ടിപ്പർ തലയിലൂടെ കയറിയ ബൈക്ക് യാത്രക്കാരൻ മരിച്ചു. കല്ലറ സ്വദേശി അരുൺ (34) ആണ് മരിച്ചത്. പനവൂർ -ചുള്ളാളത്ത് ഇന്ന് രാവിലെ 6. 45നായിരുന്നു അപകടം. രാവിലെ വീട്ടിൽ നിന്ന് ജോലിസ്ഥലത്തേക്ക് പോവുകയായിരുന്നു അരുൺ.
ചുള്ളാളത്ത് വച്ച് ടിപ്പർ ഡ്രൈവറെ കണ്ട് അരുൺ കൈ കാണിച്ചു ആ സമയം ബൈക്ക് തെന്നി ടിപ്പറിന് അടിയിലേക്ക് വീഴുകയായിരുന്നു. ടിപ്പറിൻ്റെ പിൻഭാഗം തലയിലൂടെ കയറി ഇറങ്ങുകയായിരുന്നു. ടിപ്പർ ഡ്രൈവറും മരിച്ച അരുണും ഒരേ കോടിയിലെ ഡ്രൈവർമാരാണ്. അപകടത്തിൽ വെഞ്ഞാറമൂട് പൊലീസ് കേസെടുത്തു
