സര്ദാര് വല്ലഭ്ഭായ് പട്ടേല് രാജ്യാന്തര വിമാനത്താവളത്തില്നിന്ന് 242 പേരുമായി ലണ്ടനിലേക്കു പോകുകയായിരുന്ന എഐ171 ബോയിങ് 787 8 ഡ്രീംലൈനര് വിമാനമാണ് ടേക് ഓഫിനു തൊട്ടു പിന്നാലെ വിമാനത്താവളത്തിനു സമീപത്തെ ജനവാസ മേഖലയില് തകര്ന്നുവീണത്. ഉച്ചയ്ക്ക് 1.43 നായിരുന്നു അപകടം.
169 പേര് ഇന്ത്യക്കാരും 53 പേര് ബ്രിട്ടീഷ് പൗരന്മാരും ഏഴ് പോര്ച്ചുഗീസ് പൗരന്മാരുമാണ്. ഒരു കനേഡിയന് പൗരനും വിമാനത്തിലുണ്ടായിരുന്നു. ബ്രിട്ടീഷ് പൗരനായ ഒരു ഇൻഡ്യാക്കാരൻ രക്ഷപെട്ടതായും വിവരമുണ്ട്. ടേക്ക് ഓഫ് ചെയ്ത് നിമിഷങ്ങള്ക്കകം വിമാനം തകര്ന്നുവീണ് അഗ്നിഗോളമായി മാറി. മുഴുവന് യാത്രികരും വിമാന ജീവനക്കാരും മരണപ്പെട്ടു
മെഡിക്കല് കോളജ് വിദ്യാര്ഥികളുടെ ഹോസ്റ്റല് കെട്ടിടത്തിന് മുകളിലാണ് കെട്ടിടം തകര്ന്നുവീണത്. ഹോസ്റ്റലില് ഉണ്ടായിരുന്ന അഞ്ച് ജൂനിയര് ഡോക്ടര്മാരും മരിച്ചിട്ടുണ്ട്. വിദ്യാര്ഥികള് ഭക്ഷണം കഴിക്കുന്നതിനിടെയാണ് വിമാനം തകര്ന്നുവീണത്.
രാജ്യത്തെ ഏറ്റവും വലിയ രണ്ടാമത്തെ വിമാന ദുരന്തമാണ് അഹമ്മദാബാദില് ഉണ്ടായത്. 1998 നവംബര് 12 ന് ഹരിയാണയിലുണ്ടായ സൗദി എയര്വേയ്സിന്റെ 747 ബോയിങ് വിമാനവും കസാഖ് എയര്ബേയ്സിന്റെ ടു യു-154 വിമാനവും കൂട്ടിയിടിച്ച് മലയാളികള് ഉള്പ്പെടെ 351 പേരാണ് മരിച്ചതാണ് രാജ്യത്തെ ഏറ്റവും വലിയ വിമാന ദുരന്തം
അപകടം നടന്നതിന് തൊട്ട് പിന്നാലെ ഫയർ ഫോഴ്സും പൊലീസും എൻഡിആർഎഫ് സംഘവും സ്ഥലത്തെത്തിയെങ്കിലും തീയും പുകയും മൂലം രക്ഷാപ്രവർത്തനത്തിന് തുടക്കത്തിൽ തടസം നേരിട്ടു. മൃതദേഹങ്ങൾ സിവിൽ ആശുപത്രിയിലും സമീപത്തുള്ള മറ്റ് ആശുപ്രതികളിലുമായി സൂക്ഷിച്ചിരിക്കുകയാണ്.
