സംസ്ഥാനത്തെ എൽ.പി.ജി വിതരണ ഏജൻസികളിലെ ജീവനക്കാർക്ക് 2025-26 വർഷത്തെ ബോണസ്/എക്സ്ഗ്രേഷ്യയായി 17,850 രൂപ നൽകാൻ ധാരണയായി. ബോണസ് തുക ആഗസ്റ്റ് 20ന് മുമ്പായി തൊഴിലാളികൾക്ക് വിതരണം ചെയ്യും. അഡീഷണൽ ലേബർ കമ്മീഷണർ (ഐ.ആർ) ബിച്ചു ബാലന്റെ അധ്യക്ഷതയിൽ തിരുവനന്തപുരം തൊഴിൽ ഭവനിൽ നടന്ന യോഗത്തിലാണ് ധാരണയായത്.
യോഗത്തിൽ തൊഴിലുടമകളെ പ്രതിനിധീകരിച്ച് ബാബു ജോസഫ് (ബി ഡി ടി എ), തൊഴിലാളികളെ പ്രതിനിധീകരിച്ച് പി. ജെ. ആന്റണി (സി ഐ ടി യു), കെ. കെ. കലേശൻ (സി ഐ ടി യു), ചന്ദ്രൻ വേങ്ങലത്ത് (ബി എം എസ്), റിജു. യു (ബി എം എസ്) എന്നിവർ പങ്കെടുത്തു.
