തുടർച്ചയായ രണ്ടാം ലോകകിരീടമെന്ന ആകാശത്തോളം പോന്ന സ്വപ്നത്തിന് തൊട്ടരികിൽ വെച്ച്, വീണ്ടുമൊരു ഫൈനൽ തോൽവിയുടെ സങ്കടക്കടലിൽ മെലൈഫ് സ്റ്റേഡിയം അലിഞ്ഞുപോകുമ്പോൾ, ഫുട്ബോൾ ലോകം മൂകസാക്ഷിയായി നിൽക്കുകയായിരുന്നു.
ചില മനുഷ്യർ ചരിത്രം
തിരുത്തിക്കുറിക്കാൻ
ജനിക്കുന്നവരാണ്. മറ്റു ചിലരാകട്ടെ,
ചരിത്രത്തെ സ്വയം ജീവിച്ചു
കാണിക്കുന്നവരും. പച്ചപ്പുല്ലിലെ
വെളുത്ത വരകൾക്കുള്ളിൽ
കാൽനൂറ്റാണ്ടുകാലം പന്തുകൊണ്ട്
വിസ്മയകവിതകളെഴുതിയ ലയണൽ ആൻഡ്രേസ് മെസ്സി എന്ന
റൊസാരിയോക്കാരൻ രണ്ടാമത്തെ
കൂട്ടരിലാണ് പെടുന്നത്.
സ്പെയിനെന്ന യൂറോപ്യൻ
വന്മരത്തിന് മുന്നിൽ
ലോകകിരീടത്തിന്റെ ഫൈനൽ
പോരാട്ടത്തിൽ തോൽവിയറിഞ്ഞ്,
ആ നീലയും വെള്ളയും കലർന്ന
ജഴ്സിയിലേക്ക് നോക്കുമ്പോൾ
അയാൾ ബാക്കിവെക്കുന്നത്
വെറുമൊരു തോൽവിയുടെ
കഥയല്ല; മറിച്ച് വിയർപ്പും കണ്ണീരും
കൊണ്ട് വരച്ചിട്ട ഒരു
കാവ്യനീതിയാണ്.
