🌹 ചിന്താ പ്രഭാതം 🌹 – 2024 | ജൂലൈ 15 | തിങ്കൾ ✍ ബേബി മാത്യു അടിമാലി

ജീവിതത്തെ സ്നേഹം കൊണ്ട് നിറയ്ക്കാൻ നമുക്ക് കഴിയണം. നാം നമ്മെ എത്രമാത്രം സ്നേഹിക്കുന്നോവോ അതെ അളവിൽ മറ്റുള്ളവരേയും സ്നേഹിക്കാൻ ശീലിക്കണം. അപരന് കരുതലും കാവലുമാകാൻ നമുക്ക് കഴിയണം. ആ ശീലം നമ്മുടെ കുട്ടികളിലേക്ക് പകർന്നു കൊടുക്കാനും നമുക്ക് കഴിയണം.

ജീവിതത്തിലെ എല്ലാ പ്രശ്‌നങ്ങൾക്കുമുള്ള പരിഹാരമാണ്‌ സ്‌നേഹം. സ്‌നേഹത്തെ കുറിച്ചുള്ള ആദ്യപാഠങ്ങൾ മനുഷ്യനു മാതാപിതാക്കളിൽനിന്നാണ്‌, അവരുടെ ജീവിതമാതൃകയിലൂടെ, അവർ നൽകുന്ന പരിശീലനത്തിലൂടെ.

സ്‌നേഹോഷ്‌മളമായ ഒരു അന്തരീക്ഷത്തിൽ മാതാപിതാക്കൾ തങ്ങളെ പോറ്റിപ്പുലർത്തുമ്പോൾ, സംരക്ഷിക്കുമ്പോൾ, തങ്ങളുമായി ആശയവിനിമയം നടത്തുമ്പോൾ, വ്യക്തിപരമായി തങ്ങളിൽ ആഴമായ താൽപര്യം എടുക്കുമ്പോൾ എല്ലാം സ്‌നേഹം എന്താണെന്നു കുട്ടികൾ മനസ്സിലാക്കുന്നു. ശരിയും തെറ്റും സംബന്ധിച്ച ഈടുറ്റ തത്ത്വങ്ങൾ അനുസരിക്കാൻ മാതാപിതാക്കൾ കുട്ടികളെ പരിശീലിപ്പിക്കുമ്പോഴും അവർ സ്‌നേഹിക്കാൻ പഠിക്കുന്നു.

അത്തരം സ്നേഹാന്തരീക്ഷം സൃഷ്ടിച്ചാൽ മാത്രമേ സമാധാന പൂർണ്ണമായ വീടും നാടും രൂപപ്പെടുകയുള്ളു.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍