കാസർഗോഡ് : പ്രതിശ്രുത വധു ആത്മഹത്യ ചെയ്തതിന് പിന്നാലെ വരനും ജീവനൊടുക്കി. കാസർഗോഡ് പൂച്ചക്കാട് കിഴക്കേക്കര സ്വദേശി പി അനുശ്രീ (25), പ്രതിശ്രുത കണ്ണൂർ ഇരിട്ടി വിളമന അമ്പലത്തട്ട് സ്വദേശി അമൽ(27) ജീവനൊടുക്കിയത്. ഇരുവരും ബാങ്ക് ജീവനക്കാരാണ്.
ഡിസംബർ 26 ന് ഇവരുടെ വിവാഹം ഉറപ്പിച്ചിരിക്കുകയായിരുന്നു. കർണാടകയിലെ ഹുൻസൂരിൽ എസ്ബിഐയിൽ ജോലി ചെയ്തു വരികയായിരുന്നു അനുശ്രീ. കർണാടകയിലെ താമസസ്ഥലത്താണ് യുവതി മരിച്ച നിലയിൽ കണ്ടെത്തിയത്. വിഡിയോ കോള് വിളിച്ചശേഷമായിരുന്നു യുവതി ആത്മഹത്യ ചെയ്തത്.
ഇതിനു പിന്നാലെയാണ് പ്രതിശ്രുത വരനായ അമൽ ജീവനൊടുക്കിയത്. എറണാകുളം നോർത്ത് റെയിൽവേ സ്റ്റേഷന് സമീപമുള്ള ഹോട്ടലിൽ യുവാവിനെ മരിച്ച നിലയിൽ കണ്ടെത്തുകയായിരുന്നു. ഇവർ ജീവനൊടുക്കാനുള്ള കാരണം എന്താണെന്ന് വ്യക്തമല്ല. അനുശ്രീയുടെ മൃതദേഹം സംസ്കരിച്ചു.
