📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 06 | വ്യാഴം ✍️ കപിൽ ശങ്കർ

🔹കേരളത്തിലെ മഴക്കെടുതികളില്‍ രണ്ട് രക്ഷാപ്രവര്‍ത്തകര്‍ അടക്കം ഇതുവരെ 28 പേര്‍ക്ക് ജീവന്‍ നഷ്ടമായി. മൂന്നു പേരെ കാണാതായി. ദുരന്തത്തില്‍ സംസ്ഥാനത്തെ 58 വീടുകള്‍ പൂര്‍ണ്ണമായും 687 വീടുകള്‍ ഭാഗികമായും തകര്‍ന്നു. അഞ്ഞൂറോളം ദുരിതാശ്വാസ ക്യാമ്പുകളിലായി ഇരുപത്തിയേഴായിരത്തോളം ആളുകളുണ്ട്.

🔹കള്ളക്കടല്‍ പ്രതിഭാസത്തിന്റെ ഭാഗമായി തിരുവനന്തപുരം, കൊല്ലം, ആലപ്പുഴ ജില്ലകളിലെ തീരങ്ങളില്‍ ഇന്നു രാത്രി 11.30 വരെ ഒരു മീറ്ററിലേറെ ഉയര്‍ന്ന തിരമാലകളും കടലാക്രമണവും ഉണ്ടാകുമെന്നു മുന്നറിയിപ്പ്.

🔹എന്‍ഫോഴ്സ്മെന്റ് ഉദ്യോഗസ്ഥരുടെ വാഹനം ആക്രമിച്ച കേസില്‍ ആറ് സിപിഎം പ്രവര്‍ത്തകര്‍ക്ക് കൂടി ഹൈക്കോടതി ജാമ്യം നല്‍കി. ഐ പി ബിനു, രേവന്ത്, ഉണ്ണികൃഷ്ണന്‍, ദിനകര്‍, ദിലീപ് നായര്‍, ഉണ്ണി ഡി എസ് എന്നിവര്‍ക്കാണ് ജാമ്യം അനുവദിച്ചത്. സര്‍ക്കാരിന്റെയും ഇഡിയുടെയും എതിര്‍പ്പ് തള്ളിയാണ് ഹൈക്കോടതി പ്രതികള്‍ക്ക് ജാമ്യം അനുവദിച്ചത്. ഇതോടെ കേസില്‍ 21 പ്രതികള്‍ക്ക് ജാമ്യം ലഭിച്ചു.

🔹പ്രതിപക്ഷ നേതാവ് പിണറായി വിജയന്റെ തിരുവനന്തപുരത്തെ വസതിയില്‍ റെയ്ഡ് നടത്തിയ ഇഡി ഉദ്യോഗസ്ഥരെ ആക്രമിച്ച കേസില്‍ സ്ഥലത്തുണ്ടായിരുന്ന സിപിഎം നേതാക്കളെ ചോദ്യം ചെയ്യും. നേതാക്കള്‍ക്ക് നോട്ടീസ് അയച്ചു തുടങ്ങി. സിപിഎം സംസ്ഥാന സെക്രട്ടറി എം വി ഗോവിന്ദന്‍, ജോണ്‍ ബ്രിട്ടാസ് എംപി, വി ജോയി, ബിനീഷ് കോടിയേരി അടക്കം എല്ലാവരെയും ചോദ്യം ചെയ്യും.

🔹ശബരിമല നെയ്യ് ക്രമക്കേടില്‍ ദേവസ്വം ബോര്‍ഡ് മുന്‍ പ്രസിഡന്റ് പി എസ് പ്രശാന്തും മുന്‍ അംഗം അജികുമാറും പ്രതിയാകും. പ്രത്യേക അന്വേഷണ സംഘം തിരുവനന്തപുരം വിജിലന്‍സ് കോടതിയില്‍ ഇന്ന് എഫ്ഐആര്‍ രജിസ്റ്റര്‍ ചെയ്യും. ഹൈക്കോടതി നിര്‍ദേശ പ്രകാരമാണ് എസ്ഐടി രൂപീകരിച്ചത്.

🔹പ്ലാസ്റ്റിക് കുപ്പി തിരികെ വാങ്ങുന്ന പദ്ധതിയില്‍നിന്ന് ബീവറേജസ് കോര്‍പ്പറേഷന്‍ പിന്മാറി. ഇന്നു മുതല്‍ ബെവ്കോ പ്ലാസ്റ്റിക് കുപ്പി സ്വീകരിക്കില്ലെന്ന് ബെവ്‌കോ എം.ഡി ഉത്തരവിറക്കി. തിരുവനന്തപുരത്തും കണ്ണൂരിലുമായി 20 മദ്യശാലകളില്‍ കഴിഞ്ഞ ഒക്ടോബറില്‍ തുടങ്ങിയ പദ്ധതിയാണിത്. ബെവ്കോ മദ്യശാലകളിലെ ഷിഫ്റ്റ് സമ്പ്രദായവും നിര്‍ത്തലാക്കി.

🔹പമ്പയില്‍ നിന്ന് മണല്‍ വാരുമെന്ന സര്‍ക്കാര്‍ പ്രഖ്യാപനം റാന്നിയിലടക്കമുള്ള വെള്ളപ്പൊക്ക ഭീഷണിക്ക് ശാശ്വത പരിഹാരമാണെന്ന് പഴകുളം മധു എംഎല്‍എ. മന്ത്രിസഭാ യോഗ തീരുമാനം നടപ്പാക്കിയില്ലെങ്കില്‍ രാഷ്ട്രീയം നോക്കാതെ ജനങ്ങള്‍ക്കൊപ്പം രംഗത്തിറങ്ങും. രാഷ്ട്രീയം മറന്ന് എല്ലാവരും ഒരുമിച്ച് നില്‍ക്കേണ്ട സമയത്ത് സിപിഎം ജില്ലാ സെക്രട്ടറിയും കെയു ജനീഷ് കുമാര്‍ എംഎല്‍എയും അനാവശ്യ വിമര്‍ശനം ഉന്നയിക്കുകയാണെന്നും മധു കുറ്റപ്പെടുത്തി.

🔹ഓണത്തിന് വ്യാജ മദ്യമുണ്ടാക്കാന്‍ അങ്കമാലിയിലെ കോതകുളങ്ങരയില്‍ എത്തിച്ച 1350 ലിറ്റര്‍ സ്പിരിറ്റ് പിടികൂടി എക്സൈസ്. ഹോളോ ബ്രികിസ് യൂണിറ്റിന്റെ മറവില്‍ വ്യാജമദ്യം നിര്‍മിക്കാനുള്ള തയ്യാറെടുപ്പുകള്‍ക്കിടെ ആയിരുന്നു സ്പിരിറ്റ് വേട്ട. രണ്ട് പേരെ അറസ്റ്റ് ചെയ്തു.

🔹പെണ്‍വേഷം ധരിച്ച് യുവതിയെ കൊല്ലാനെത്തിയ അഞ്ചംഗസംഘം ഗുരുവായൂരില്‍ പിടിയിലായി. യുവതിയുടെ മുന്‍ കാമുകനായ തൊടുപുഴ മുട്ടം സ്വദേശികളായ ചോലമറ്റത്തില്‍ പ്രസാദ്, കൂട്ടുകാരായ ഒറ്റപ്ലാക്കല്‍ വീട്ടില്‍ ആദര്‍ശ്, തൈപ്പറമ്പില്‍ ബിനീഷ്, തേങ്ങില്‍ ഷാഹിദ്, കാരക്കുന്നേല്‍ സ്റ്റീഫന്‍ എന്നിവരെയാണ് പൊലീസ് അറസ്റ്റു ചെയ്തത്. തൃശൂരില്‍ സ്പായില്‍ ജോലി ചെയ്യുന്ന തൊടുപുഴ സ്വദേശിനിയെയാണ് സംഘം ലക്ഷ്യമിട്ടിരുന്നത്.

🔹പുനലൂര്‍ താലൂക്ക് ആശുപത്രിയില്‍ ആരോഗ്യമന്ത്രി കെ മുരളീധരന് കൊടി പിടിച്ചും മുദ്രാവാക്യം വിളിച്ചും സ്വീകരണം നല്‍കിയതുമൂലം രോഗികള്‍ക്കുണ്ടായ ബുദ്ധിമുട്ടിനു മന്ത്രി മാപ്പു പറയണമെന്ന് ഡിവൈഎഫ്ഐ. ഡിവൈഎഫ്ഐ പൊതിച്ചോര്‍ നല്‍കുന്നതിനെതിരെ ഉടവാള്‍ എടുത്ത കെ മുരളീധരന്‍ സ്വന്തം പരിവാരങ്ങളെക്കൊണ്ട് ആശുപത്രിയില്‍ മുദ്രാവാക്യം വിളിപ്പിച്ച് പുളകം കൊണ്ടെന്നും പരിഹസിച്ചു.

🔹തിരുവനന്തപുരം നഗരവും ടെക്സസിലെ മിസോറി സിറ്റിയും തമ്മില്‍ സഹോദരനഗര ബന്ധം സ്ഥാപിക്കാന്‍ ചര്‍ച്ചകളുമായി തിരുവനന്തപുരം മേയര്‍ വി.വി രാജേഷ്. മിസോറി സിറ്റി മേയര്‍ റോബിന്‍ ഇലക്കാട്ടുമായി ഇതുസംബന്ധിച്ച് ചര്‍ച്ച നടത്തിയെന്നു രാജേഷ് അറിയിച്ചു.

🔹കാസര്‍കോട് പൊലീസുകാരനെ കാണാതായി. രാജപുരം പൊലീസ് സ്റ്റേഷനില്‍ ഡ്യൂട്ടിയിലുള്ള സിവില്‍ പൊലീസ് ഓഫീസര്‍ ബേളൂര്‍ അട്ടേങ്ങാനം കപ്പണ സ്വദേശിയായ സാം സനല്‍ (27) നെ തിങ്കളാഴ്ച മുതലാണ് കാണാതായത്.

🔹ചാലിശേരിയിലെ ജനകീയ ആരോഗ്യ കേന്ദ്രത്തിൽ ഡ്യൂട്ടിക്കിടെ നഴ്സിന് വിഷപ്പാമ്പിന്‍റെ കടിയേറ്റു. ചാവക്കാട് സ്വദേശിനിയായ മിസിരിയയ്ക്കാണ് കടിയേറ്റത്. ഇവർ ഗുരുതരാവസ്ഥയിൽ ചികിത്സയിൽ തുടരുകയാണ്.എസ്റ്റേറ്റ് പടിയിൽ പ്രവർത്തിക്കുന്ന ആരോഗ്യ കേന്ദ്രത്തിൽ ജോലിയിൽ പ്രവേശിച്ച സമയത്തായിരുന്നു സംഭവം. അണലിയുടെ കടിയേറ്റ മിസിരിയയെ ഉടൻതന്നെ കുന്നംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു.

🔹റെയിൽവേ സ്റ്റേഷൻ പരിസരത്ത് നാലു വയസുകാരി ലൈംഗികാതിക്രമത്തിന് ഇരയായി കൊല്ലപ്പെട്ട കേസിൽ ജാമ്യത്തിലിറങ്ങി മുങ്ങിയ ഒന്നാംപ്രതി സുരേഷ് എന്ന റഹീം (32) ആറുവർഷത്തിനുശേഷം പിടിയിൽ. തമിഴ്നാട്ടിൽനിന്നാണു പാലക്കാട് ടൗണ്‍ നോർത്ത് പോലീസ് പ്രതിയെ കസ്റ്റഡിയിലെടുത്തത്.2019 ഫെബ്രുവരിയിലായിരുന്നു കേസിനാസ്പദമായ സംഭവം. റെയിൽവേ സ്റ്റേഷൻ പരിസരത്തു തമ്പടിച്ച നാടോടിസംഘത്തിലെ പെണ്‍കുട്ടിയാണ് ആക്രമണത്തിനിരയായി മരിച്ചത്. പാലക്കാട് റെയിൽവേ സ്റ്റേഷനു സമീപത്തെ റെയിൽവേ ട്രാക്കിൽ ചാക്കിൽ പൊതിഞ്ഞ നിലയിലാണു കുട്ടിയുടെ മൃതദേഹം കണ്ടെത്തിയത്. തുടർന്ന് ടൗണ്‍ നോർത്ത് പോലീസ് നടത്തിയ അന്വേഷണത്തിലാണു കേസ് തെളിഞ്ഞത്.

🔹തിരുവനന്തപുരം ആറ്റിങ്ങലില്‍ ഓടിക്കൊണ്ടിരുന്ന സ്‌കൂള്‍ ബസിന്റെ ഡ്രൈവര്‍ക്ക് ഹൃദയാഘാതം. തുടര്‍ന്ന് ബസ് കെട്ടിടത്തില്‍ ഇടിച്ചുനിന്നു. ഹൃദയാഘാതമുണ്ടായ ഡ്രൈവര്‍ മുരളീധരന്‍ മരിച്ചു.

🔹തൃശ്ശൂര്‍ ചെറുതുരുത്തിയില്‍ ഹോട്ടല്‍ മുറിയില്‍ സ്ത്രീയെ കഴുത്തു ഞെരിച്ചു കൊന്നു. നൃത്താധ്യാപികയായ മലപ്പുറം സ്വദേശിനി ധനലക്ഷ്മി ആണ് കൊല്ലപ്പെട്ടത്. വിവാഹത്തിന് നിര്‍ബന്ധിച്ചതു ചെറുത്ത സുഹൃത്ത് വിഗീഷിനെ പോലീസ് തെരയുന്നു.

🔹പുതിയ സംരംഭങ്ങള്‍ക്കും നിലവിലുള്ള സംരംഭങ്ങള്‍ക്കും 6 ശതമാനം പലിശനിരക്കില്‍ പരമാവധി 5 കോടി രൂപ വരെ വായ്പ ലഭ്യമാക്കുന്ന പദ്ധതിയുമായി സംസ്ഥാന സര്‍ക്കാര്‍. കേരള ഫിനാന്‍ഷ്യല്‍ കോര്‍പ്പറേഷന്‍ (കെഎഫ്‌സി) നടപ്പാക്കുന്ന മുഖ്യമന്ത്രിയുടെ സംരംഭകത്വ വികസന പദ്ധതിയുടെ മൂന്നാം പതിപ്പിന്റെ ഉദ്ഘാടനവും ഗുണഭോക്താക്കള്‍ക്കുള്ള ആദ്യ വായ്പാ വിതരണവും മുഖ്യമന്ത്രി വി ഡി സതീശന്‍ ഇന്നു നിര്‍വഹിക്കും.

🔹മുല്ലപ്പെരിയാര്‍ ഡാമിലെ ജലനിരപ്പ് വര്‍ധിപ്പിക്കുമെന്ന തമിഴ്നാട് സര്‍ക്കാറിന്റെ ബജറ്റ് പ്രഖ്യാപനത്തിനെതിരെ കേരളം. തമിഴ്നാട് സര്‍ക്കാറിന്റെ പ്രഖ്യാപനത്തില്‍ സംസ്ഥാനം പ്രതിഷേധം അറിയിക്കുമെന്ന് മന്ത്രി മോന്‍സ് ജോസഫ് പറഞ്ഞു.

🔹വാഹനങ്ങളുടെ രൂപമാറ്റത്തില്‍ മാനദണ്ഡങ്ങള്‍ നിശ്ചയിക്കാന്‍ സംസ്ഥാന സര്‍ക്കാരുകള്‍ക്ക് അധികാരമില്ലെന്ന് കേന്ദ്രം. മാറ്റങ്ങള്‍ വരുത്തിയ ശേഷം 14 ദിവസത്തിനുള്ളില്‍ രജിസ്ട്രേഷന്‍ സര്‍ട്ടിഫിക്കേറ്റില്‍ രേഖപ്പെടുത്തണമെന്നതാണ് വ്യവസ്ഥയെന്നും വി ശിവദാസന്‍ എംപിയുടെ ചോദ്യത്തിന് ഗതാഗത മന്ത്രി നിതിന്‍ ഗഡ്കരി പാര്‍ലമെന്റില്‍ രേഖാമൂലം മറുപടി നല്‍കി.

🔹മംഗളൂരു ശ്രീനിവാസ കോളജില്‍ റാഗിംഗ് നടത്തിയതിന് സീനിയര്‍ വിദ്യാര്‍ത്ഥികളായ ആറു മലയാളികളെ പോലീസ് അറസ്റ്റു ചെയ്തു. രണ്ടു മലയാളി വിദ്യാര്‍ത്ഥികളെയാണ് ഇവര്‍ ആക്രമിച്ചത്. ഇവരെ ചികില്‍സയ്ക്കായി ആശുപത്രിയില്‍ പ്രവേശിപ്പിച്ചു.

🔹നിക്ഷേപത്തട്ടിപ്പു കേസിലെ പിടികിട്ടാപ്പുള്ളിയായ യുവതിയെ വിദേശത്തുനിന്ന് നാട്ടിലെത്തിച്ച് അറസ്റ്റു ചെയ്തു. മഹാരാഷ്ട്രയില്‍ രജിസ്റ്റര്‍ ചെയ്ത 88 കോടിയുടെ നിക്ഷേപത്തട്ടിപ്പ് കേസില്‍ പ്രതിയായ വിശാഖ റാത്തോഡിനെയാണ് യുഎഇയില്‍നിന്ന് നാടുകടത്തിച്ച് പൂണെ വിമാനത്താവളത്തില്‍ അറസ്റ്റു ചെയ്തത്.

🔹പ്രണയാഭ്യര്‍ത്ഥന നിരസിച്ചതിന് ഹരിയാനയിലെ ഫരീദാബാദില്‍ സ്‌കൂള്‍ വരാന്തയില്‍ അധ്യാപികയെ കുത്തികൊലപ്പെടുത്തി. സ്‌കൂളിലെ ഇംഗ്ലീഷ് അധ്യാപികയായിരുന്ന സന്ധ്യ കാര്‍ഹാനയാണ് കൊല്ലപ്പെട്ടത്. പ്രതിയായ 21 കാരന്‍ അമിത് പൊലീസിന്റെ പിടിയിലായി.

🔹ഹോര്‍മുസ് കടലിടുക്ക് ഭാഗികമായി തുറക്കാന്‍ ഇറാനും ഒമാനും തമ്മില്‍ ധാരണയിലേക്ക്. ഇരു രാജ്യങ്ങള്‍ മാത്രം കൈകാര്യം ചെയ്യുന്ന താല്‍ക്കാലിക ഗതാഗത പാത സംബന്ധിച്ചുളള ചര്‍ച്ചകള്‍ അന്തിമ ഘട്ടത്തിലെത്തി. എന്നാല്‍ ഹോര്‍മുസില്‍ ഇറാന് മേല്‍ക്കൈ അനുവദിക്കുന്ന ധാരണ അംഗീകരിക്കില്ലെന്ന് അമേരിക്ക വ്യക്തമാക്കി.

🔹ക്യൂബന്‍ സര്‍ക്കാരിനെ സാമ്പത്തികമായും രാഷ്ട്രീയമായും സമ്മര്‍ദ്ദത്തിലാക്കാനും രാജ്യത്ത് ഭരണമാറ്റം കൊണ്ടുവരാനും ലക്ഷ്യമിട്ട് അമേരിക്കന്‍ രഹസ്യാന്വേഷണ ഏജന്‍സിയായ സിഐഎ പ്രത്യേക ടാസ്‌ക് ഫോഴ്സ് രൂപീകരിച്ചതായി റിപ്പോര്‍ട്ട്. പ്രസിഡന്റ് ട്രംപിന്റെ നിര്‍ദ്ദേശപ്രകാരമാണ് നീക്കങ്ങള്‍.

🔹യുഎസ് പ്രസിഡന്റ് ഡോണാള്‍ഡ് ട്രംപ് സഞ്ചരിച്ച മിലിറ്ററി വണ്‍ സൈനിക ഹെലികോപ്ടറിന് തൊട്ടരികിലൂടെ യാത്രാവിമാനം പറന്ന സംഭവത്തില്‍ അന്വേഷണം. അമേരിക്കന്‍ എയര്‍ലൈന്‍സിന്റെ യാത്രാവിമാനമാണു തൊട്ടരികിലൂടെ പറന്നത്. നാഷണല്‍ ട്രാന്‍സ്പോര്‍ട്ടേഷന്‍ സേഫ്റ്റി ബോര്‍ഡ് ആണ് അന്വേഷണം ആരംഭിച്ചത്. ലോകകപ്പിനുശേഷം ഇരട്ടഗോളും അസിസ്റ്റുമായി അര്‍ജന്റീന നായകന്‍ ലയണല്‍ മെസി. ലീഗ്സ് കപ്പിലെ ആദ്യ പോരാട്ടത്തില്‍ മെക്സിക്കന്‍ ക്ലബ്ബായ അറ്റ്ലറ്റികോ സാന്‍ ലൂയിസിനെ രണ്ടിനെതിരെ നാല് ഗോളുകള്‍ക്ക് ഇന്റര്‍ മയാമി തോല്‍പിച്ച മത്സരത്തില്‍ രണ്ട് ഗോളടിച്ച മെസി ഒരു അസിസ്റ്റും നല്‍കി. ഇതോടെ ലീഗ്സ് കപ്പ് ചരിത്രത്തില്‍ ഏറ്റവും കൂടുതല്‍ ഗോളുകള്‍ നേടുന്ന താരമെന്ന റെക്കോര്‍ഡും മെസി സ്വന്തമാക്കി. 14 ഗോളുകളാണു മെസി നേടിയത്.

🔹പൂര്‍ണ്ണമായും ഐമാക്സില്‍ ചിത്രീകരിക്കുന്ന ആദ്യ ഇംഗ്ലീഷ് ഇതര ചിത്രമായിരിക്കും ‘വാരണാസി’യെന്ന് രാജമൗലി. സിനിമയുടെ 80 ശതമാനം ഭാഗങ്ങള്‍ ചിത്രീകരിച്ച് കഴിഞ്ഞു. മഹേഷ് ബാബു നായകനാവുന്ന ചിത്രത്തില്‍ പ്രിയങ്ക ചോപ്രയാണ് നായിക. പ്രതിനായകന്‍ പൃഥ്വിരാജ് സുകുമാരനാണ്. 512 സിഇ മുതല്‍ 2071 വരെ നീളുന്ന കാലഘട്ടമാണ് ഈ ചിത്രം. പേര് പോലെ തന്നെ വാരണാസി നഗരത്തിന്റെ കഥയാണിത്. ഈ നഗരത്തിന്റെ ഭാവിക്ക് ഭീഷണി സൃഷ്ടിച്ചുകൊണ്ട് ഒരു ഭീമന്‍ ഛിന്നഗ്രഹം വരികയാണ്. ശിവഭക്തനായ രുദ്ര എന്ന കഥാപാത്രത്തെയാണ് മഹേഷ് ബാബു ചിത്രത്തില്‍ അവതരിപ്പിക്കുന്നത്. അതിന് പുറമെ ഒരു പ്രത്യേക സീക്വന്‍സില്‍ ശ്രീരാമനായും മഹേഷ് ബാബു സ്‌ക്രീനില്‍ എത്തും. ഓസ്‌കര്‍ ജേതാവായ സംഗീത സംവിധായകന്‍ എം എണ്‍ കീരവാണി രാജമൗലിക്കൊപ്പം വീണ്ടും ഒന്നിക്കുകയാണ് ഈ ചിത്രത്തിലൂടെ.

🔹മിഥുന്‍ മാനുവല്‍ തോമസ് ആദ്യമായി സംവിധാനം ചെയ്യുന്ന വെബ് സിരീസ് ‘അണലി’യുടെ പുതിയ പോസ്റ്റര്‍ പുറത്തിറങ്ങി. നടി ലിയോണ ലിഷോയിയുടെ ക്യാരക്ടര്‍ ലുക്കാണ് പുറത്തുവന്നിരിക്കുന്നത്. ‘ഓരോ പുഞ്ചിരിക്ക് പിന്നിലും ഒരു നുണ ഉണ്ടാവും’ എന്ന ക്യാപ്ഷനോടെ പുറത്തുവന്ന പോസ്റ്ററില്‍ സൈക്കോ ചിരിയുമായുമായി നില്‍ക്കുന്ന ലിയോണയെ കാണപ്പെടുന്നത്. സിരീസ് വൈകാതെ ജിയോ ഹോട്സ്റ്റാറില്‍ സ്ട്രീമിംഗ് ആരംഭിക്കും. കൂടത്തായി കൂട്ടക്കൊലപാതകത്തെ ആസ്പദമാക്കിയാണ് അണലി ഒരുങ്ങുന്നത്. ജോളി ജോസഫ് ആയി ലിയോണ ലിഷോയ് ആണ് എത്തുന്നത്. സിരീസില്‍ പ്രധാന കഥാപാത്രമായി നിഖില വിമലും എത്തുന്നുണ്ട്. ഏഷ്യാവില്‍ സ്റ്റുഡിയോസ് നിര്‍മ്മിക്കുന്ന സിരീസ് പ്രമുഖ ഒടിടി പ്ലാറ്റ്ഫോം ആയ ഡിസ്നി പ്ലസ് ഹോട്ട്സ്റ്റാറിലൂടെയാണ് എത്തുക. മിഥുന്‍ മാനുവല്‍ തോമസിനൊപ്പം ജോണ്‍ മന്ത്രിക്കലും ചേര്‍ന്നാണ് സിരീസിന്റെ രചന നിര്‍വ്വഹിക്കുന്നത്.

💦 ഗുരുജിയുടെ വാക്കുകൾ
*****************************

മറന്നുപോയവരേയും
മാറി പോയവരേയും,
മടുത്തു പോയവരേയും
മനസ്സിൽ നിന്നും
ഉപേക്ഷിക്കുക.
മനസ്സിലായവരെ
ചേർത്ത് പിടിക്കുക.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 6

•ഓഗസ്റ്റ് 6 ലോകമെമ്പാടും ഹിരോഷിമ ദിനമായി (Hiroshima Day) ആചരിക്കുന്നു. രണ്ടാം ലോകമഹായുദ്ധകാലത്ത് 1945 ഓഗസ്റ്റ് 6-ന് അമേരിക്ക ജപ്പാനിലെ ഹിരോഷിമ നഗരത്തിൽ ‘ലിറ്റിൽ ബോയ്’ എന്ന ആറ്റംബോംബ് വർഷിച്ചതിന്റെ ഓർമ്മപ്പെടുത്തലായാണ് ഈ ദിനം ആചരിക്കുന്നത്.1945 ഓഗസ്റ്റ് 6-ന് രാവിലെ 8:15-നാണ് ഹിരോഷിമയിൽ ദുരന്തം വിതച്ച ബോംബ് വീണത്. ഇതിന്റെ ഫലമായി ലക്ഷക്കണക്കിന് ആളുകൾക്ക് ജീവൻ നഷ്ടപ്പെടുകയും തലമുറകളോളം അതിന്റെ റേഡിയേഷൻ ദുരിതം അനുഭവിക്കേണ്ടി വരികയും ചെയ്തു.സ്കൂളുകളിലും മറ്റ് സ്ഥാപനങ്ങളിലും സമാധാന റാലികൾ, യുദ്ധവിരുദ്ധ പ്രതിജ്ഞകൾ, ഹിരോഷിമ സമാധാന അനുസ്മരണ ചടങ്ങുകൾ എന്നിവ ഈ ദിവസം സംഘടിപ്പിക്കാറുണ്ട്.

•അന്താരാഷ്ട്ര സ്കൂബ ഡീവിങ് ദിനം (International Scuba Day): സമുദ്ര പര്യവേക്ഷണങ്ങളെയും സ്കൂബ ഡൈവിങ് കമ്മ്യൂണിറ്റിയെയും പ്രോത്സാഹിപ്പിക്കുന്നതിനായി ഈ ദിനം ആചരിക്കുന്നു.

തയ്യാറാക്കിയത്: കപിൽ ശങ്കർ

8 Likes

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 06 | വ്യാഴം ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 6

തയ്യാറാക്കിയത്: കപിൽ ശങ്കർ

ഡാളസ് കേരള അസോസിയേഷൻ മേയർ ശ്രീ. വി. വി. രാജേഷിന് ഉജ്വല സ്വീകരണം നൽകി

ഒടുവിൽ മാപ്പ് പറഞ്ഞ് മാർക്ക് സക്കർബർഗ്; മോദിയുടെ വീഡിയോ നീക്കം ചെയ്തതിൽ പരാമർശമില്ല.

LEAVE A REPLY Cancel reply

Most Popular

എൽപിഎസ്ടി ഹോൾഡേഴ്‌സ് കൂട്ട നിരാഹാരം തുടങ്ങി

ശബരിമല മില്‍മ നെയ് ക്രമക്കേട്; എസ്പി എം ജെ സോജന്‍ പ്രത്യേക അന്വേഷണ സംഘത്തിന്റെ തലവന്‍.

ചങ്ങാനാശ്ശേരിയിലെ ഒരു ക്യാമ്പിലും ഭക്ഷണവും വെള്ളവുമില്ല, ഇത് ഒറ്റപ്പെട്ട അവസ്ഥയല്ല: എം വി ഗോവിന്ദൻ.

കേരള മന്ത്രിസഭായോഗ തീരുമാനങ്ങൾ.

Recent Comments

EDITOR PICKS

എൽപിഎസ്ടി ഹോൾഡേഴ്‌സ് കൂട്ട നിരാഹാരം തുടങ്ങി

ശബരിമല മില്‍മ നെയ് ക്രമക്കേട്; എസ്പി എം ജെ സോജന്‍ പ്രത്യേക അന്വേഷണ സംഘത്തിന്റെ തലവന്‍.

ചങ്ങാനാശ്ശേരിയിലെ ഒരു ക്യാമ്പിലും ഭക്ഷണവും വെള്ളവുമില്ല, ഇത് ഒറ്റപ്പെട്ട അവസ്ഥയല്ല: എം വി ഗോവിന്ദൻ.

POPULAR POSTS

ഇന്‍ഷുറന്‍സ് എടുക്കാത്ത വാഹനങ്ങള്‍ക്ക് ഇന്ധനം നല്‍കരുത് -സുപ്രീംകോടതി.

2000 രൂപക്ക് മുകളിലുള്ള യു.പി.ഐ പണമിടപാടുകൾക്ക് ഫീസ് ഈടാക്കിയേക്കും; നിയമ ഭേദഗതിയുമായി സർക്കാർ.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 06 | വ്യാഴം ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ഓഗസ്റ്റ് 6

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************