📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 03 | തിങ്കൾ ✍️ കപിൽ ശങ്കർ

🔹മഴക്കെടുതിയില്‍ നാലു പേര്‍ കൂടി മരിച്ചതോടെ സംസ്ഥാനത്ത് മരിച്ചവരുടെ എണ്ണം 12 ആയി. കണ്ണൂര്‍ കൂത്തുപറമ്പില്‍ തോട്ടിന്‍കരയില്‍ മരിച്ച നിലയില്‍ കണ്ടെത്തിയ കൈതേരി ഇടത്തില്‍ രാരിഷ്, കാപ്പാട് വെള്ളക്കെട്ടില്‍ വീണ് ചികിത്സയിലിരിക്കെ മരിച്ച രണ്ടു വയസ്സുകാരന്‍ മാസിന്‍, തിരുവനന്തപുരത്തുനിന്നു കാണാതായി മൃതദേഹം കണ്ടെത്തിയ മത്സ്യത്തൊഴിലാളികളായ ഫ്രീമോന്‍, ആന്റണി എന്നിവരാണ് ഇന്നലെ മരിച്ചത്. കൊല്ലം, കണ്ണൂര്‍, തിരുവനന്തപുരം എന്നിവിടങ്ങളില്‍ കടലില്‍ കാണാതായ ആറു പേര്‍ക്കായി തെരച്ചില്‍ തുടരുകയാണ്. മഴമൂലം 27 വീടുകള്‍ പൂര്‍ണ്ണമായും 196 വീടുകള്‍ ഭാഗികമായും തകര്‍ന്നു. 209 ദുരിതാശ്വാസ ക്യാമ്പുകളിലായി 5792 പേരെ മാറ്റി പാര്‍പ്പിച്ചിരിക്കുകയാണ്.

‎🔹പ്രളയക്കെടുതിയിൽ മരിച്ചവരുടെ സംസ്കാര ചടങ്ങിന് 10000 രൂപ നൽകുമെന്ന് മുഖ്യമന്ത്രി വിഡി സതീശൻ. വീടുകളിൽ വെള്ളം കയറിയവര്‍ക്കും 10000 രൂപ നൽകും. വീടും സ്ഥലവും നഷ്ടമായവര്‍ക്ക് 12 ലക്ഷം രൂപയും വീട് നഷ്ടമായവര്‍ക്ക് 8 ലക്ഷം രൂപയും നൽകും.

‎🔹പത്തനംതിട്ട ആറന്മുള, റാന്നി പ്രദേശങ്ങളിലേക്ക് രക്ഷാപ്രവര്‍ത്തനത്തിനായി നിരവധി മത്സ്യബന്ധന ബോട്ടുകളെത്തുന്നു. കൊല്ലത്തുനിന്നും കായംകുളത്തുനിന്നും ഉള്‍പ്പെടെയാണ് കൂടുതല്‍ മത്സ്യബന്ധന ബോട്ടുകള്‍ പത്തനംതിട്ടയിലേക്ക് വരുന്നത്.

🔹കാലവർഷക്കെടുതിയിൽ‌ അടിയന്തര യോഗം ചേർന്നതായും പ്രളയക്കെടുതി നേരിടാൻ പത്തനംതിട്ടയിൽ പ്രത്യേക സന്നാഹമൊരുക്കുമെന്നും മുഖ്യമന്ത്രി വി ഡി സതീശൻ. സ്ഥിതി നിയന്ത്രണവിധേയമെന്നാണ് വിലയിരുത്തലെന്നും മുഖ്യമന്ത്രി വ്യക്തമാക്കി. ഡാമുകളിൽ നിന്ന് വെള്ളമൊഴുക്കുന്നുവെന്നത് വ്യാജപ്രചാരണമാണെന്നും വ്യാജ പ്രചാരണത്തിൽ നടപടി സ്വീകരിക്കുമെന്നും മുഖ്യമന്ത്രി വ്യക്തമാക്കി.

🔹‎കുട്ടനാടും അപ്പർകുട്ടനാടും പൂർണമായും വെള്ളത്തിൽ മുങ്ങി. ആലപ്പുഴയിൽ 21 ദുരിതാശ്വാസ ക്യാമ്പുകൾ തുറന്നു. ചെങ്ങന്നൂരിൽ 12 കുട്ടനാട്ടിൽ അഞ്ചും അമ്പലപ്പുഴ, കാർത്തികപ്പള്ളി എന്നിവിടങ്ങളിൽ രണ്ട് വീതവും ക്യാമ്പുകളാണ് നിലവിൽ പ്രവർത്തിക്കുന്നത്.

🔹മഴ മുന്നറിയിപ്പുകള്‍ നല്‍കുന്നതില്‍ വീഴ്ചയുണ്ടായിട്ടില്ലെന്ന് ദുരന്ത നിവാരണ അതോറിറ്റി സെക്രട്ടറി ഡോ. ശേഖര്‍ കുര്യാക്കോസ്. ആദ്യം ഓറഞ്ച് അലേര്‍ട്ട് നല്‍കുന്നതും പിന്നീട് അതില്‍ മാറ്റം വരുത്തുന്നതുമെല്ലാം സ്വാഭാവികമാണ്. റഡാറിലെ ഡാറ്റ മാറുന്നതിന് അനുസരിച്ചാണ് മാറ്റങ്ങള്‍ വരുത്തുന്നതെന്നും അദ്ദേഹം പറഞ്ഞു.

🔹‎ഹെലികോപ്റ്റര്‍ യാത്രയിൽ വിശദീകരണം നൽകി മുഖ്യമന്ത്രി . ഔദ്യോഗിക യാത്രക്കാണ് ഹെലികോപ്റ്റര്‍ ഉപയോഗിച്ചതെന്നും താൻ പാർട്ടി സമ്മേളനത്തിൽ പോയിട്ടില്ല. ഔദ്യോഗിക ആവശ്യത്തിനാണ് പോയത്. സർക്കാരിന് ഗുണകരമാകുന്ന കാര്യത്തിനാണ് പോയതെന്നും മുഖ്യമന്ത്രി വ്യക്തമാക്കി.

🔹പ്രളയ ബാധിത സംസ്ഥാനങ്ങള്‍ക്ക് 2117.85 കോടി രൂപ എസ്ഡിആര്‍ഫ് ഫണ്ട് അനുവദിച്ച് കേന്ദ്ര സര്‍ക്കാര്‍. പ്രളയ, മണ്ണിടിച്ചില്‍ ബാധിത സംസ്ഥാനങ്ങള്‍ക്കാണ് തുക അനുവദിച്ചത്. എന്നാല്‍, പട്ടികയില്‍ കേരളം ഇല്ല.

🔹‎മാസപ്പടി കേസിൽ പിണറായി വിജയന്‍റെ വീട്ടിൽ പരിശോധനയ്ക്ക് എത്തിയ ഇഡി ഉദ്യോഗസ്ഥരെ ആക്രമിച്ച കേസിലെ 9 പ്രതികൾക്ക് ഉപാധികളോടെ ജാമ്യം അനുവദിച്ച് ഹൈക്കോടതി. പ്രതികളുടേത് ഗൗരവമുള്ള കുറ്റകൃത്യമെന്ന് കോടതി നിരീക്ഷിച്ചു. പ്രഥമദൃഷ്ട്യാ തെളിവുകളുണ്ടെന്നും കോടതി ചൂണ്ടിക്കാട്ടി.

🔹കേരളത്തിലെ വിമാനത്താവളങ്ങളില്‍നിന്ന് കഴിഞ്ഞ രണ്ടാഴ്ച പതിനാല് കേസുകളിലായി 11 കോടിയിലധികം രൂപ വിലയുള്ള എട്ടു കിലോ സ്വര്‍ണം കസ്റ്റംസ് പിടിച്ചെടുത്തു. ആറ് മലയാളികളും മൂന്ന് തമിഴ്നാട്ടുകാരും ഉള്‍പ്പടെ ഒമ്പതു പേരെ കസ്റ്റംസ് അറസ്റ്റു ചെയ്തു.

🔹പുനര്‍ഗേഹം പദ്ധതി തുക 20 ലക്ഷമായി ഉയര്‍ത്തണമെന്ന് ആവശ്യപ്പെട്ട് കെസി വേണുഗോപാല്‍ എംപി മുഖ്യമന്ത്രി വി ഡി സതീശന് കത്തു നല്‍കി. കടലാക്രമണ ഭീഷണി നേരിടുന്ന തീരദേശവാസികളെ പുനരധിവസിപ്പിക്കനാണ് കഴിഞ്ഞ യുഡിഎഫ് സര്‍ക്കാര്‍ പദ്ധതി ആരംഭിച്ചത്. വീടും സ്ഥലവും വാങ്ങാനും പുതിയ വീട് നിര്‍മ്മിക്കുന്നതിനുമായി 10 ലക്ഷം രൂപയാണ് പദ്ധതിക്ക് വകയിരുത്തിയത്.

🔹സംസ്ഥാനത്ത് മഴക്കെടുതി രൂക്ഷമായിരിക്കെ മുഖ്യമന്ത്രി വി ഡി സതീശന്‍ ഭക്ഷണവിരുന്നില്‍ പങ്കെടുത്തതിനെച്ചൊല്ലി വിവാദം. മലപ്പുറം പൊന്നാനിയില്‍ യൂത്ത് ലീഗ് നേതാവിന്റെ വീട്ടില്‍ ഭക്ഷണം കഴിക്കുന്ന ദൃശ്യങ്ങള്‍ പങ്കുവച്ചാണ് സിപിഎം നേതാക്കളുടെ വിമര്‍ശനം.

🔹കേരളത്തിലെ മഴക്കെടുതിയില്‍ കനത്ത നാശനഷ്ടങ്ങളും ജീവഹാനിയും സംഭവിച്ചതില്‍ ദുഃഖം രേഖപ്പെടുത്തി ലോക്സഭ പ്രതിപക്ഷ നേതാവും വയനാട് മുന്‍ എംപിയുമായ രാഹുല്‍ ഗാന്ധി. മരിച്ചവരുടെ കുടുംബങ്ങളുടെ ദുഃഖത്തില്‍ പങ്കുചേരുന്നതായി അദ്ദേഹം പറഞ്ഞു.

🔹ബിജെപി ദേശീയ നിര്‍വാഹകസമിതി അംഗം പി.സി.ജോര്‍ജിന്റെ പൂഞ്ഞാറിലെ വീട്ടിലും വെള്ളം കയറി. വീട്ടിലും പൂഞ്ഞാറില്‍ ഭാര്യ നടത്തിയിരുന്ന കടയിലുമായി ഏതാണ്ട് 40 ലക്ഷം രൂപയുടെ നഷ്ടമുണ്ടായെന്ന് പിസി ജോര്‍ജ്ജ്.

🔹തൃശൂര്‍ വടക്കേക്കാട് നായരങ്ങാടിയില്‍ ജ്വല്ലറിയുടെ ചുവര്‍ തുരന്ന് മോഷണം നടത്താന്‍ ശ്രമിച്ച കേസില്‍ രണ്ട് പ്രതികള്‍ പിടിയില്‍. ഒട്ടനവധി ക്രിമിനല്‍ കേസുകളില്‍ പ്രതി ഓട്ടോ സുഹൈല്‍ എന്ന് വിളിക്കുന്ന സുഹൈല്‍, പാലപ്പെട്ടി സ്വദേശി നൗഷാദ് എന്നിവരെയാണ് പിടികൂടിയത്.

🔹പ്രളയത്തില്‍ പത്തനംതിട്ടയിലെ വ്യാപാരികള്‍ക്ക് കോടികളുടെ നഷ്ടം. ഓണ വിപണി മുന്നില്‍കണ്ട് എടുത്ത സ്റ്റോക്ക് ഒറ്റരാത്രികൊണ്ട് നശിച്ചു. റാന്നി നഗരത്തില്‍ വെള്ളമൊഴിഞ്ഞതിന് പിന്നാലെ റോഡും കടകളും ജനപ്രതിനിധികളുടെ നേതൃത്വത്തില്‍ വൃത്തിയാക്കി.

🔹കൊച്ചിയില്‍ കണ്ടെയ്നര്‍ കപ്പലിന്റെ നിയന്ത്രണം നഷ്ടപ്പെട്ടു. ഇന്നലെ രാത്രി എത്തിയ എസ്എസ്എല്‍ മുംബൈ എന്ന കപ്പല്‍ തീരത്തേക്കടുത്തു. അതിവേഗം പാഞ്ഞെത്തിയ ടഗ്ഗ് ബോട്ടുകളാണ് കപ്പലിനെ നിയന്ത്രണ വിധേയമാക്കിയത്.

🔹പൂനെയില്‍ മൂന്നംഗ മലയാളി കുടുംബത്തെ മരിച്ച നിലയില്‍ കണ്ടെത്തി. പൂനെ പിംപ്രിയില്‍ താമസിക്കുന്ന തിരുവനന്തപുരം വട്ടിയൂര്‍ക്കാവ് സ്വദേശി വിനോദ് പി എസ് (47), ഭാര്യ സില്‍ജ പിളള (44) മകള്‍ പൂര്‍ണിമ (20) എന്നിവരാണ് മരിച്ചത്.

🔹മഴമാറി വെള്ളം ഇറങ്ങി തുടങ്ങിയെങ്കിലും ഈരാറ്റുപേട്ട കാരയ്ക്കാട് പ്രദേശത്തെ ജനജീവിതം സ്തംഭിച്ച നിലയിലാണ്. പാലയിലും കാഞ്ഞിരപ്പള്ളിയിലും കൂട്ടിക്കലൂം ചെളിനിറഞ്ഞതോടെ വീടുകള്‍ താമസയോഗ്യമല്ലാതായി.

🔹പത്തനംതിട്ട ജില്ലയില്‍ കനത്ത ജാഗ്രത തുടരണമെന്ന് മന്ത്രി പി സി വിഷ്ണുനാഥ്. മിന്നല്‍ പ്രളയ സാധ്യതയുണ്ടെന്നും പ്രളയ സ്ഥലങ്ങളില്‍ ജാഗ്രത വേണമെന്നും മന്ത്രി.

🔹സംസ്ഥാനത്ത് കനത്ത മഴയും കടലാക്രമണവും ഉരുള്‍പൊട്ടലും മൂലമുള്ള പ്രതിസന്ധിയില്‍ ദുരിതബാധിതരെ സഹായിക്കാന്‍ മുഖ്യമന്ത്രി വി ഡി സതീശന്‍ തയ്യാറാകണമെന്ന് സി പി എം. മുഖ്യമന്ത്രിയുടെ നിലപാട് നിസ്സംഗത നിറഞ്ഞതാണെന്നും സി പി എം സംസ്ഥാന സെക്രട്ടറിയേറ്റ് വിമര്‍ശിച്ചു.

🔹പൂഞ്ഞാര്‍ പയ്യാനിത്തോട്ടത്ത് ഉണ്ടായ ഉരുള്‍പൊട്ടല്‍ ദുരന്തത്തില്‍ ജീവന്‍ നഷ്ടമായ റെജീന ജോണിക്കും മകന്‍ ജോസഫൈന്‍ ജോണി (27) ക്കും നാടിന്റെ വിട. കുടുംബത്തിന്റെ വീടടക്കം സര്‍വവും ഉരുളെടുത്തതോടെ മൃതദേഹങ്ങള്‍ പയ്യാനിത്തോട്ടം ഹോളിസ്പിരിറ്റ് പബ്ലിക്ക് സ്‌കൂളിലാണ് പൊതുദര്‍ശത്തിനു വച്ചത്.

🔹കണ്ണൂര്‍ പയ്യന്നൂരില്‍ കൊലക്കേസ് പ്രതിയെ ബാലസംഘം കണ്‍വീനറായി തെരഞ്ഞെടുത്തു. ബി എം എസ് നേതാവിനെ കൊലപ്പെടുത്തിയ കേസിലെ ഒന്നാം പ്രതിയായ ടി സി വി നന്ദകുമാറിനാണ് ബാലസംഘത്തിന്റെ ചുമതല നല്‍കിയിരിക്കുന്നത്. പൊലീസിനെ ബോംബെറിഞ്ഞ് കൊലപ്പെടുത്താന്‍ ശ്രമിച്ച കേസില്‍ 20 വര്‍ഷത്തേക്കു ശിക്ഷിക്കപ്പെട്ട നന്ദകുമാര്‍ ജയിലിലാണ്.

🔹വിരമിക്കാന്‍ മാസങ്ങള്‍ മാത്രം ബാക്കി നില്‍ക്കേ വയനാട്ടിലേക്കുള്ള സ്ഥലമാറ്റം റദ്ദാക്കണമെന്ന സീനിയര്‍ പൊലീസ് ഓഫീസേഴ്‌സ് അസോസിയേഷന്‍ നേതാവ് ഡി കെ പൃഥിരാജിന്റെ ആവശ്യം സര്‍ക്കാര്‍ തള്ളി.

🔹ആലത്തൂരില്‍ ആറുവയസ്സുകാരനെ ലോറിയിടിച്ച് കൊലപ്പെടുത്തിയ കേസില്‍ ഒളിവിലായിരുന്ന ലോറി ഡ്രൈവറെ 30 വര്‍ഷത്തിനുശേഷം ആലത്തൂര്‍ പൊലീസ് അറസ്റ്റു ചെയ്തു. തമിഴ്നാട് പഴയ മദ്രാസ് മോസ്‌ക് സ്ട്രീറ്റ് സ്വദേശിയായ ഇളന്തമിഴന്‍ പരമശിവമാണു പിടിയിലായത്. വാനൂര്‍ കേരളപ്പറമ്പ് ദാറുല്‍ഹിദായയില്‍ അബ്ദുള്‍ റഹ്‌മാന്റെയും ഹവ്വാമ്മയുടെയും മകന്‍ ഉമര്‍ ഫാറൂഖ് 1995 ഡിസംബര്‍ 12-ന് കൊല്ലപ്പെട്ട കേസിലാണ് അറസ്റ്റ്.

🔹പാപ്പനംകോട് വീട്ടില്‍ അതിക്രമിച്ച് കയറി ഭീഷണപ്പെടുത്തി സ്വര്‍ണവും പണവുമായി കടന്ന പ്രതികള്‍ അറസ്റ്റില്‍. വെള്ളായണി അഫ്സര്‍ (30), ഇടയ്ക്കോട് ഷമീര്‍ (33), വെങ്ങാനൂര്‍ രാകേഷ് (35), കട്ടച്ചല്‍ക്കുഴി അനന്തു (27), ചെങ്കല്‍ വിനീത് (36) എന്നിവരാണ് അറസ്റ്റിലായത്.

🔹ഒരു കോടിയിലധികം യുവാക്കളെ അണിനിരത്തി ലഹരി മുക്ത യുവതയെന്ന പേരില്‍ ലഹരിക്കെതിരെ രാജ്യ വ്യാപക പ്രചാരണത്തിന് പ്രധാനമന്ത്രി നരേന്ദ്ര മോദി തുടക്കമിട്ടു. കോക്ക് റോച്ച് ജനത പാര്‍ട്ടി സമരത്തോടെ യുവശക്തി തിരിച്ചറിഞ്ഞ മോദി യുവാക്കളിലേക്ക് കൂടുതല്‍ അടുക്കാനുള്ള ശ്രമത്തിലാണ്.

🔹മകളോട് ക്ഷമിച്ചതിന് പ്രധാനമന്ത്രി നരേന്ദ്ര മോദിയോട് നന്ദിയറിയിച്ച് ജന്തര്‍ മന്തര്‍ പ്രതിഷേധത്തിനിടെ മോദിയെ അധിക്ഷേപിച്ച പെണ്‍കുട്ടിയുടെ അമ്മ. ഇത്രയധികം അധിക്ഷേപം നേരിട്ടിട്ടും ക്ഷമിക്കാനുള്ള പ്രധാനമന്ത്രിയുടെ തീരുമാനം മഹത്തരമാണെന്നും പ്രധാനമന്ത്രി തന്റെ മകള്‍ക്ക് പുതിയ ജീവിതം നല്‍കിയെന്നും മാതാവ് പറഞ്ഞു.

🔹കനത്ത മഴയില്‍ കര്‍ണാടകയിലും വ്യാപക നാശം. ഷിമോഗയ്ക്ക് സമീപം തീര്‍ത്ഥഹള്ളിയില്‍ വീടുകള്‍ക്ക് മുകളിലേക്ക് കുന്നിടിഞ്ഞ് വീണ് മൂന്നുപേര്‍ മരിച്ചു.

🔹പശ്ചിമ ബംഗാളില്‍ അറസ്റ്റിലായ ആള്‍ക്ക് പാകിസ്ഥാന്‍ കേന്ദ്രീകരിച്ചുള്ള ഭീകരസംഘടനയായ ജെയ്ഷെ മുഹമ്മദുമായി ബന്ധമുണ്ടെന്ന് പൊലീസ്. പിടിയിലായ ഹമീം മൊണ്ഡലിന് ജെയ്ഷെ മുഹമ്മദുമായി ബന്ധമുണ്ടെന്ന് എസ്ടിഎഫ് ഐജി ഗൗരവ് ശര്‍മ്മ പറഞ്ഞു.

🔹രാജസ്ഥാനിലെ ബിക്കാനേര്‍ അതിര്‍ത്തിയില്‍ അതിര്‍ത്തി രക്ഷാസേനയും പൊലീസും ചേര്‍ന്ന് നടത്തിയ പരിശോധനയില്‍ 50 കോടി രൂപ വിലമതിക്കുന്ന ഹെറോയിനും മാരകായുധങ്ങളും പിടികൂടി. പാകിസ്ഥാനില്‍ നിന്ന് ഡ്രോണ്‍ വഴി കടത്തിയതാകാമെന്നാണ് സംശയം. ഒരാളെ കസ്റ്റഡിയിലെടുത്തു

🔹ഹോര്‍മൂസ് തുറക്കുന്ന കാര്യത്തില്‍ ഒമാനുമായുള്ള ചര്‍ച്ചകളില്‍ പുരോഗതിയുണ്ടെന്ന് ഇറാന്‍ വിദേശകാര്യ വക്താവ്. ഹോര്‍മൂസിന്റെ സ്ഥിതി പഴയപടി തുടരുമെന്നും ഇറാന്‍. ആക്രമണം ഉപേക്ഷിച്ച അമേരിക്ക അതിവേഗം കരാറിലെത്താന്‍ ഇറാനോട് ആവശ്യപ്പെട്ടിരുന്നു. ഇതോടെ തിരക്കിട്ട ചര്‍ച്ചകള്‍ നടക്കുകയാണ്.

🔹വടക്കുപടിഞ്ഞാറന്‍ പാകിസ്ഥാനില്‍ ഭീകരതയ്ക്കെതിരെ സമാധാന റാലി നടക്കുന്നതിനിടെ ഉണ്ടായ ചാവേറാക്രമണത്തില്‍ പൊലീസ് ഉദ്യോഗസ്ഥരടക്കം 14 പേര്‍ കൊല്ലപ്പെട്ടു. 22 പേര്‍ക്ക് പരിക്കേല്‍ക്കുകയും ചെയ്തു. സ്വാത് ജില്ലയിലുള്ള കബാല്‍ പൊലീസ് സ്റ്റേഷന് പുറത്താണ് ആക്രമണം ഉണ്ടായത്.

🔹സൗദി അറേബ്യയില്‍ ഇഖാമ, തൊഴില്‍, അതിര്‍ത്തി സുരക്ഷാ നിയമങ്ങള്‍ ലംഘിച്ച് കഴിയുന്നവരെ കണ്ടെത്താനുള്ള പരിശോധന ആഭ്യന്തര മന്ത്രാലയം ശക്തമാക്കി. കഴിഞ്ഞ ഒരാഴ്ചക്കിടെ 12,600 പേരെ സ്വന്തം രാജ്യങ്ങളിലേക്ക് നാടുകടത്തി. ജൂലൈ 23 മുതല്‍ 29 വരെയുള്ള കണക്കുകളാണ് അധികൃതര്‍ പുറത്തുവിട്ടത്.

🔹നൂഴഞ്ഞുകയറ്റക്കാരെ തടയാന്‍ സ്പെയിന്‍ ആഫ്രിക്കയിലെ മൊറോക്കോ അതിര്‍ത്തിയില്‍ സുരക്ഷാവേലി സ്ഥാപിച്ചു. നോര്‍ത്ത് ആഫ്രിക്കന്‍ അതിര്‍ത്തി പ്രദേശമായ സെവൂട്ടയിലേക്ക് പതിനായിരക്കണക്കിന് കുടിയേറ്റക്കാര്‍ കഴിഞ്ഞ ദിവസം അതിക്രമിച്ചു കയറിയിരുന്നു. അതിര്‍ത്തി കടക്കാനുള്ള തിക്കിലും തിരക്കിലും പെട്ടും കടലില്‍ മുങ്ങിയും 67 പേര്‍ മരിച്ചെന്നു സ്പെയിന്‍.

🔹യുദ്ധം അടക്കം പ്രതികൂലമായ എല്ലാ സാഹചര്യങ്ങളെയും രണ്ടു വര്‍ഷത്തേക്ക് നേരിടാന്‍ രാജ്യം പൂര്‍ണ സജ്ജമാണെന്ന് ഇറാന്‍ വൈസ് പ്രസിഡന്റ് മുഹമ്മദ് റസ ആരെഫ്.

🔹ഇന്തോനേഷ്യയില്‍ യാത്രക്കാരുമായി പോയ ഫെറിക്ക് തീപിടിച്ചതിനെ തുടര്‍ന്ന് അഞ്ചു പേര്‍ മരിച്ചു. 41 പേരെ കാണാതായി. 271 യാത്രക്കാരാണ് ഫെറിയില്‍ ഉണ്ടായിരുന്നത്. 225 പേരെ രക്ഷപ്പെടുത്തി. കാണാതായവര്‍ക്കായി തെരച്ചില്‍ തുടരുകയാണ്.

🔹ഗ്ലാസ്ഗോയില്‍ കോമണ്‍വെല്‍ത്ത് ഗെയിംസിന് കൊടിയിറങ്ങി. 39 മെഡലുകളുമായി ഇന്ത്യ മെഡല്‍ പട്ടികയില്‍ നാലാമതെത്തി. 13 സ്വര്‍ണവും 17 വെള്ളിയും 9 വെങ്കലവും അടങ്ങുന്നതാണ് ഇന്ത്യയുടെ മെഡല്‍നേട്ടം. 171 മെഡലുകളുമായി ഓസ്ട്രേലിയയാണ് ഒന്നാമത്. 110 മെഡലുമായി ഇംഗ്ലണ്ട് രണ്ടാം സ്ഥാനത്തും 62 മെഡലുമായി കാനഡ മൂന്നാം സ്ഥാനത്തുമാണ്.

🔹മൂന്നാമത് കരിക്കമ്പള്ളില്‍ അഡ്വ. കെ.ടി. മത്തായി മെമ്മോറിയല്‍ ഓള്‍ കേരള ഇന്‍വിറ്റേഷന്‍ ഇന്റര്‍ സ്‌കൂള്‍ ബാസ്‌കറ്റ്‌ബോള്‍ ടൂര്‍ണമെന്റില്‍ പെണ്‍കുട്ടികളുടെ വിഭാഗത്തില്‍ കോഴിക്കോട് പ്രൊവിഡന്‍സ് എച്ച്.എസ്.എസും ആണ്‍കുട്ടികളുെ വിഭാഗത്തില്‍ കുന്നംകുളം ഗവ. വൊക്കേഷണല്‍ എച്ച്.എസ്.എസും കിരീടം നേടി.

🔹16 വര്‍ഷങ്ങള്‍ക്ക് ശേഷം ജഗദീഷ്, മുകേഷ്, സിദ്ദിഖ്, അശോകന്‍ എന്നിവര്‍ ഒന്നിക്കുന്ന ജയേഷ് വേണുഗോപാല്‍ അണിയിച്ചൊരുക്കുന്ന ‘പാതിരാക്കുറുക്കന്‍’ സെപ്റ്റംബറില്‍ തിയേറ്ററുകളിലെത്തുന്നു. അപ്പായ് സിനിമാസിന്റെ ബാനറില്‍ സിജോ ജോര്‍ജ് ആണ് ചിത്രം നിര്‍മിക്കുന്നത്. ഒരുകാലത്ത് പ്രേക്ഷകരെ പൊട്ടിച്ചിരിപ്പിച്ച നാലംഗ കൂട്ടുകെട്ട് വീണ്ടും വെള്ളിത്തിരയില്‍ ഒന്നിക്കുമ്പോള്‍, വലിയ പ്രതീക്ഷയോടെയാണ് സിനിമയെ പ്രേക്ഷകര്‍ കാത്തിരിക്കുന്നത്. വ്യത്യസ്ത സാഹചര്യങ്ങളില്‍പ്പെട്ട നാലുപേരുടെ ജീവിതത്തിലുണ്ടാകുന്ന അപ്രതീക്ഷിത സംഭവങ്ങളും അതിനെ തുടര്‍ന്നുള്ള രസകരമായ സംഭവവികാസങ്ങളുമാണ് ‘പാതിരാക്കുറുക്കന്‍’. ജഗദീഷ്, മുകേഷ്, സിദ്ദിഖ്, അശോകന്‍ എന്നിവര്‍ക്കൊപ്പം ഇന്ദ്രന്‍സും അണിനിരക്കുന്നു. സുനില്‍ കര്‍മ, നിഖില്‍ ജിനന്‍ എന്നിവരാണ് ചിത്രത്തിന്റെ രചന നിര്‍വ്വഹിച്ചിരിക്കുന്നത്.

💦 ഗുരുജിയുടെ വാക്കുകൾ
*****************************

ബന്ധങ്ങളിൽ സൗഹൃദ ങ്ങളിൽ…. ചിലരെയൊക്കെ എത്ര സ്നേഹിച്ചാലും തിരിച്ചു അതിന്റെ യാതൊരു പരിഗണനയും മനസ്സിലാക്കലും ലഭിയ്ക്കുന്നില്ലന്നൊരു പരാതി വീർപ്പു മുട്ടൽ നിരാശ അനുഭവിയ്ക്കാത്ത മനുഷ്യരില്ല.എന്നാൽ ഉത്തരവാദിത്വത്തിനും,കടമകൾക്കുമപ്പുറം സ്നേഹമാണ് ബന്ധത്തിന്റെ ആധാരാമെന്ന തിരിച്ചറിവ് എല്ലാത്തിനും പരിഹാരമാവും.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 03

•ദേശീയ ഹൃദയമാറ്റിവെക്കൽ ദിനം (ഇന്ത്യ): ഇന്ത്യയിലെ ആദ്യത്തെ വിജയകരമായ ഹൃദയമാറ്റിവെക്കൽ ശസ്ത്രക്രിയ 1994 ഓഗസ്റ്റ് 3-ന് ഡൽഹി എയിംസ് (AIIMS) ആശുപത്രിയിലാണ് നടന്നത്. ഇതിന്റെ ഓർമ്മക്കായാണ് ഭാരതത്തിൽ ഈ ദിവസം ദേശീയ ഹൃദയമാറ്റിവെക്കൽ ദിനമായി ആചരിക്കുന്നത്.

•ലോക ആംഗ്ലോ-ഇന്ത്യൻ ദിനം: ആംഗ്ലോ-ഇന്ത്യൻ സമൂഹത്തിന്റെ സാംസ്കാരിക പൈതൃകവും രാജ്യത്തിന് അവർ നൽകിയ സംഭാവനകളും ആദരിക്കുന്നതിനായി ഈ ദിവസം ലോക ആംഗ്ലോ-ഇന്ത്യൻ ദിനമായി ആഘോഷിക്കുന്നു.

•ക്രിസ്റ്റഫർ കൊളംബസിന്റെ യാത്ര (1492): ചരിത്രപ്രസിദ്ധമായ തന്റെ ഒന്നാം അറ്റ്‌ലാന്റിക് യാത്രയ്ക്കായി ക്രിസ്റ്റഫർ കൊളംബസ് സ്‌പെയിനിലെ പാലോസ് തുറമുഖത്തുനിന്ന് മൂന്ന് കപ്പലുകളുമായി യാത്ര തിരിച്ചത് 1492 ഓഗസ്റ്റ് 3-നാണ്.

•മൈഥിലി ശരൺ ഗുപ്തയുടെ ജന്മദിനം (1886): ആധുനിക ഹിന്ദി സാഹിത്യത്തിലെ പ്രമുഖ കവിയും സ്വാതന്ത്ര്യസമര സേനാനിയുമായ മൈഥിലി ശരൺ ഗുപ്ത ജനിച്ചത് ഈ ദിവസമാണ്.

തയ്യാറാക്കിയത്: കപിൽ ശങ്കർ

4 Likes

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 03 | തിങ്കൾ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 03

തയ്യാറാക്കിയത്: കപിൽ ശങ്കർ

ഭിക്ഷാടനം നടത്താൻ ആഡംബര റേഞ്ച് റോവർ കാറിലെത്തിയ ദമ്പതികൾ പൊലീസ് പിടിയിൽ

ബേബികുട്ടി വിൽ‌സൺ ഫിലിപ്പിന്റെ സംസ്ക്കാരം ഓഗസ്റ്റ് 8 – ശനിയാഴ്ച

മുൻ ടെക്സസ് കോൺഗ്രസ് അംഗവും ഫോർട്ട് വർത്തിന്റെ ആദ്യ വനിതാ മേയറുമായ കേ ഗ്രേഞ്ചർ അന്തരിച്ചു

LEAVE A REPLY Cancel reply

Most Popular

കനത്ത മഴ: ഓഗസ്റ്റ് 4, 5, 6, 10 തീയതികളിലെ എല്ലാ പി എസ് സി പരീക്ഷകളും മാറ്റിവെച്ചു

മലപ്പുറം പാണക്കാട് വേങ്ങര റോഡിലേക്ക് കുന്നിൻ ചെരുവിൽ നിന്ന് വൻതോതിൽ മണ്ണിടിഞ്ഞു: ആളപായമില്ല

ഭിക്ഷാടനം നടത്താൻ ആഡംബര റേഞ്ച് റോവർ കാറിലെത്തിയ ദമ്പതികൾ പൊലീസ് പിടിയിൽ

Recent Comments

EDITOR PICKS

കനത്ത മഴ: ഓഗസ്റ്റ് 4, 5, 6, 10 തീയതികളിലെ എല്ലാ പി എസ് സി പരീക്ഷകളും മാറ്റിവെച്ചു

മലപ്പുറം പാണക്കാട് വേങ്ങര റോഡിലേക്ക് കുന്നിൻ ചെരുവിൽ നിന്ന് വൻതോതിൽ മണ്ണിടിഞ്ഞു: ആളപായമില്ല

POPULAR POSTS

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 03 | തിങ്കൾ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ഓഗസ്റ്റ് 03

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************