തിരുവനന്തപുരം: സംസ്ഥാനത്തെ അങ്കണവാടികൾ വഴി വിതരണം ചെയ്യുന്ന പോഷകാഹാരമായ ‘അമൃതം പൊടി’യിലെ അമിത മധുരം കുട്ടികളിൽ ഗുരുതരമായ ആരോഗ്യപ്രശ്നങ്ങൾക്ക് കാരണമാകുന്നതായി റിപ്പോർട്ട്. അമൃതം പൊടിയിലെ 𝟮𝟬 ശതമാനത്തോളം വരുന്ന പഞ്ചസാരയുടെ അളവ് പൂർണ്ണമായി ഒഴിവാക്കുകയോ ഗണ്യമായി കുറയ്ക്കുകയോ ചെയ്യണമെന്നാണ് വനിത-ശിശുവികസന വകുപ്പ് ഉദ്യോഗസ്ഥരുടെ പുതിയ നിർദേശം.
ഇതിനെത്തുടർന്ന് അങ്കണവാടികൾ വഴിയുള്ള പോഷകാഹാര വിതരണത്തിൽ ഉചിതമായ മാറ്റങ്ങൾ വരുത്തുമെന്ന് മന്ത്രി ബിന്ദു കൃഷ്ണ അറിയിച്ചു. പോഷകാഹാര കിറ്റുകളിൽ നിന്ന് പഞ്ചസാര പൂർണ്ണമായും ഒഴിവാക്കാനാണ് വനിത-ശിശുവികസന മന്ത്രാലയം നിലവിൽ ശുപാർശ ചെയ്യുന്നത്.
*അമൃതം പൊടിയിലെ ഘടകങ്ങൾ.
🥣 നിലവിൽ വിതരണം ചെയ്യുന്ന അമൃതം പൊടിയിലെ ചേരുവകളുടെ തോത് താഴെ പറയുന്ന പ്രകാരമാണ്.
▪️ *ഗോതമ്പ്:* 𝟰𝟱%
▪️ *പൊരിക്കടല:* 𝟭𝟱%
▪️ *കപ്പലണ്ടി:* 𝟭𝟬%
▪️ *സോയചങ്ക്സ്:* 𝟭𝟬%
▪️ *പഞ്ചസാര:* 𝟮𝟬%
*ഒരു കുഞ്ഞിലെത്തുന്നത് 𝟮𝟳 ഗ്രാം പഞ്ചസാര.
📈 ആറുമാസം മുതൽ മൂന്ന് വയസ്സുവരെയുള്ള കുട്ടികളിലെ പോഷകാഹാരക്കുറവ് പരിഹരിക്കാനാണ് അമൃതം പൊടി വിതരണം ചെയ്യുന്നത്. ഇതനുസരിച്ച് ഒരു കുട്ടിക്ക് പ്രതിദിനം 𝟭𝟯𝟱 ഗ്രാം അമൃതം പൊടി പലഹാരമായോ കുറുക്കിയോ നൽകാനാണ് നിർദേശിക്കുന്നത്.
▪️വിലയിരുത്തൽ: ഈ കണക്കനുസരിച്ച് 𝟭𝟯𝟱 ഗ്രാം അമൃതം പൊടി കഴിക്കുന്ന ഒരു കുഞ്ഞിന്റെ ഉള്ളിൽ പ്രതിദിനം എത്തുന്നത് 𝟮𝟳 ഗ്രാം പഞ്ചസാരയാണ്. കേവലം ആറുമാസം മാത്രം പ്രായമുള്ള കുഞ്ഞുങ്ങൾക്ക് ഇത്രയധികം പഞ്ചസാര നൽകുന്നത് ഗുണത്തേക്കാളേറെ ദോഷം ചെയ്യുമെന്നാണ് ആരോഗ്യവിദഗ്ദ്ധർ ചൂണ്ടിക്കാണിക്കുന്നത്.
*ഭാവിയിലെ ‘മധുര ആസക്തി’ക്ക് വഴിവെക്കും.
⚠️ കുട്ടിക്കാലത്തെ അമിതമായ പഞ്ചസാരയുടെ ഉപയോഗം ഭാവിയിൽ കുട്ടികളിൽ ഗുരുതരമായ പ്രത്യാഘാതങ്ങൾ ഉണ്ടാക്കുമെന്ന് വനിത-ശിശുവികസന വകുപ്പ് മുന്നറിയിപ്പ് നൽകുന്നു. ചെറുപ്പത്തിലേ ഉയർന്ന അളവിൽ പഞ്ചസാര ശരീരത്തിലെത്തുന്നത് വളർന്നുവരുമ്പോൾ ഐസ്ക്രീം, ചോക്ലേറ്റ് തുടങ്ങിയ മധുരപലഹാരങ്ങളോട് അമിതമായ ആസക്തി (𝗦𝗨𝗚𝗔𝗥 𝗔𝗗𝗗𝗜𝗖𝗧𝗜𝗢𝗡) ഉണ്ടാകാൻ കാരണമാകും. ഇത് പിൽക്കാലത്ത് പൊണ്ണത്തടിയിലേക്കും മറ്റ് ശാരീരിക ബുദ്ധിമുട്ടുകളിലേക്കും നയിച്ചേക്കാം.
*പരിഹാരമാർഗ്ഗങ്ങൾ.
പഞ്ചസാരയ്ക്ക് പകരം കൂടുതൽ ആരോഗ്യപ്രദമായ ബദൽ മാർഗ്ഗങ്ങൾ സ്വീകരിക്കണമെന്നാണ് ഉദ്യോഗസ്ഥരുടെ ശുപാർശ. ഇതിനായി രാസവസ്തുക്കൾ ചേർക്കാത്ത ശർക്കരയോ കരുപ്പെട്ടിയോ ഉപയോഗിക്കാമെന്നാണ് വനിത-ശിശുവികസന വകുപ്പ് നിർദേശിക്കുന്നത്. കുട്ടΊΩΝുടെ ആരോഗ്യം മുൻനിർത്തിയുള്ള ഈ മാറ്റങ്ങൾ അങ്കണവാടി കിറ്റുകളിൽ ഉടൻ തന്നെ നടപ്പിലാകുമെന്നാണ് പ്രതീക്ഷിക്കുന്നത്.
