🌺 ശുഭദിനം 🌺 – 2024 | ജൂൺ 22 | ശനി ✍ അർച്ചന കൃഷ്ണൻ

“ഒരു വഴി നിങ്ങൾക്കു മുമ്പിൽ അടഞ്ഞു പോകുമ്പോൾ ആയിരം വഴികൾ തുറന്നു വരുന്നുണ്ട്. അത് കാണാനുള്ള ക്ഷമ ഉണ്ടായാൽ മാത്രം മതി .ലോകരെല്ലാം നിങ്ങളെ ആക്ഷേപിച്ചാലും, നിങ്ങളെ തള്ളിപ്പറഞ്ഞാലും, പരാജയങ്ങൾകൊണ്ട് നിങ്ങളെ കരുത്തനാക്കിയ, നിങ്ങളെ ആവശ്യമുള്ള പ്രകൃതി നിങ്ങൾക്കുള്ള പുതിയ വിഭവങ്ങളുമായി കാത്തിരിക്കും.

രവീന്ദ്രനാഥ ടാഗോർ

എല്ലാ വ്യക്തികളും ജീവിതത്തിൽ ആഗ്രഹിക്കുന്നത് സാമ്പത്തികമായി ഉയരണമെന്നാണ്. അത് വളഞ്ഞ വഴിയിൽ കൂടിയായാൽ അത് നിലനിൽക്കില്ല. ഒരു വ്യക്തി ജീവിതത്തിൽ അങ്ങോട്ട് കൊടുക്കുന്നതെന്തും നമ്മളിലേക്ക് തന്നെ ഒരുനാൾ തിരിച്ചെത്തും. അത് നന്മ ആയാലും തിന്മയായാലും അങ്ങനെ തന്നെയാണ്. ജീവിതമൊരു പ്രതിദ്ധ്വനി പോലെയാണ്. നമ്മിൽ നിന്ന് പുറപ്പെടുന്നത് തന്നെയാണ് തിരിച്ചു വരുന്നതും. നമ്മൾ വിതയ്ക്കുന്നത് മാത്രമേ നമുക്ക് കൊയ്യാൻ പറ്റുള്ളൂ. കർമത്തിന്റെ നിയമം അതാണ്. അതിനാൽ ആരിൽനിന്നും തിരിച്ചൊന്നും പ്രതീക്ഷിക്കാതെ മറ്റുള്ളവർക്ക് നന്മ മാത്രം ചൊരിയാൻ സാധിക്കണം.

ഇന്ന് സത്യസന്ധതയില്ലായ്മ പതിവു കാഴ്ചയായിത്തീര്‍ന്നിരിക്കുന്നു. ബന്ധങ്ങളിലും,സത്യസന്ധതയില്ലാതെ അഴിമതി, വഞ്ചന, പണാപഹരണം തുടങ്ങിയ കുറ്റകൃത്യങ്ങള്‍ ചെയ്യുന്നതായ പത്രവാര്‍ത്തകള്‍ നാം ദിവസേന കേള്‍ക്കുന്നു. സത്യസന്ധതയില്ലായ്മ ആധുനിക ബിസിനസ്സിന്‍റെ മുതല്‍ക്കൂട്ടായും കണക്കാക്കപ്പെടുന്നു.

എവിടെയാണ് മനുഷ്യൻ സ്വാർത്ഥനായത്. പഴയ കാലഘട്ടത്തിൽ എല്ലാവരും പരസ്പരം കണ്ടും കേട്ടും മനസ്സിലാക്കിയുമാണ് ജീവിച്ചത്. എന്നാലിപ്പോൾ എവിടെനിന്നാണ് തകർക്കുന്ന ഒളിയമ്പുകൾ വരുന്നതെന്ന് പോലും അറിയുവാൻ സാധിക്കില്ല. ചിരിച്ചു കൊണ്ട് കഴുത്തറക്കുന്ന കാലമാണ്. നിഷ്കളങ്ക ഹൃദയത്തോടെ ജീവിക്കാം.

ഏവർക്കും ഹൃദയം നിറഞ്ഞ ശുഭദിനാശംസകൾ

അർച്ചന കൃഷ്ണൻ