ഹൂസ്റ്റൺ: അമേരിക്കയുടെ 250-ാം സ്വാതന്ത്ര്യ വാർഷികം സെന്റ് മേരീസ് മലങ്കര ഓർത്തഡോക്സ് ചർച്ച്, ഹൂസ്റ്റണിന്റെ ആഭിമുഖ്യത്തിൽ ആഘോഷപൂർവം ആചരിച്ചു. ജൂലൈ 4-ന് ദേശീയ പതാക ഉയർത്തിക്കൊണ്ട് ആരംഭിച്ച ആഘോഷങ്ങളുടെ സമാപന സമ്മേളനം ജൂലൈ 05 ന് വിശുദ്ധ കുർബാനയ്ക്കുശേഷം നടന്നു. ഇടവക വികാരി റവ. ഫാ. രാജേഷ് കെ. ജോൺ അധ്യക്ഷത വഹിച്ചു.
ഫോർട്ട് ബെൻഡ് കൗണ്ടി 387-ാം ഫാമിലി കോടതി അസോസിയേറ്റ് ജഡ്ജിയായ ഹോണറബിൾ ജഡ്ജ് ജെറ്റി എബ്രഹാമിനെ ചടങ്ങിൽ ഇടവക മെമന്റോ നൽകി ആദരിച്ചു. പുതുതായി വൈദികപട്ടം സ്വീകരിച്ച റവ. ഫാ. ഗീവർഗീസ് ജോൺ (ടോബിയച്ചന്) ഇടവകയുടെ അനുമോദനവും ഉപഹാരവും ഏറ്റുവാങ്ങി. അമേരിക്കയുടെ 250-ാം സ്വാതന്ത്ര്യ വാർഷികത്തോടനുബന്ധിച്ച് “America – 250 Years” എന്ന വിഷയത്തിൽ ദിയാ മറിയം ജോർജ് പ്രഭാഷണം നടത്തി. ഇടവകയുടെ സീനിയർ വൈദികനായ റവ. ഫാ. പൗലോസ് പീറ്റർ അച്ചനും സമ്മേളനത്തിൽ സന്നിഹിതനായിരുന്നു.
ഇടവക സെക്രട്ടറി ശ്രീ. മോൻസൺ പുന്നൂസ് സ്വാഗതം ആശംസിച്ചു. ഇടവക ട്രസ്റ്റി ശ്രീ. അനിൽ എബ്രഹാം നന്ദി രേഖപ്പെടുത്തി. അമേരിക്കയുടെ ദേശീയ ഗാനത്തോടെയാണ് സമ്മേളനം സമാപിച്ചത്. പരിപാടിയിൽ പങ്കെടുത്ത എല്ലാ ഇടവകാംഗങ്ങൾക്കും മറ്റ് ഇടവകകളിൽ നിന്നെത്തിയ വിശ്വാസികൾക്കും സംഘാടകർ നന്ദി അറിയിച്ചു.
