📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 30 | ഞായർ ✍️ കപിൽ ശങ്കർ

🔹എല്‍ഡിഎഫ് സിപിഐയുടെ കുഞ്ഞാണെന്നും അതിനെ തകര്‍ക്കുന്ന യാതൊരു നീക്കവും അനുവദിക്കില്ലെന്നും സിപിഐ സംസ്ഥാന സെക്രട്ടറി ബിനോയ് വിശ്വം. പ്രതിപക്ഷ ഉപനേതാവ് തര്‍ക്കം മുറുകുന്നതിനിടെ സിപിഐ സംസ്ഥാന നിര്‍വാഹക സമിതി ഇന്ന് ഡല്‍ഹിയില്‍ ചേരും. കേന്ദ്ര സെക്രട്ടേറിയേറ്റ്, ദേശീയ നിര്‍വാഹക സമിതി, ദേശീയ കൗണ്‍സില്‍ യോഗങ്ങള്‍ നാളെ നടക്കും.

🔹സംസ്ഥാനത്തു കൂടുതല്‍ ബാറുകള്‍ ഉണ്ടാകില്ലെന്ന് എക്സൈസ് മന്ത്രി എം ലിജു. എക്സൈസ് വകുപ്പില്‍ അഴിമതി നടത്തിയതിനു സസ്പെന്‍ഡ് ചെയ്യപ്പെട്ട ഉദ്യോഗസ്ഥരുടെ അനധികൃത സ്വത്ത് അന്വേഷിക്കാന്‍ വിജിലന്‍സിനോട് ആവശ്യപ്പെട്ടിട്ടുണ്ട്. അന്വേഷണത്തില്‍ മികച്ച പ്രകടനം കാഴ്ചവെച്ച എക്സൈസ് കമ്മീഷണറെ മന്ത്രി അഭിനന്ദിച്ചു.

🔹കൊട്ടാരക്കര താലൂക്ക് ആശുപത്രിയില്‍ രാത്രി ചികില്‍സ തേടി എത്തിയ രോഗിക്കു ചികില്‍സ നല്‍കാതെ തര്‍ക്കിച്ച വനിതാ ഡോക്ടര്‍ക്ക് കാരണം കാണിക്കല്‍ നോട്ടീസ്. കാഷ്വാലിറ്റി ഡ്യൂട്ടിയില്‍ ഉണ്ടായിരുന്ന ഡോ. രേഖ കൃഷ്ണനാണ് ആശുപത്രി സൂപ്രണ്ട് നോട്ടീസ് നല്‍കിയത്. എമര്‍ജന്‍സി രോഗിയല്ലെന്നും ആശുപത്രി തുറന്നു വച്ചിരിക്കുന്നത് നിങ്ങള്‍ക്ക് ഓടിക്കയറാനല്ലെന്നും പറഞ്ഞ് ഡോക്ടര്‍ തര്‍ക്കിക്കുന്ന ദൃശ്യം പുറത്തു വന്നിരുന്നു.

🔹ആരോഗ്യവകുപ്പ് മുന്‍മന്ത്രി വീണാ ജോര്‍ജിനെ കെ എസ് യു പ്രവര്‍ത്തകര്‍ വധിക്കാന്‍ ശ്രമിച്ചെന്ന കേസില്‍ തുടരന്വേഷണത്തിനു പ്രത്യേക അന്വേഷണ സംഘം രൂപവത്കരിച്ചു. നാലാം ബറ്റാലിയന്‍ കമാന്‍ഡന്റ് യു. പ്രേമനാണ് അന്വേഷണച്ചുമതല. കണ്ണൂര്‍ റെയില്‍വേ സ്റ്റേഷനില്‍ കരിങ്കൊടി പ്രതിഷേധം നടത്തിയ കെ എസ് യു കണ്ണൂര്‍ ജില്ലാ പ്രസിഡന്റ് എം.സി. അതുല്‍ ഉള്‍പ്പെടെ അഞ്ചുപേരെ വധശ്രമത്തിന് അറസ്റ്റു ചെയ്തിരുന്നു.

🔹കാസര്‍കോട് കാലിക്കടവ് എംഡിഎംഎ കേസിലെ മുഖ്യപ്രതികള്‍ പിടിയില്‍. ഘാന സ്വദേശി വിക്ടര്‍, കേസിലെ പ്രധാന കണ്ണിയായ മലയാളി യുവതി റിയ എന്നിവരാണ് പിടിയിലായത്. വിക്ടറിനെ കൊല്ലത്തുനിന്നും റിയയെ മധ്യപ്രദേശിലെ ഗ്വാളിയോറില്‍നിന്നുമാണു പിടികൂടിയത്. കാലിക്കടവില്‍ നിന്ന് 139.290 ഗ്രാം എംഡിഎംഎ പിടികൂടിയ സംഭവത്തില്‍ ഇതുവരെ ഏഴു പേരാണ് അറസ്റ്റിലായത്.

🔹മുന്‍ ഐപിഎസ് ഉദ്യോഗസ്ഥന്‍ ജേക്കബ് തോമസിനെതിരായ ഡ്രഡ്ജര്‍ അഴിമതി കേസ് പരിഗണിക്കുന്നത് സുപ്രീം കോടതി ഒക്ടോബര്‍ 27 ലേക്ക് മാറ്റി. മറ്റ് പ്രതികള്‍ക്കെതിരെയുള്ള അന്വേഷണം പൂര്‍ത്തിയാക്കേണ്ടതുണ്ടെന്നും നെതര്‍ലന്‍ഡില്‍ നിന്നുള്ള റിപ്പോര്‍ട്ട് പരിഭാഷപ്പെടുത്താന്‍ സമയം വേണമെന്നും സംസ്ഥാന സര്‍ക്കാര്‍ ആവശ്യപ്പെട്ടതിനെ തുടര്‍ന്നാണ് സുപ്രീം കോടതി നടപടി.

🔹യുഎസില്‍ മലയാളി യുവതികള്‍ കൊല്ലപ്പെട്ട സംഭവത്തില്‍ ഒരാളുടെ പോസ്റ്റ്മോര്‍ട്ടം പൂര്‍ത്തിയായി. രണ്ടാമത്തെ ആളുടെ പോസ്റ്റ്മോര്‍ട്ടം വ്യാഴാഴ്ച നടക്കും. ഈയാഴ്ച അവസാനത്തോടെ മൃതദേഹങ്ങള്‍ നാട്ടിലെത്തിക്കാനായേക്കുമെന്ന് കേന്ദ്രമന്ത്രി സുരേഷ് ഗോപി അറിയിച്ചു.

🔹മലപ്പുറം ജില്ലയിലെ വെട്ടത്തൂരില്‍ കോഴിഫാമില്‍ വൈദ്യുതാഘാതമേറ്റ് രണ്ടു സഹോദരങ്ങള്‍ മരിച്ച സംഭവത്തില്‍ രണ്ടുപേര്‍ അറസ്റ്റില്‍. കോഴിഫാം ഉടമ സമീര്‍, ജീവനക്കാരന്‍ അസം സ്വദേശിയായ സിറാജുദ്ദീന്‍ എന്നിവരെയാണ് അറസ്റ്റ് ചെയ്തത്. ഇവര്‍ അനധികൃതമായാണ് കോഴി ഫാമില്‍ വൈദ്യുതി ലൈന്‍ സ്ഥാപിച്ചതെന്ന് അന്വേഷണത്തില്‍ കണ്ടെത്തിയിരുന്നു.

🔹പ്രായപൂര്‍ത്തിയാകാത്ത 17 വയസ്സുകാരന് മദ്യം നല്‍കിയ സംഭവത്തില്‍ തൃശൂരിലെ മണ്ണുത്തി മയൂര ബാറുടമയ്‌ക്കെതിരെ കേസെടുത്തു. ബാറില്‍ മദ്യപിച്ച അടിപിടിയുണ്ടാക്കിയതോടെ പോലീസ് പിടികൂടി പരിശോധിച്ചപ്പോഴാണ് 17 വയസാണെന്നു തിരിച്ചറിഞ്ഞത്. കുട്ടിയുടെ അമ്മയും പോലീസില്‍ പരാതി നല്‍കിയിരുന്നു.

🔹പെരിയയിലെ ഇരട്ടക്കൊലപാതകത്തിനു ശേഷം പൊലീസുകാരെ ആക്രമിച്ച കേസില്‍ ഏഴ് കോണ്‍ഗ്രസ്, യൂത്ത് കോണ്‍ഗ്രസ് പ്രവര്‍ത്തകര്‍ക്ക് കോടതി ശിക്ഷ വിധിച്ചു. കാസര്‍കോട് അഡീഷണല്‍ സെഷന്‍സ് കോടതി പ്രതികള്‍ക്ക് നാല് വര്‍ഷം കഠിന തടവും 91,000 രൂപ പിഴയുമാണു ശിക്ഷ.

🔹ലോക്സഭാ പ്രതിപക്ഷ നേതാവ് രാഹുല്‍ ഗാന്ധിക്കെതിരെ ഉത്തരാഖണ്ഡില്‍ എഫ്.ഐ.ആര്‍ രജിസ്റ്റര്‍ ചെയ്ത ബി.ജെ.പി സര്‍ക്കാരിന്റെ നടപടി പ്രതിഷേധാര്‍ഹമാണെന്ന് മുഖ്യമന്ത്രി വി.ഡി സതീശന്‍. അനീതിക്കും അയിത്താചാരത്തിനുമെതിരെ ശബ്ദമുയര്‍ത്തിയ രാഹുല്‍ ഗാന്ധിയെ കേസെടുത്ത് ഭയപ്പെടുത്താമെന്നത് സംഘപരിവാറിന്റെ വ്യാമോഹം മാത്രമാണ്. മുഖ്യമന്ത്രി പറഞ്ഞു.

🔹തിരുവല്ല ഇരവിപേരൂരില്‍ ഒന്നിച്ചിരുന്നു മദ്യപിച്ചു വഴക്കുണ്ടായപ്പോള്‍ ജുവല്‍ ജോണിനെ കിണറ്റില്‍ തള്ളിയിട്ട് കൊന്ന കേസില്‍ സുഹൃത്തുക്കളായ വൈശാഖ്, ജോജു എന്നിവരെ പോലീസ് അറസ്റ്റു ചെയ്തു. കൊലപാതക ഉദ്ദേശ്യം ഇല്ലായിരുന്നു. പ്രതികളില്‍ ഒരാളായ ജോജുവും കിണറ്റില്‍ വീണിരുന്നു. വൈശാഖ് ഫയര്‍ഫോഴ്സിനെ വിളിച്ചു വരുത്തിയെങ്കിലും ജുവലിന്റെ ജീവന്‍ രക്ഷിക്കാനായില്ലെന്നു പോലീസ് പറഞ്ഞു.

🔹പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികാതിക്രമത്തിന് ഇരയാക്കിയ കേസില്‍ എക്സൈസ് വകുപ്പ് ഉദ്യോഗസ്ഥനെ മുണ്ടക്കയം പോലീസ് അറസ്റ്റുചെയ്തു. പുഞ്ചവയല്‍ ഇലവുങ്കല്‍ വീട് അരുണ്‍ കുമാറി(46)നെയാണ് പിടികൂടിയത്. പ്രതി കാഞ്ഞിരപ്പള്ളി എക്സൈസ് റേഞ്ച് ഓഫീസിലെ പ്രിവന്റീവ് ഓഫീസറാണ്.

🔹ഓണവിപണിയില്‍ കോടികളുടെ വിളവെടുപ്പുമായി കുടുംബശ്രീ. സംസ്ഥാനത്ത് നടപ്പാക്കിയ ‘ഓണക്കനി’, ‘നിറപ്പൊലിമ’ കാര്‍ഷിക പദ്ധതികളുടെ ഭാഗമായി ഉല്‍പാദിപ്പിച്ച പച്ചക്കറികളും പൂക്കളും വിറ്റഴിച്ച് 10.07 കോടി രൂപയുടെ നേട്ടമാണ് വനിതാ കര്‍ഷകര്‍ സ്വന്തമാക്കിയത്.

🔹നേപ്പാള്‍ മിന്നല്‍ പ്രളയത്തില്‍ ഇതുവരെ കണ്ടെത്തിയത് 1003 മൃതദേഹങ്ങള്‍. മലയാളികള്‍ അടക്കം 4,000 ത്തോളം പേരെയാണ് ഇനിയും കണ്ടെത്താനുള്ളത്. അതേ സമയം നദികളില്‍ ജലനിരപ്പ് ഉയര്‍ന്നതിന് പിന്നാലെ നേപ്പാളില്‍ വീണ്ടും പ്രളയ മുന്നറിയിപ്പ് നല്‍കി.

🔹യുഎഇയെ ലക്ഷ്യമിട്ട് ഇറാന്‍ നടത്തിയ ഡ്രോണ്‍ ആക്രമണത്തെ ശക്തമായി അപലപിച്ച് ബഹറിന്‍. യുഎഇയുടെ പരമാധികാരത്തിന്മേലുള്ള കടന്നുകയറ്റവും മേഖലയിലെ സുസ്ഥിരത തകര്‍ക്കുന്നതുമാണ് ഡ്രോണ്‍ ആക്രമണമെന്ന് ബഹ്റൈന്‍ വിദേശകാര്യ മന്ത്രാലയം.

🔹ലയണല്‍ മെസി നായകനായുള്ള അര്‍ജന്റീന ടീമിനെ കേരളത്തിലെത്തിക്കുമെന്ന പ്രചരിപ്പിച്ചു നടത്തിയ തട്ടിപ്പ് അന്വേഷിക്കാന്‍ പ്രത്യേക സംഘത്തെ നിയോഗിക്കണമെന്ന് മുഖ്യമന്ത്രി ആഭ്യന്തര വകുപ്പിനു ശുപാര്‍ശ നല്‍കി. തുടക്കം മുതലുള്ള ഇടപാടുകളും സമഗ്ര അന്വേഷണം നടത്താനാണ് ശുപാര്‍ശ. മുന്‍ മന്ത്രി ഔദ്യോഗിക പദവി ദുരുപയോഗം ചെയ്തോ എന്നും സ്പോണ്‍സര്‍ക്ക് നിയമവിരുദ്ധമായി ആനുകൂല്യങ്ങള്‍ കിട്ടിയോ എന്നും അന്വേഷിക്കും.

🔹മെസി വിസ്മയം മിസാകുന്നു. ഫുട്‌ബോള്‍ ഇതിഹാസവും അര്‍ജന്റീനയുടെ നായകനുമായ ലയണല്‍ മെസ്സി അന്താരാഷ്ട്ര ഫുട്‌ബോളില്‍നിന്ന് വിരമിക്കുകയാണെന്നു പ്രഖ്യാപിച്ചു. സാമൂഹിക മാധ്യമങ്ങളില്‍ വികാരനിര്‍ഭരമായ കുറിപ്പിലൂടെയാണ് മെസ്സി ഇക്കാര്യം അറിയിച്ചത്. 21 വര്‍ഷം നീണ്ട കരിയര്‍ 39 ാം വയസിലാണ് അവസാനിപ്പിക്കുന്നത്. 207 മത്സരങ്ങളിലായി 125 ഗോള്‍ നേടി. 2008 ഒളിമ്പികസില്‍ സ്വര്‍ണം, 2022 ല്‍ ലോകകപ്പ്, 2021, 2024ല്‍ കോപ്പ അമേരിക്കയില്‍ കിരീടം എന്നിവ രാജ്യത്തിനായി സ്വന്തമാക്കി. മൂന്നു ലോകകപ്പ് ഫൈനലുകളില്‍ അര്‍ജന്റീനയുടെ ക്യാപ്റ്റനായി. 8 തവണ ബാലണ്‍ ഡി ഓര്‍ നേടി റെക്കോര്‍ഡ് ഇട്ടു. പിതാവിന്റെ മരണത്തോടെ താന്‍ അന്താരാഷ്ട്ര ഫുട്ബോളില്‍നിന്നു വിരമിക്കുകയാണെന്നു മെസ്സി സൂചന നല്‍കിയിരുന്നു.

🔹കെസിഎല്ലില്‍ കരുത്തരായ ആലപ്പി റിപ്പിള്‍സിനെ 14 റണ്‍സിനു ട്രിവാണ്‍ഡ്രം റോയല്‍സ് കീഴടക്കി. ആദ്യം ബാറ്റ് ചെയ്ത ട്രിവാണ്‍ഡ്രം റോയല്‍സ് 20 ഓവറില്‍ നാല് വിക്കറ്റ് നഷ്ടത്തില്‍ 194 റണ്‍സെടുത്തപ്പോള്‍ മറുപടി ബാറ്റിങ്ങില്‍ റിപ്പിള്‍സിന് ആറ് വിക്കറ്റ് നഷ്ടത്തില്‍ 180 റണ്‍സെ നേടാനായുള്ളു. തിരുവനന്തപുരത്തിന്റെ ഗോവിന്ദ് ദേവ് പൈയാണ് പ്ലെയര്‍ ഓഫ് ദി മാച്ച്.

🔹കെസിഎല്ലിലെ മറ്റൊരു മല്‍സരത്തില്‍ കാലിക്കറ്റ് ഗ്ലോബ്സ്റ്റാഴ്സിനെ തൃശൂര്‍ ടൈറ്റന്‍സ് നാലു വിക്കറ്റിനു പരാജയപ്പെടുത്തി. ആദ്യം ബാറ്റു ചെയ്ത കാലിക്കറ്റ് ഗ്ലോബ് സ്റ്റാര്‍സ് 20 ഓവറില്‍ അഞ്ചു വിക്കറ്റ് നഷ്ടത്തില്‍ 146 റണ്‍സ് നേടിയപ്പോള്‍ തൃശൂര്‍ ടൈറ്റന്‍സ് 19.6 ഓവറില്‍ ആറു വിക്കറ്റ് നഷ്ടത്തില്‍ 149 റണ്‍സ് നേടി. തൃശൂരിന്റെ എ.കെ. അര്‍ജുനാണ് പ്ലെയര്‍ ഓഫ് ദ മാച്ച്.

🔹മലയാളികള്‍ക്കായി ടി-20 ഫോര്‍മാറ്റില്‍ വേള്‍ഡ് മലയാളി ക്രിക്കറ്റ് ലീഗ് സംഘടിപ്പിക്കുമെന്നു പ്രഖ്യാപനം. കൊച്ചിയിലെ ലെ മെറിഡിയന്‍ ഹോട്ടലില്‍ നടന്ന ചടങ്ങില്‍ ലീഗിന്റെ ലോഗോയും പ്രകാശനം ചെയ്തു. മിസ് യൂണിവേഴ്സ് ഇന്ത്യ 2025 വാംഷി ഉദയ് മുഖ്യാതിഥിയായി.

🔹ദുല്‍ഖര്‍ സല്‍മാനെ നായകനാക്കി നഹാസ് ഹിദായത്ത് സംവിധാനം ചെയ്യുന്ന ബിഗ് ബഡ്ജറ്റ് ഫാന്റസി ത്രില്ലര്‍ ‘ഐ ആം ഗെയിം’ സെപ്റ്റംബര്‍ 3ന് ആഗോള റിലീസിനെത്തുന്നു. ഇപ്പോഴിതാ, അതിന് മുന്നോടിയായി ചിത്രത്തിലെ പ്രൊമോ സോംഗ് വീഡിയോ ‘ഹൈ സ്റ്റേക്ക്സ്’ പുറത്തിറങ്ങി. ജേക്സ് ബിജോയ് സംഗീതം ഒരുക്കിയ ഗാനം ബ്രോധ വി, ജേക്സ് ബിജോയ് എന്നിവര്‍ ചേര്‍ന്നാണ് ആലപിച്ചിരിക്കുന്നത്. ബ്രോധ വി, ക്ലിന്റ് ലൂയിസ് എന്നിവര്‍ ഇംഗ്ലീഷ് വരികളും മുത്തു മലയാളം വരികളും രചിച്ചിരിക്കുന്നു. ബ്രോധ വി, ദുല്‍ഖര്‍ സല്‍മാന്‍ എന്നിവര്‍ ഒരുമിച്ചെത്തുന്നത് ഈ ഗാനത്തിന്റെ ഹൈലൈറ്റ് ആണ്. ആന്റണി വര്‍ഗീസ്, തമിഴ് നടനും സംവിധായകനുമായ മിഷ്‌കിന്‍, കയാദു ലോഹര്‍, കതിര്‍, പാര്‍ത്ഥ് തിവാരി, സംയുക്ത വിശ്വനാഥന്‍, വിനയ് ഫോര്‍ട്ട് തുടങ്ങിയവരും ചിത്രത്തില്‍ പ്രധാന വേഷങ്ങളിലെത്തുന്നു.

🔹രഞ്ജിത്ത് സംവിധാനം ചെയുന്ന,സമീപകാല മലയാള സിനിമയിലെ റിയലിസ്റ്റിക്ക് ആക്ഷന്‍ തില്ലര്‍ എന്നു വിശേഷിപ്പിക്കാവുന്ന ‘ലോ ആന്റ് ഓര്‍ഡര്‍’ എന്ന ചിത്രം സെപ്റ്റംബര്‍ 18ന് പ്രദര്‍ശനത്തിനെത്തുന്നു നീതിനിര്‍വ്വഹണത്തിനായി അങ്കത്തട്ടിലിറങ്ങുന്ന അഞ്ചു ചെറുപ്പക്കാരും അവരുടെ മാര്‍ഗദര്‍ശിയായി എത്തുന്ന ഒരു പൊലീസ് ഉദ്യോഗസ്ഥന്റേയും ഔദ്യോഗിക ജീവിതത്തിലും വ്യക്തി ജീവിതത്തിലും അരങ്ങേറുന്ന സംഭവങ്ങളാണ് സംഘര്‍ഷഭരിതമായ മുഹൂര്‍ത്തങ്ങളിലൂടെ അവതരിപ്പിക്കുന്നത്. രഞ്ജിത്തിന്റെ തന്നെ ബ്ളാക്ക് എന്ന ചിത്രത്തില്‍ മമ്മൂട്ടി അവതരിപ്പിച്ച കാരിക്കാമുറി ഷണ്‍മുഖന്‍ എന്ന കഥാപാത്രവുമായി മമ്മൂട്ടി വീണ്ടും ഈ ചിത്രത്തിലൂടെ പ്രേഷകരെ വിസ്മയിപ്പിക്കുവാന്‍ എത്തുന്നു. ജോര്‍ജ്‌സാര്‍ എന്ന ഒറ്റ കഥാപാത്രത്തിലൂടെ പ്രേഷകപ്രശംസ പിടിച്ചു പറ്റിയ പ്രകാശ് വര്‍മ്മയും ബ്ലാസ്റ്റ് എന്ന ചിത്രത്തിലൂടെ മിന്നും പ്രകടനം കാഴ്ച്ച വച്ച അഭിരാമിയും കേന്ദ്ര കഥാപാത്രങ്ങളെ അവതരിപ്പിക്കുന്നു.

💦 ഗുരുജിയുടെ വാക്കുകൾ
*****************************

നിങ്ങള്‍ക്കു മോഹമുള്ളൊരു വസ്തു, മറ്റൊരാളുടെ കയ്യില്‍ കാണുമ്പോള്‍ നിങ്ങൾക്കയാളോടു തോന്നുന്ന ഈര്‍ഷ്യ, അല്ലെങ്കില്‍ അസഹിഷ്ണുതയാണ് അസൂയ. നിങ്ങള്‍ക്കുളളതില്‍ കൂടുതലായി എന്തെങ്കിലും ഈയൊരാളുടെ കൈയ്യില്‍ കാണുമ്പോഴും നിങ്ങള്‍ക്കസൂയ തോന്നാം. അസൂയയുടെ ഉറവിടം അപര്യാപ്തതയാണ്. . മനസ്സില്‍ അസൂയ തോന്നുന്നത് വലിയൊരു കുറ്റമായി കാണുന്നില്ല. എന്നാല്‍ അതൊട്ടും സുഖകരമല്ലാത്തൊരു വികാരമാണെന്ന് ഉറപ്പിച്ചു പറയാം.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

സെപ്റ്റംബർ 1

•ദേശീയ പോഷകാഹാര വാരം (National Nutrition Week): ഇന്ത്യയിൽ സെപ്റ്റംബർ 1 മുതൽ സെപ്റ്റംബർ 7 വരെയുള്ള വാരം ദേശീയ പോഷകാഹാര വാരമായി ആചരിക്കുന്നു. ശരിയായ ആരോഗ്യ പരിപാലനത്തിനും പോഷകാഹാരത്തിന്റെ പ്രാധാന്യത്തെക്കുറിച്ചും പൊതുജനങ്ങളിൽ ബോധവൽക്കരണം നടത്താനാണ് ഈ ദിനം ലക്ഷ്യമിടുന്നത്.

•ലോക കത്തെഴുത്ത് ദിനം (World Letter Writing Day): ഡിജിറ്റൽ യുഗത്തിലും കത്തെഴുത്ത് എന്ന കലയെയും അതിന്റെ പ്രാധാന്യത്തെയും ഓർമ്മിപ്പിക്കുന്നതിനായി സെപ്റ്റംബർ 1 അന്തർദ്ദേശീയ കത്തെഴുത്ത് ദിനമായി ആചരിക്കുന്നു.

തയ്യാറാക്കിയത്: കപിൽ ശങ്കർ

6 Likes

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 30 | ഞായർ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

സെപ്റ്റംബർ 1

തയ്യാറാക്കിയത്: കപിൽ ശങ്കർ

ഓണപ്പുലരി (കവിത) ✍എ.സി.ജോർജ്

ചാരിറ്റിക്ക് മുൻതൂക്കം നൽകി പ്രവർത്തിക്കുന്ന പാസഡീന മലയാളി അസോസിയേഷന്റെ ഓണാഘോഷം പ്രൗഢഗംഭീരമായി

ഹൂസ്റ്റണിൽ കലയുടെ വിസ്മയരാവ് ഒരുക്കി മജീഷ്യൻ ഗോപിനാഥ് മുതുകാട് – സെപ്തംബർ 4 ന് ; പ്രവേശനം സൗജന്യം

LEAVE A REPLY Cancel reply

Most Popular

ഓണപ്പുലരി (കവിത) ✍എ.സി.ജോർജ്

എക്‌സൈസ് ഡിപ്പാര്‍ട്ട്‌മെന്റിലെ അഴിമതിക്കാരായ ഉദ്യോഗസ്ഥര്‍ക്കെതിരെ കര്‍ശന നടപടിയുണ്ടാകും: മന്ത്രി എം ലിജു

ചാരിറ്റിക്ക് മുൻതൂക്കം നൽകി പ്രവർത്തിക്കുന്ന പാസഡീന മലയാളി അസോസിയേഷന്റെ ഓണാഘോഷം പ്രൗഢഗംഭീരമായി

Recent Comments

EDITOR PICKS

ഓണപ്പുലരി (കവിത) ✍എ.സി.ജോർജ്

എക്‌സൈസ് ഡിപ്പാര്‍ട്ട്‌മെന്റിലെ അഴിമതിക്കാരായ ഉദ്യോഗസ്ഥര്‍ക്കെതിരെ കര്‍ശന നടപടിയുണ്ടാകും: മന്ത്രി എം ലിജു

POPULAR POSTS

ഹോർമൂസ് കടലിടുക്കിന് സമീപം ക്രൂഡ് ഓയിൽ ടാങ്കറിന് നേരെ ആക്രമണം; വീണ്ടും സുരക്ഷാ ഭീഷണി.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 30 | ഞായർ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

സെപ്റ്റംബർ 1

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************