🌹 ചിന്താ പ്രഭാതം 🌹 – 2024 | ഓഗസ്റ്റ് | 04 | ഞായർ ✍ ബേബി മാത്യു അടിമാലി

അടുപ്പമുള്ളവര്‍ നമ്മുടെ സാമീപ്യം ആഗ്രഹിക്കുമ്പോള്‍ തിരക്കാണെന്ന കാരണം പറഞ്ഞ് അവരില്‍ നിന്നൊഴിഞ്ഞു മാറാതിരിക്കുക. ലോകം മുഴുവനും നിങ്ങളുടെ കാല്‍ക്കീഴിലായിരിക്കാം, പക്ഷേ അവരുടെ ലോകമെന്നത് നമ്മൾ മാത്രമായിരിക്കും.

ഒരുനിമിഷത്തെ അവഗണന മതി, ഒരു യുഗം കൊണ്ട് പടുത്തുയര്‍ത്തിയ സ്നേഹവും വിശ്വാസവും തകരാൻ. നഷ്ടപ്പെടുത്താന്‍ ഒരു നിമിഷം മതി, നേടാന്‍ ഒരു ജന്മം തികയാതെ വന്നേക്കാം. പ്രിയപ്പെട്ടവരെ ഒരിക്കലും കൈവെടിയാതിരിക്കുക. ഒരാളെ കാണുമ്പോൾ അനുഭവിക്കുന്ന സന്തോഷമല്ല മറിച്ച്‌, കാണാതിരിക്കുമ്പോൾ അനുഭവിക്കുന്ന സങ്കടമാണ് അയാളെ നമുക്ക് പ്രിയപ്പെട്ടതാക്കുന്നത്.

നന്നായി പെരുമാറുന്ന വ്യക്തികൾ കസ്തൂരിമാനെപ്പോലെയാണ് അവര്‍ പോലും അറിയാതെ അവരോടൊപ്പമുള്ള ഈ സുഗന്ധം ആളുകളെ അവരിലേക്ക് ആകര്‍ഷിച്ചുകൊണ്ടിരിക്കും. മറ്റൊരാളുടെ വ്യക്തിത്വം സ്വയം പകർത്താനോ അവരാവാനോ വേറൊരാൾക്ക് കഴിയില്ല.

സ്വന്തം മികവിനെ കുറച്ചുകാണാതെ, അവക്കെന്നും കൂടുതൽ ഊർജ്ജമേകി അവയെ തേച്ചുമിനുക്കി മുന്നോട്ടുകൊണ്ടുവരുവാൻ ശ്രമിച്ചുകൊണ്ടിരിക്കുക.
വൈവിദ്ധ്യമാർന്ന സമൂഹത്തിലേക്കുള്ള നമ്മുടെ ചുവടുവെപ്പുകൾ തികച്ചും വിത്യസ്തവും അഭിനന്ദനാർഹവുമാവട്ടെ.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍