🌹 “ഇന്നത്തെ ചിന്താവിഷയം” 🌹 – 2024 | ജൂലൈ 05 | വെള്ളി ✍ പ്രൊഫസ്സർ എ.വി. ഇട്ടി മാവേലിക്കര

പോരായ്മകൾ മൂടി വയ്ക്കാൻ ശ്രമിക്കരുത് 
———————————

ശിൽപിയെ തേടി മരണം എത്തി. മരണത്തെ കബളിപ്പിക്കുവാൻ തന്നെ ശില്പി തീരുമാനിച്ചു! തന്നേപ്പോലെ തന്നെയുള്ള പന്ത്രണ്ട് ശിൽപങ്ങൾ അയാൾ നിർമ്മിച്ചു. എന്നിട്ട് അവയോടൊപ്പം അയാളും കയറി നിന്നു. എത്ര ശ്രമിച്ചിട്ടും ശിൽപിയെ വേർതിരിച്ചറിയുവാൻ മരണത്തിനായില്ല. ഒടുവിൽ, പരാജയം സമ്മതിച്ചു മടങ്ങുമ്പോൾ, മരണം തന്നോടു തന്നെ പറഞ്ഞു: “എന്നാലും, എന്തിൻ്റെയെങ്കിലുമൊരു കുറവ് എവിടെയെങ്കിലും കാണാതിരിക്കുമോ?” അതു കേട്ടപ്പോൾ ശില്പി ദേഷ്യത്തോടെ ചോദിച്ചു: “എന്തിൻ്റെ കുറവ്?”

ആരേയും ചൊടിപ്പിക്കുന്ന ചില ചോദ്യങ്ങളും അഭിപ്രായങ്ങളും കാണും… അവനവൻ്റെ കുറവുകളെക്കുറിച്ചുള്ളവയാകും അവ. എത്ര മെച്ചപ്പെട്ട മുഖം മൂടി അണിഞ്ഞാലും, ചില കുറവുകൾ ആരിലും കാണും. അപ്രതീക്ഷിതമായി, താൻ പോലുമറിയാതെ അവ പുറത്തു വരും.

പോരായ്കളെ മൂടി വയ്ക്കാനല്ല ശ്രമിക്കണ്ടത്; അവയെ ഉൾക്കൊള്ളാനും പരിഹരിക്കാനുമാണ്. എന്നാൽ, അനിവാര്യമായതിനെ അംഗീകരിക്കാനും
ആകണം. മരണം മാറ്റിവെക്കാൻ കഴിഞ്ഞേക്കാം. പക്ഷെങ്കിൽ, ഇല്ലാതാക്കാൻ കഴിയില്ല. വച്ചുതാമസിപ്പിച്ചതുകൊണ്ട്, കൗമാരമോ യൗവ്വനമോ നീട്ടിക്കിട്ടില്ല. നീട്ടിക്കിട്ടുന്നതു വാർദ്ധക്യം മാത്രം. അതു മൂടിവയ്ക്കാനുമാവില്ല.

സർവ്വേശ്വരൻ സഹായിക്കട്ടെ..
എല്ലാവർക്കും നന്മകൾ നേരുന്നു.
നന്ദി, നമസ്ക്കാരം.

പ്രൊഫസ്സർ എ.വി. ഇട്ടി മാവേലിക്കര