ഉത്തര്പ്രദേശ് സ്വദേശി അജിത് കുമാറാണ് 20,000 രൂപ കൈകൂലി വാങ്ങുന്നതിനിടെ പിടിയിലായത്. കാക്കനാട് ഓലിമുകളിലെ കേന്ദ്ര ഡെപ്യൂട്ടി ചീഫ് ലേബര് കമ്മീഷന് ഓഫീസിലും അജിത് കുമാറിന്റെ വീട്ടിലും വിജിലന്സ് പരിശോധന തുടരുകയാണ്.
ബി.പി.സി.എല് കമ്പനിയില് ലേബര് തൊഴിലാളികളെ കയറ്റുന്നതുമായി ബന്ധപ്പെട്ടാണ് കൈക്കൂലി വാങ്ങിയത്. 20 തൊഴിലാളികളുടെ കാര്ഡിനായി 20,000 രൂപ കൈക്കൂലി വാങ്ങുന്നതിനിടെയാണ് പിടിയിലായത്.
എഴ് ജില്ലയുടെ ചുമതലയുള്ള ഉദ്യോഗസ്ഥനാണ് അജിത് കുമാര്. അതിഥി തൊഴിലാളികളെ അടക്കം ബിപിസിഎല് കമ്പനിയില് ലേബര് തൊഴിലാളിയായി കയറ്റുന്നതിന് ലേബര് കാര്ഡ് നല്കുന്നത് അസി. ലേബര് കമ്മിഷണറായ അജിത്ത് കുമാറാണ്.
ഒരു തൊഴിലാളിക്ക് 1,000 രൂപ വീതമാണ് അജിത് വാങ്ങിയിരുന്നത്. ഇയാള് കഴിഞ്ഞ വർഷം കൈക്കൂലിയായി വാങ്ങിയത് ലക്ഷങ്ങളാണ്. വിജിലൻസ് എസ്പി ശശിധരൻ എസ്. ഐപിഎസ് എത്തി അറസ്റ്റ് രേഖപ്പെടുത്തി.
