🌺 ശുഭദിനം 🌺 – 2024 | ജൂൺ 26 | ബുധൻ ✍ അർച്ചന കൃഷ്ണൻ

“എങ്ങുമനുഷ്യനു ചങ്ങല കൈകളി-
ങ്ങെൻ കൈയുകൾ നൊന്തീടുകയാ;-
ണെങ്ങോമർദ്ദന,മവിടെ പ്രഹരം വീഴുവതെന്റെ പുറത്താകുന്നു”.

എൻ.വി.കൃഷ്ണവാര്യർ

പല വ്യക്തികൾക്കും ജീവിതത്തെക്കുറിച്ചു ആശങ്കകളാണ്. ജീവിതത്തിലെല്ലാം നേടിയെടുക്കാനുള്ള ഓട്ടത്തിലാണ് മനുഷ്യർ. നമ്മൾ ജീവിച്ചുതീർത്ത കാലവും ഇനി ജീവിക്കുമെന്നു വിചാരിക്കുന്ന കാലവും നാം അളക്കുന്നത് വർഷക്കണക്കിലാണ്. വാസ്തവത്തിൽ നമ്മുടെ മുന്നിൽ പല വർഷങ്ങളോ ഒരു വർഷം പോലുമോ ഒരു സെക്കൻഡ് പോലുമോ ഉണ്ടാകണമെന്നില്ല. ഈ സെക്കൻഡിൽ ജീവൻ നിലയ്ക്കാം.

ജീവിതത്തിന്റെ അളവുകോൽ വർഷങ്ങളോ ദിവസങ്ങളോ അല്ല. അത് ഒരു നിമിഷത്തിൽ നിന്ന് അടുത്ത നിമിഷത്തിലേക്ക് മാത്രം ചലിക്കുന്നു. ഒരു ശ്വാസത്തിൽനിന്ന് അടുത്തതിലേക്കും, നമ്മുടെ മുന്നിൽ ഇനിയെത്ര നിമിഷങ്ങൾ ഉണ്ടാകുമെന്ന് നമുക്കാർക്കും അറിയില്ല. അങ്ങനെവരുമ്പോൾ നമ്മുടെ അഹന്തകൾക്കും ദുരഭിമാനങ്ങൾക്കുമൊന്നും യാതൊരു പ്രസക്തിയുമില്ല.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ