📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 28 | വെള്ളി ✍️ കപിൽ ശങ്കർ

🔹ഫുട്ബോള്‍ ഇതിഹാസം ലയണല്‍ മെസിയെ കേരളത്തില്‍ എത്തിക്കുമെന്ന വാഗ്ദാനത്തിന്റെ മറവില്‍ സ്പോണ്‍സര്‍ കോടിക്കണക്കിനു പണം വിദേശത്തേക്കു കൈമാറിയതിന് എന്‍ഫോഴ്സ്മെന്റ് ഡയറക്ടറേറ്റ് കേസെടുത്തു. വിദേശ നാണ്യ വിനിമയ നിയന്ത്രണ ചട്ടമനുസരിച്ചാണു കേസ്. ഏതാനും രേഖകള്‍ ഇഡി ശേഖരിച്ചു. സര്‍ക്കാരിന്റെ രേഖകള്‍ ശേഖരിക്കാന്‍ ഇഡി നോട്ടീസ് നല്‍കി. 126 കോടി രൂപ വിദേശത്തേക്കയച്ചെന്നാണ് അനുമാനം. ജിഎസ്ടി തട്ടിപ്പില്‍ വിജിലന്‍സ് അന്വേഷണത്തിനുള്ള ഉത്തരവ് ഉടന്‍ പുറത്തിറക്കും. ജിഎസ്ടിയായി 26 കോടി രൂപ പിരിച്ചെടുക്കുന്നതില്‍ വീഴ്ച വരുത്തിയ ഉദ്യോഗസ്ഥര്‍ക്ക് ജിഎസ്ടി കമ്മീഷണര്‍ നോട്ടീസ് നല്‍കിയിരുന്നു.

🔹സുകുമാരക്കുറുപ്പിന്റേതെന്ന പേരില്‍ മാധ്യമങ്ങളില്‍ പ്രചരിക്കുന്ന ചിത്രവും പൊലീസ് ശേഖരിച്ച പാസ്‌പോര്‍ട്ടും തൃശൂര്‍ വടക്കാഞ്ചേരി കരുമത്ര സ്വദേശിയായ ദാമോദര മേനോന്റേതാണെന്ന് സ്ഥിരീകരണം. ദാമോദര മേനോന്റെ സഹോദരന്‍ കരുണാകരനാണ് ഇക്കാര്യം വ്യക്തമാക്കിയത്. 40 വര്‍ഷങ്ങള്‍ക്ക് മുമ്പാണ് ദാമോദര മേനോന്‍ മലേഷ്യയിലേക്ക് പോയത്.

🔹പിടികിട്ടാപുള്ളി സുകുമാര കുറുപ്പ് ബ്രൂണെയിലുണ്ട് എന്നത് അഭ്യൂഹമാണെന്ന് ആഭ്യന്തര മന്ത്രി രമേശ് ചെന്നിത്തല. നിജസ്ഥിതി അറിയാന്‍ അന്വേഷണം നടക്കുന്നുണ്ടെന്നും ക്രൈംബ്രാഞ്ച് എഡിജിപിക്ക് അന്വേഷിക്കാന്‍ നിര്‍ദേശം നല്‍കിയെന്നും ചെന്നിത്തല പറഞ്ഞു. കേരള പൊലീസ് ഇന്റര്‍പോളുമായി ബന്ധപ്പെട്ടിട്ടുണ്ടെന്നും ചെന്നിത്തല പറഞ്ഞു.

🔹 പിണറായി വിജയന്റെ വസതിയില്‍ പരിശോധനയ്ക്കെത്തിയ ഇ ഡി ഉദ്യോഗസ്ഥരെ ആക്രമിച്ച കേസില്‍, പ്രതികളുടെ സാന്നിധ്യം ശാസ്ത്രീയമായി തെളിയിക്കാന്‍ പോലീസ് ഇമേജ് മാച്ചിംഗ് സാങ്കേതിക വിദ്യ ഉപയോഗിക്കുന്നു. വീഡിയോ ദൃശ്യങ്ങള്‍ എഐ ഉപയോഗിച്ച് നിര്‍മ്മിച്ചതാണെന്ന വാദം തടയാനും, മുഖവും ശരീരഘടനയും താരതമ്യം ചെയ്ത് പ്രതികളെ ഉറപ്പിക്കാനുമാണ് ഈ നീക്കം.

🔹പ്രതിപക്ഷ ഉപനേതൃ സ്ഥാനം സംബന്ധിച്ച പിണറായി വിജയന്റെ പരാമര്‍ശം മുന്‍പുണ്ടായ തീരുമാനമനുസരിച്ചാണെന്നു എല്‍ഡിഎഫ് കണ്‍വീനര്‍ ടി പി രാമകൃഷ്ണന്‍. അതേസമയം നേതാക്കള്‍ പ്രസ്താവനകളില്‍ മിതത്വം പാലിക്കണമെന്നും പ്രശ്നങ്ങള്‍ ചര്‍ച്ചയിലൂടെയാണ് പരിഹരിക്കേണ്ടതെന്നും ഇതിനുള്ള ശ്രമങ്ങള്‍ തുടരുകയാണെന്നും രാമകൃഷ്ണന്‍.

🔹എസ്ഐ ചമഞ്ഞ് എംഡിഎംഎ വില്‍പ്പന നടത്തിയ യുവാവ് പിടിയില്‍. കോഴിക്കോട് ഫറോക്കിലാണ് ചുങ്കം കള്ളിത്തൊടി സ്വദേശി റോജിത്തിനെ അറസ്റ്റു ചെയ്തത്. ഇയാളില്‍ നിന്ന് എംഡിഎംഎയും എയര്‍ പിസ്റ്റളും വിലങ്ങും വ്യാജ പൊലീസ് എസ്ഐ ഐഡി കാര്‍ഡും യൂണിഫോമിലുള്ള ഫോട്ടോയും കണ്ടെടുത്തു.

🔹മാടാക്കര പള്ളിയിൽ ഷൂവിട്ട് കയറി പ്രായമായ വിശ്വാസികളെ തല്ലി ചതച്ച സംഭവത്തിൽ 5 പൊലീസുകാർക്കെതിരെ നടപടി. കോഴിക്കോട് ചോമ്പാല സ്റ്റേഷനിലെ എസ്എച്ച്ഒ ഷമീൽ പിപി ഉൾപ്പെടെ സ്റ്റേഷനിലെ 5 പോലീസ് ഉദ്യോഗസ്ഥരെ സ്ഥലംമാറ്റി ആഭ്യന്തര വകുപ്പ്.മനോജൻ എംവി, അനിൽ കുമാർ എൻപി, മനോജ്‌ കുമാർ കെഎം, പ്രവീൺ കുമാർ സി എന്നിവരെ കോഴിക്കോട് റൂറൽ ആസ്ഥാനത്തേക്ക് സ്ഥലം മാറ്റിയത്. പയ്യോളി എസ്എച്ച്ഒ ജയ്‌മോൻ പിജെയെ ചോമ്പാല എസ്എച്ച്ഒ ആയി നിയമിച്ചു.പയ്യോളി സ്റ്റേഷനിലെ ജയദാസൻ എംകെയെ പയ്യോളി എസ്എച്ച്ഒ ആയും നിയമിച്ചു. മാടാക്കര പള്ളി തർക്കത്തിൽ പോലിസ് ഇടപെടലിൽ ജാഗ്രത കുറവുണ്ടായ പശ്ചാത്തലത്തിലാണ് 5 പോലീസുകാർക്കെതിരായ നടപടി.

🔹വിചാരണത്തടവുകാരടക്കം നിറഞ്ഞുകവിഞ്ഞ് ആലുവ സബ് ജയില്‍. 57 തടവുകാര്‍ക്കായി നിര്‍മിച്ച തടവറയില്‍ നിലവില്‍ 114 പേരുമായി വീര്‍പ്പുമുട്ടുകയാണ് ആലുവ സബ് ജയില്‍. ഇവരെ നിയന്ത്രിക്കാനും ഏകോപിപ്പിക്കാനും നാല് ജയില്‍ ജീവനക്കാര്‍ മാത്രമായതോടെ കാര്യങ്ങള്‍ കുഴയുന്നതായി ആരോപണം.

🔹ശ്രീകൃഷ്ണപുരത്ത് ഓണാഘോഷത്തിന്‍റെ ഭാഗമായി നടന്ന വടംവലി മത്സരത്തിൽ പങ്കെടുത്ത യുവാവ് കുഴഞ്ഞുവീണ് മരിച്ചു. കോതകുർശി സ്വദേശി പ്രവീൺകുമാർ (27) ആണ് മരിച്ചത് മ ത്സരത്തിനുശേഷം അസ്വസ്ഥത അനുഭവപ്പെട്ട ഇദ്ദേഹം കുഴഞ്ഞുവീഴുകയായിരുന്നു.ഉടൻ പ്രവീൺകുമാറിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

🔹കോഴിക്കോട് നെല്ലിക്കാപറമ്പിൽ വയോധികനെ ഇടിച്ചു തെറിപ്പിച്ച് കാർ നിർത്താതെ പോയി. അപകടത്തിൽ പരിക്കേറ്റ വയോധികൻ നിലവിൽ ഗുരുതരാവസ്ഥയിൽ ആണ്.നെല്ലിക്കപറമ്പ് സ്വദേശിയും റേഷൻ കട വ്യാപാരിയുമായ അഹമ്മദ് കുട്ടിക്കാണ് പരുക്കേറ്റത്. എടവണ്ണ -കൊയിലാണ്ടി സംസ്ഥാന പാതയിൽ നെല്ലിക്കാപറമ്പ് അങ്ങാടിയിൽ വയോധികനെ കാറിടിച്ച് ഗുരുതര പരുക്ക്. കഴിഞ്ഞ ദിവസം വൈകിട്ട് 6.30-ഓടെയാണ് അപകടമുണ്ടായത്. അപകടത്തിന്റെ CCTV ദൃശ്യങ്ങൾ പുറത്ത് വന്നിട്ടുണ്ട്.

🔹കാസർഗോഡ് ഇടയിലക്കാട് വാനരകൂട്ടത്തിന് പതിവുപോലെ ഇത്തവണയും ഓണ സദ്യയൊരുക്കി. 19-ാം വർഷമാണ് മുടക്കമില്ലാതെ കാവിലെ വാനരൻമാർക്ക് സദ്യയൊരുക്കി നൽകുന്നത്. ഇടയിലക്കാട് കാവിന് പുറത്ത് സദ്യക്കായി ഒരുക്കിയ പ്രത്യേക സ്ഥലത്ത് തൂശനില വിരിച്ചു. സിനിമാതാരം പി പി കുഞ്ഞികൃഷ്ണൻ മാസ്റ്ററുടെ നേതൃത്യത്തിൽ ഉപ്പുചേർക്കാത്ത ചോറ് വിളമ്പി. പഴവർഗങ്ങളും പച്ചക്കറികളുമെല്ലാം ഓരോന്നോരോന്നായി ഇലയിൽ നിറഞ്ഞു. വള്ളിപ്പടർപ്പുകളിലും മരക്കൊമ്പുകളിലും സദ്യയ്ക്കായി കാത്തിരുന്ന വാനരക്കൂട്ടത്തിൽ നിന്ന് ഓരോരുത്തരായെത്തി പതിയെ വിഭവങ്ങൾ ഓരോന്നായി രുചിക്കുകയും ചെയ്തു.

🔹ഇടുക്കി മൂന്നാർ ലക്ഷ്മി എസ്റ്റേറ്റിൽ വീണ്ടും കടുവ ആക്രമണം. തൊഴിലാളിയായ രമേശിന്റെ ദിവസവും 15 ലിറ്ററോളം പാൽ നൽകിയിരുന്ന കറവപ്പശുവിനെ കടുവ കൊന്നു. ലയങ്ങൾക്ക് സമീപം വരെ കടുവ എത്തുന്ന സാഹചര്യത്തിൽ അടിയന്തര നടപടി വേണമെന്നാണ് തൊഴിലാളികളുടെ ആവശ്യം ലക്ഷ്മി എസ്റ്റേറ്റിലെ വെസ്റ്റ് ഡിവിഷനിലാണ് കറവപ്പശുവിനെ കടുവ ആക്രമിച്ചു കൊന്നത്. തൊഴിലാളിയായ രമേശിന്റെ ദിവസവും 15 ലിറ്ററോളം പാൽ നൽകിയിരുന്ന പശുവിനെ ലയത്തിന് സമീപം ചത്ത നിലയിൽ കണ്ടെത്തുകയായിരുന്നു. അടുത്തിടെയായി നാല് കന്നുകാലികളാണ് ഈ മേഖലയിൽ കടുവയുടെ ആക്രമണത്തിൽ കൊല്ലപ്പെട്ടത്.

🔹പിറവത്ത് ഫർണിച്ചർ വർക്ക്ഷോപ്പിൽ വൻ തീപിടിത്തം. ഇന്ന് പുലർച്ചെ നാലോടെയാണ് പിറവം താലൂക്ക് ആശുപത്രിക്ക് സമീപം മോർ സൂപ്പർമാർക്കറ്റിന്‍റെ പിൻഭാഗത്തുള്ള വർക്ക്ഷോപ്പിൽ അഗ്നിബാധ ഉണ്ടായത്. ഉടൻ സ്ഥലത്തെത്തിയ അഗ്നിശമനസേന യൂണിറ്റ് തീയണക്കാൻ ശ്രമം ആരംഭിച്ചു.എന്നാൽ തീ കൂടുതൽ ഭാഗത്തേക്ക് പടർന്നതോടെ കൂത്താട്ടുകുളത്തുനിന്നും മുളന്തുരുത്തിയിൽ നിന്നും അഗ്നിശമനസേന യൂണിറ്റ് എത്തിയാണ് തീ പൂർണമായും അണച്ചത്. സ്ഥാപനത്തിന്‍റെ 80 ശതമാനത്തോളം ഭാഗം അഗ്നിക്കിരയായി.ഏകദേശം 10 ലക്ഷത്തോളം രൂപയുടെ നഷ്ടമുണ്ടായതായാണ് പ്രാഥമിക കണക്ക്. സമീപത്തെ സ്ഥാപനങ്ങളിലേക്ക് തീ പടരാതിരുന്നത് മൂലം വൻ ദുരന്തമാണ് ഒഴിവായത്. ഓണക്കൂർ സ്വദേശിനിയുടെ ഉടമസ്ഥതയിലുള്ള സ്ഥാപനം മുവാറ്റുപുഴ സ്വദേശി അരവിന്ദ് വാടകയ്ക്ക് എടുത്ത് നടത്തുന്നതാണ്.

🔹വായ്‌ക്കുള്ളില്‍ ഒളിപ്പിച്ച് കടത്താന്‍ ശ്രമിച്ച 82 ഗ്രാം സ്വര്‍ണം ബെംഗളൂരു കെംപെഗൗഡ അന്താരാഷ്‌ട്ര വിമാനത്താവളത്തില്‍ പിടികൂടി. സംഭവത്തില്‍ മുഹമ്മദ് സിറാജിനെ സിഐഎസ്എഫ് പിടികൂടി. ബുധനാഴ്ച പുലര്‍ച്ചെ ഇന്‍ഡിഗോ വിമാനത്തില്‍ ബെംഗളൂരുവിലെത്തിയ സിറാജ്, തുടര്‍ന്ന് രാവിലെ ഇന്‍ഡിഗോ വിമാനത്തില്‍ ഗാസിയാബാദിലേക്ക് പോകാനിരിക്കുകയായിരുന്നു. ടെര്‍മിനല്‍ ഒന്നിലെ സുരക്ഷാ പരിശോധനയ്‌ക്കിടെ ഇയാളുടെ പെരുമാറ്റത്തില്‍ ഉദ്യോഗസ്ഥര്‍ക്ക് സംശയം തോന്നുകയായിരുന്നു.

🔹നേപ്പാളിലെ മിന്നൽ പ്രളയത്തിൽ കാണാതായ 290 ലധികം ഇന്ത്യക്കാർക്ക് വേണ്ടി തിരച്ചിൽ തുടരുന്നു. നേപ്പാളിലെ തൃശൂലി-1 ജലവൈദ്യുത പദ്ധതിയിൽ ജോലി ചെയ്തിരുന്ന 73 ഇന്ത്യൻ തൊഴിലാളികളും കൈലാസ മാനസസരോവർ യാത്രയ്ക്കായി ചൈനീസ് നിയന്ത്രണത്തിലുള്ള ടിബറ്റ് അതിർത്തിയിലെത്തിയ 200-ഓളം തീർത്ഥാടകരും കാണാതായവരിൽ ഉൾപ്പെടുന്നു. 33 മലയാളികളെ കുറിച്ചും യാതൊരു വിവരവുമില്ല.

🔹നേപ്പാളില്‍ രക്ഷാദൗത്യത്തിന് തയ്യാറെന്ന് ഇന്ത്യന്‍ കരസേന അറിയിച്ചെങ്കിലും വിദേശ രാജ്യങ്ങളുടെ രക്ഷാപ്രവര്‍ത്തന സഹായ വാഗ്ദാനങ്ങള്‍ നേപ്പാള്‍ സര്‍ക്കാര്‍ നിരസിച്ചു. നേപ്പാളിലെ പോലീസും സുരക്ഷാ ഏജന്‍സികളും ജനങ്ങളും ചേര്‍ന്ന് രക്ഷാപ്രവര്‍ത്തനം നടത്തും. നേരത്തെ ഭൂകമ്പമുണ്ടായപ്പോള്‍ വിദേശങ്ങളില്‍നിന്ന് എത്തിയ രക്ഷാപ്രവര്‍ത്തനങ്ങളെ ഏകോപിപ്പിക്കാന്‍ ബുദ്ധിമുട്ട് അനുഭവപ്പെട്ടിരുന്നു. പുനര്‍നിര്‍മിതിക്ക് വിദേശ രാജ്യങ്ങളുടെ സഹായം തേടാമെന്നാണ് നേപ്പാള്‍ ഭരണകൂടത്തിന്റെ നിലപാട്.

🔹നേപ്പാളിലെ പ്രളയദുരന്തഭൂമിയില്‍ മോഷണവും. പ്രളയത്തില്‍ മരിച്ച സ്ത്രീയുടെ മൃതദേഹത്തില്‍നിന്ന് കമ്മലുകള്‍ മോഷ്ടിച്ച രണ്ടുപേരെ പൊലീസ് അറസ്റ്റ് ചെയ്തു.

🔹 ടിബറ്റിലുണ്ടായ ഹിമപാതത്തെത്തുടര്‍ന്ന് നേപ്പാളിലുണ്ടായ വന്‍ പ്രളയദുരന്തത്തിന്‍റെ പശ്ചാത്തലത്തില്‍, ഇന്ത്യ-ചൈന അതിര്‍ത്തിക്കടുത്ത് നിര്‍മിക്കുന്ന കൂറ്റന്‍ ഡാമിനെതിരേ മുന്നറിയിപ്പുമായി വിദഗ്ധര്‍ രംഗത്ത്. അരുണാചല്‍പ്രദേശ് അതിര്‍ത്തിയോടു ചേര്‍ന്നുള്ള അതീവ ഭൂകമ്പസാധ്യതാ മേഖലയായ മെഡോഗ് കൗണ്ടിയില്‍ ചൈന നിര്‍മിക്കുന്ന 60,000 മെഗാവാട്ട് ശേഷിയുള്ള ജലവൈദ്യുത പദ്ധതിയുടെ മെഗാ ഡാമിനെതിരേയാണ് ഭൗമശാസ്ത്ര-തന്ത്രജ്ഞ വിദഗ്ധര്‍ കടുത്ത ആശങ്ക ഉയര്‍ത്തുന്നത്.

🔹പാകിസ്ഥാന്റെ രഹസ്യാന്വേഷണ ഏജന്‍സിയായ ഐഎസ്ഐക്കുവേണ്ടി ചാരവൃത്തി നടത്തിയിരുന്ന യുവദമ്പതികള്‍ ഡല്‍ഹിയില്‍ അറസ്റ്റില്‍. സഹീല്‍, ഭാര്യ സമീറ എന്നിവരാണ് അറസ്റ്റിലായത്. രണ്ടു വര്‍ഷമായി പാക് ഏജന്റുമാര്‍ക്കായി പ്രവര്‍ത്തിച്ചെന്നും സോഷ്യല്‍ മീഡിയ വഴിയാണ് പാക് ഏജന്റുമാരുമായി ബന്ധം സ്ഥാപിച്ചതെന്നുമാണ് കണ്ടെത്തല്‍.

🔹കുവൈറ്റിൽ വൻ മയക്കുമരുന്ന് വേട്ട. അഞ്ച് ടൺ ലിറിക്ക അസംസ്കൃത പൊടിയും വിൽപ്പനയ്ക്കായി തയ്യാറാക്കിയ 40 ലക്ഷം ക്യാപ്സ്യൂളുകളുമാണ് പിടിച്ചെടുത്തത്. പിടിച്ചെടുത്ത മയക്കുമരുന്നിന്റെ മൊത്തം വിപണി മൂല്യം ഏകദേശം 150 മില്യൺ കുവൈത്തി ദിനാർ വരുമെന്നാണ് കണക്കാക്കുന്നത്. രാജ്യത്തിന്റെ ചരിത്രത്തിലെ തന്നെ ഏറ്റവും വലിയ മയക്കുമരുന്ന് വേട്ട വിജയകരമായി നടത്തിയതായി കുവൈറ്റ് പ്രഥമ ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് അൽ യൂസഫ് അറിയിച്ചു. രണ്ടു കുവൈറ്റ് സ്വദേശികളും ഒരു ഈജിപ്ഷ്യൻ പൗരനെയും ജോര്ദാനിയൻ സ്വദേശിയെയും സുരക്ഷാ സേന പിടികൂടിയത്.

🔹ഹോര്‍മുസ് കടലിടുക്കില്‍ പശ്ചിമേഷ്യന്‍ യുദ്ധ സാഹചര്യത്തില്‍ ഇറാന്‍ നിക്ഷേപിച്ചിരുന്ന മൈനുകള്‍ വിജയകരമായി നീക്കം ചെയ്തതായി അമേരിക്കന്‍ സെന്‍ട്രല്‍ കമാന്‍ഡ് അവകാശവാദം. ലോകത്തിലെ ഏറ്റവും പ്രധാനപ്പെട്ട ഊര്‍ജ്ജ ഗതാഗത പാത പൂര്‍ണ്ണമായും സുരക്ഷിതമായെന്നും യു.എസ് സേനാ വ്യൂഹം അവകാശപ്പെട്ടു.

🔹2030 ഓടെ അമേരിക്കയില്‍ നിന്ന് പ്രതിവര്‍ഷം ആയിരത്തിലേറെ റോക്കറ്റ് വിക്ഷേപണങ്ങള്‍ നടത്താന്‍ ലക്ഷ്യമിടുന്ന പുതിയ നയത്തിന് പ്രസിഡന്റ് ഡൊണാള്‍ഡ് ട്രംപ് അംഗീകാരം നല്‍കി. അമേരിക്കയുടെ ബഹിരാകാശ വിക്ഷേപണ മേഖലയ്ക്ക് കൂടുതല്‍ വേഗം നല്‍കുന്ന പദ്ധതിയാണിത്.

🔹കാനഡയുമായുള്ള വ്യാപാര തര്‍ക്കം രൂക്ഷമായതോടെ പ്രശസ്തമായ ലേക്ക് ഒന്റാരിയോയുടെ പേരു മാറ്റി ട്രംപ്. തടാകത്തിന് ലേക്ക് അമേരിക്ക എന്ന പേരാണു നല്‍കിയത്.

🔹യുഎസില്‍ ഇന്ത്യന്‍ യുവതിയെ കൊലപ്പെടുത്തിയ സംഭവത്തില്‍ പ്രതി ഇന്ത്യയില്‍ അറസ്റ്റില്‍. തെലങ്കാന സ്വദേശിനിയായ നികിത ഗോഡിശാല(27)യെ കൊലപ്പെടുത്തിയ കേസിലെ പ്രതി അര്‍ജുന്‍ ശര്‍മ(26)യെയാണ് ആഗ്രയില്‍നിന്ന് ഹൈദരാബാദ് പൊലീസ് പിടികൂടിയത്. അര്‍ജുന്‍ ശര്‍മയ്ക്കെതിരേ നികിതയുടെ മാതാപിതാക്കള്‍ നല്‍കിയ വഞ്ചനാക്കേസിലാണ് അറസ്റ്റ്.

🔹അവസാന ഓവറിലെ അവസാന പന്തു വരെ കാത്തിരുന്നു വിജയം ആര്‍ക്കാണെന്നറിയാന്‍. കേരള ക്രിക്കറ്റ് ലീഗില്‍ കൊച്ചി ബ്ലൂ ടൈഗേഴ്സിന് എതിരേ കൊല്ലം സെയ്‌ലേഴ്സിനു മൂന്നു റണ്‍സ് ജയം. ടോസ് നേടിയ കൊല്ലം ബാറ്റിംഗിന് തെരഞ്ഞെടുക്കുകയായിരുന്നു. 20 ഓവറില്‍ ഒമ്പതു വിക്കറ്റ് നഷ്ടത്തില്‍ കൊല്ലം 158 റണ്‍സെടുത്തു. 159 റണ്‍സ് വിജയ ലക്ഷ്യവുമായി മറുപടി ബാറ്റിംഗിനിറങ്ങിയ കൊച്ചിക്ക് ഏഴു വിക്കറ്റ് നഷ്ടത്തില്‍ 155 റണ്‍സ് നേടാനേ സാധിച്ചുള്ളൂ.

🔹2026 ലോകകപ്പ് വനിതാ ഹോക്കിയില്‍ ഇന്ത്യ അഞ്ചാം സ്ഥാനത്തു ഫിനിഷ് ചെയ്തു. 1974ല്‍ നാലാം സ്ഥാനത്തു ഫിനിഷ് ചെയ്തതിനുശേഷം ഇന്ത്യയുടെ ഏറ്റവും മികച്ച പ്രകടനമാണിത്. അഞ്ചാം സ്ഥാന പോരാട്ടത്തില്‍ ഇന്ത്യ 3-1ന് ജര്‍മനിയെ കീഴടക്കി. ഇന്ത്യക്കായി നവ്‌നീത് കൗര്‍ രണ്ടും ഇഷിക ചൗധരി ഒരു ഗോളും നേടി.

🔹ദുബായ്:2026 ഏഷ്യ കപ്പ് വനിതാ ട്വന്‍റി-20ക്ക് ഇന്നു തുടക്കം. ഉദ്ഘാടന മത്സരത്തില്‍ ഗ്രൂപ്പ് എയില്‍ ഹോങ്കോംഗും തായ്‌ലന്‍ഡും ഏറ്റുമുട്ടും. ഇന്ത്യന്‍ സമയം രാത്രി എട്ടിനാണ് മത്സരം. ഞായറാഴ്ച തായ്‌ലന്‍ഡിന് എതിരേയാണ് ഇന്ത്യയുടെ ആദ്യ പോരാട്ടം. ഇന്ത്യ x പാക്കിസ്ഥാന്‍ കൊമ്പുകോര്‍ക്കല്‍ സെപ്റ്റംബര്‍ ഒന്നിനു നടക്കും.

🔹ഗീതു മോഹന്‍ദാസ് സംവിധാനം ചെയ്ത യഷ് ചിത്രം ‘ടോക്സിക്: എ ഫെയറി ടെയില്‍ ഫോര്‍ ഗ്രോണ്‍ അപ്സ്’ ആദ്യദിനം നേടിയത് 150 കോടി. ഇതോടെ ആദ്യദിനം 100 കോടി നേടുന്ന ആദ്യ മലയാള സംവിധായികയായും ഗീതു മോഹന്‍ദാസ് മാറി. സാക്നില്‍കിന്റെ കണക്കുകള്‍ പ്രകാരം ഇന്ത്യയില്‍ നിന്ന് മാത്രം 120.75 കോടി രൂപ ഗ്രോസും വിദേശ വിപണികളില്‍ നിന്ന് 20 കോടി രൂപ ഗ്രോസും ചിത്രം നേടി. ഇന്ത്യയിലുടനീളം 24,579 ഷോകളില്‍ നിന്നായി ചിത്രം 101.10 കോടി രൂപയാണ് നേടിയത്. ഇന്ത്യന്‍ ബോക്സ് ഓഫീസിലെ നെറ്റ് കളക്ഷനില്‍ 101.10 കോടി സ്വന്തമാക്കിയ ടോക്സിക്, മുന്‍നിര ചിത്രങ്ങളായ കല്‍ക്കി (95 കോടി), സലാര്‍ (91 കോടി), ആദിപുരുഷ് (87 കോടി), ദേവര (83 കോടി), ജവാന്‍ (75 കോടി) എന്നിവയുടെ ആദ്യദിന നേട്ടങ്ങളെ പിന്തള്ളുകയും ചെയ്തു. കര്‍ണാടകയിലാണ് ചിത്രം ഏറ്റവും കലക്ഷന്‍ നേടിയത് (30.50 കോടി രൂപ). ആന്ധ്രാപ്രദേശിലും തെലങ്കാനയിലുമായി 18.50 കോടി, തമിഴ്‌നാട്ടില്‍ നിന്ന് 6.75 കോടി, കേരളത്തില്‍ നിന്ന് 2.25 കോടി എന്നിങ്ങനെയാണ് കലക്ഷന്‍.

🔹ദുല്‍ഖര്‍ സല്‍മാന്‍ നായകനായ ബിഗ് ബഡ്ജറ്റ് ഫാന്റസി ത്രില്ലര്‍ ‘ഐ ആം ഗെയിമി’ലെ രണ്ടാം ഗാനം ‘ലൂസര്‍’ പുറത്ത്. ജേക്‌സ് ബിജോയ് ഈണം നല്‍കിയ ഗാനം ആലപിച്ചത് ദുല്‍ഖര്‍ സല്‍മാന്‍ തന്നെയാണ്. സുഹൈല്‍ കോയ ആണ് ഈ ഗാനത്തിന് വരികള്‍ രചിച്ചത്. കെ ബാലസാരംഗന്‍, ജേക്‌സ് ബിജോയ് എന്നിവരാണ് ഗാനത്തിന് പിന്നണിയില്‍ ശബ്ദം നല്‍കിയ മറ്റ് രണ്ട് ഗായകര്‍. മലയാളം, തമിഴ്, ഹിന്ദി, കന്നഡ, തെലുങ്ക് ഭാഷകളില്‍ ഗാനം റിലീസ് ചെയ്തിട്ടുണ്ട്. ചിത്രം 2026 സെപ്റ്റംബര്‍ 3 ന് ആഗോള തലത്തില്‍ മെഗാ റിലീസായി എത്തും. ഏറെ സ്റ്റൈലിഷ് ആയി, ത്രസിപ്പിക്കുന്ന ഈണത്തിലാണ് ഈ ഗാനം ഒരുക്കിയിരിക്കുന്നത്. ഈ ബിഗ് ബഡ്ജറ്റ് ഫാന്റസി ത്രില്ലറില്‍, ആന്റണി വര്‍ഗീസ്, തമിഴ് നടനും സംവിധായകനുമായ മിഷ്‌കിന്‍, കായദു ലോഹര്‍, കതിര്‍, പാര്‍ത്ഥ് തിവാരി, തമിഴ് നായികാ താരം സംയുക്ത വിശ്വനാഥന്‍ തുടങ്ങി വമ്പന്‍ താരനിരയാണ് അണിനിരക്കുന്നത്.

💦 ഗുരുജിയുടെ വാക്കുകൾ
*****************************

‘ പ്രണയം കൊടുമുടിയാണ്. സൗഹൃദം താഴ്‌വരകളും. പ്രണയം തീവ്രവും തപിപ്പിക്കുന്നതുമാണ്. എന്നാൽ, സൗഹൃദം ശാന്തവും തണുപ്പുമാണ്. സൗഹൃദം ജീവിപ്പിക്കുമ്പോൾ പ്രണയം നിഷ്കാസനം ചെയ്യുന്നു. കണ്ണുതുറന്നു നടക്കാൻ സൗഹൃദം പഠിപ്പിക്കുമ്പോൾ, പ്രണയം കണ്ണടച്ച് എടുത്തു ചാടാൻ പ്രേരിപ്പിക്കുന്നു. സൗഹൃദം കൂട്ടത്തിലേക്കും കൂട്ടായ്മയിലേക്കും കൊണ്ടു പോകുമ്പോൾ പ്രണയം നിന്നെ തികച്ചും ഏകനാക്കുന്നു.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 28

•അയ്യങ്കാളി ജയന്തി (Ayyankali Jayanthi)കേരളത്തിലെ ഏറ്റവും പ്രധാനപ്പെട്ട ഒരു ദിനാചരണമാണിത്. കേരള നവോത്ഥാന ചരിത്രത്തിലെ സമാനതകളില്ലാത്ത വിപ്ലവ നായകനും സാമൂഹിക പരിഷ്കർത്താവുമായ മഹാത്മാ അയ്യങ്കാളിയുടെ ജന്മദിനമാണ് ഓഗസ്റ്റ് 28 (1863 ഓഗസ്റ്റ് 28). പാർശ്വവൽക്കരിക്കപ്പെട്ട ജനവിഭാഗങ്ങളുടെ അവകാശങ്ങൾക്കും വിദ്യാഭ്യാസത്തിനും സഞ്ചാര സ്വാതന്ത്ര്യത്തിനുമായി അദ്ദേഹം നടത്തിയ പോരാട്ടങ്ങൾ ഈ ദിവസം സ്മരിക്കപ്പെടുന്നു.

•ദേശീയ ദിനാചരണങ്ങൾ (National Days)രക്ഷാബന്ധൻ (Raksha Bandhan): സഹോദരങ്ങൾ തമ്മിലുള്ള സ്നേഹത്തിന്റെയും സംരക്ഷണത്തിന്റെയും പ്രതീകമായ രക്ഷാബന്ധൻ ഈ ദിവസങ്ങളിലാണ് ഇന്ത്യയൊട്ടാകെ ആഘോഷിക്കുന്നത്.

•ദേശീയ കായിക ദിനത്തിന്റെ തുടക്കം: ഇന്ത്യയിൽ ഓഗസ്റ്റ് 29 ദേശീയ കായിക ദിനമായി (National Sports Day) ആഘോഷിക്കുന്നതിന്റെ ഭാഗമായുള്ള ത്രിദിന പരിപാടികൾക്കും ക്യാമ്പെയ്നുകൾക്കും ഓഗസ്റ്റ് 28-ന് തുടക്കമാകാറുണ്ട്.

•നാഷണൽ തോട്ട്‌ഫുൾ ഡേ (National Thoughtful Day): മറ്റുള്ളവരോട് കരുണയും പരിഗണനയും കാണിക്കുന്നതിന്റെ പ്രാധാന്യം ഓർമ്മിപ്പിക്കുന്ന ദിനം.

•റെയിൻബോ ബ്രിഡ്ജ് അനുസ്മരണ ദിനം (Rainbow Bridge Remembrance Day): നമ്മെ വിട്ടുപിരിഞ്ഞുപോയ വളർത്തുമൃഗങ്ങളുടെ ഓർമ്മ പുതുക്കുന്നതിനായി നീക്കിവെച്ചിരിക്കുന്ന ദിവസം.

•പെപ്സി-കോള (1898): “ബ്രാഡ്‌സ് ഡ്രിങ്ക്” (Brad’s Drink) എന്നറിയപ്പെട്ടിരുന്ന പാനീയം ഔദ്യോഗികമായി “പെപ്സി-കോള” എന്ന് പുനർനാമകരണം ചെയ്യപ്പെട്ടു.

•യുണൈറ്റഡ് പാഴ്സൽ സർവീസ് – UPS (1907): ലോകപ്രശസ്ത കൊറിയർ കമ്പനിയായ യു.പി.എസ് (UPS) അമേരിക്കയിലെ സിയാറ്റിലിൽ സ്ഥാപിതമായത് ഈ ദിവസമാണ്.

•”ഐ ഹാവ് എ ഡ്രീം” പ്രസംഗം (1963): അമേരിക്കൻ സിവിൽ റൈറ്റ്സ് നേതാവ് മാർട്ടിൻ ലൂഥർ കിംഗ് ജൂനിയർ ചരിത്രപ്രസിദ്ധമായ തന്റെ “I Have a Dream” പ്രസംഗം വാഷിംഗ്ടണിൽ നടത്തിയത് 1963 ഓഗസ്റ്റ് 28-നായിരുന്നു.

തയ്യാറാക്കിയത്: കപിൽ ശങ്കർ

9 Likes

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 28 | വെള്ളി ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 28

തയ്യാറാക്കിയത്: കപിൽ ശങ്കർ

മുൻ കാമുകിയെ കാണാതായെന്ന് പരാതി നൽകി ഇന്ത്യയിലേക്ക് കടന്ന കൊലക്കേസ് പ്രതി അർജുൻ ശർമ്മ ഇന്ത്യയിൽ പിടിയിൽ

9/11 റിപ്പോർട്ടിങ്ങിൽ ‘Terrorist Attack’ വേണ്ട; CBC നിർദേശം വിവാദത്തിൽ

ഇൽഹാൻ ഒമറിന്റെ മകന്റെ അപ്പാർട്ട്മെന്റിൽ പോലീസ് റെയ്ഡ്; തോക്കുകളും വെടിയുണ്ടകളും പിടിച്ചെടുത്തു

LEAVE A REPLY Cancel reply

Most Popular

മുൻ കാമുകിയെ കാണാതായെന്ന് പരാതി നൽകി ഇന്ത്യയിലേക്ക് കടന്ന കൊലക്കേസ് പ്രതി അർജുൻ ശർമ്മ ഇന്ത്യയിൽ പിടിയിൽ

9/11 റിപ്പോർട്ടിങ്ങിൽ ‘Terrorist Attack’ വേണ്ട; CBC നിർദേശം വിവാദത്തിൽ

ഇൽഹാൻ ഒമറിന്റെ മകന്റെ അപ്പാർട്ട്മെന്റിൽ പോലീസ് റെയ്ഡ്; തോക്കുകളും വെടിയുണ്ടകളും പിടിച്ചെടുത്തു

വിദ്യാർത്ഥികളെ വീട്ടിലേക്ക് വരുത്തി മദ്യം നൽകിയ കേസിൽ ടെക്സസിലെ ഹൈസ്കൂൾ അധ്യാപിക അറസ്റ്റിൽ.

Recent Comments

EDITOR PICKS

മുൻ കാമുകിയെ കാണാതായെന്ന് പരാതി നൽകി ഇന്ത്യയിലേക്ക് കടന്ന കൊലക്കേസ് പ്രതി അർജുൻ ശർമ്മ ഇന്ത്യയിൽ പിടിയിൽ

9/11 റിപ്പോർട്ടിങ്ങിൽ ‘Terrorist Attack’ വേണ്ട; CBC നിർദേശം വിവാദത്തിൽ

ഇൽഹാൻ ഒമറിന്റെ മകന്റെ അപ്പാർട്ട്മെന്റിൽ പോലീസ് റെയ്ഡ്; തോക്കുകളും വെടിയുണ്ടകളും പിടിച്ചെടുത്തു

POPULAR POSTS

ക്രിക്കറ്റ് ഉൾപ്പെടെ ഏതാനും കായിക ഇനങ്ങളിൽ മാത്രം ശ്രദ്ധ കേന്ദ്രീകരിക്കുന്ന പ്രവണത മാറണം’; പ്രധാനമന്ത്രി.

നേപ്പാൾ പ്രളയം; മരണസംഖ്യ ഉയരുന്നു, 290 ഇന്ത്യക്കാർ ഉൾപ്പെടെ 1500 പേരെക്കുറിച്ച് വിവരമില്ല

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 28 | വെള്ളി ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ഓഗസ്റ്റ് 28

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************