Circulation ജേണലിൽ പ്രസിദ്ധീകരിച്ച റിപ്പോർട്ടിൽ, മിതമായ അളവിൽ കാപ്പി കുടിക്കുന്നവരിൽ സ്ട്രോക്ക്, ടൈപ്പ്-2 പ്രമേഹം, ഹൃദയസ്തംഭനം (Heart Failure), കൊറോണറി ഹൃദ്രോഗം എന്നിവയുടെ സാധ്യത കുറയുന്നതായി പഠനങ്ങൾ സൂചിപ്പിക്കുന്നതായി പറയുന്നു.
കാപ്പിയിലെ കഫീനിനൊപ്പം പോളിഫിനോളുകൾ പോലുള്ള ആന്റിഓക്സിഡന്റുകളും ആന്റി-ഇൻഫ്ലമേറ്ററി ഘടകങ്ങളും ഈ ആരോഗ്യഗുണങ്ങൾക്ക് കാരണമാകാമെന്നും റിപ്പോർട്ട് വ്യക്തമാക്കുന്നു.
അതേസമയം, അമിതമായി പഞ്ചസാര, ഫ്ലേവർ സിറപ്പുകൾ, ഉയർന്ന കൊഴുപ്പുള്ള ക്രീമറുകൾ എന്നിവ ചേർത്ത് കാപ്പി കുടിക്കുന്നത് ആരോഗ്യഗുണങ്ങൾ കുറയ്ക്കാൻ സാധ്യതയുണ്ടെന്നും മുന്നറിയിപ്പുണ്ട്. കൂടാതെ, എനർജി ഡ്രിങ്കുകൾ കാപ്പിക്ക് പകരമല്ലെന്നും, അവ ഉയർന്ന രക്തസമ്മർദ്ദത്തിനും ഹൃദയമിടിപ്പ് ക്രമക്കേടുകൾക്കും കാരണമാകാമെന്നും അമേരിക്കൻ ഹാർട്ട് അസോസിയേഷൻ ചൂണ്ടിക്കാട്ടി.
ഗർഭിണികൾ, ഹൃദ്രോഗമുള്ളവർ, കഫീനിനോട് അമിത സംവേദനക്ഷമതയുള്ളവർ എന്നിവർ കാപ്പിയുടെ അളവിനെക്കുറിച്ച് ഡോക്ടറുടെ നിർദേശം തേടണമെന്നും അസോസിയേഷൻ നിർദേശിച്ചു.
