിക്കറ്റ് നഷ്ടത്തില്‍ 142 റണ്‍സാണ് നേടാനായത്.

🔹‘ബെത്‌ലഹേം കുടുംബ യൂണിറ്റ്’ എന്ന ചിത്രത്തിലെ ‘വര്‍ണ്ണജാലമേ…’ എന്ന ഗാനത്തിന്റെ ലിറിക്കല്‍ വീഡിയോ പുറത്ത്. വിനായക് ശശികുമാറിന്റെ ഹൃദയഹാരിയായ വരികളും വിഷ്ണു വിജയ് ഒരുക്കിയിരിക്കുന്ന മനംതൊടും ഈണവും കെ എസ് ഹരിശങ്കറിന്റേയും പൂര്‍ണ്ണിമ കണ്ണന്റേയും മധുരമാര്‍ന്ന ശബ്ദവുമായാണ് ഗാനം എത്തിയിരിക്കുന്നത്. ബോക്സ് ഓഫീസില്‍ സര്‍വ്വകാല കളക്ഷന്‍ റെക്കോര്‍ഡുകള്‍ കാറ്റില്‍പ്പറത്തി കുതിക്കുകയാണ് ഭാവന സ്റ്റുഡിയോസിന്റെ ബാനറില്‍ ഗിരീഷ് എ ഡി ഒരുക്കിയ ‘ബെത്‌ലഹേം കുടുംബ യൂണിറ്റ്’. ഇതിനകം 200 കോടി ക്ലബ്ബില്‍ കയറിയ ചിത്രത്തിന്റെ തമിഴ്, തെലുങ്ക് ഡബ്ബ്ഡ് പതിപ്പ് കൂടി ഇന്ന് തിയറ്ററുകളില്‍ റിലീസ് ചെയ്തിരിക്കുകയാണ്. അതോടൊപ്പം തന്നെ ചിത്രത്തിലേതായി പുറത്തിറങ്ങിയ ‘സോള്‍മേറ്റ്സ്’ എന്ന ഹ്രസ്വചിത്രവും യൂട്യൂബില്‍ വൈറലായി കഴിഞ്ഞു.

🔹പ്രശസ്ത തെന്നിന്ത്യന്‍ താരം നിമിഷ സജയന്‍, തമിഴ് നടന്‍ കരുണാസ് എന്നിവരെ കേന്ദ്ര കഥാപാത്രങ്ങളാക്കി ദേശീയ പുരസ്‌കാര ജേതാവ് സജീവ് പാഴൂര്‍ ഒരുക്കുന്ന പാന്‍ ഇന്ത്യന്‍ തമിഴ് ചിത്രം ‘എന്ന വിലൈ’യിലെ ആദ്യ ഗാനം പുറത്ത്. ‘കടലാടും സീമയിലെ’ എന്ന വരികളോടെ ആരംഭിക്കുന്ന ഗാനത്തിന്റെ വീഡിയോ ആണ് പുറത്ത് വന്നിരിക്കുന്നത്. സാം സി എസ് സംഗീതം ഒരുക്കിയ ഗാനം ആലപിച്ചത് ആന്റണി ദാസനും ഗാനത്തിന് വരികള്‍ രചിച്ചത് കാര്‍ത്തിക് നേതയും ആണ്. ചിത്രത്തിന്റെ ഓഡിയോ റൈറ്റ്സ് പ്രശസ്ത സംഗീത സംവിധായകനും നിര്‍മ്മാതാവുമായ ജി വി പ്രകാശ് കുമാറിന്റെ മ്യൂസിക് ലേബല്‍ ആണ് സ്വന്തമാക്കിയത്. രാമേശ്വരം പശ്ചാത്തലമാക്കി കഥ പറയുന്ന ഈ ചിത്രത്തില്‍ വൈ ജി മഹേന്ദ്രന്‍, പൂര്‍ണ്ണിമ ഭാഗ്യരാജ്, മൊട്ട രാജേന്ദ്രന്‍, വിജയലക്ഷ്മി, ഷാഷ, പ്രവീണ, കമലേഷ്, ഗോലി സോഡ പാണ്ഡി, ജെ. എസ്. കവി, മോഹന്‍ റാം, നിഴല്‍ഗല്‍ രവി, പ്രവീണ തുടങ്ങി നിരവധി താരങ്ങള്‍ വേഷമിടുന്നു.

🔹ശ്രീനാഥ് ഭാസിയെ നായകനാക്കി ശശിധര കെ.എം. സംവിധാനം ചെയ്യുന്ന ‘ക്രെഡിറ്റ് സ്‌കോര്‍’ എന്ന ചിത്രം റിലീസിനൊരുങ്ങുന്നു. ഇതോട് അനുബന്ധിച്ചുള്ള ചിത്രത്തിന്റെ ടീസര്‍ അണിയറപ്രവര്‍ത്തകര്‍ പുറത്തുവിട്ടു. ഒരു വ്യക്തിയുടെ ജീവിതത്തില്‍ ക്രെഡിറ്റ് സ്‌കോര്‍ എത്രത്തോളം പ്രധാനമാണെന്നും അതിന്റെ നൂലാമാലകള്‍ എന്തൊക്കെയാണെന്നും കാട്ടിത്തരുന്നതാകും ചിത്രമെന്നാണ് ടീസര്‍ നല്‍കുന്ന സൂചന. ശ്രീനിഷ് വാസുദേവ് എന്ന കഥാപാത്രത്തെയാണ് ശ്രീനാഥ് ഭാസി അവതരിപ്പിക്കുന്നത്. പി.എസ്. ജയഹരിയാണ് സംഗീതം ഒരുക്കിയത്. ശ്രീനാഥ് ഭാസിക്കൊപ്പം സുഹാസിനി മണിരത്നം, സോഹന്‍ സീനുലാല്‍, ചാന്ദിനി, മാല പാര്‍വതി, സാബുമോന്‍, ബാലാജി ശര്‍മ, പ്രമോദ് (ഉപ്പ്), ജാസിം (ചൂരല്‍), സുമിന്‍, അയ്യപ്പ ബൈജു, മനോജ് ഗിന്നസ്, ബിനോജ് കുളത്തൂര്‍, അജി ധന്വന്തരി, ഹരി നമ്പൂതിരി, നിഖില്‍, ലെന, ജഗദീഷ് പ്രസാദ്, ശരത് വിനായക്, ഷാജി ഫ്രാന്‍സിസ് എന്നിവരും ചിത്രത്തിന്റെ താരനിരയിലുണ്ട്.

💦 ഗുരുജിയുടെ വാക്കുകൾ
*****************************

സഹജീവികളുമായി സഹകരിക്കാനും അവരെ സഹായിക്കാനുമുള്ള മനസ്സുവേണം. മറ്റുള്ളവരുടെ കാര്യത്തില്‍ നമുക്ക് കരുതലുകള്‍ ഉണ്ടാവണം, ആത്മാര്‍ഥതയോടെ എല്ലാ കാര്യങ്ങളും കാണാന്‍. വളവും തിരിവും മറയുമില്ലാത്ത തുറന്ന പുസ്തകം പോലൊരു മനസ്സു കൂടി ഉണ്ടാക്കാനായാല്‍, ലോകത്തില്‍ ഏറ്റവും സന്തോഷമുള്ളവന്‍ താങ്കളാവും.
നല്ലവനാകാന്‍ കഴിയുമ്പോഴാണ് നിങ്ങള്‍ സന്തോഷിക്കുന്നത്. മനസ്സാക്ഷിക്കനുസരിച്ച് ജീവിക്കാന്‍ അപ്പോഴാണ് കഴിയുക..

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

സെപ്റ്റംബർ 4

•അന്താരാഷ്ട്ര കഴുകൻ ബോധവൽക്കരണ ദിനം (International Vulture Awareness Day): പ്രകൃതിയുടെ ശുചീകരണ തൊഴിലാളികളായ കഴുകന്മാരുടെ സംരക്ഷണത്തെക്കുറിച്ച് ബോധവൽക്കരണം നൽകാൻ ഈ ദിനം ആചരിക്കുന്നു. (കേരളത്തിൽ നിലവിൽ വയനാട്ടിൽ മാത്രമാണ് കഴുകന്മാരുള്ളത്).

•ന്യൂസ്‌പേപ്പർ കാരിയർ ദിനം (Newspaper Carrier Day): പുലർച്ചെ നമ്മുടെ വീടുകളിൽ പത്രങ്ങളെത്തിക്കുന്ന പത്രവിതരണക്കാരുടെ സേവനങ്ങളെ മാനിക്കുന്നതിനുള്ള ദിനം.

•1947 – ഉത്തരവാദഭരണ വിളംബരം: തിരുവിതാംകൂറിൽ ചിത്തിരതിരുനാൾ ബാലരാമവർമ്മ മഹാരാജാവ് ഉത്തരവാദഭരണം അനുവദിച്ചുകൊണ്ടുള്ള ചരിത്രപ്രസിദ്ധമായ വിളംബരം പുറപ്പെടുവിച്ചു.

•1956: വിവരശേഖരണത്തിന് ആദ്യമായി കാന്തിക ഡിസ്ക് (Magnetic Disk) ഉപയോഗിച്ച കമ്പ്യൂട്ടറായ ‘IBM RAMAC 305’ പുറത്തിറങ്ങി.

•1985: ഡോ. റോബർട്ട് ബെല്ലാർഡിന്റെ നേതൃത്വത്തിലുള്ള പര്യവേഷകസംഘം അറ്റ്ലാന്റിക് സമുദ്രത്തിൽ മുങ്ങിപ്പോയ ടൈറ്റാനിക് കപ്പലിന്റെ ആദ്യകാല ചിത്രങ്ങൾ പകർത്തി.

തയ്യാറാക്കിയത്: കപിൽ ശങ്കർ

5 Likes

📱വാർത്തകൾ ഒറ്റനോട്ടത്തിൽ📱 – 2026 | സെപ്റ്റംബർ 04 | വെള്ളി ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

സെപ്റ്റംബർ 4

തയ്യാറാക്കിയത്: കപിൽ ശങ്കർ

“എല്ലാവരെയും സന്തോഷിപ്പിക്കുന്നതിനിടയിൽ നമ്മൾ നമ്മെത്തന്നെ മറക്കുമ്പോൾ”✍️ സിജു ജേക്കബ്

👨‍👨‍👦‍👦മലയാളി മനസ്സ് — ആരോഗ്യ വീഥി 👨‍👨‍👦‍👦 – 2026 | സെപ്റ്റംബർ 29 |ചൊവ്വ | ✍️തയ്യാറാക്കിയത്: ആസിഫ അഫ്രോസ്, ബാംഗ്ലൂർ

🌹 “ഇന്നത്തെ ചിന്താവിഷയം” 🌹 – 2026 | സെപ്റ്റംബർ 29 |ചൊവ്വ | ✍️ പ്രൊഫസ്സർ എ.വി. ഇട്ടി മാവേലിക്കര

LEAVE A REPLY Cancel reply

Most Popular

“എല്ലാവരെയും സന്തോഷിപ്പിക്കുന്നതിനിടയിൽ നമ്മൾ നമ്മെത്തന്നെ മറക്കുമ്പോൾ”✍️ സിജു ജേക്കബ്

👨‍👨‍👦‍👦മലയാളി മനസ്സ് — ആരോഗ്യ വീഥി 👨‍👨‍👦‍👦 – 2026 | സെപ്റ്റംബർ 29 |ചൊവ്വ | ✍️തയ്യാറാക്കിയത്: ആസിഫ അഫ്രോസ്, ബാംഗ്ലൂർ

🌹 “ഇന്നത്തെ ചിന്താവിഷയം” 🌹 – 2026 | സെപ്റ്റംബർ 29 |ചൊവ്വ | ✍️ പ്രൊഫസ്സർ എ.വി. ഇട്ടി മാവേലിക്കര

🌹 ചിന്താ പ്രഭാതം 🌹 – 2026 | സെപ്റ്റംബർ 29 | ചൊവ്വ | ✍️ ബേബി മാത്യു അടിമാലി

Recent Comments

EDITOR PICKS

“എല്ലാവരെയും സന്തോഷിപ്പിക്കുന്നതിനിടയിൽ നമ്മൾ നമ്മെത്തന്നെ മറക്കുമ്പോൾ”✍️ സിജു ജേക്കബ്

👨‍👨‍👦‍👦മലയാളി മനസ്സ് — ആരോഗ്യ വീഥി 👨‍👨‍👦‍👦 – 2026 | സെപ്റ്റംബർ 29 |ചൊവ്വ | ✍️തയ്യാറാക്കിയത്: ആസിഫ അഫ്രോസ്, ബാംഗ്ലൂർ

🌹 “ഇന്നത്തെ ചിന്താവിഷയം” 🌹 – 2026 | സെപ്റ്റംബർ 29 |ചൊവ്വ | ✍️ പ്രൊഫസ്സർ എ.വി. ഇട്ടി മാവേലിക്കര

POPULAR POSTS

സിനിമയ്ക്ക് മുൻപ് 22 മിനിറ്റോളം നേരം പരസ്യങ്ങൾ പ്രദർശിപ്പിച്ചതിന് തിയേറ്ററിന് 75,000 രൂപ പിഴ ചുമത്തി

കുട്ടികളുടെ സോഷ്യൽ മീഡിയ ഉപയോഗത്തിൽ നിയന്ത്രണം വേണമെന്ന് സുപ്രീംകോടതി

ഡല്‍ഹിയിലെ പീഡന പരമ്പര; സ്വമേധയാ ഹര്‍ജി ഫയലില്‍ സ്വീകരിച്ച് സുപ്രീംകോടതി

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | സെപ്റ്റംബർ 04 | വെള്ളി ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

സെപ്റ്റംബർ 4

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************