ചിങ്ങം ഒന്ന്…
മണ്ണിൽ പൊന്നുവിളയിക്കുന്ന കർഷകന്റെ ദിനം..
പഞ്ഞമാസം അവസാനിച്ച് ഐശ്വര്യത്തിന്റെയും സമ്പൽ സമൃദ്ധിയുടെയും വിളവെടുപ്പുകാലം വരുമ്പോൾ ചേറ്റിലും പറമ്പിലും അദ്ധ്വാനിക്കുന്നവനെ
ആരാധിക്കാനായി പൊന്നിൻ ചിങ്ങമാസത്തിലെ ആദ്യദിനം തന്നെയാണ് മലയാളികൾ തെരഞ്ഞെടുത്തിരിക്കുന്നത്. വിളവെടുപ്പുത്സവം കൂടിയായ
ഓണം, മണ്മറഞ്ഞ രാജാവിന്റെ മാത്രമല്ല, കേരളീയന്റെ കാർഷിക
സംസ്കൃതിയുടെയും ഓർമ്മപ്പെടുത്തലാണ്… ലോകമെങ്ങുമുള്ള
മലയാളികൾ ചിങ്ങപ്പുലരിയെ പുതുവർഷപ്പുലരിയായി കണക്കാക്കുന്നു… ആനന്ദോത്സവന്മായ ഓണത്തെ വരവേല്ക്കാൻ മലയാളി തയ്യാറെടുക്കുന്നതും ചിങ്ങം ഒന്നിനു തന്നെയാണ്…
മലയാളിയെ സംബന്ധിച്ചിടത്തോളം ചിങ്ങപ്പിറവി വസന്തകാലത്തിന്റെ കൂടി തുടക്കമാണ്. തൊടിയായ തൊടിയെല്ലാം പൂക്കളാൽ നിറയുന്ന കാലം. തെച്ചി, മന്ദാരം, പിച്ചകം, മുക്കുറ്റി, തുമ്പ തുടങ്ങി എണ്ണമറ്റ പൂക്കൾ വിരിഞ്ഞിറങ്ങുന്ന കാലമാണിനി..!!
ഈ കർഷക ദിനത്തിൽ മലയാളിയുടെ മണ്മറഞ്ഞ കാർഷിക സംസ്കൃതിയെ മനസ്സിലോർക്കാം… ഒപ്പം മണ്ണിൽ പണിയെടുത്ത് മണ്ണിനെ വിണ്ണാക്കുന്ന കർഷകനേയും… ✍️
കർഷകദിന ആശംസകൾ🌹🥰🙏