📱വാർത്തകൾ ഒറ്റനോട്ടത്തിൽ📱 – 2026 | ജൂലൈ 14 | ചൊവ്വ ✍️ കപിൽ ശങ്കർ

🔹‎കാപ്പ കേസുമായി ബന്ധപ്പെട്ട് തടവിലുള്ള തിരുവനന്തപുരം കോർപ്പറേഷൻ ബിജെപി കൗൺസിലർ ആർ സുഗതൻ വിയ്യൂർ ജയിലിൽ വെച്ച് സത്യപ്രതി‌ജ്ഞ ചെയ്തു. രാവിലെ 11 മണിയോടെ ജയിൽ സൂപ്രണ്ടിന്‍റെ മുറിയിൽ വെച്ചായിരുന്നു സത്യപ്രതി‌ജ്ഞ ചടങ്ങ്. മേയർ വി വി രാജേഷാണ് സുഗതന് സത്യവാചകം ചൊല്ലിക്കൊടുത്തത്.

🔹മണ്ണാര്‍ക്കാട് നഗരസഭയില്‍ മികച്ച വിജയം നേടിയ വിദ്യാര്‍ത്ഥികളെ അനുമോദിച്ച ചടങ്ങില്‍ കുട്ടികള്‍ക്കു മാനസിക പ്രയാസം ഉണ്ടാകുന്ന തരത്തില്‍ പെരുമാറിയ മുന്‍മന്ത്രി കെ ടി ജലീലിനെതിരെ ബാലാവകാശ കമ്മീഷന്‍ സ്വമേധയാ കേസെടുത്തു. കുട്ടികളോട് അക്ഷരം അറിയില്ലേ എന്നു ചോദിക്കുന്നതും മേല്‍വിലാസം തെറ്റിച്ച കുട്ടിയെ സ്റ്റേജില്‍ വിളിച്ച് വരുത്തി ചെവിയില്‍ നുള്ളുന്നതുമായ ദൃശ്യങ്ങള്‍ മാധ്യമങ്ങളിലൂടെ പുറത്തുവന്നിരുന്നു. ഇതിന്റെ അടിസ്ഥാനത്തിലാണ് ചെയര്‍പേഴ്സണ്‍ കെ വി മനോജ് കുമാര്‍ സ്വമേധയാ കേസെടുത്തത്.

🔹കുട്ടികളെ കെ ടി ജലീല്‍ അപമാനിച്ചത് തെറ്റെന്ന് മന്ത്രി ബിന്ദു കൃഷ്ണ. തെറ്റ് മനസിലാക്കാന്‍ പോലും ജലീലിന് കഴിയുന്നില്ലെന്നും മന്ത്രി പ്രതികരിച്ചു. സംഭവത്തെ കുറിച്ച് ജില്ല ശിശു സംരക്ഷണ ഓഫീസര്‍ റിപ്പോര്‍ട്ട് തേടിയിട്ടുണ്ട്. വിദ്യാര്‍ത്ഥികള്‍ക്ക് പരാതി ഇല്ലെന്ന് പറഞ്ഞത്, അരിയാഹാരം കഴിക്കുന്ന ആര്‍ക്കും മനസ്സിലാകുമെന്നും മന്ത്രി.

‎🔹കുട്ടികളെ ശാസിച്ചതിൽ മറ്റൊരു വ്യാഖ്യാനം കൊണ്ടുവരാൻ പലരും ശ്രമിച്ചുവെന്ന് സിപിഎം നേതാവ് കെ.ടി. ജലീൽ. ആ കുട്ടികൾക്ക് പ്രശ്നം ഉണ്ടെങ്കിൽ ക്ഷമ ചോദിക്കാമെന്നും അദ്ദേഹം പറഞ്ഞു. റിപ്പോർട്ട് സമർപ്പിച്ച് അവർ കേസ് എടുക്കട്ടെയെന്നും ആ വീഡിയോ വന്നതിലും പ്രചരിച്ചതിലും കുട്ടികൾക്ക് പ്രശ്നം ഇല്ലെന്നും അദ്ദേഹം പറഞ്ഞു.

🔹കുട്ടികളുടെ പഠന നിലവാരം കുറഞ്ഞതിനും വിദ്യാഭ്യാസ തകര്‍ച്ചക്കും 10 വര്‍ഷം ഭരിച്ച ഇടതു സര്‍ക്കാരും മന്ത്രിയായിരുന്ന ജലീലും ഉത്തരവാദിയാണെന്നു വിദ്യാഭ്യാസ മന്ത്രി ഷംസുദ്ദീന്‍. നാട്ടുകാരുമായി ബന്ധപ്പെട്ട് പ്രശ്നം അന്വേഷിച്ചു. പരസ്യമായി കുട്ടികളോട് ഇങ്ങിനെ ചെയ്യാന്‍ പാടില്ലായിരുന്നു മന്ത്രി ഷംസുദീന്‍ പറഞ്ഞു.

🔹പ്രിയദർശിനി കാരണം സ്വകാര്യ ബസ് മേഖലക്ക് ഒരു മാസത്തിനിടെ 65 കോടി രൂപയുടെ വരുമാന നഷ്‌ടമുണ്ടായെന്ന് ഉടമകൾ. 500ലധികം ബസുകൾ ഓട്ടം നിർത്തിയെന്നും ഓടുന്നവയിൽ പകുതിയും മുഴുവൻ ട്രിപ്പും നടത്തുന്നില്ലെന്നും ഉടമകൾ അറിയിച്ചു. കഴിഞ്ഞ ദിവസം സ്വകാര്യ ബസ് മേഖലയിലെ പ്രശ്നങ്ങൾ സംബന്ധിച്ച് ഗതാഗത മന്ത്രി സി.പി. ജോൺ ബസ് ഉടമകളുമായി ചർച്ച നടത്തിയിരുന്നു.

🔹സ്വകാര്യ ബസുകളിലും സ്ത്രീകള്‍ക്ക് സൗജന്യ യാത്ര അനുവദിച്ച് ടിക്കറ്റിന്റെ പണം സര്‍ക്കാര്‍ നല്‍കണമെന്നു സ്വകാര്യ ബസുടമകളുടെ സംഘടനാ നേതാക്കള്‍. ഗതാഗത മന്ത്രി സി.പി. ജോണുമായി നടത്തിയ ചര്‍ച്ചയിലാണ് ഈ ആവശ്യം ഉന്നയിച്ചത്. ഡീസല്‍ സബ്സിഡി അനുവദിക്കുക, വിദ്യാര്‍ഥികളുടെ കണ്‍സെഷന്‍ നിരക്ക് വര്‍ധിപ്പിക്കുക തുടങ്ങിയ ആവശ്യങ്ങളും ഉന്നയിച്ചു. തീരുമാനമായില്ലെങ്കില്‍ സൂചനാ പണിമുടക്കു നടത്താനാണ് ഉടമകളുടെ തീരുമാനം.

🔹‎അഞ്ചരക്കണ്ടി ഡെന്റൽ കോളേജ് ഒന്നാം വർഷ ബി.ഡി.എസ് വിദ്യാർത്ഥിയായിരുന്ന നിതിൻ രാജിന്റെ ആത്മഹത്യയിൽ പ്രതി ചേർക്കപ്പെട്ട ഡോക്ടർ എം കെ റാം ആന്ധ്രാ പ്രദേശിൽ തന്നെയാണ് ഒളിവിൽ തുടരുന്നതെന്ന നിഗമനത്തിൽ പൊലീസ് അന്വേഷണ സംഘം. സുപ്രീം കോടതി മുൻ‌കൂർ ജാമ്യപേക്ഷ തള്ളിയതോടെ റാം കീഴടങ്ങിയേക്കുമെന്ന് സൂചന.

🔹സുഹൃത്തുക്കളുടെ നഗ്ന ദൃശ്യങ്ങള്‍ സമൂഹമാധ്യമത്തിലൂടെ പ്രചരിപ്പിച്ചെന്ന കേസില്‍, യൂട്യൂബര്‍ തൊപ്പി എന്ന നിഹാദിനെതിരെ ലുക്ക് ഔട്ട് സര്‍ക്കുലര്‍ ഇറക്കാന്‍ പൊലീസ്. വിദേശത്തേക്ക് കടക്കാന്‍ സാധ്യതയുള്ളതിനാലാണ് നീക്കം.

🔹വിയറ്റ്നാമില്‍ ബോട്ട് അപകടത്തില്‍ മരിച്ച മലയാളികളുടെ മൃതദേഹം ഇന്നു രാവിലെ 9ന് തിരുവനന്തപുരത്തെത്തിക്കും. രാവിലെ ആറരയ്ക്ക് മുംബൈയില്‍ നിന്നുളള എയര്‍ ഇന്ത്യ വിമാനത്തിലാണ് മൃതദേഹങ്ങള്‍ എത്തിക്കുക. കൊട്ടാരക്കര സ്വദേശികളായ എ.സി തോമസ്, ഭാര്യ ലൗനി എന്നിവരടക്കം 15 പേരാണ് വിയറ്റ്നാമില്‍ അപകടത്തില്‍ മരിച്ചത്.

🔹ദേശീയപാതയിലെ ആമ്പല്ലൂര്‍ അടിപ്പാതയുടെ പാര്‍ശ്വഭിത്തിയിലെ കോണ്‍ക്രീറ്റ് ബ്ലോക്കുകള്‍ ഇളകിയ നിലയില്‍. തൃശൂര്‍ ഭാഗത്തേക്കുള്ള പാതയില്‍ ആമ്പല്ലൂര്‍ ബസ് കാത്തിരിപ്പ് കേന്ദ്രത്തിന് മുന്‍പിലുള്ള പാര്‍ശ്വഭിത്തിയുടെ അടിഭാഗത്തുള്ള കോണ്‍ക്രീറ്റ് ബ്ലോക്കാണ് പുറത്തേക്ക് തള്ളിനില്‍ക്കുന്നത്. മഴ ശക്തമായതോടെ വെള്ളം ബ്ലോക്കുകള്‍ക്കുള്ളിലൂടെയാണ് ഒഴുകുന്നത്. പാലത്തില്‍ ഭാരമേറിയ വാഹനങ്ങള്‍ കടന്നുപോകുമ്പോള്‍ ഇളക്കമുള്ള അടിഭാഗം ഇടിയുമെന്ന ആശങ്കയിലാണ് നാട്ടുകാര്‍.

🔹താരസംഘടനയായ അമ്മയിലെ അഡ് ഹോക്ക് കമ്മറ്റിക്കെതിരായ ഹര്‍ജിയില്‍ അന്‍സിബയെ കക്ഷി ചേര്‍ക്കുന്നതിനെ ശ്വേത മേനോന്‍ എതിര്‍ത്തു. അഡ് ഹോക്ക് കമ്മറ്റിയുടെ പ്രവര്‍ത്തനം വിലക്കിയതിനെതിരെ രമേഷ് പിഷാരടിയും എതിര്‍പ്പ് അറിയിക്കും. ഈ മാസം 27ന് എറണാകുളം മുന്‍സിഫ് കോടതി വാദം കേള്‍ക്കും.

🔹കോണ്‍ഗ്രസ് വാഗ്ദാനം ചെയ്ത സീറ്റ് താന്‍ നിരസിച്ചെന്ന് മുന്‍ ഐഎഎസ് ഉദ്യോഗസ്ഥന്‍ ബിജു പ്രഭാകര്‍ വെളിപ്പെടുത്തി. കായംകുളത്ത് മത്സരിച്ചിരുന്നെങ്കില്‍ എക്സൈസ് മന്ത്രിയാകുമായിരുന്നുവന്നു പറഞ്ഞ അദ്ദേഹം, സംസ്ഥാനത്തെ മദ്യനയത്തെയും തെരുവ് നായ ശല്യത്തെയും രൂക്ഷമായി വിമര്‍ശിച്ചു.

🔹പത്തനംതിട്ട അടൂരില്‍ ഭര്‍തൃമതിയായ യുവതിയെ തൂങ്ങിമരിച്ച നിലയില്‍ കണ്ടെത്തി. വിവാഹിതയും ഒരു കുട്ടിയുടെ അമ്മയുമായ അടൂര്‍ കോട്ടമുകള്‍ ഷിനാസ് മന്‍സിലില്‍ ഷെഹന(31) നെയാണ് മരിച്ച നിലയില്‍ കണ്ടെത്തിയത്. സംഭവത്തില്‍ വീട്ടില്‍ ഉണ്ടായിരുന്ന സുഹൃത്തിനെ പൊലീസ് കസ്റ്റഡിയിലെടുത്തു.

🔹ഇന്ത്യന്‍ വംശജനായ നാസ ബഹിരാകാശ സഞ്ചാരി അനില്‍ മേനോന്‍ അന്താരാഷ്ട്ര ബഹിരാകാശ നിലയത്തിലേക്ക് ഇന്നു യാത്രതിരിക്കും. കസാക്കിസ്ഥാനിലെ റഷ്യന്‍ ബഹിരാകാശ ഏജന്‍സിയുടെ സോയുസ് എംഎസ് 29 പേടകത്തിലാണ് ഇന്നു രാത്രി 8.17 നു യാത്രതിരിക്കുക. ബുധനാഴ്ച പുലര്‍ച്ചെ ബഹിരാകാശ നിലയത്തിലെത്തും. എട്ടു മാസം അവിടെ തങ്ങും. അനില്‍മേനോന്റെ പിതാവ് ശങ്കരമേനോന്‍ പാലക്കാട് ഒറ്റപ്പാലം സ്വദേശിയാണ്.

🔹ബിഹാറില്‍ പൊലീസുകാരിയെ തട്ടിക്കൊണ്ടുപോയി പീഡിപ്പിച്ചെന്ന് പരാതി. പൊലീസിലെ വനിതാ ഹോംഗാര്‍ഡായ യുവതിയെയും സഹോദരിയെയും തട്ടിക്കൊണ്ടുപോയെന്നും ബന്ദിയാക്കിയശേഷം പൊലീസുകാരിയെ ലൈംഗികമായി ഉപദ്രവിച്ചെന്നുമാണ് ആരോപണം. അതേസമയം, തട്ടിക്കൊണ്ടുപോകല്‍ അല്ലെന്നാണ് പൊലീസിന്റെ വിശദീകരണം.

🔹നാഗാലാന്‍ഡിലുണ്ടായ സ്ഫോടനത്തില്‍ ഒരു സൈനികന് വീരമൃത്യു. സംഭവത്തില്‍ നാല് സൈനികര്‍ക്ക് പരിക്കേറ്റു. നാഗാലാന്‍ഡിലെ സുഖോവിക്ക് സമീപം ചുമൗക്കേദിമയിലാണ് സ്ഫോടനമുണ്ടായത്.

🔹പരീക്ഷാ ക്രമക്കേടുകള്‍ക്കെതിരെ സോനം വാങ്ചുക് നടത്തുന്ന നിരാഹാര സമരം 16-ാം ദിവസത്തിലേക്ക് കടന്നതോടെ അദ്ദേഹത്തിന്റെ ആരോഗ്യനില വഷളായി. വിദ്യാഭ്യാസ മന്ത്രി ധര്‍മേന്ദ്ര പ്രധാന്റെ രാജി ആവശ്യപ്പെട്ട് സിജെപി നടത്തുന്ന സമരത്തിന് രാഷ്ട്രീയ പിന്തുണയേറുകയാണ്. വരും ദിവസങ്ങളില്‍ പാര്‍ലമെന്റിലേക്ക് മാര്‍ച്ച് നടത്താനും പ്രതിഷേധക്കാര്‍ തീരുമാനിച്ചിട്ടുണ്ട്.

🔹നേപ്പാളില്‍ വീണ്ടും ജെന്‍സീ പ്രക്ഷോഭം. പൊലീസ് നടപടിയില്‍ ബൈക്ക് ടാക്സി ഡ്രൈവറായ 25-കാരന്‍ ആത്മഹത്യചെയ്തതും സര്‍ക്കാരിന്റെ ചേരി ഒഴിപ്പിക്കലുമാണ് പുതിയ പ്രതിഷേധത്തിന് തിരികൊളുത്തിയിരിക്കുന്നത്. ഇതോടെ നേപ്പാളില്‍ വീണ്ടും യുവാക്കള്‍ തെരുവിലിറങ്ങി.

🔹ഹോര്‍മുസ് കടലിടുക്കിന്റെ പൂര്‍ണ്ണ നിയന്ത്രണം അമേരിക്ക ഏറ്റെടുക്കണമെന്ന ആഹ്വാനവുമായി പ്രസിഡന്റ് ഡോണള്‍ഡ് ട്രംപ്. ആഗോളതലത്തിലുള്ള എണ്ണ-വാതക വിതരണത്തിന്റെ അഞ്ചിലൊന്നും കടന്നുപോകുന്ന ജലപാതയാണിത്.

🔹അമേരിക്ക വെടിനിര്‍ത്തല്‍ കരാര്‍ പരസ്യമായി ലംഘിച്ചെന്നും ഇതോടെ നേരത്തെ ഒപ്പുവെച്ച ധാരണാപത്രം നടപ്പാക്കില്ലെന്നും ഇറാന്‍. അമേരിക്കന്‍ താവളങ്ങള്‍ക്കുനേരെയുണ്ടായ നടപടികള്‍ സ്വയം പ്രതിരോധത്തിന്റെ ഭാഗമാണെന്നും ഇറാന്‍ വ്യക്തമാക്കി. ഇതോടെ ഇരുരാജ്യങ്ങളും തമ്മിലുള്ള ബന്ധം കൂടുതല്‍ വഷളായിരിക്കുകയാണ്.

🔹അമേരിക്കന്‍ പ്രസിഡന്റ് ഡോണള്‍ഡ് ട്രംപ്, ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു എന്നിവര്‍ അപ്രതീക്ഷിത മരണം നേരിടേണ്ടി വരുമെന്ന ഭീഷണിയുമായി ഇറാന്‍ മാധ്യമം. ‘ഹംഷഹ്രി’ പ്രസിദ്ധീകരിച്ച റിപ്പോര്‍ട്ട് ആഗോള തലത്തില്‍ വന്‍ വിവാദമായി. ‘ഗെറ്റ് റെഡി ഫോര്‍ സഡന്‍ ഡെത്ത്’ എന്ന തലക്കെട്ടോടെയാണ് ഈ മാധ്യമം വാര്‍ത്തയും ചിത്രവും പുറത്തുവിട്ടത്.

🔹യുഎസ് – ഇസ്രയേൽ ആക്രമണത്തിൽ ഇറാന്‍റെ സൈനിക ശേഷി തകരുകയും പ്രമുഖ കമാൻഡർമാർ ഇല്ലാതാവുകയും ചെയ്തെന്ന അവകാശവാദവുമായി യുഎസ് പ്രസിഡന്‍റ് ഡോണൾഡ് ട്രംപ്. ഇറാന്റെ പരമോന്നത നേതാവായിരുന്ന ആയത്തുള്ള അലി ഖമനേയിയുടെ മകൻ മുജ്തബ ഖമേനി ’90 ശതമാനവും ഇല്ലാതായി’ കഴിഞ്ഞുവെന്ന് ട്രംപ് വെളിപ്പെടുത്തി.

‎‎🔹ഇറാനും അമേരിക്കയും തമ്മിലെ ഏറ്റുമുട്ടൽ വർധിച്ചതോടെ പശ്ചിമേഷ്യയിൽ വീണ്ടും യുദ്ധസമാന സാഹചര്യം. ഹോർമുസ് കടലിടുക്കിൽ രണ്ട് യുഎഇ ടാങ്കറുകൾക്ക് നേരെ ഇറാൻ മിസൈൽ ആക്രമണം നടത്തി. തൊട്ടുപിന്നാലെ, ഒമാൻ തീരത്ത് ടാങ്കർ ആക്രമിക്കപ്പെട്ടതായി യുകെ മാരിടൈം ഏജൻസി റിപ്പോർട്ട് ചെയ്തു.

🔹ലോര്‍ഡ്സ് ക്രിക്കറ്റ് മൈതാനിയില്‍ ഐതിഹാസിക വിജയവുമായി ഇന്ത്യയുടെ ഹര്‍മന്‍പ്രീത് കൗറും സംഘവും. ഏക വനിതാ ടെസ്റ്റില്‍ ആതിഥേയരായ ഇംഗ്ലണ്ടിനെ 270 റണ്‍സിന് തകര്‍ത്ത് ഇന്ത്യന്‍ വനിതാ ടീം ചരിത്രവിജയം സ്വന്തമാക്കി. അവസാന ദിവസം എല്ലാ വിക്കറ്റുകളും വീഴ്ത്തിയാണ് ഇന്ത്യ ലോര്‍ഡ്സില്‍ ടെസ്റ്റ് വിജയിക്കുന്ന ആദ്യ വനിതാ ടീമെന്ന നേട്ടം സ്വന്തമാക്കിയത്.

🔹ഇന്ത്യന്‍ സിനിമയിലെ ഏറ്റവും വൈവിധ്യമാര്‍ന്ന അഭിനേതാക്കളില്‍ ഒരാളായ ഫഹദ് ഫാസിലും, ബാഹുബലി പോലൊരു ഇതിഹാസ ചിത്രം സമ്മാനിച്ച ആര്‍ക്കാ മീഡിയ വര്‍ക്ക്സും, ബ്രഹ്‌മാണ്ഡ ബ്ലോക്ക്ബസ്റ്റര്‍ ചിത്രങ്ങള്‍ ഒരുക്കിയ സംവിധായകന്‍ എസ്. എസ്. രാജമൗലിയും ഒന്നിക്കുന്ന ബിഗ് ബജറ്റ് ഫാന്റസി എന്റര്‍ടെയിനര്‍ ‘ഡോണ്‍ട്ട് ട്രബിള്‍ ദ ട്രബിള്‍’ എന്ന ചിത്രത്തിന്റെ ടീസര്‍ പുറത്തിറങ്ങി. നവാഗതനായ ശശാങ്ക് യെലേട്ടി സംവിധാനം ചെയ്യുന്ന ചിത്രത്തില്‍ ഫഹദ് ഫാസിലാണ് നായകന്‍. ഫാന്റസിയും ഹ്യൂമറും ഹൃദയസ്പര്‍ശിയായ മുഹൂര്‍ത്തങ്ങളും ഒത്തുചേരുന്ന വ്യത്യസ്തമായ ഒരു സിനിമാനുഭവമാണ് ചിത്രം പ്രേക്ഷകര്‍ക്ക് വാഗ്ദാനം ചെയ്യുന്നത്. ഒരു കൊച്ചു പെണ്‍കുട്ടിക്കായി മാജിക് അവതരിപ്പിക്കുന്ന ഫഹദ് ഫാസിലിലൂടെയാണ് ടീസര്‍ ആരംഭിക്കുന്നത്. ഇരുവരുടെയും രസകരവും ഹൃദയസ്പര്‍ശിയുമായ നിമിഷങ്ങള്‍ ടീസറിന്റെ പ്രധാന ആകര്‍ഷണമാണ്. സെപ്റ്റംബര്‍ 11-ന് ലോകമെമ്പാടുമുള്ള തിയേറ്ററുകളില്‍ റിലീസ് ചെയ്യും.

🔹ജോജു ജോര്‍ജിനെ നായകനാക്കി ഷാജി കൈലാസ് ആദ്യമായി സംവിധാനം ചെയ്യുന്ന ‘വരവ്’ എന്ന ചിത്രത്തിന്റെ അഡ്വാന്‍സ് ടിക്കറ്റ് ബുക്കിംഗ് ആരംഭിച്ചു. 16 നാണ് ചിത്രത്തിന്റെ റിലീസ്. കിടിലന്‍ ഡയലോഗുകളും മാസ് ആക്ഷന്‍ രംഗങ്ങളും കൊണ്ട് പ്രേക്ഷകരെ വിസ്മയിപ്പിക്കുന്ന ചിത്രമായിരിക്കും ‘വരവ്’. കുടുംബ ബന്ധത്തിന്റെ ശക്തമായ ഒരു പ്രമേയവും ചിത്രത്തിനുണ്ട്. ബിഗ് ബജറ്റില്‍ 98 ദിവസങ്ങള്‍ എടുത്ത് ചിത്രീകരണം പൂര്‍ത്തിയാക്കിയ ‘വരവ് ‘ ഹൈറേഞ്ച് പശ്ചാത്തലത്തില്‍ പ്ലാന്റര്‍മാര്‍ക്കിടയിലെ കുടിപ്പകയും അതിജീവനവുമാണ് പ്രമേയമാക്കുന്നത്. എ.കെ. സാജന്‍ തന്നെയാണ് ഈ ചിത്രത്തിനും തിരക്കഥയൊരുക്കുന്നത്. വാണി വിശ്വനാഥ്, സുകന്യ, മുരളി ഗോപി, അര്‍ജുന്‍ അശോകന്‍, ദീപക് പറമ്പോല്‍, ബാബുരാജ്, അസീസ് നെടുമങ്ങാട്, ബൈജു സന്തോഷ്, അഭിമന്യു തിലകന്‍, ബോബി കുര്യന്‍, അശ്വിന്‍ കുമാര്‍, ശ്രീജിത്ത് രവി, സാനിയ ഇയ്യപ്പന്‍, വിന്‍സി അലോഷ്യസ്, വീണ നായര്‍, മെറ്റില്‍ഡ പെട്രോവിക് എന്നിങ്ങനെ വലിയൊരു താരനിര തന്നെ ചിത്രത്തില്‍ അണിനിരക്കുന്നു.

💦 ഗുരുജിയുടെ വാക്കുകൾ
*****************************

മനുഷ്യൻ അവരുടെ ചുറ്റുപാടുമുള്ള സഹജീവികളുടെ ജീവിതത്തിൽ അരോചകത്വം ഉണ്ടാക്കാത്ത രീതിയിൽ അവരുടേതായ സ്വതന്ത്രത്തെ ഉപയോഗപ്രദം ആയ രീതിയിൽ ഉപയോഗപ്പെടുത്തി സ്വന്തം ആഗ്രഹങ്ങൾ നിറവേറ്റിയാൽ സ്വാതന്ത്ര്യം എല്ലാവരുടെയും ജീവിതത്തിൽ സുവർണ ലിപികളിൽ തിളങ്ങി നിൽക്കും. എന്നാൽ ഉദിച്ചുയരുന്ന സൂര്യകിരണങ്ങൾ മറക്കാനായി ആകാശത്ത് കുമിഞ്ഞു കൂടുന്ന കാർമേഘങ്ങൾ പോലെ സ്വർഥതയുടെയും, അസൂയയുടെയും, പിടിച്ചെടുക്കലിന്റെയും, വെട്ടിപിടുത്തതിന്റെയും, പരസ്പര ബഹുമാനം ഇല്ലാഴികയുടെയും നാൾ വഴികളിലൂടെ മനുഷ്യന്റെ ചെയ്തികൾ നീങ്ങുമ്പോൾ നിസ്സഹായരായ സാധാരണ ജനത പാരതന്ത്രത്തിന്റെ കൂരിരുട്ടിൽ ഉഴലും. സ്വാർത്ഥയുടെ മൂർദ്ധന്യാവസ്ഥ പല കുടുംബങ്ങളിലും നിറഞ്ഞു മനുഷ്യ ജന്മങ്ങളെ ശ്വാസം മുട്ടിക്കാറുണ്ട്. പലപ്പോഴും സ്ത്രീ ജന്മങ്ങളെ.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂലൈ 14

•ബാസ്റ്റിൽ ദിനം (ഫ്രഞ്ച് ദേശീയ ദിനം): 1789 ജൂലൈ 14-നാണ് ഫ്രഞ്ച് വിപ്ലവത്തിന്റെ തുടക്കം കുറിച്ചുകൊണ്ട് പ്രശസ്തമായ ബാസ്റ്റിൽ ജയിൽ വിപ്ലവകാരികൾ തകർത്തത്. രാജഭരണത്തിന്റെ അടിച്ചമർത്തലുകൾക്കെതിരെയുള്ള ജനങ്ങളുടെ പോരാട്ടത്തിന്റെ പ്രതീകമായി ഈ ദിവസം ഫ്രാൻസ് തങ്ങളുടെ ദേശീയ ദിനമായി ആഘോഷിക്കുന്നു

•അന്താരാഷ്ട്ര സ്രാവ് അവബോധ ദിനം (Shark Awareness Day): സ്രാവുകളുടെ സംരക്ഷണത്തെക്കുറിച്ചും സമുദ്ര ആവാസവ്യവസ്ഥയിൽ അവയുടെ പ്രാധാന്യത്തെക്കുറിച്ചും ജനങ്ങളിൽ അവബോധം വളർത്താൻ ഈ ദിവസം നീക്കിവച്ചിരിക്കുന്നു.

•അന്താരാഷ്ട്ര നോൺ-ബൈനറി ജനങ്ങളുടെ ദിനം (International Non-Binary People’s Day): സ്ത്രീ, പുരുഷൻ എന്നീ രണ്ട് പരമ്പരാഗത ലിംഗവിഭാഗങ്ങളിൽ പെടാത്ത (നോൺ-ബൈനറി) വ്യക്തികളുടെ അവകാശങ്ങളെയും അവരുടെ സാന്നിധ്യത്തെയും ആദരിക്കുന്നതിനുള്ള ദിനമാണിത്.

•ടെലിഗ്രാം സേവനം അവസാനിച്ചു (ഇന്ത്യ): 2013 ജൂലൈ 14-നാണ് ഇന്ത്യയിലെ 163 വർഷം പഴക്കമുള്ള ബി.എസ്.എൻ.എൽ ടെലിഗ്രാം സേവനം ഔദ്യോഗികമായി നിർത്തലാക്കിയത്.

•ആദ്യത്തെ വനിതാ പാർലമെന്റേറിയൻ: 1957 ജൂലൈ 14-ന് ഈജിപ്തിലെ റാവ്യ അതീയ ഈജിപ്ഷ്യൻ പാർലമെന്റിൽ അംഗമായി സത്യപ്രതിജ്ഞ ചെയ്ത് അധികാരമേറ്റു. അറബ് ലോകത്തെ ആദ്യത്തെ വനിതാ പാർലമെന്റേറിയൻ ആയിരുന്നു അവർ.

തയ്യാറാക്കിയത്: കപിൽ ശങ്കർ

3 Likes

📱വാർത്തകൾ ഒറ്റനോട്ടത്തിൽ📱 – 2026 | ജൂലൈ 14 | ചൊവ്വ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂലൈ 14

തയ്യാറാക്കിയത്: കപിൽ ശങ്കർ

ഹോർമുസ് കടലിടുക്കിന്റെ നിയന്ത്രണം യുഎസ് ഏറ്റെടുക്കും; കപ്പലുകൾക്ക് 20% ഫീസ് ഏർപ്പെടുത്തുമെന്ന് ട്രംപ്

ചൈനീസ് മൃഗശാലയിൽ കടുവയുടെ ആക്രമണം: മകളെ രക്ഷിക്കാൻ ശ്രമിച്ച അമ്മയ്ക്ക് ദാരുണാന്ത്യം

യു.എസ്. ഫെഡറൽ റിസർവ് ടാസ്‌ക് ഫോഴ്‌സുകളിൽ രഘുറാം രാജനും രാജ് ചെട്ടിക്കും ആശാ ശർമ്മയ്ക്കും നിയമനം

LEAVE A REPLY Cancel reply

Most Popular

മഴ ലഭിച്ചില്ലെങ്കിൽ വൈദ്യുതി നിയന്ത്രണം തുടരേണ്ടി വരുമെന്ന് കെഎസ്ഇബി.

ഹോർമുസ് കടലിടുക്കിന്റെ നിയന്ത്രണം യുഎസ് ഏറ്റെടുക്കും; കപ്പലുകൾക്ക് 20% ഫീസ് ഏർപ്പെടുത്തുമെന്ന് ട്രംപ്

ചൈനീസ് മൃഗശാലയിൽ കടുവയുടെ ആക്രമണം: മകളെ രക്ഷിക്കാൻ ശ്രമിച്ച അമ്മയ്ക്ക് ദാരുണാന്ത്യം

Recent Comments

EDITOR PICKS

മഴ ലഭിച്ചില്ലെങ്കിൽ വൈദ്യുതി നിയന്ത്രണം തുടരേണ്ടി വരുമെന്ന് കെഎസ്ഇബി.

ഹോർമുസ് കടലിടുക്കിന്റെ നിയന്ത്രണം യുഎസ് ഏറ്റെടുക്കും; കപ്പലുകൾക്ക് 20% ഫീസ് ഏർപ്പെടുത്തുമെന്ന് ട്രംപ്

POPULAR POSTS

ഹോർമുസിൽ ആക്രമണം: ഇന്ത്യൻ പൗരൻ കൊല്ലപ്പെട്ടു; ആറു ഇന്ത്യക്കാർക്ക് പരിക്ക്, നാലുപേരുടെ നില ഗുരുതരം.

രാജ്യാന്തര ബഹിരാകാശ നിലയത്തിലെത്തുന്ന ആദ്യ മലയാളിയാകാനൊരുങ്ങി യുഎസ് സ്പേസ് ഫോഴ്സ് കേണല്‍ ഡോ. അനില്‍ മേനോൻ.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ജൂലൈ 14 | ചൊവ്വ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ജൂലൈ 14

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************