മാവേലി തമ്പുരാൻ വാണോരു
മാമലനാട്ടിൽ സമൃദ്ധിതൻ
സ്മരണയിൽ
കാണം വിറ്റും ഓണം ഉണ്ണുന്നു
എൻമനതാരിൽ ഓർമ്മയിൽ ഒരു
ഓണം.
നാളുകൾക്കിണങ്ങുന്ന പൂക്കളാൽ
അത്തമെരുക്കുവാൻ പൂക്കൾ
തേടിനടന്നു
ആകാശംതൊട്ടാടി വരുവാനായി
തേൻമാവിൻ കൊമ്പിലെ ഊഞ്ഞാല് .
വെൺമേഘത്തിരയിലുടെ
ചിങ്ങനിലാത്തോണിയിൽ
തിങ്കളും താരകങ്ങളും
ഓണക്കാഴ്ചയുമായി
പൂവേ പൊലി പൂവേ പാടിവന്നു.
ഓണാഘോഷ ആരവത്തിൽ
ഓണപ്പുടവയുടത്തു പാറിപ്പറന്നു
ഓണത്തുമ്പിയെപ്പോൽ
ആ ഓർമകൾക്കിന്നും ഏറെ മാധൂര്യം
