🌹 ചിന്താ പ്രഭാതം 🌹 – 2024 | ഓഗസ്റ്റ് |02 | വെള്ളി ✍ ബേബി മാത്യു അടിമാലി

അവഗണനകൾക്കും പരിഹാസങ്ങൾക്കുമൊന്നും മുഖം കൊടുക്കാതെ ഉള്ളിലെരിയുന്ന സ്വപ്നങ്ങളെ യാഥാർഥ്യമാക്കാൻ പരിശ്രമിക്കുക.

പരാജയപ്പെട്ട പരീക്ഷണങ്ങളിൽ പിന്മാറാൻ തയ്യാറല്ലാത്ത മനസ് ഒരു വിജയിയുടെ പിറവിയാണ്. ഒരു വിജയിയെന്നാൽ ഒരു ശതമാനം പ്രചോദനവും തൊണ്ണൂറ്റിയൊമ്പത് ശതമാനം അധ്വാനവും ആണ്.

ഉല്ലാസപൂർവം നടത്തുന്ന കഠിനാധ്വാനങ്ങൾക്കൊടുവിൽ വിജയം പിറക്കും എന്നതിൽ സംശയമില്ല. ഒരു ചങ്ങലയെ ദുർബലമാക്കാൻ അതിലെ ബലമില്ലാത്ത ഒരൊറ്റ കണ്ണി മതി. അതുപോലെ, നമുക്ക്‌ നിയന്ത്രിച്ച് നിർത്താൻ കഴിയാത്ത ഒരൊറ്റ കുറവ്‌ മതിയാകും നമ്മുടെ വ്യക്തിത്വത്തെത്തന്നെ തകർക്കാൻ.

നാം മറ്റുള്ളവർക്ക്‌ വേണ്ടി മാറാതെ നാമായി തന്നെ ജീവിക്കുക. ചുറ്റിലുമുള്ളവർ എന്ത് പറയുന്നു എന്നുള്ളത് വേലിക്കപ്പുറം തന്നെ നിൽക്കട്ടെ. മുൻവിധികളെ അകറ്റിനിർത്താം, മാറ്റം നമുക്ക് സാധ്യമെന്ന് ചിന്തിച്ചു പ്രവർത്തനങ്ങൾ തുടങ്ങിവെക്കുക.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍