കോഴിക്കോട് : മകൻ്റെ അടിയേറ്റ് അച്ഛൻ മരിച്ചു. കോഴിക്കോട് വെള്ളിപറമ്പ് കുറ്റിക്കാട്ടൂരിലാണ് സംഭവം. മക്കിനിയാട്ട് സ്വദേശി ശശിധരൻ(64) ആണ് മരിച്ചത്. മകന് അഭിരാമിനെ (29) പൊലീസ് കസ്റ്റഡിയിലെടുത്തു.
അഭിരാം ലഹരിക്ക് അടിമയാണെന്ന് പൊലീസ് സൂചിപ്പിച്ചു. വീട്ടിലിരുന്ന് സ്ഥിരം മദ്യപിക്കുന്ന പതിവ് അഭിരാമിനുണ്ടെന്ന് ബന്ധുക്കള് പറഞ്ഞു. ഇതേചൊല്ലി വീട്ടിൽ സ്ഥിരം വഴക്കുണ്ടാകാറുണ്ടെന്ന് സമീപവാസികൾ പറഞ്ഞു.
കഴിഞ്ഞ ദിവസം രാത്രി മദ്യപാനത്തെച്ചൊല്ലി വീണ്ടും വഴക്കുണ്ടായി. ഇതേ ആരംഭിച്ച് പട്ടിക കഷണം ഉപയോഗിച്ച് ശശിധരൻ്റെ തലയ്ക്ക് അടിക്കുകയായിരുന്നു. ഉടൻ തന്നെ കോഴിക്കോട് മെഡിക്കൽ കോളേജിലെത്തിച്ചെങ്കിലും ജീവന് രക്ഷിക്കാനായില്ല.
