കോഴക്കേസിൽ ബിജെപി സംസ്ഥാന അധ്യക്ഷൻ ഉൾപ്പെടെയുള്ളവരെ കുറ്റവിമുക്തനാക്കിയ സെഷൻസ് കോടതി നടപടിക്കെതിരെ ഹൈക്കോടതിയിൽ സർക്കാർ പുനഃപരിശോധനാ ഹർജി നൽകിയിരുന്നു.
2021-ലെ നിയമസഭാ തിരഞ്ഞെടുപ്പിൽ മഞ്ചേശ്വരം മണ്ഡലത്തിലെ ബി.എസ്.പി. സ്ഥാനാർഥി കെ. സുന്ദരയെ തട്ടിക്കൊണ്ടുപോകുകയും നാമനിർദേശ പത്രിക പിൻവലിക്കാൻ ഭീഷണിപ്പെടുത്തിയെന്നുമാണ് കേസ്. അന്നത്തെ എൽ.ഡി.എഫ്. സ്ഥാനാർഥി വി.വി. രമേശൻ നൽകിയ പരാതിയിലാണ് കേസെടുത്തത്.
