📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 05 | ബുധൻ ✍️ കപിൽ ശങ്കർ

🔹കാലവര്‍ഷക്കെടുതിയില്‍ മരിച്ചവരുടെ കുടുംബങ്ങള്‍ക്ക് എട്ടു ലക്ഷം രൂപ ധനസഹായം നല്‍കുമെന്ന് മുഖ്യമന്ത്രി വി.ഡി സതീശന്‍. വീട്ടില്‍ വെള്ളം കയറിയ എല്ലാവര്‍ക്കും 10,000 രൂപ നല്‍കും. സംസ്‌കാര കര്‍മ്മങ്ങള്‍ക്കും 10,000 രൂപ നല്‍കും. 2024 ല്‍ തൃശ്ശൂരില്‍ കാലവര്‍ഷക്കെടുതിയില്‍ ബാക്കി നല്‍കാനുള്ള ധനസഹായവും അനുവദിച്ചു.

🔹തിരുവല്ല എസ്എൻവി സ്കൂളിൽ മുഖ്യമന്ത്രിക്കും മന്ത്രി പിസി വിഷ്ണുനാഥിനും എതിരെ പ്രതിഷേധവുമായി ദുരിതാശ്വാസ ക്യാമ്പിലെ അന്തേവാസികൾ. ക്യാമ്പുകളിലെ മുഖ്യമന്ത്രിയുടെ സന്ദർശനം പ്രഹസനം എന്നാണ് അന്തേവാസികളുടെ ആക്ഷേപം. 400ലേറെ പേർ കഴിയുന്ന ക്യാമ്പ് സന്ദർശിക്കാതെ കോൺഗ്രസ് കൗൺസിലറുടെ നേതൃത്വത്തിലുള്ള നൂറിൽ താഴെ ആളുകൾ മാത്രമുള്ള ക്യാമ്പിൽ കയറി മടങ്ങി എന്ന് ക്യാമ്പിലെ അന്തേവാസികൾ കുറ്റപ്പെടുത്തുന്നു.

🔹മഴക്കെടുതി രൂക്ഷമായിട്ടും സംസ്ഥാനത്തെ പല ജില്ലകളിലും ദുരിതാശ്വാസ ക്യാമ്പുകളിൽ അന്തേവാസികൾക്ക് വേണ്ടത്ര സൗകര്യം ഒരുക്കുന്നതിൽ സർക്കാർ ഗുരുതരമായ വീഴ്ച വരുത്തിയതായി ആരോപണം ശക്തമാണ്. കഴിഞ്ഞ ദിവസം ആറമുളയിലെയും ജനങ്ങൾ എംഎൽഎക്കെതിരെ ആരോപണവുമായി രംഗത്ത് വന്നിരുന്നു. അബിൻ വർക്കി പ്രദേശത്തേക്ക് തിരിഞ്ഞു നോക്കിയില്ലെന്നാണ് ഉയർന്ന പ്രധാന ആക്ഷേപം. പിന്നാലെയാണ് ഇപ്പോൾ തിരുവല്ലയിലെ ജനങ്ങളും രംഗത്ത് വന്നിരിക്കുന്നത്.

🔹അപകടമേഖലകളിൽ നിന്ന് ജനങ്ങളെ സുരക്ഷിത മേഖലകളിലേക്ക് മാറ്റി പാർപ്പിക്കണമെന്നും എംവി ഗോവിന്ധൻ മാസ്റ്റർ ആവശ്യപ്പെട്ടു. ദുരന്തമുഖത്തുള്ളവ‍ർക്ക് സഹായ ഹസ്തവുമായി സിപിഐഎം പ്രവർത്തകർ സജീവമായി രംഗത്തുണ്ട്. ഇന്നലെ ദുരിതാശ്വാസ ക്യാമ്പിൽ പോയപ്പോൾ ആവശ്യമായ സൗകര്യങ്ങളില്ലെന്ന പരാതി ലഭിച്ചതായും അദ്ദേഹം പറഞ്ഞു.

🔹കാലവര്‍ഷക്കെടുതിയില്‍ 25 പേര്‍ മരിച്ചെന്ന് സംസ്ഥാന സര്‍ക്കാര്‍. നാലു പേരെ കാണാതായി. പത്തു പേര്‍ക്ക് പരിക്കേറ്റു. 52 വീട് പൂര്‍ണ്ണമായും 565 വീട് ഭാഗികമായും തകര്‍ന്നു. 418 ദുരിതാശ്വാസ ക്യാമ്പുകളിലായി 18,434 പേര്‍ കഴിയുന്നുണ്ട്.

🔹ശനിയാഴ്ച വരെ കനത്ത മഴ തുടരുമെന്ന് കേന്ദ്ര കാലാവസ്ഥ വകുപ്പ്. ഇരട്ടചക്രവാതച്ചുഴിയും പടിഞ്ഞാറന്‍കാറ്റ് ശക്തമായതും മഴയുടെ ശക്തികൂട്ടും.

🔹സംസ്ഥാനത്ത് ഇന്‍ഫ്ലുവന്‍സ രോഗബാധിതരുടെ എണ്ണം ഉയരുന്നു. നാലു ദിവസത്തിനിടെ 302 പേര്‍ക്കാണ് രോഗബാധ. എച്ച്1എന്‍1 കേസുകളും ഉയരുകയാണ്. കാലാവസ്ഥ മാറ്റവും ആളുകള്‍ കൂട്ടം കൂടുന്നതുമെല്ലാം രോഗപകര്‍ച്ചയ്ക്കു കാരണമാകാമെന്ന് ആരോഗ്യവിദഗ്ധര്‍.

🔹ശബരിമല സ്വര്‍ണക്കൊള്ള കേസില്‍ ദേവസ്വം ബോര്‍ഡ് മുന്‍ പ്രസിഡന്റ് പി എസ് പ്രശാന്തിനെയും ബോര്‍ഡ് അംഗം എ അജികുമാറിനെയും ഓഗസ്റ്റ് 19 വരെ റിമാന്‍ഡ് ചെയ്തു. 13 ദിവസത്തെ റിമാന്‍ഡ് കാലാവധി കഴിഞ്ഞതിനെ തുടര്‍ന്നാണ് കൊല്ലം വിജിലന്‍സ് കോടതി നടപടി.

🔹കണ്ണൂരില്‍ സിപിഎം ബ്രാഞ്ച് സെക്രട്ടറിയെ വധിക്കാന്‍ ശ്രമിച്ച കേസില്‍ മൂന്ന് എസ്ഡിപിഐ പ്രവര്‍ത്തകര്‍ക്ക് 18 വര്‍ഷം തടവു ശിക്ഷ. രാമന്തളി സ്വദേശി ഹന്നാന്‍, മുഹമ്മദ് അബ്ദുള്ള, ഫൈസല്‍ എന്നിവരെയാണ് ശിക്ഷിച്ചത്. പയ്യന്നൂര്‍ വടക്കുമ്പാട് ബ്രാഞ്ച് സെക്രട്ടറി കെ വിജയന് നേരെ 2015ലാണ് വധശ്രമമുണ്ടായത്. തളിപ്പറമ്പ് കോടതിയാണ് ശിക്ഷ വിധിച്ചത്.

🔹പി.എസ്.സി നടത്തിയ ഇരുപതോളം പരീക്ഷകളെയും നിയമനങ്ങളെയും കുറിച്ചുള്ള പരാതികളില്‍ ക്രൈംബ്രാഞ്ച് പി എസ് സിയിലെ ഉയര്‍ന്ന ഉദ്യോഗസ്ഥരെ ചോദ്യം ചെയ്യും. നൂറിലേറെപ്പേരാണ് പരാതിക്കാര്‍. ഒരു പരീക്ഷയെക്കുറിച്ച് അഞ്ചു പേരെങ്കിലും പരാതിക്കാരുണ്ട്. എല്‍ഡിഎഫ് ഭരണകാലത്ത് സംശയനിഴലിലുള്ള ഇരുപതോളം പരീക്ഷാ, നിയമനങ്ങളില്‍ പകുതിയിലും ഗുരുതരമായ ക്രമക്കേടുകള്‍ നടന്നതായാണ് പരാതിക്കാരുടെ മൊഴി.

🔹തൃശൂര്‍ പെരുമ്പിലാവില്‍ അടച്ചിട്ട വീട് കുത്തി തുറന്ന് വന്‍ മോഷണം. പതിമൂന്നര പവന്‍ സ്വര്‍ണവും 10000ത്തോളം രൂപയും നഷ്ടപ്പെട്ടു. പെരുമ്പിലാവ് പട്ടാമ്പി റോഡിലെ വെളുത്തവളപ്പില്‍ അക്ബറിന്റെ വീട്ടിലാണ് മോഷണം നടന്നത്. ഇന്നലെ വൈകിട്ട് ആറുമണിയോടെ അക്ബറും കുടുംബവും പുറത്തുപോയ സമത്താണ് മോഷണം നടന്നത്. രാത്രി. 8:30 ഓടെ തിരിച്ചു വന്നപ്പോഴാണ് മോഷണ വിവരം അറിയുന്നത്. മുന്‍വശത്തെ വാതില്‍ തകര്‍ത്ത മോഷ്ടാക്കള്‍ അകത്തുകയറി അലമാരയില്‍ ബാഗില്‍ സൂക്ഷിച്ചിരുന്ന സ്വര്‍ണവും പണവും ഉള്‍പെടെ മോഷ്ടിക്കുകയായിരുന്നു.

🔹ചെങ്കടലില്‍ യെമന്‍ തീരത്തിനു സമീപം ഇന്ത്യന്‍ ചരക്കുകപ്പലായ ‘എം.എസ്.വി ഫൈസ് നൂറെ ഒലിയ’ക്കു നേരെ പ്രൊജക്റ്റൈല്‍ ആക്രമണം. നിയന്ത്രണം വിട്ട കപ്പല്‍ തലകീഴായി മറിഞ്ഞ് കടലില്‍ മുങ്ങി. കപ്പലിലുണ്ടായിരുന്ന 13 ഇന്ത്യന്‍ നാവികരും ഒരു യെമന്‍ പൗരനുമുള്‍പ്പെടെ 14 ജീവനക്കാരെയും യെമന്‍ കോസ്റ്റ് ഗാര്‍ഡ് രക്ഷപ്പെടുത്തി. ആക്രമണത്തെ കേന്ദ്ര തുറമുഖ-ഷിപ്പിംഗ് മന്ത്രി സര്‍ബാനന്ദ സോണോവാളും വിദേശകാര്യ മന്ത്രാലയവും അപലപിച്ചു.

🔹ഗതാഗത വകുപ്പ് മന്ത്രി സിപി ജോണിന്റെ വിവാദ പരാമര്‍ശം നിന്ദ്യവും അവഹേളനപരവുമാണെന്ന് പ്രതിപക്ഷ നേതാവ് പിണറായി വിജയന്‍. കേവലം നാക്കുപിഴയല്ലെന്നും സൗജന്യ യാത്ര നടത്തുന്ന സ്ത്രീകളുടെ ആത്മാഭിമാനത്തെ ചവിട്ടിമെതിക്കുന്നതാണെന്നും ക്ഷേമപദ്ധതികള്‍ ജനങ്ങളുടെ അവകാശമാണെന്നും സര്‍ക്കാരിന്റെ ഔദാര്യമല്ലെന്നും പിണറായി വിജയന്‍.

🔹സ്ത്രീകള്‍ കെഎസ്ആര്‍ടിസി ബസുകളില്‍ തളളിക്കയറുന്നെന്ന വിവാദ പരാമര്‍ശത്തില്‍ ഖേദം പ്രകടിപ്പിച്ച് മന്ത്രി സിപി ജോണ്‍. ആരേയും ആക്ഷേപിക്കാന്‍ ഉദ്ദേശിച്ചിട്ടില്ലെന്നും വിവാദം അവസാനിപ്പിക്കണമെന്നും മന്ത്രി മാധ്യമങ്ങളോട് പറഞ്ഞു.

🔹ഗുരുവായൂര്‍ ക്ഷേത്രത്തില്‍ വെര്‍ച്വല്‍ ക്യൂ വഴി ദര്‍ശനം ആരംഭിച്ചു. കിഴക്കേനടയിലെ ക്യൂ കോംപ്ലക്സിന്റെ വടക്കേ അറ്റത്തെ വരിയാണ് വെര്‍ച്വല്‍ ക്യൂ ദര്‍ശനക്കാര്‍ക്കായി ഏര്‍പ്പെടുത്തിയിട്ടുള്ളത്. ബുക്ക് ചെയ്യാനുപയോഗിച്ച തിരിച്ചറിയല്‍ രേഖ തന്നെ കയ്യില്‍ കരുതണം.

🔹പിവി അന്‍വറിന് രഹസ്യങ്ങള്‍ ചേര്‍ത്തി നല്‍കിയ പൊലിസുകാരുടെ സസ്പെന്‍ഷന്‍ പിന്‍വലിച്ചു. എസ്ഒജിയിലെ മുഹമ്മദ് ഇല്യാസ്, പയസ് സെബാസ്റ്റിയന്‍ എന്നിവരെയാണ് തിരിച്ചെടുത്തത്. മാവോയിസ്റ്റ് ഫോണ്‍ ചോര്‍ത്തല്‍ വിവരങ്ങള്‍വരെ ചോര്‍ത്തി നല്‍കിയെന്നായിരുന്നു കണ്ടെത്തല്‍.

🔹വയനാട്ടിലേക്ക് അത്യാവശ്യമല്ലാത്ത യാത്രകള്‍ ഒഴിവാക്കണമെന്ന് ജില്ലാ കളക്ടര്‍. ജില്ലയില്‍ നിന്നുള്ള അന്തര്‍ സംസ്ഥാന യാത്രകള്‍ക്കും നിയന്ത്രണം ഏര്‍പ്പെടുത്തി.

🔹കുറ്റിപ്പുറം ബസ് അപകടത്തിനു കാരണം ബസിന്റെ അമിത വേഗതയാണെന്ന മോട്ടോര്‍ വാഹന വകുപ്പ് ട്രാന്‍സ്പോര്‍ട്ട് കമ്മീഷണര്‍ക്ക് റിപ്പോര്‍ട്ട് സമര്‍പ്പിച്ചു. അപകട സ്ഥലത്ത് അടുത്തടുത്തായി രണ്ടു വളവുകള്‍ ഉണ്ട്, ബസ് അമിത വേഗത്തില്‍ ആയിരുന്നതിനാല്‍ ഒരു വളവ് കഴിഞ്ഞു രണ്ടാമത്തെത് വളക്കാന്‍ ശ്രമിച്ചപ്പോള്‍ നിയന്ത്രണം നഷ്ടപ്പെടുകയായിരുന്നു,

🔹ആറന്മുള എംഎല്‍എ അബിന്‍ വര്‍ക്കി സഞ്ചരിച്ചിരുന്ന വാഹനം അപകടത്തില്‍പ്പെട്ടു. പത്തനംതിട്ട ഓമല്ലൂര്‍ ഷട്ടര്‍ മുക്കിലുണ്ടായ അപകടത്തില്‍ എംഎല്‍എയ്ക്കും വാഹനത്തിലുണ്ടായിരുന്നവര്‍ക്കും പരിക്കേറ്റു. പ്രളയ ദുരിതാശ്വാസ പ്രവര്‍ത്തനങ്ങള്‍ക്കു ശേഷം താമസസ്ഥലത്തേക്ക് മടങ്ങുമ്പോഴാണ് എംഎല്‍എ സഞ്ചരിച്ച കാറിലേക്ക് മറ്റൊരു കാര്‍ വന്നിടിച്ചത്.

🔹എയിംസ് തൃശൂരില്‍ വേണമെന്ന് സുരേഷ് ഗോപി എംപി. കേരളത്തില്‍ എയിംസ് വരും. എയിംസില്‍ ഉചിതമായ രാഷ്ട്രീയം ഉണ്ടാകും. എയിംസിന് വേണ്ടിയുള്ള നടപടി സംസ്ഥാന സര്‍ക്കാര്‍ പൂര്‍ത്തിയാക്കി കേന്ദ്രത്തിനു നല്‍കിയിട്ടില്ല. എല്ലാ സൗകര്യങ്ങളും ഒത്തു വരുന്ന സ്ഥലമാണ് വേണ്ടത്. 10 സ്ഥലങ്ങള്‍ തരാം എന്നാണ് ഒടുവില്‍ കെ മുരളീധരന്‍ പറഞ്ഞത്. സുരേഷ് ഗോപി പറഞ്ഞു.

🔹കണ്ണൂരിലെ പ്രളയ രക്ഷാപ്രവര്‍ത്തനത്തിനിടെ വീരമൃത്യു വരിച്ച തിരുവനന്തപുരം സ്വദേശി രാജേഷിന് ആദരാഞ്ജലികള്‍ അര്‍പ്പിച്ച് മലയാളത്തിന്റെ മഹാനടന്‍ മമ്മൂട്ടി. ഫെയ്‌സ്ബുക്ക് കുറിപ്പിലൂടെയാണ് താരം ദുഃഖവും അനുശോചനവും രേഖപ്പെടുത്തിയത്. ശനിയാഴ്ച ചെറുപുഴയില്‍ കാണാതായ നീന്തല്‍ പരിശീലകനായ രാജേഷിനെ ഇന്നലെയാണ് മരിച്ച നിലയില്‍ കണ്ടെത്തിയത്.

🔹കാഞ്ഞിരപ്പള്ളി സെന്റ് ഡൊമിനിക്‌സ് കോളേജ് രണ്ടാം വര്‍ഷ ബികോം വിദ്യാര്‍ത്ഥിനി ജെസ്ന മരിയ ജയിംസിന്റെ തിരോധാനം സംബന്ധിച്ച അന്വേഷണം ആറു മാസത്തിനകം പൂര്‍ത്തിയാക്കണമെന്ന് സിബിഐക്ക് ഹൈക്കോടതിയുടെ നിര്‍ദേശം. സിബിഐ ഉദ്യോഗസ്ഥര്‍ നിരന്തരം പീഡിപ്പിക്കുന്നെന്ന് ആരോപിച്ച് ഉപ്പുകണ്ടം സ്വദേശി ടി.യു. അരുണ്‍ നല്‍കിയ ഹര്‍ജിയിലാണ് കോടതിയുടെ ഉത്തരവ്.

🔹തൃശ്ശൂര്‍ ജൂബിലി മിഷന്‍ ആശുപത്രിയില്‍ യുണൈറ്റഡ് നഴ്‌സസ് അസോസിയേഷന്റെ നേതൃത്വത്തില്‍ മാസങ്ങളായി നടന്നിരുന്ന സമരം പിന്‍വലിച്ചു. സമരം നടത്തിയവര്‍ക്കെതിരേ പ്രതികാര നടപടികള്‍ സ്വീകരിക്കില്ലെന്ന ധാരണയോടെയാണു സമരം പിന്‍വലിച്ചത്.

🔹കാക്കനാട് ഇന്‍ഫോപാര്‍ക്കിലെ സോഫ്റ്റ് വെയര്‍ എന്‍ജിനീയര്‍ വാഹനാപകടത്തില്‍ മരിച്ചു. മണ്ണഞ്ചേരി സ്വദേശി ദേവാനന്ദ് (27) ആണ് മരിച്ചത്.

🔹ദുബായില്‍ ഗ്യാസ് സിലിണ്ടര്‍ പൊട്ടിത്തെറിച്ചുണ്ടായ അപകടത്തില്‍ മരിച്ചവരില്‍ മലയാളിയും. കൊട്ടാരക്കര പട്ടാഴി സ്വദേശി ഷിജിന്‍ പോള്‍(27)ആണ് മരിച്ചത്. എട്ടുമാസം മുമ്പാണ് ഷിജിന്‍ ദുബായില്‍ എത്തിയത്.

🔹പതിനൊന്നുകാരിയെ പീഡിപ്പിച്ച കേസില്‍ യുവാവിന് 22 വര്‍ഷം കഠിന തടവും 60,000 രൂപ പിഴയും ശിക്ഷ. കൂട്ടായി മാസ്റ്റര്‍പടി കകോച്ചിന്റെ പുരയ്ക്കല്‍ സഫാനെ(35)യാണ് തിരൂര്‍ ഫാസ്റ്റ് ട്രാക്ക് സ്‌പെഷ്യല്‍ കോടതി ശിക്ഷിച്ചത്.

🔹ഫസല്‍ വധക്കേസില്‍ കാണാതായ തൊണ്ടിമുതല്‍ തിരിച്ചെത്തിയതിലും അന്വേഷണം. ഫസലിന്റെ രക്തം പുരണ്ട തൂവാല തിരിച്ചുകിട്ടിയതിലാണ് അന്വേഷണം. എറണാകുളം സിജെഎം കോടതി അന്വേഷണം നടത്തും. സിബിഐ പ്രത്യേക കോടതിയുടെതാണ് നിര്‍ദ്ദേശം.

🔹എംപ്ലോയീസ് പ്രോവിഡന്റ് ഫണ്ട്, എംപ്ലോയീസ് പെന്‍ഷന്‍ സ്‌കീം എന്നിവയില്‍ അംഗത്വത്തിനുള്ള പ്രതിമാസ വേതന പരിധി 25,000 രൂപയാക്കാനുള്ള നിര്‍ദേശത്തിന് കേന്ദ്ര ധനമന്ത്രാലയം അംഗീകാരം നല്‍കി. ഇതേസമയം, എംപ്ളോയീസ് പ്രോവിഡന്റ് ഫണ്ടിന്റെ ഇ- ഓഫീസ് സേവനങ്ങള്‍ ഇന്നു ലഭ്യമാകില്ലെന്ന് ഇപിഎഫ്ഒ അറിയിച്ചു. സിസ്റ്റം നവീകരണത്തിന്റെ ഭാഗമായാണ് സേവനങ്ങള്‍ നിര്‍ത്തുന്നത്.

🔹നടി തൃഷക്കെതിരായ അധിക്ഷേപ പരാമര്‍ശത്തിന് അറസ്റ്റിലായ ഡിഎംകെ നേതാവ് ഉദയനിധി സ്റ്റാലിനെ പോലീസ് വിട്ടയച്ചു. റിമാന്‍ഡു ചെയ്യേണ്ടതില്ലെന്നും വിട്ടയക്കാമെന്നും തമിഴ്നാട് സര്‍ക്കാര്‍ കോടതിയെ അറിയിച്ചതോടെയാണു വിട്ടയച്ചത്.

🔹അയോധ്യ രാമക്ഷേത്രത്തിലെ സംഭാവനക്കൊള്ളയില്‍ സന്യാസിമാരില്ലെന്ന് ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥ്. ഇക്കാര്യം പ്രത്യേക അന്വേഷണ സംഘത്തിന്റെ പ്രാഥമിക റിപ്പോര്‍ട്ടിലുണ്ട്. സമാജ്വാദി പാര്‍ട്ടിയും കോണ്‍ഗ്രസും ആരോപണങ്ങള്‍ ഉന്നയിച്ച് ഉത്തര്‍ പ്രദേശിനെ അപകീര്‍ത്തിപ്പെടുത്തുകയും ജനങ്ങളെ തെറ്റിദ്ധരിപ്പിക്കുകയുമാണെന്നും യോഗി ആദിത്യനാഥ് കുറ്റപ്പെടുത്തി.

🔹നടന്‍ പ്രദീപ് റാവത്ത് അന്തരിച്ചു. 74 വയസായിരുന്നു. മുംബൈയിലെ കോകിലബെന്‍ ആശുപത്രിയിലായിരുന്നു അന്ത്യം. മലയാളം, തമിഴ്, തെലുങ്ക്, ഹിന്ദി തുടങ്ങിയ ഭാഷാ സിനിമകളില്‍ അഭിനയിച്ചിട്ടുള്ള പ്രദീപ് റാവത്ത്, ഗജനിയിലെ വില്ലന്‍ വേഷത്തിലൂടെയാണ് കൂടുതല്‍ അറിയപ്പെട്ടത്.

🔹മുല്ലപ്പെരിയാര്‍ അണക്കെട്ടിലെ ജലനിരപ്പ് ഉയര്‍ത്തുമെന്ന് തമിഴ്നാട് ബജറ്റ് പ്രസംഗത്തില്‍ പ്രഖ്യാപനം. തമിഴ്‌നാടിനെ 2031- ഓടെ സംസ്ഥാനത്തെ ഒന്നര ലക്ഷം കോടി ഡോളര്‍ സാമ്പത്തിക വ്യവസ്ഥയാക്കി മാറ്റുമെന്ന് ധനമന്ത്രി മരിയ വില്‍സണ്‍ നിയമസഭയില്‍. 2026-27 സാമ്പത്തിക വര്‍ഷത്തേക്കുള്ള ബജറ്റ് അവതരിപ്പിച്ച് സംസാരിക്കവേയാണ് ഇങ്ങനെ പറഞ്ഞത്.

🔹ഫുക്കറ്റില്‍ നിന്ന് ഡല്‍ഹിയിലേക്കു വരികയായിരുന്ന എയര്‍ ഇന്ത്യ വിമാനം ആകാശച്ചുഴിയില്‍പ്പെട്ട് 12 യാത്രക്കാര്‍ക്ക് പരിക്കേറ്റു. ഡല്‍ഹി വിമാനത്താവളത്തില്‍ ലാന്റ് ചെയ്യുന്നതിനു തൊട്ടു മുന്‍പാണ് സംഭവം.

🔹ഇറാനുമായി മാസങ്ങളായി തുടരുന്ന യുദ്ധത്തിനിടയില്‍ അമേരിക്കയുടെ പക്കലുള്ള ദീര്‍ഘദൂര ആക്രമണ മിസൈലുകളില്‍ വലിയ ഭാഗം ഉപയോഗിച്ചു കഴിഞ്ഞതായി റിപ്പോര്‍ട്ട്. കരയില്‍നിന്ന് തൊടുക്കാവുന്ന തന്ത്രപ്രധാന ആയുധങ്ങളായ ‘എറ്റാകംസ്’, പുതിയ തലമുറയില്‍പ്പെട്ട ‘പ്രസിഷന്‍ സ്‌ട്രൈക്ക് മിസൈലുകള്‍’ എന്നിവയുടെ വലിയ ശേഖരമാണ് അമേരിക്ക ഇറാന് എതിരായ ആക്രമണങ്ങള്‍ക്ക് ഉപയോഗിച്ചത്.

🔹സ്വന്തം മണ്ണിൽ നടന്ന ഫിഫ ലോകകപ്പിലെ മികച്ച പ്രകടനത്തിന് പിന്നാലെ പരിശീലകനുമായുള്ള കരാർ നീട്ടി യുഎസ് സോക്കർ. കഴിഞ്ഞ മാസം അവസാനിച്ച ലോകകപ്പിൽ അമേരിക്കയെ അവസാന പതിനാറിൽ എത്തിച്ച പരിശീലകൻ മൗറീഷ്യോ പോച്ചെറ്റിനോയുമായുള്ള കരാർ ആണ് രാജ്യത്തെ ഫുട്ബോൾ ഫെഡറേഷൻ അടുത്ത ലോകകപ്പ് വരെ നീട്ടിയത്.അർജന്റീനയ്ക്കായ് ബൂട്ടണിഞ്ഞിട്ടുള്ള താരവുമായ് അമേരിക്കയുടെ കരാർ 2026 ലോകകപ്പോടെ അവസാനിക്കേണ്ടതായിരുന്നു. എന്നാൽ ഇക്കഴിഞ്ഞ ലോകകപ്പിൽ അമേരിക്കൻ ടീം നടത്തിയ തകർപ്പൻ പ്രകടനം ആരാധകർക്കും കളിക്കാർക്കുമിടയിൽ വലിയ ജനസമ്മതിയാണ് പോച്ചെറ്റിനോയ്ക്ക് നേടി കൊടുത്തത്.ടൂർണമെന്റിൽ ഗ്രൂപ്പ് ഘട്ടത്തിൽ ശക്തരായ തുർക്കിയെയും , ഓസ്ട്രേലിയയെയും, പരാഗ്വേയെയും പരാജയപ്പെടുത്തിയ അവർ ആദ്യ നോക്ക് ഔട്ട് മത്സരത്തിൽ ബോസ്നിയയെ ഏകപക്ഷീയമായ രണ്ട് ഗോളുകൾക്ക് പരാജയപ്പെടുത്തിയിരുന്നു. എന്നാൽ പ്രീ ക്വാർട്ടർ പോരാട്ടത്തിൽ ബെൽജിയത്തോട് പരാജയപ്പെട്ട അവർ ടൂർണമെന്റിൽ നിന്നും പുറത്താവുകയായിരുന്നു.

🔹മലയാളത്തിന്റെ പ്രിയപ്പെട്ട താരങ്ങളായ ഉര്‍വശിയും ജോജു ജോര്‍ജ്ജും ആദ്യമായി ഒന്നിച്ചഭിനയിക്കുന്ന ‘ആശ’യുടെ റിലീസ് അനൗണ്‍സ്‌മെന്റ് പോസ്റ്റര്‍ പുറത്ത്. ഉര്‍വശിയുടേയും ജോജുവിന്റേയും പാതി മുഖങ്ങളാണ് പോസ്റ്ററില്‍ അവതരിപ്പിച്ചിരിക്കുന്നത്. ഇരു കഥാപാത്രങ്ങളും തമ്മിലുള്ള ആഴത്തിലുള്ള ബന്ധത്തെയോ അല്ലെങ്കില്‍ കഥയിലെ പ്രധാന സസ്‌പെന്‍സിനെയോ ആണ് ഇത് സൂചിപ്പിക്കുന്നത്. സെപ്റ്റംബര്‍ നാലിനാണ് സിനിമയുടെ വേള്‍ഡ് വൈഡ് റിലീസ്. ഐശ്വര്യ ലക്ഷ്മി, വിജയരാഘവന്‍, രമേഷ് ഗിരിജ തുടങ്ങിയവരും പ്രധാന വേഷങ്ങളിലുണ്ട്. അഞ്ച് ഭാഷകളിലാണ് ചിത്രം പുറത്തിറങ്ങുന്നത്. അജിത് വിനായക ഫിലിംസ് അവതരിപ്പിക്കുന്ന ചിത്രം വിനായക അജിത് ആണ് നിര്‍മിക്കുന്നത്. ചിത്രം കഥയെഴുതി സംവിധാനം ചെയ്യുന്നത് നവാഗതനായ സഫര്‍ സനലാണ്. ജോജു ജോര്‍ജ്ജും രമേഷ് ഗിരിജയും സഫര്‍ സനലും ചേര്‍ന്നാണ് തിരക്കഥ, സംഭാഷണം ഒരുക്കുന്നത്.

🔹പൃഥ്വിരാജ് സുകുമാരന്‍ നായകനായെത്തുന്ന ഏറ്റവും പുതിയ ചിത്രമാണ് ‘ഖലീഫ’. വൈശാഖ് സംവിധാനം ചെയ്യുന്ന ചിത്രം ഓഗസ്റ്റ് 20ന് തിയേറ്ററുകളില്‍ എത്തും. സിനിമയുടെ പുതിയ പോസ്റ്റര്‍ പുറത്തുവിട്ടിരിക്കുകയാണ് പൃഥ്വിരാജ്. സ്മാര്‍ട്ട് ആന്‍ഡ് മാസ് ലുക്കിലുള്ള പൃഥ്വിരാജ് ആണ് പോസ്റ്ററിലുള്ളത്. ദുബായില്‍ ചിത്രീകരണം പൂര്‍ത്തിയാക്കിയ ‘ഖലീഫ’ രണ്ട് ഭാഗങ്ങളായാണ് റിലീസ് ചെയ്യുന്നത്. ‘മാമ്പറയ്ക്കല്‍ ആമിര്‍ അലി’ എന്ന കഥാപാത്രമായി പൃഥ്വിരാജ് എത്തുമ്പോള്‍ ‘മാമ്പറയ്ക്കല്‍ അഹമ്മദ് അലി’യായി മലയാളത്തിന്റെ ഇതിഹാസം മോഹന്‍ലാലാണ് അതിഥി വേഷത്തില്‍ എത്തുന്നത്. മാളവിക ശര്‍മ്മയാണ് ചിത്രത്തിലെ നായിക. താരത്തിന്റെ ആദ്യ മലയാള സിനിമ കൂടിയാണ് ഖലീഫ. ജിനു എബ്രഹാമാണിന്റെതാണ് തിരക്കഥ.

💦 ഗുരുജിയുടെ വാക്കുകൾ
*****************************

കോപം വരുന്നത് തെറ്റല്ല.. പക്ഷേ ആ കോപത്തിൽ നമ്മൾ പറയുന്ന വാക്കുകളും ചെയ്യുന്ന പ്രവൃത്തികളുമാണ് പലപ്പോഴും പിന്നീട് നമ്മെ വേദനിപ്പിക്കുന്നത്.. ഒരു നിമിഷം സ്വയം നിയന്ത്രിച്ചാൽ, ഒരുപാട് നല്ല ബന്ധങ്ങളും മനോഹരമായ ഓർമ്മകളും സംരക്ഷിക്കാം..
ഓർക്കുക: കോപം കടന്നുപോകും.. പക്ഷേ അതിന്റെ പേരിൽ നഷ്ടപ്പെട്ട ചിലർ തിരികെ വരണമെന്നില്ല.
നിഷ്കളങ്കമായ അതിരുകൾ വെക്കാത്ത സ്നേഹങ്ങൾക്ക് മുന്നിൽ മടങ്ങി പോയാലും വീണ്ടും വീണ്ടും ചാരത്തണയാനാവാതിരിക്കില്ല.. നിനക്ക് പ്രിയമുള്ളതെല്ലാം എന്റെയും പ്രിയപ്പെട്ടതാകുന്നതായിരിക്കണം സ്നേഹബന്ധത്തിന്റെ മാന്ത്രികത…!
കാലത്തിന്റെ കളികൾക്കിടയിൽ മരണത്തോളം സ്നേഹിച്ചു ജീവിക്കാൻ വേണ്ടി മാത്രമായിരിക്കും ചിലരെ ചിലപ്പോൾ കുറച്ചു നാൾ അകറ്റി നിർത്താൻ കാലം തീരുമാനിക്കുന്നത്… അങ്ങനെയെങ്കിൽ കാലം അതിന്റെ കളി തുടരട്ടെ..

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 5

•അന്താരാഷ്ട്ര ട്രാഫിക് ലൈറ്റ് ദിനം: ലോകത്തിലെ ആദ്യത്തെ ഇലക്ട്രിക് ട്രാഫിക് സിസ്റ്റം 1914 ഓഗസ്റ്റ് 5-ന് അമേരിക്കയിലെ ഒഹായോയിൽ നിലവിൽ വന്നതിന്റെ ഓർമ്മയ്ക്കായി ഈ ദിനം ആചരിക്കുന്നു.

•ബ്ലോഗർ ദിനം: ഓൺലൈൻ എഴുത്തുകാരെയും ബ്ലോഗർമാരെയും ആദരിക്കുന്ന ദിനമായി ഇത് കണക്കാക്കപ്പെടുന്നു.

•ജമ്മു കശ്മീർ:2019 ഓഗസ്റ്റ് 5-നാണ് ജമ്മു കശ്മീരിന്റെ പ്രത്യേക പദവി നൽകുന്ന ആർട്ടിക്കിൾ 370 റദ്ദാക്കിയത്.

•രാമക്ഷേത്ര:2020 ഓഗസ്റ്റ് 5-ന് അയോധ്യയിലെ രാമക്ഷേത്ര നിർമ്മാണത്തിനായുള്ള ഭൂമിപൂജ നടന്നു.

തയ്യാറാക്കിയത്: കപിൽ ശങ്കർ

8 Likes

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 05 | ബുധൻ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 5

തയ്യാറാക്കിയത്: കപിൽ ശങ്കർ

“അരുതേ ഉണ്ണിയേട്ടാ ഇടയരുതേ.. പ്ലീസ് ” (രാഷ്ട്രീയ ഹാസ്യ വിമർശനം) ✍സുനിൽ വല്ലാത്തറ ഫ്ലോറിഡാ

LEAVE A REPLY Cancel reply

Most Popular

“അരുതേ ഉണ്ണിയേട്ടാ ഇടയരുതേ.. പ്ലീസ് ” (രാഷ്ട്രീയ ഹാസ്യ വിമർശനം) ✍സുനിൽ വല്ലാത്തറ ഫ്ലോറിഡാ

ഗസ്സയിലെ വെടിനിർത്തൽ കരാർ ലംഘനം: ഇസ്രായേലിനെതിരെ രൂക്ഷവിമർശനവുമായി മധ്യസ്ഥ രാജ്യങ്ങൾ.

സര്‍ക്കാരിന് സമൂഹമാധ്യമ പോസ്റ്റ് നീക്കാം;അക്കൗണ്ട് പൂര്‍ണമായി ബ്ലോക്ക് ചെയ്യാനാവില്ല; ഹൈക്കോടതി.

മുഖ്യമന്ത്രിക്കെതിരെ അപകീര്‍ത്തിപരമായ കമന്റിട്ടു; കേസെടുത്ത് സൈബർ പൊലീസ്.

Recent Comments

EDITOR PICKS

“അരുതേ ഉണ്ണിയേട്ടാ ഇടയരുതേ.. പ്ലീസ് ” (രാഷ്ട്രീയ ഹാസ്യ വിമർശനം) ✍സുനിൽ വല്ലാത്തറ ഫ്ലോറിഡാ

ഗസ്സയിലെ വെടിനിർത്തൽ കരാർ ലംഘനം: ഇസ്രായേലിനെതിരെ രൂക്ഷവിമർശനവുമായി മധ്യസ്ഥ രാജ്യങ്ങൾ.

സര്‍ക്കാരിന് സമൂഹമാധ്യമ പോസ്റ്റ് നീക്കാം;അക്കൗണ്ട് പൂര്‍ണമായി ബ്ലോക്ക് ചെയ്യാനാവില്ല; ഹൈക്കോടതി.

POPULAR POSTS

മുല്ലപ്പെരിയാര്‍ അണക്കെട്ടിലെ ജലനിരപ്പ് ഉയര്‍ത്തുമെന്ന വലിയ പ്രഖ്യാപനവുമായി തമിഴ്നാട് സര്‍ക്കാര്‍ ബജറ്റ്.

ആഗ്രയിൽ പ്രണയവിവാഹം കഴിച്ച മകളെ പിതാവ് ശ്വാസം മുട്ടിച്ച് കൊന്നു.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 05 | ബുധൻ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ഓഗസ്റ്റ് 5

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************