സംസ്ഥാനത്തെ സ്വർണവിലയിൽ ഇന്നും വർധനവ്. പവന് 240 രൂപയുടെ വർധനവാണ് രേഖപ്പെടുത്തിയിരിക്കുന്നത്.ഇതോടെ 57,160 രൂപയാണ് ഒരു പവന് സ്വര്ണത്തിന്റെ വില.ഗ്രാമിന് 30 രൂപയാണ് വര്ധിച്ചത്. 7145 രൂപയാണ് ഒരു ഗ്രാം സ്വര്ണത്തിന്റെ വില.
നവംബര് ആദ്യവാരത്തില് 59,080 രൂപയായിരുന്നു സ്വര്ണവില. 14ന് 55,480 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തിലേക്കും സ്വര്ണവില എത്തി. പിന്നീട് സ്വര്ണവില തിരിച്ചുകയറുന്നതാണ് ദൃശ്യമായത്.
ഒരാഴ്ചയ്ക്കിടെ പവന് 1700 രൂപയാണ് വര്ധിച്ചത്. അന്താരാഷ്ട്ര വിപണിയിലെ ചലനങ്ങളാണ് സ്വര്ണവിലയില് പ്രതിഫലിക്കുന്നത്. ട്രംപിന്റെ വിജയശേഷം ഉയര്ന്ന വില നിലവാരത്തിലെത്തിയ ഡോളറും കഴിഞ്ഞ ദിവസങ്ങളില് ദുര്ബലമായിരുന്നു. ഇതും സ്വര്ണത്തിന്റെ വില കൂടുന്നതിന് കാരണമായി.
