📱വാർത്തകൾ ഒറ്റനോട്ടത്തിൽ📱 – 2026 | ജൂൺ 20 | ശനി ✍️ കപിൽ ശങ്കർ

🔹മുഖ്യമന്ത്രി വി ഡി സതീശന്‍ അവതരിപ്പിച്ച സംസ്ഥാന ബജറ്റ് സാമൂഹ്യനീതിയും വികസനവും കൈകോര്‍ക്കുന്ന ജനകീയ ബജറ്റാണെന്ന് കോണ്‍ഗ്രസ് നേതാവ് കൊടിക്കുന്നില്‍ സുരേഷ് എംപി. സമൂഹത്തിലെ ഏറ്റവും പിന്നാക്കം നില്‍ക്കുന്ന വിഭാഗങ്ങളുടെ ശാക്തീകരണത്തിന് ഈ ബജറ്റ് പ്രത്യേക പ്രാധാന്യം നല്‍കുന്നു. അദ്ദേഹം പറഞ്ഞു.

🔹25 ലക്ഷം രൂപയുടെ ആരോഗ്യ ഇന്‍ഷ്വറന്‍സ് പദ്ധതിക്കു ബജറ്റില്‍ പത്തു കോടി രൂപ മാത്രമേ വകയിരുത്തിയിട്ടുള്ളൂവെന്ന് മുന്‍ ആരോഗ്യമന്ത്രി വീണ ജോര്‍ജ്. ആരോഗ്യ വകുപ്പിന് എല്‍ഡിഎഫ് ബജറ്റില്‍ പ്രഖ്യാപിച്ച തുകയേക്കാള്‍ ഇരുന്നൂറു കോടി രൂപ കുറവാണ് ഇപ്പോഴത്തെ ബജറ്റിലുള്ളത്. വീണ ജോര്‍ജ് പറഞ്ഞു.

🔹സിനിമയെ ഒരു വ്യവസായമായി പ്രഖ്യാപിച്ച ബജറ്റ് നിര്‍ദ്ദേശത്തെ സ്വാഗതം ചെയ്ത് മോഹന്‍ലാലും മമ്മൂട്ടിയും. സിനിമയ്ക്ക് വാഗ്ദാനം ചെയ്ത എല്ലാ ആനുകൂല്യങ്ങള്‍ക്കും നന്ദി പറഞ്ഞ മമ്മൂട്ടി അവ എത്രയും വേഗം നടപ്പാക്കാന്‍ സാധിക്കട്ടെയെന്ന് ആശംസിച്ചു.

🔹കടക്കെണിക്കുമേല്‍ പടുത്തുയര്‍ത്തിയ മോഹന വാഗ്ദാനങ്ങളുടെ ബജറ്റാണ് മുഖ്യമന്ത്രി വി ഡി സതീശന്‍ അവതരിപ്പിച്ചതെന്ന് ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖര്‍ എംഎല്‍എ. വലിയ പ്രഖ്യാപനങ്ങള്‍ നടപ്പാക്കാനുള്ള പണം എങ്ങനെ കണ്ടെത്തുമെന്ന് ഒരു വ്യക്തതയും ബജറ്റിലില്ല. 5.07 ലക്ഷം കോടി രൂപയുടെ കടത്തിലാണ് കേരളമെന്നും അദ്ദേഹം പറഞ്ഞു.

🔹ഓപ്പറേഷൻ തൂഫാനിലൂടെ 15 കോടിയോളം രൂപയുടെ നിരോധിത പുകയില ഉത്പന്നങ്ങൾ പിടികൂടിയെന്ന് ആഭ്യന്തരമന്ത്രി രമേശ് ചെന്നിത്തല. ഓപ്പറേഷൻ തൂഫാൻ ഒരു കാരണവശാലും അവസാനിപ്പിക്കില്ലെന്നും ലഹരിക്കെതിരെ കൂടുതൽ മതനേതാക്കളുടെ പിന്തുണ തേടുമെന്നും ജിഫ്രി തങ്ങളുമായി കൂടികാഴ്ച നടത്തിയശേഷം രമേശ് ചെന്നിത്തല പറഞ്ഞു.

🔹‎തൂഫാൻ വാരിയറായി കാന്തപുരം AP അബൂബക്കർ മുസ്ലിയാർ. ബാഡ്ജ് ധരിപ്പിച്ച് ആഭ്യന്തര മന്ത്രി രമേശ് ചെന്നിത്തല. ലഹരി മുക്ത കേരളം എല്ലാവരും ആഗ്രഹിക്കുന്നുവെന്നും, സർക്കാരിൻ്റെ പദ്ധതിയെ അഭിനന്ദിക്കുന്നുവെന്നും കാന്തപുരം മുസ്‌ലിയാർ പറഞ്ഞു.

🔹‎മൈക്രോഫിനാൻസ് തട്ടിപ്പ് കേസിൽ എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനെതിരായ ആദ്യ കുറ്റപത്രത്തിന് വിജിലൻസ് ഡയറക്റ്റർ അംഗീകാരം നൽകി. വെള്ളാപ്പള്ളി നടേശൻ, എം എൻ സോമൻ, വയനാട് എസ്എൻഡിപി യൂണിയൻ ഭാരവാഹികൾ, ഉദ്യോഗസ്ഥർ അടക്കമുള്ളവരാണ് കേസിലെ പ്രതികൾ.

🔹എൻഎസ്എസിന്റെ ജനറൽ സെക്രട്ടറിയായി ജി.സുകുമാരൻ നായരെ വീണ്ടും തിരഞ്ഞെടുത്തു. ഇന്ന് ചേർന്ന ബജറ്റ് യോഗമാണ് അദ്ദേഹത്തെ വീണ്ടും തെരഞ്ഞെടുത്തത്. ട്രഷററായി എൻ വി അയ്യപ്പൻ പിള്ളയും തുടരും. ഐക്യകണ്ഠേനയാണ് അദ്ദേഹത്തെ തിരഞ്ഞെടുത്തത്.

🔹‎കെ ബി ഗണേഷ്‌ കുമാര്‍ എന്‍എസ്‌എസ് ഡയറക്ടർ ബോർഡിൽ നിന്ന് പുറത്ത്. ഗണേഷ് കുമാറിന്റെ കാലാവധി കഴിഞ്ഞതിനാൽ അംഗത്വം പുതുക്കി നൽകണമെന്ന് ആവശ്യപ്പെട്ടിട്ടും എൻഎസ്എസ് പുതുക്കി നൽകിയില്ല. എന്നാൽ എന്‍എസ്‌എസിനൊപ്പം തന്നെ തുടരുമെന്നും സ്ഥാനമാനങ്ങൾ ആഗ്രഹിച്ചിട്ടില്ലെന്നും കെ ബി ഗണേഷ് കുമാർ മാധ്യമങ്ങളോട് പ്രതികരിച്ചു.

🔹സംസ്ഥാനത്ത് 10 ഷിഗെല്ല രോഗബാധ കൂടി റിപ്പോര്‍ട്ട് ചെയ്തു. ജൂണ്‍ മാസം 120 രോഗബാധയും 5 മരണവും റിപ്പോര്‍ട്ട് ചെയ്തിട്ടുണ്ട്. നിപ രോഗിയുടെ സമ്പര്‍ക്കപ്പട്ടികയില്‍ ഉള്‍പ്പെട്ട് നിരീക്ഷണത്തിനായി മെഡിക്കല്‍ കോളേജില്‍ പ്രവേശിപ്പിച്ച എല്ലാവരും ആശുപത്രി വിട്ടു.

🔹കണ്ണൂര്‍ അഞ്ചരക്കണ്ടി ഡെന്റല്‍ കോളേജ് വിദ്യാര്‍ത്ഥി നിതിന്‍ രാജ് ആത്മഹത്യ ചെയ്ത സംഭവത്തില്‍ ഒന്നാം പ്രതിയായ അധ്യാപകന്‍ ഡോ എം കെ റാമിന്റെ മുന്‍കൂര്‍ ജാമ്യഹര്‍ജി ഹൈക്കോടതി തള്ളി. ഡോ. റാമിനെതിരെ പ്രഥമ ദൃഷ്ട്യാ തെളിവുണ്ടെന്നും നിതിന്‍ രാജിനെ അപമാനിക്കാന്‍ ശ്രമിച്ചെന്ന് സഹപാഠികളുടെ മൊഴിയുണ്ടെന്നും കോടതി ചൂണ്ടിക്കാട്ടി.

🔹മാസപ്പടി കേസില്‍ വീണ വിജയന്റെ ബാങ്ക് ലോക്കര്‍ എന്‍ഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥര്‍ തുറന്നു പരിശോധിച്ചത് വീണയുടെ സാന്നിധ്യത്തില്‍. തിരുവനന്തപുരത്തെ എച്ച്ഡിഎഫ്സി ബാങ്കിലെ ലോക്കറാണു തുറന്നത്. മാസപ്പടി ഇടപാടിലെ രേഖകള്‍ ലോക്കറില്‍ ഒളിപ്പിച്ചിട്ടുണ്ടോയെന്ന് അറിയാനായിരുന്നു പരിശോധന. അതേസമയം, കോടതി കൈമാറാന്‍ നിര്‍ദ്ദേശിച്ച 134 രേഖകള്‍ ഇതുവരെ എസ്എഫ്ഐഒ എന്‍ഫോഴ്സ്മെന്റിനു കൈമാറിയില്ല.

‎🔹സിഎംആർഎൽ – എക്സാലോജിക് ഇഡി അന്വേഷണത്തിൽ വീണയുടെ തുടർ ചോദ്യം ചെയ്യലിൽ തടസ്സം. എസ്എഫ്ഐഒ രേഖകൾ ഇനിയും ഇഡിയ്ക്ക് ലഭിച്ചില്ല. കോടതി അനുവദിച്ച 10 ദിവസത്തെ സമയം കഴിഞ്ഞു. ബുധനാഴ്ചയായിരുന്നു അവസാന തീയതി.

🔹റബറിന് രാജ്യാന്തര വിപണിയില്‍ 300 രൂപയോളം വിലയുള്ളപ്പോഴാണ് സംസ്ഥാന സര്‍ക്കാര്‍ 250 രൂപ താങ്ങുവില പ്രഖ്യാപിച്ചതെന്ന് റബര്‍ ബോര്‍ഡ് ചെയര്‍മാന്‍ എന്‍ ഹരി. സര്‍ക്കാര്‍ ജനങ്ങളെ വഞ്ചിക്കുകയാണെന്നും ഹരി ആരോപിച്ചു.

🔹മുല്ലപ്പെരിയാറില്‍ പുതിയ അണക്കെട്ട് അനുവദിക്കില്ലെന്നും ജലനിരപ്പ് 152 അടിയാക്കുമെന്നുമുള്ള തമിഴ്നാടിന്റെ നിലപാടിനെതിരേ മുല്ലപ്പെരിയാര്‍ സമര സമിതി. സംസ്ഥാന ബജറ്റില്‍ പുതിയ ഡാമിനെക്കുറിച്ച് പരാമര്‍ശമില്ലാത്തതില്‍ നിരാശയുണ്ടെന്നു സമിതി.

🔹കണ്ണൂര്‍ പാനൂരില്‍ കോളേജ് അധ്യാപിക ആത്മഹത്യ ചെയ്ത സംഭവത്തില്‍ സുഹൃത്ത് പിടിയില്‍. ഒളിവിലായിരുന്ന ശരണിനെ കണ്ണൂരിലെ വീടിനു സമീപത്തുനിന്നാണ് പിടികൂടിയത്. ബസ് സ്റ്റാന്റില്‍ വെച്ച് പ്രതി മര്‍ദിച്ചതിനു പിറകേയാണ് അധ്യാപിക ജീവനൊടുക്കിയത്.

🔹പ്രമുഖ മാധ്യമപ്രവര്‍ത്തകന്‍ എന്‍ആര്‍എസ് ബാബു അന്തരിച്ചു. 84 വയസായിരുന്നു. കേരള കൗമുദിയിലും കലാകൗമുദിയിലും ഡെപ്യൂട്ടി എഡിറ്ററായിരുന്നു.

🔹യുഎപിഎ കേസുകള്‍ അവസാനിപ്പിക്കണമെന്നാവശ്യപ്പെട്ട് മാവോയിസ്റ്റ് നേതാവ് രൂപേഷിന്റെ ഭാര്യ ഷൈന ആഭ്യന്തര മന്ത്രി രമേശ് ചെന്നിത്തലക്കു നിവേദനം നല്‍കി.

🔹കാറില്‍ ഉണ്ടായിരുന്നവരെ ആക്രമിച്ച് 16 ലക്ഷത്തിലേറെ രൂപ തട്ടിയെടുത്തെന്നു കേസ്. തൃശൂരിലെ തൃപ്രയാറിലെ പൈന്നൂര്‍ ആമലത്ത്കുളങ്ങര ക്ഷേത്രത്തിനു സമീപമാണ് സംഭവം. കാറിന്റെ ചില്ല് തകര്‍ത്ത് മുളക് പൊടി സ്പ്രേ ചെയ്താണ് പണം തട്ടിയെന്നാണു പരാതി. ദുരൂഹതയുണ്ടെന്നു പോലീസ്.

🔹കടയ്ക്കലില്‍ ഏഴു വയസ്സുകാരിയെ പീഡിപ്പിച്ചെന്ന പരാതിയില്‍ രണ്ടു യുവാക്കള്‍ക്കെതിരെ കടയ്ക്കല്‍ പൊലീസ് പോക്സോ കേസെടുത്തു. കോവൂര്‍ സ്വദേശി 21 കാരനായ സച്ചുവിനെ അറസ്റ്റു ചെയ്തു. കുട്ടിയ്ക്കു മിഠയിയും മറ്റും നല്‍കി പ്രതിയുടെ വീട്ടില്‍ കൂട്ടികൊണ്ടുപോയി പലതവണ പീഡിപ്പിച്ചെന്നാണു കേസ്.

🔹പിണറായി വിജയന്റെ വീട്ടില്‍ നടന്ന എന്‍ഫോഴ്സ്മെന്റ് ഡയറക്ടറേറ്റ് റെയ്ഡിനിടെ പൊലീസ് ഉദ്യോഗസ്ഥരെ ആക്രമിച്ച കേസില്‍ അറസ്റ്റിലായ എസ്എഫ്ഐ തിരുവനന്തപുരം ജില്ലാ പ്രസിഡന്റ് വിജയ് വിമലിന് തിരുവനന്തപുരം ജില്ലാ സെഷന്‍സ് കോടതി ജാമ്യം അനുവദിച്ചു.

🔹രാജസ്ഥാനിലെ ഭില്‍വാരയില്‍ നീറ്റ് യുജി പുനപരീക്ഷയുടെ വ്യാജ ചോദ്യപ്പേപ്പര്‍ ടെലഗ്രാം വഴി നാലായിരം രൂപയ്ക്കു വിറ്റ വിദ്യാര്‍ത്ഥി അറസ്റ്റിലായി. പട്ടേല്‍ നഗര്‍ സ്വദേശിയായ ആകാശ് ചൗധരി (19) ആണ് രാജസ്ഥാന്‍ പൊലീസിന്റെ പിടിയിലായത്.

🔹നീറ്റ് യുജി പുനപരീക്ഷ നാളെ. ചോദ്യപ്പേപ്പര്‍ ചോര്‍ന്നതുമൂലം മെയ് മൂന്നിന് നടന്ന നീറ്റ് യുജി പരീക്ഷ റദ്ദാക്കിയതോടെയാണ് നാളെ പുനപരീക്ഷ നടക്കുന്നത്. രാജ്യത്തെ 5000 ത്തിലധികം പരീക്ഷാ കേന്ദ്രങ്ങളിലും രാജ്യത്തിന് പുറത്തെ 14 കേന്ദ്രങ്ങളിലുമായി 23 ലക്ഷത്തോളം വിദ്യാര്‍ത്ഥികളാണ് പരീക്ഷയെഴുതുക. നാഷണല്‍ ടെസ്റ്റിങ് ഏജന്‍സി ഇന്നു രാജ്യവ്യാപക മോക്ക് ഡ്രില്‍ സംഘടിപ്പിക്കും. രാവിലെ ഒന്‍പതു മുതല്‍ വൈകുന്നേരം വരെ നീളുന്ന മോക്ക് ഡ്രില്ലില്‍ രണ്ടര ലക്ഷത്തിലധികം സുരക്ഷാ ഉദ്യോഗസ്ഥര്‍ ഭാഗമാകും.

🔹ബെംഗളൂരുവിലെ മടിവാളയില്‍ പോലീസ് ജീപ്പിലെത്തി മലയാളി യുവാക്കളെ ഭീഷണിപ്പെടുത്തി 20 ലക്ഷം രൂപ കവര്‍ന്ന രണ്ടംഗ സംഘത്തെ പോലീസ് തെരയുന്നു. ബെംഗളൂരു ക്രൈം ബ്രാഞ്ചിലെ ഒരു ഉദ്യോഗസ്ഥന്റെ നേതൃത്വത്തിലാണ് കവര്‍ച്ച നടന്നതെന്നാണ് പ്രാഥമിക വിവരം.

🔹അയോധ്യയിലെ രാമക്ഷേത്രത്തിന്റെ ഭരണസമിതിയില്‍ അഴിച്ചുപണി വേണമെന്ന് രാമജന്മഭൂമി ക്ഷേത്ര നിര്‍മാണ സമിതി അധ്യക്ഷന്‍ നൃപേന്ദ്ര മിശ്ര. ഏഴുകോടി രൂപയുടെ ക്രമക്കേട് നടന്നെന്നും സംഭാവനകള്‍ വകമാറ്റിയെന്നും ആരോപണം ഉയര്‍ന്ന പശ്ചാത്തലത്തിലാണ് മാറ്റങ്ങള്‍ക്കു നീക്കം ആരംഭിച്ചത്.

🔹രാഹുല്‍ ഗാന്ധിക്ക് ജന്മദിനാശംസകളുമായി എം കെ സ്റ്റാലിന്‍. കോണ്‍ഗ്രസ് – ഡിഎംകെ ബന്ധം തെറ്റിപ്പിരിഞ്ഞതിനിടെ ആണ് സ്റ്റാലിന്റെ ജന്മദിനാശംസ എന്നത് ശ്രദ്ധേയമാണ്. രാഹുലിന് നല്ല ആരോഗ്യവും സന്തോഷവും നേരുന്നുവെന്ന് സ്റ്റാലിന്‍ എക്സില്‍ കുറിച്ചു.

🔹രാഹുല്‍ ഗാന്ധിയെ പരശുരാമനാക്കി ചിത്രീകരിച്ച് പിറന്നാള്‍ ആഘോഷം സംഘടിപ്പിച്ചതിനെതിരെ ബിജെപി. കോണ്‍ഗ്രസ് പരശുരാമനെ അപമാനിച്ചുവെന്ന് വിമര്‍ശനം. യൂത്ത് കോണ്‍ഗ്രസ് നടത്തിയ പിറന്നാള്‍ ആഘോഷത്തിനെതിരെ ആണ് വിമര്‍ശനം.

🔹അഗര്‍ത്തലയിലേക്കുള്ള ഇന്‍ഡിഗോ വിമാനത്തിന് മിന്നലേറ്റു. കൊല്‍ക്കത്ത വിമാനത്താവളത്തില്‍ ത്രിപുര തലസ്ഥാനമായ അഗര്‍ത്തലയിലേക്ക് പുറപ്പെടാനിരുന്ന വിമാനത്തിനാണ് മിന്നലേറ്റത്. യാത്രക്കാര്‍ക്കു പരിക്കുകളില്ല.

🔹ലബനനില്‍ സമാധാനം പുനഃസ്ഥാപിക്കാന്‍ ഇസ്രായേല്‍- ഹിസ്ബുള്ള വെടിനിര്‍ത്തല്‍ ധാരണ. അമേരിക്കയും ഖത്തറും ഇടപെട്ടാണ് വെടിനിര്‍ത്തല്‍ നടപ്പാക്കിയത്. അതേസമയം, ഹോര്‍മുസില്‍ കപ്പലുകള്‍ കടന്നു പോകാന്‍ 48 മണിക്കൂര്‍ മുമ്പ് അപേക്ഷ നല്‍കണമെന്ന് ഇറാന്റെ ഹോര്‍മുസ് അതോറിറ്റിട്ടി അറിയിച്ചു. റൂട്ട് ഉള്‍പ്പടെ വിവരങ്ങള്‍ നല്‍കണം. മൈനുകളും, കൂട്ടിയിടി സാധ്യതയും കാരണമാണ് നിയന്ത്രണമെന്നും ഇറാന്‍ വ്യക്തമാക്കി.

🔹ജി 7 ഉച്ചകോടിക്കിടെ തന്നോടൊപ്പം ഫോട്ടോ എടുക്കാന്‍ ഇറ്റാലിയന്‍ പ്രധാനമന്ത്രി ജോര്‍ജിയ മെലോണി കെഞ്ചിയെന്നു യുഎസ് പ്രസിഡന്റ് ഡോണാള്‍ഡ് ട്രംപ്. ട്രംപ് പൊങ്ങച്ചം പറയുകയാണെന്നും താനോ ഇറ്റലിയോ ഒരിക്കലും യാചിക്കാറില്ലെന്നും മെലോണി തിരിച്ചടിച്ചു. ട്രംപിന്റെ പ്രസ്താവനയെ അപലപിച്ച ഇറ്റാലിയന്‍ വിദേശകാര്യ മന്ത്രി അന്റോണിയോ തജാനി, യുഎസ് സന്ദര്‍ശനം റദ്ദാക്കി.

🔹പ്രശസ്ത ബ്രിട്ടീഷ് നടി എമ ഹുസൈന്‍ 296 മില്യണ്‍ ഓസ്ട്രേലിയന്‍ ഡോളര്‍ (2,500 കോടിയിലധികം രൂപ) വിലവരുന്ന മയക്കുമരുന്നുമായി ഓസ്ട്രേലിയയില്‍ അറസ്റ്റിലായി. പശ്ചിമ ആഫ്രിക്കന്‍ രാജ്യമായ ഘാനയില്‍നിന്നും കരി നിറച്ച ചാക്കുകളില്‍ ഒളിപ്പിച്ചു കടത്താന്‍ ശ്രമിച്ച 320 കിലോഗ്രാം മെത്താംഫെറ്റാമൈന്‍ ലഹരിമരുന്നാണ് സിഡ്‌നിയില്‍ പോലീസ് പിടികൂടിയത്.

🔹ഇറാനും അമേരിക്കയും ജനീവയില്‍ നടത്താനിരുന്ന ചര്‍ച്ച റദ്ദാക്കി. അമേരിക്കന്‍ വൈസ് പ്രസിഡന്റ് ചര്‍ച്ചയില്‍നിന്ന് പിന്മാറുകയായിരുന്നു. ലബനനില്‍ ഇസ്രയേല്‍ തുടരുന്ന കനത്ത ആക്രമണം ആശങ്കാജനകമായിരിക്കേയാണ് പിന്മാറ്റം.

🔹നൈജീരിയയിലെ ഏറ്റവും വലിയ വിമാനത്താവളത്തിലുണ്ടായ വെടിവയ്പില്‍ 35 പേര്‍ കൊല്ലപ്പെട്ടു. തലസ്ഥാനമായ നിയാമേയിലെ പ്രധാന അന്താരാഷ്ട്ര വിമാനത്താവളത്തിനും അതിനോട് ചേര്‍ന്നുള്ള സൈനിക താവളത്തിനും നേരെയാണ് സായുധ ആക്രമണമുണ്ടായത്. 11 സൈനികരും രണ്ട് സാധാരണക്കാരും പ്രത്യാക്രമണത്തില്‍ 22 അക്രമികളുമാണ് കൊല്ലപ്പെട്ടത്.

🔹ആഗോള സാമ്പത്തിക മാന്ദ്യം തടയാനാണ് ഇറാനുമായി കരാറുണ്ടാക്കിയതെന്ന് ഡൊണാള്‍ഡ് ട്രംപ് അവകാശപ്പെട്ടു. ഹോര്‍മൂസ് കടലിടുക്ക് വീണ്ടും തുറന്നെങ്കിലും, ഇറാനോട് മൃദുസമീപനം സ്വീകരിച്ചുവെന്നും യുദ്ധലക്ഷ്യങ്ങള്‍ പരാജയപ്പെട്ടുവെന്നും ആരോപിച്ച് ട്രംപിനെതിരെ യുഎസ്സില്‍ കടുത്ത വിമര്‍ശനം.

🔹ഇറാന്‍ പൂര്‍ണ്ണമായും തകര്‍ന്നടിഞ്ഞെന്നും സമീപകാലത്തെ യുദ്ധം അവരുടെ സൈനിക ശേഷിയെ ഇല്ലാതാക്കിയെന്നും യുഎസ് പ്രസിഡന്റ് ഡൊണാള്‍ഡ് ട്രംപ്. ഇറാനുമായി ചര്‍ച്ചകള്‍ക്ക് മുന്‍കൈ എടുത്തത് അവരാണെന്നും എന്നാല്‍ ഒരു തരത്തിലുമുള്ള സാമ്പത്തിക ഇളവുകള്‍ നല്‍കില്ലെന്നും ട്രംപ് ട്രൂത്ത് സോഷ്യലിലൂടെ വ്യക്തമാക്കി.

🔹അമേരിക്കന്‍ പ്രസിഡന്റുമാരുടെ ആഗോള യാത്രകള്‍ക്ക് 35 വര്‍ഷത്തിലേറെയായി ഉപയോഗിച്ച എയര്‍ഫോഴ്‌സ് വണ്‍ വിമാനങ്ങള്‍ ഒഴിവാക്കുന്നു. പകരം അത്യാധുനിക സൗകര്യങ്ങളുള്ള മൂന്ന് ബോയിംഗ് 747 വിമാനങ്ങളാണ് എയര്‍ഫോഴ്‌സ് വണ്‍ ആയി മാറുക. ഇതില്‍ ആദ്യത്തേത് ഖത്തര്‍ ഗവണ്‍മെന്റ് സമ്മാനമായി നല്‍കിയതാണ്. വിമാനം അമേരിക്കന്‍ ചാരസംഘടന, സുരക്ഷാ ഏജന്‍സി ഉദ്യോഗസ്ഥരുടെ മേല്‍നോട്ടത്തില്‍ 40 കോടി ഡോളര്‍ മുടക്കിയാണ് അഴിച്ചുപണിയുന്നത്.

🔹ഫിഫ ലോകകപ്പിനിടെ അമേരിക്കയില്‍ കടുത്ത യാത്രാ നിയന്ത്രണങ്ങളുണ്ടെന്ന് ഫിഫയ്ക്ക് ഇറാന്‍ ഫുട്‌ബോള്‍ ഫെഡറേഷന്റെ പരാതി. ടീമിന്റെ ഒരുക്കങ്ങളെ ബാധിക്കുന്ന തരത്തില്‍ യാത്രാ ഷെഡ്യൂളില്‍ മാറ്റം വരുത്തണമെന്ന അഭ്യര്‍ത്ഥനകള്‍ അധികൃതര്‍ നിരസിച്ചതാണ് പരാതിക്കു കാരണം.

🔹ബിഹാറില്‍ നിന്നുള്ള പതിനഞ്ചുകാരിയായ അക്ഷര ഗുപ്ത വനിതാ അണ്ടര്‍-19 ക്രിക്കറ്റില്‍ ട്രിപ്പിള്‍ സെഞ്ചുറി നേടി ചരിത്രം കുറിച്ചു. രക്‌സോളിനായി 126 പന്തില്‍ 306 റണ്‍സ് നേടിയ ഈ താരത്തിന്റെ അസാധാരണ പ്രകടനം ആഭ്യന്തര ക്രിക്കറ്റ് ലോകത്ത് വലിയ ചര്‍ച്ചയായി.

🔹ലോകകപ്പ് ഫുട്‌ബോള്‍ ഗ്രൂപ്പ് ഡിയില്‍ എതിരില്ലാത്ത രണ്ടു ഗോളുകള്‍ക്ക് ഓസ്ട്രേലിയയെ പരാജയപ്പെടുത്തി ആതിഥേയരായ യുഎസ്എ. ഓസീസ് ഡിഫന്‍ഡര്‍ കാമറൂണ്‍ ബോര്‍ജസിന്റെ സെല്‍ഫ് ഗോളും 43ാം മിനിറ്റില്‍ അലക്സ് ഫ്രീമാന്‍ ഹെഡ്ഡറിലൂടെ രണ്ടാം ഗോളും നേടിയാണ് യുഎസ് വിജയിച്ചത്. ആദ്യം ഓഫ് സൈഡ് വിളിച്ചെങ്കിലും പിന്നീട് വാര്‍ പരിശോധനയില്‍ ഗോള്‍ അനുവദിക്കുകയായിരുന്നു.

🔹എം പത്മകുമാര്‍ സംവിധാനം ചെയ്യുന്ന ‘ഉയിര്‍’ എന്ന സിനിമയുടെ ടീസര്‍ പുറത്തിറങ്ങി. ഇന്‍വെസ്റ്റിഗേഷന്‍ ത്രില്ലറാണെന്ന സൂചനയാണ് ടീസര്‍ നല്‍കുന്നത്. റോഷന്‍ മാത്യു പ്രധാന വേഷത്തില്‍ എത്തുന്നു. കണ്ണൂര്‍ ജില്ലയിലെ ഒരു പോലീസ് സ്റ്റേഷന്റെ പശ്ചാത്തലത്തില്‍ ആരംഭിക്കുന്ന ടീസറില്‍ ദുരൂഹമായ ഒരു മരണവും തുടര്‍ന്നുള്ള അന്വേഷണവുമാണ് ദൃശ്യവല്‍ക്കരിച്ചിരിക്കുന്നത്. നിഖില്‍ കെ മേനോനും ഷാജി മാറാടും ചേര്‍ന്നാണ് ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത്. നടന്‍ ബൈജു സന്തോഷ് ചിത്രത്തില്‍ ഒരു മുഴുനീള പോലീസ് കഥാപാത്രത്തെ അവതരിപ്പിക്കുന്നുണ്ട്. ഇവരെ കൂടാതെ വിനീത് തട്ടില്‍, ദിവ്യ എം നായര്‍, സന്തോഷ് ത്രിവിക്രമന്‍, ഷാജു ശ്രീധര്‍, ശ്രീകാന്ത് മുരളി, വിനോദ് സാഗര്‍, അതുല്യ ചന്ദ്ര, ശ്രുതി മേനോന്‍ എന്നിവരും പ്രധാന വേഷങ്ങളില്‍ എത്തുന്നു. മലയാള നടീനടന്മാര്‍ക്ക് പുറമെ ബോളിവുഡിലെ പ്രമുഖ അഭിനേതാക്കളായ സയാമി ഖേര്‍, മഹേഷ് ഷെട്ടി എന്നിവരും ചിത്രത്തില്‍ നിര്‍ണ്ണായക അതിഥി വേഷങ്ങളില്‍ പ്രത്യക്ഷപ്പെടുന്നു.

🔹അര്‍ജുന്‍ സര്‍ജയെ നായകനാക്കി സുഭാഷ് കെ രാജ് സംവിധാനം ചെയ്ത ‘ബ്ലാസ്റ്റ്’ 25 മുതല്‍ നെറ്റ്ഫ്ലിക്സിലൂടെ കാണാം. ഫാമിലി എന്റര്‍ടൈനറായി എത്തിയ ചിത്രത്തില്‍ പ്രീതി മുകുന്ദന്‍, അഭിരാമി എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. കരാട്ടെ മാസ്റ്ററും അയാളുടെ കുടുംബവും അവരുടെ ജീവിതത്തില്‍ ക്ഷണിക്കപ്പെടാതെ വരുന്ന കുറച്ചു ആളുകള്‍ വരുന്നതും പിന്നീടുണ്ടാവുന്ന സംഭവികാസങ്ങളുമാണ് ബ്ലാസ്റ്റ് എന്ന ചിത്രത്തിന്റെ പ്രമേയം. രവി ബസ്‌റൂര്‍ ആണ് ചിത്രത്തിന് സംഗീത സംവിധാനം നിര്‍വഹിച്ചിരിക്കുന്നത്. ഇതുവരെ ആഗോള ബോക്സ് ഓഫീസില്‍ 71 കോടിയോളം ചിത്രം നേടിയിട്ടുണ്ട്. ഇന്ത്യയില്‍ നിന്ന് മാത്രം 57 കോടി രൂപയാണ് ബ്ലാസ്റ്റ് നേടിയിരിക്കുന്നത്. വെറും 18 കോടിയുടെ മുതല്‍മുടക്കിലാണ് ചിത്രം ഒരുങ്ങിയത്. അര്‍ജുന്‍ ചിദംബരം, ദിലീപന്‍, ബാല ഹസന്‍, ജോണ്‍ കോക്കന്‍, രമേശ് നാരായണന്‍, പവന്‍, വിവേക് പ്രസന്ന, വിനോദ് സാഗര്‍ എന്നിവരാണ് ചിത്രത്തിലെ മറ്റ് താരങ്ങള്‍.

💦 ഗുരുജിയുടെ വാക്കുകൾ
*****************************

ഒരു വ്യക്തിയുടെ മഹത്വം അവന്റെ/ അവളുടെ ശൈശവം മുതൽ തന്നെ എല്ലാ പ്രവർത്തനങ്ങളിലും വെളിപ്പെട്ടുകൊണ്ടിരിക്കുന്നത് നമുക്ക് കാണുവാൻ കഴിയും. ‘മുളയിലെ അറിയാം മുളങ്കരുത്ത്’ എന്ന ചൊല്ല് ഏവർക്കും പരിചിതം ആണല്ലോ. മുളക്കുമ്പോൾ ഉള്ള പുഷ്ടി കണ്ടാൽ അറിയാം അതു വലുതാവുമ്പോൾ എങ്ങനെ ആയിത്തീരുമെന്ന്. ശക്തിയുള്ള മുളയാണെങ്കിൽ അത് വലുതാകുമ്പോഴും ശക്തമായിരിക്കും എന്ന് അർത്ഥം. ചില വ്യക്തികൾ ചെറിയ കാര്യങ്ങൾ പോലും ഭംഗിയായി ചെയ്യുന്നവരാണ്. ചിലരുടെ പ്രവർത്തികൾ വളരെ അലസമായിരിക്കും. വസ്ത്രധാരണത്തിലും, എഴുതുന്ന കാര്യത്തിലും, സംസാരത്തിലും, ഓരോ ചെറിയ പ്രവർത്തിയിലും ഇത് വ്യക്തമാണ്. പല കാര്യങ്ങളും വളരെ ശ്രദ്ധയോടെ ചെയ്യുന്ന കുഞ്ഞുങ്ങൾ ഉണ്ട്. അശേഷം ശ്രദ്ധിക്കാത്തവരും ഉണ്ട്. പക്ഷേ അത് മനസ്സിലാക്കുന്നതിന് നമ്മുടെ സൂക്ഷ്മ നിരീക്ഷണം ആവശ്യമുണ്ട്.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂൺ 20

എല്ലാ വർഷവും ജൂൺ 20 പ്രധാനമായും ലോക അഭയാർത്ഥി ദിനമായി (World Refugee Day) ആചരിക്കുന്നു. യുദ്ധം, പ്രകൃതിദുരന്തങ്ങൾ, പീഡനങ്ങൾ എന്നിവ കാരണം സ്വന്തം ജന്മനാടും വീടും ഉപേക്ഷിച്ച് പലായനം ചെയ്യേണ്ടി വന്ന ലക്ഷക്കണക്കിന് അഭയാർത്ഥികളുടെ അവസ്ഥയെക്കുറിച്ച് അവബോധം വളർത്താനും, അവരുടെ അതിജീവനത്തെ ആദരിക്കാനുമാണ് ഐക്യരാഷ്ട്രസഭയുടെ നേതൃത്വത്തിൽ ഈ ദിനം ആചരിക്കുന്നത്.

•ലോക ഉൽപ്പാദനക്ഷമതാ ദിനം (World Productivity Day): വ്യക്തിപരവും തൊഴിൽപരവുമായ ജീവിതത്തിൽ ഉൽപ്പാദനക്ഷമത വർദ്ധിപ്പിക്കേണ്ടതിന്റെ പ്രാധാന്യം ഓർമ്മിപ്പിക്കുന്ന ദിനം.

•അന്താരാഷ്ട്ര സർഫിംഗ് ദിനം (International Surfing Day): സമുദ്ര കായിക വിനോദമായ സർഫിംഗിനെയും സമുദ്ര സംരക്ഷണത്തെയും പ്രോത്സാഹിപ്പിക്കാൻ ഈ ദിനം ഉപയോഗിക്കുന്നു.

•പശ്ചിമ ബംഗാൾ ദിനം (Paschim Banga Dibas): ഇന്ത്യയിൽ ജൂൺ 20 പശ്ചിമ ബംഗാൾ സംസ്ഥാന രൂപീകരണ ദിനമായി ആചരിക്കുന്നു. 1947 ജൂൺ 20-നാണ് ബംഗാൾ നിയമസഭ ബംഗാൾ വിഭജന പ്രമേയം പാസാക്കിയത്.

•1837: ബ്രിട്ടനിൽ വിക്ടോറിയ രാജ്ഞി ഭരണത്തിലേറി.

•1877: ലോകത്തിലെ ആദ്യത്തെ വാണിജ്യാടിസ്ഥാനത്തിലുള്ള ടെലഫോൺ സർവീസ് അലക്സാണ്ടർ ഗ്രഹാം ബെൽ കാനഡയിൽ സ്ഥാപിച്ചു.

•1946: കേരളത്തിലെ പ്രശസ്തമായ ആലപ്പുഴ സനാതന ധർമ്മ (SD) കലാലയം സ്ഥാപിതമായി.

•1960: ആഫ്രിക്കൻ രാജ്യങ്ങളായ മാലിയും സെനഗലും ഫ്രാൻസിൽ നിന്നും സ്വാതന്ത്ര്യം നേടി.

•1975: ഹോളിവുഡിലെ എക്കാലത്തെയും മികച്ച ത്രില്ലർ ചിത്രങ്ങളിലൊന്നായ സ്റ്റീവൻ സ്പീൽബർഗിന്റെ ‘ജോസ് (Jaws)’ തിയേറ്ററുകളിൽ റിലീസ് ചെയ്തു.

തയ്യാറാക്കിയത്: കപിൽ ശങ്കർ

2 Likes

📱വാർത്തകൾ ഒറ്റനോട്ടത്തിൽ📱 – 2026 | ജൂൺ 20 | ശനി ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂൺ 20

തയ്യാറാക്കിയത്: കപിൽ ശങ്കർ

ട്രേസിംഗ് ഷാഡോ.ഒമാനിലെ ആദ്യ പ്രദർശനത്തിൽ മികച്ച അഭിപ്രായം.

നേപ്പാൾ മിന്നൽ പ്രളയം; മരണസംഖ്യ 538 ആയി

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 28 | വെള്ളി ✍️ കപിൽ ശങ്കർ

LEAVE A REPLY Cancel reply

Most Popular

ട്രേസിംഗ് ഷാഡോ.ഒമാനിലെ ആദ്യ പ്രദർശനത്തിൽ മികച്ച അഭിപ്രായം.

ഓണക്കാലത്ത് സംസ്ഥാനത്ത് വിലക്കയറ്റവും പൂഴ്ത്തിവയ്പ്പും തടയാനായി: കൃഷി മന്ത്രി ടി സിദ്ദിഖ്

നേപ്പാൾ മിന്നൽ പ്രളയം; മരണസംഖ്യ 538 ആയി

Recent Comments

EDITOR PICKS

ട്രേസിംഗ് ഷാഡോ.ഒമാനിലെ ആദ്യ പ്രദർശനത്തിൽ മികച്ച അഭിപ്രായം.

ഓണക്കാലത്ത് സംസ്ഥാനത്ത് വിലക്കയറ്റവും പൂഴ്ത്തിവയ്പ്പും തടയാനായി: കൃഷി മന്ത്രി ടി സിദ്ദിഖ്

POPULAR POSTS

ക്രിക്കറ്റ് ഉൾപ്പെടെ ഏതാനും കായിക ഇനങ്ങളിൽ മാത്രം ശ്രദ്ധ കേന്ദ്രീകരിക്കുന്ന പ്രവണത മാറണം’; പ്രധാനമന്ത്രി.

നേപ്പാൾ പ്രളയം; മരണസംഖ്യ ഉയരുന്നു, 290 ഇന്ത്യക്കാർ ഉൾപ്പെടെ 1500 പേരെക്കുറിച്ച് വിവരമില്ല

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ജൂൺ 20 | ശനി ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ജൂൺ 20

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************