📱വാർത്തകൾ ഒറ്റനോട്ടത്തിൽ📱 – 2026 | ജൂൺ 28 | ഞായർ ✍️ കപിൽ ശങ്കർ

🔹സംസ്ഥാനത്ത് ഇന്നു പള്‍സ് പോളിയോ ഇമ്മ്യൂണൈസേഷന്‍. അഞ്ചു വയസിനു താഴെയുളള എല്ലാ കുട്ടികള്‍ക്കും തുള്ളിമരുന്ന് നല്‍കും. ഇതിനായി വിപുലമായ ക്രമീകരണങ്ങള്‍ പൂര്‍ത്തിയായതായി ആരോഗ്യമന്ത്രി കെ. മുരളീധരന്‍ അറിയിച്ചു. ബൂത്തുകളിലെത്താത്ത കുട്ടികള്‍ക്ക് അടുത്ത ദിവസങ്ങളില്‍ വീടുകളിലെത്തി വാക്സിന്‍ നല്‍കും.

🔹മെട്രോ സ്റ്റേഷനുകളിലെ മില്‍മ ഓട്ടോമാറ്റിക് വെന്‍ഡിംഗ് മെഷീനുകളുടെ ഉദ്ഘാടനം ക്ഷീരവികസന- മൃഗസംരക്ഷണ വകുപ്പ് മന്ത്രി ബിന്ദുകൃഷ്ണ നിര്‍വ്വഹിച്ചു. എറണാകുളം മേഖല സഹകരണ ക്ഷീരോത്പാദക യൂണിയനാണ് പദ്ധതി നടപ്പാക്കുന്നത്.

🔹പിണറായി വിജയനെ വിമാനത്താവളത്തില്‍ സ്വീകരിച്ച് വിമാനത്തിലെത്തിക്കാന്‍ വിമാനക്കമ്പനി ഉദ്യോഗസ്ഥര്‍ എത്താതിരുന്നതിനാല്‍ അദ്ദേഹം അഞ്ചു മണിക്കൂര്‍ വിമാനത്താവളത്തില്‍ കുടുങ്ങി. പൊളിറ്റ് ബ്യൂറോ യോഗത്തിനുശേഷം ഉച്ചയ്ക്ക് 2.50 നുള്ള വിമാനത്തില്‍ കോഴിക്കോട്ടേക്കാണ് പോകേണ്ടിയിരുന്നത്. രാത്രി ഏഴരയ്ക്കുള്ള വിമാനത്തിലാണ് അദ്ദേഹം മടങ്ങിയത്. വിഐപി ലോഞ്ചില്‍ ഇരുന്ന പിണറായിയെ സ്വീകരിക്കാന്‍ വിമാനക്കമ്പനി അധികൃതര്‍ എത്താത്തതായിരുന്നു ആശയക്കുഴപ്പത്തിനു കാരണം.

🔹സംസ്ഥാനത്ത് 10 പേര്‍ക്കു ഷിഗെല്ല രോഗബാധ സ്ഥിരീകരിച്ചു. മലപ്പുറം 5, കോഴിക്കോട് 4, വയനാട് 1 എന്നിങ്ങനെയാണ് പുതിയ കേസുകള്‍ സ്ഥിരീകരിച്ചത്.

🔹വീര്യം കുറഞ്ഞ മദ്യത്തിന്റെ നികുതിയിളവു നിര്‍ദേശം ഉള്‍പ്പെടുത്തി ധനബില്ലിന്റെ കരട് പ്രസിദ്ധീകരിച്ചു. ജൂലൈ ഒന്നിന് ബില്ല് നിയമസഭയില്‍ അവതരിപ്പിക്കും. ബില്‍ പാസായാലും വില്‍പനക്ക് അനുമതിയാകില്ല. യുഡിഎഫ് തീരുമാനിച്ചാലേ വീര്യം കുറഞ്ഞ മദ്യം കുറഞ്ഞ നികുതി നിരക്കില്‍ വില്‍ക്കൂവെന്നു മുഖ്യമന്ത്രി വി.ഡി. സതീശന്‍ പ്രഖ്യാപിച്ചിരുന്നു.

🔹വീര്യം കുറഞ്ഞ മദ്യം കുറഞ്ഞ നികുതിയോടെ പുറത്തിറക്കാന്‍ എല്‍ഡിഎഫ് സര്‍ക്കാര്‍ ഒരു നടപടിയുമെടുത്തില്ലെന്ന് സി പി എം സംസ്ഥാന സെക്രട്ടേറിയറ്റ്. ഉദയഭാനു കമ്മീഷന്‍ റിപ്പോര്‍ട്ടിലെ നിര്‍ദ്ദേശം കണക്കിലെടുത്താണ് വീര്യം കുറഞ്ഞ മദ്യത്തിന് അനുമതി നല്‍കിയത്. നിയമസഭ സബജക്ട് കമ്മിറ്റി ചര്‍ച്ച ചെയ്താണ് ചട്ടം ഭേദഗതി ചെയ്തതെന്നും സെക്രട്ടേറിയറ്റ് ചൂണ്ടിക്കാട്ടി. വീര്യം കുറഞ്ഞ മദ്യം കുറഞ്ഞ നികുതി നിരക്കില്‍ വില്‍ക്കാനുള്ള ബജറ്റ് നിര്‍ദേശം നടപ്പാക്കിയാല്‍ ഖജനാവില്‍ 600 കോടി രൂപയുടെ നഷ്ടമുണ്ടാകുമെന്നും സെക്രട്ടേറിയറ്റ് പറയുന്നു.

🔹എറണാകുളം കുറുപ്പുംപടി സര്‍ക്കിള്‍ ഇന്‍സ്പെക്ടര്‍ രാജേഷ് കുമാറിന്റെ ക്വാര്‍ട്ടേഴ്‌സില്‍നിന്ന് ഒരു കേസിലെ പ്രതിയേയും കണക്കില്‍പ്പെടാത്ത 40,000 രൂപയും വിജിലന്‍സ് സംഘം പിടികൂടി. പ്രതി എന്തിനു വീട്ടില്‍ എത്തിയെന്നു വ്യക്തതയില്ല.

🔹വ്യാജ ചികിത്സയും ആഭിചാരക്രിയയും നടത്തുന്നുവെന്ന പരാതിയില്‍ കാസര്‍കോട് ചെര്‍ക്കള സ്വദേശി ശിഹാബുദ്ധീന്‍ ഫൈസിയുടെ വീട്ടില്‍ റെയ്ഡ്. ആരോഗ്യ വകുപ്പും പൊലീസും സംയുക്തമായി നടത്തിയ റെയ്ഡില്‍ ഇയാള്‍ ചികിത്സ നടത്തുന്നതായി കണ്ടെത്തി. തേന്‍, വെളളം, വിവിധ കുപ്പികള്‍ തുടങ്ങിയവ പിടിച്ചെടുത്തിട്ടുണ്ട്.

🔹ചമ്പക്കുളം മൂലം വള്ളംകളിക്ക് ‘ഒരു കാരണവശാലും അവധി കൊടുക്കില്ലെന്നു’ മുഖ്യമന്ത്രി വി ഡി സതീശന്‍ പറഞ്ഞെന്ന് ആരോപിച്ച് ഡി വൈ എഫ് ഐ ചമ്പക്കുളത്ത് മുഖ്യമന്ത്രിയുടെ കോലവും വഹിച്ച് വള്ളം തുഴഞ്ഞ് പ്രതിഷേധം സംഘടിപ്പിച്ചു. ചമ്പക്കുളം കവലയിലും ഡി വൈ എഫ് ഐ പ്രതിഷേധ പ്രകടനം നടത്തി.

🔹കെഎസ്ആര്‍ടിസി ബസുകളിലെ സ്ത്രീകളുടെ സൗജന്യ യാത്ര ഡിവൈഎഫ്‌ഐ തടയുമെന്ന് എ എ റഹീം എംപിക്കെതിരെ ഫേസ്ബുക്കില്‍ വ്യാജ പ്രചരണം നടത്തിയെന്ന പരാതിയില്‍ കോഴിക്കോട് പേരാമ്പ്രയില്‍ കോണ്‍ഗ്രസ് പ്രവര്‍ത്തകന്‍ ആദംകുട്ടിക്കെതിരേ പൊലീസ് കേസെടുത്തു.

🔹കൊഴിഞ്ഞാമ്പാറയില്‍ പണം വച്ച് കോഴിപ്പോര് നടത്തുന്ന അഞ്ചു പേരെ പത്തു പോരുകോഴികളുമായി പൊലീസ് പിടികൂടി. കൗസപ്പാറ സ്വദേശി രാജന്‍ (37), കോയമ്പത്തൂര്‍ സ്വദേശി വിഘ്നേഷ് (31), പൊള്ളാച്ചി സ്വദേശി സതീഷ് കുമാര്‍ (33) തുടങ്ങിയവരാണു പിടിയിലായത്.

🔹തിരുവനന്തപുരം ആറ്റുകാലില്‍ 27 കാരി ആരതി ആത്മഹത്യ ചെയ്ത സംഭവത്തില്‍ ഭര്‍ത്താവ് അതുലിനെ പൊലീസ് കസ്റ്റഡിയിലെടുത്തു. അതുലിനെതിരെ ആത്മഹത്യാപ്രേരണ, ഗാര്‍ഹിക പീഡന നിരോധന നിയമം എന്നീ വകുപ്പുകള്‍ പ്രകാരം കേസെടുത്തു.

🔹പാലക്കാട് ആര്യമ്പാവില്‍ വീട്ടമ്മയെ വെട്ടിക്കൊന്ന് ഭര്‍ത്താവ് ജീവനൊടുക്കി. ആര്യമ്പാവ് കുണ്ടൂര്‍ക്കുന്ന് റോഡില്‍ കൊമ്പത്ത് പള്ളത്ത് കോളനിയില്‍ ദീപ (42) യും സുകുമാരനും (50) ആണ് മരിച്ചത്.

🔹അയോധ്യയിലെ ശ്രീരാമക്ഷേത്രത്തിലെ കൊള്ളയ്ക്കെതിരേ സുപ്രീം കോടതിയുടെ മേല്‍നോട്ടത്തില്‍ അന്വേഷണം വേണമെന്ന് എഐസിസി ജനറല്‍ സെക്രട്ടറി പ്രിയങ്ക ഗാന്ധി എംപി. ക്ഷേത്രത്തിലെ ജീവനക്കാര്‍ സിസിടിവി ഓഫാക്കി ഇത്രയും ഭീമമായ തുക കൊള്ളയടിക്കാന്‍ ധൈര്യപ്പെടില്ല. പിറകില്‍ വമ്പന്‍ സ്രാവുകളുണ്ടെന്നും പ്രിയങ്ക.

🔹മഹാരാഷ്ട്രയില്‍ അധ്യാപക നിയമനത്തിനുള്ള യോഗ്യതാ പരീക്ഷ ചോദ്യപ്പേപ്പര്‍ ചോര്‍ന്നു. ഇന്ന് സംസ്ഥാനത്തെ 1,028 കേന്ദ്രങ്ങളിലായി നടത്താനിരുന്ന പരീക്ഷ മാറ്റിവച്ചു. പരീക്ഷയ്ക്ക് ഏതാണ്ട് 24 മണിക്കൂര്‍ മുന്‍പാണ് ചോദ്യപേപ്പര്‍ ചോര്‍ന്നതായി ഭീവണ്ടി പൊലീസ് കണ്ടെത്തിയത്.

🔹ദക്ഷിണ റെയില്‍വേയുടെ സ്പെഷ്യല്‍ ട്രെയിനുകള്‍ ഹിറ്റ്. കഴിഞ്ഞ വര്‍ഷം സ്പെഷ്യല്‍ ട്രെയിനുകളിലെ യാത്രക്കാരുടെ എണ്ണത്തില്‍ ദക്ഷിണ റെയില്‍വേയ്ക്ക് നേട്ടം. 2025-26 സാമ്പത്തിക വര്‍ഷം 32.98 ലക്ഷം യാത്രക്കാര്‍ യാത്ര ചെയ്തതായി ദക്ഷിണ റെയില്‍വേ അറിയിച്ചു.

🔹ഉത്തര്‍പ്രദേശിലെ കൗശാമ്പിയില്‍ ബീഫ് പാകം ചെയ്തതിന് മൂന്ന് സ്ത്രീകളെ അറസ്റ്റ് ചെയ്തു. ഓടി രക്ഷപെട്ട നാല് പുരുഷന്മാര്‍ക്കായി തിരച്ചില്‍ തുടരുന്നു. ഗോവധ നിരോധന നിയമപ്രകാരമാണ് കേസ്.

🔹വെനസ്വേലയിലെ ഇരട്ട ഭൂചലനത്തില്‍ മരിച്ചവരുടെ എണ്ണം 1,430 ആയി. 3,200-ലധികം ആളുകള്‍ക്ക് പരിക്കേറ്റി. 3,100 ലധികം വീടുകള്‍ തകര്‍ന്നു. വെനിസ്വേലന്‍ നാഷണല്‍ അസംബ്ലി പ്രസിഡന്റ് ജോര്‍ജ് റോഡ്രിഗസ് അറിയിച്ചതാണിക്കാര്യം. അമ്പതിനായിരത്തിലധികം ആളുകളെ കാണാനില്ലെന്ന് ഐക്യരാഷ്ട്ര സംഘടന വ്യക്തമാക്കി.

🔹പാക്കിസ്ഥാനിലെ കറാച്ചിയില്‍ പാരാമിലിട്ടറി സേനയായ ‘റേഞ്ചേഴ്സിന്റെ’ പ്രാദേശിക ആസ്ഥാനത്തിന് നേരെയുണ്ടായ ഭീകരാക്രമണത്തില്‍ മൂന്ന് സൈനികരും മൂന്ന് അക്രമികളും കൊല്ലപ്പെട്ടു. ശക്തമായ സ്ഫോടനത്തിനു പിറകേ, വെടിവയ്പോടെയാണ് ആക്രമണം നടത്തിയത്.

🔹ഇറ്റലിയില്‍ പോലീസ് കസ്റ്റഡിയിലായിരുന്ന 23 വയസുകാരനായ പഞ്ചാബി യുവാവ് മരിച്ചു. പഞ്ചാബിലെ ഹോഷിയാര്‍പൂര്‍ മിയാനി ഗ്രാമ സ്വദേശിയായ സുഖ്വിന്ദര്‍ സിംഗ് എന്ന സോനുവാണ് മരിച്ചത്. മൂന്ന് പ്രായപൂര്‍ത്തിയാകാത്ത പെണ്‍കുട്ടികളുടെ പരാതിയെ തുടര്‍ന്നാണ് ഇറ്റാലിയന്‍ പോലീസ് സുഖ്വിന്ദറിനെ അറസ്റ്റ് ചെയ്തത്.

🔹മൂന്ന് ദിവസത്തെ സന്ദര്‍ശനത്തിനായി പ്രധാനമന്ത്രി നരേന്ദ്ര മോദി കിഴക്കന്‍ ആഫ്രിക്കന്‍ ദ്വീപസമൂഹമായ സെയ്ഷെല്‍സിലെത്തി. സെയ്ഷെല്‍സ് ദേശീയ ദിനത്തിന്റെ സുവര്‍ണ്ണ ജൂബിലി ആഘോഷങ്ങളില്‍ മുഖ്യാതിഥിയായി നരേന്ദ്ര മോദി പങ്കെടുക്കും. സെയ്ഷെല്‍സ് പ്രസിഡന്റ് പാട്രിക് ഹെര്‍മെയിനൊപ്പം മോദി ദേശീയ ബൊട്ടാണിക്കല്‍ ഗാര്‍ഡന്‍ സന്ദര്‍ശിച്ചു.

🔹മലയാളി ലോംഗ് ജംപ് താരം ആന്‍സി സോജന്‍ 22 വര്‍ഷം പഴക്കമുള്ള അഞ്ജു ബോബി ജോര്‍ജിന്റെ ദേശീയ റിക്കാര്‍ഡ് തകര്‍ത്തു. ഭുവനേശ്വറില്‍ അന്തര്‍ സംസ്ഥാന ദേശീയ അത്‌ലറ്റിക്സ് ചാമ്പ്യന്‍ഷിപ്പില്‍ 6.88 മീറ്റര്‍ ദൂരം ചാടിയാണ് ഏഷ്യന്‍ ഗെയിംസ് വെള്ളി മെഡല്‍ ജേതാവ് കൂടിയായ ആന്‍സി സോജന്‍ ഈ നേട്ടം കൈവരിച്ചത്. ഇതോടെ ഈ ഇനത്തിലെ ദേശീയ കിരീടവും തൃശൂര്‍ ജില്ലക്കാരിയായ താരം സ്വന്തമാക്കി. 2004 ഓഗസ്റ്റ് 27-ന് ഏഥന്‍സ് ഒളിമ്പിക്സിന്റെ ഫൈനലിലായിരുന്നു അഞ്ജു ദേശീയ റിക്കാര്‍ഡിട്ടത്.

🔹ക്രിക്കറ്റ് പരിശീലനത്തിന് എത്തിയ വിദ്യാര്‍ത്ഥിനികളെ പീഡിപ്പിച്ച സംഭവത്തില്‍ ക്രിക്കറ്റ് കോച്ച് ആയ പ്രതി വള്ളക്കടവ് ശ്രീവരാഹം സ്വദേശി മനു എം (40) നെ മൂന്നാമത്തെ കേസിലും ശിക്ഷിച്ചു. ഇതോടെ ഇയാള്‍ 47 വര്‍ഷം ജയിലില്‍ കഴിയേണ്ടിവരും. തിരുവനന്തപുരം അതിവേഗ പ്രത്യേക കോടതി 79,000 രൂപ പിഴയും ചുമത്തി.

🔹കെസിഎല്‍ മൂന്നാം സീസണിന് മുന്നോടിയായി ക്രിക്കറ്റ് പ്രേമികള്‍ക്കായി കേരള ക്രിക്കറ്റ് അസോസിയേഷന്‍ കെസിഎല്‍ ഫാന്‍ ലീഗ് സംഘടിപ്പിക്കുന്നു. ഇതാദ്യമായാണ് കാണികള്‍ക്കായി ടര്‍ഫ് ക്രിക്കറ്റ് ടൂര്‍ണമെന്റ് ഒരുങ്ങുന്നത്.

🔹ലോകകപ്പിലെ ഗ്രൂപ്പ് എല്ലില്‍ പാനമയെ രണ്ടുഗോളിന് തകര്‍ത്ത് ഇംഗ്ലണ്ട് ഗ്രൂപ്പ് ജേതാക്കളായി. രണ്ടാം പകുതിയിലെ രണ്ട് ഗോളുകളുടെ ബലത്തിലാണ് ഇംഗ്ലണ്ട് ജയിച്ചുകയറിയത്. ജൂഡ് ബെല്ലിങ്ങാമും ഹാരി കെയ്‌നുമാണ് ഗോളടിച്ചത്.

🔹ലോകകപ്പിലെ ഗ്രൂപ്പ് എല്ലിലെ മറ്റൊരു മത്സരത്തില്‍ ഘാനയെ ഒന്നിനെതിരേ രണ്ടുഗോളുകള്‍ക്ക് തോല്‍പ്പിച്ച് ക്രൊയേഷ്യ നോക്കൗട്ടില്‍. ഘാനയെ തോല്‍പ്പിച്ചതോടെ ടീം ഗ്രൂപ്പില്‍ രണ്ടാമതായാണ് ഫിനിഷ് ചെയ്തത്. ഇംഗ്ലണ്ടും ഘാനയും നേരത്തേ നോക്കൗട്ട് ഉറപ്പിച്ചിരുന്നു.

🔹മിസ്റ്ററി ഡ്രാമ ചിത്രം ‘സാക്ഷികള്‍’ സിനിമയുടെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. എഴുത്തുകാരന്‍ പിഎസ് അര്‍ജുന്‍ ആദ്യമായി സംവിധാനം ചെയ്യുന്ന ചിത്രമാണിത്. സിനിമയുടെ തിരക്കഥ ഒരുക്കിയിരിക്കുന്നതും അദ്ദേഹം തന്നെയാണ്. രായര പിക്ചേഴ്സിന്റെ ബാനറില്‍ പുനീത് നിര്‍മ്മിക്കുന്ന ഈ ചിത്രം 2027 ല്‍ തിയറ്ററുകളില്‍ എത്തും. ജീവിതയാത്രയില്‍ കണ്ടുമുട്ടിയ യഥാര്‍ത്ഥ കഥാപാത്രങ്ങളില്‍ നിന്നും യഥാര്‍ത്ഥ സംഭവങ്ങളില്‍ നിന്നും പ്രചോദനം ഉള്‍ക്കൊണ്ടാണ് ‘സാക്ഷികള്‍’ എന്ന ഈ മിസ്റ്ററി ഡ്രാമ ഒരുക്കിയിരിക്കുന്നത്. മുഖ്യ വേഷത്തില്‍ എത്തുന്ന സൈജു കുറുപ്പിനൊപ്പം ഒരു മികച്ച താരനിര തന്നെയാണ് ചിത്രത്തിലെ ദുരൂഹതകള്‍ നിറഞ്ഞ കഥാപാത്രങ്ങളായി സ്‌ക്രീനില്‍ എത്തുന്നത്. രഘുനാഥ് പലേരി, നിഷാന്ത് സാഗര്‍, അഭിമന്യു എസ്. തിലകന്‍, ശീതള്‍ ജോസഫ്, അഭിരാം രാധാകൃഷ്ണന്‍, നിരഞ്ജ് മണിയന്‍പിള്ള, ഗോകുലന്‍ എം എസ് ഹരിത് വിജയകൃഷ്ണന്‍, ദേവനന്ദ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്.

🔹ബിജു മേനോന്‍ നായകനാകുന്ന ചിത്രം ‘അവറാച്ചന്‍ ആന്‍ഡ് സണ്‍സി’ന്റെ സെക്കന്‍ഡ് ലുക്ക് പോസ്റ്റര്‍ റിലീസായി. കുടുംബബന്ധങ്ങളുടെയും നര്‍മ്മത്തിന്റെയും വികാരനിമിഷങ്ങളുടെയും മനോഹരമായ സംയോജനമാണ് പോസ്റ്റര്‍ സൂചിപ്പിക്കുന്നത്. മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫന്‍ അവതരിപ്പിക്കുന്ന ഈ ചിത്രം സംവിധാനം ചെയ്യുന്നത് നവാഗതനായ തമ്പി ആണ്. ഒരു കുടുംബത്തിന്റെ ആത്മബന്ധവും സന്തോഷ നിമിഷങ്ങളും സ്വാഭാവികമായി ഒരു സെല്‍ഫിയില്‍ പകര്‍ത്തുന്ന ഈ പോസ്റ്റര്‍ ഇതിനോടകം സോഷ്യല്‍ മീഡിയയില്‍ ശ്രദ്ധ നേടിക്കഴിഞ്ഞു. ശ്രീനാഥ് ഭാസി, ഗണപതി, വിനയ് ഫോര്‍ട്ട്, ജോണി ആന്റണി, ഗ്രെയ്‌സ് ആന്റണി, അഖില ഭാര്‍ഗവന്‍, പൗളി വത്സണ്‍, സാബുമോന്‍, കോട്ടയം നസീര്‍, വിനീത് തട്ടില്‍, സാജന്‍ പള്ളുരുത്തി, ആഷിഖ് ഖാലിദ്, സുധി കോപ്പ, സജിന്‍ ചെറുകയില്‍, ഷാജു ശ്രീധര്‍, നിഷാ സാരംഗ് എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

💦 ഗുരുജിയുടെ വാക്കുകൾ
*****************************

“നാം എത്രയേറെ ഹൃദയത്തോട് ചേർത്ത് താലോലിച്ചാലും ചില ചെടികൾ ഒടുവിൽ വാടിത്തളരാറുണ്ട്. ജീവിതവും അങ്ങനെതന്നെയാണ്… ചില ബന്ധങ്ങളെ നമ്മൾ എത്രയൊക്കെ സ്നേഹം കൊണ്ട് പൊതിഞ്ഞു പിടിച്ചാലും, അകന്നുപോകാൻ വിധിക്കപ്പെട്ടവ ഒടുവിൽ നമ്മളിൽ നിന്നും അടർന്നുമാറുക തന്നെ ചെയ്യും. പ്രകൃതിയുടെയും ജീവിതത്തിന്റെയും ലിഖിത നിയമമാണത്.”
”ഋതുക്കൾ മാറിമറിയുമ്പോൾ ചിലവ കൊഴിയുന്നത് പ്രകൃതിയുടെ സഹജമായ ഭാവമാണ്. വിരലുകൾക്കിടയിൽ നിന്നും ഊർന്നുപോകുന്ന മണൽത്തരികൾ പോലെ, ചില മനുഷ്യരും നമ്മുടെ ആയുസ്സിൽ നിന്നും അകന്നുപോകാറുണ്ട്. എത്രയേറെ ചേർത്തുനിർത്താൻ ശ്രമിച്ചാലും അകലേണ്ടവ അകലുക തന്നെ ചെയ്യും എന്ന യാഥാർത്ഥ്യം തിരിച്ചറിയുന്നിടത്താണ് ജീവിതത്തിന്റെ പക്വത.”
കൺമണി പോലെ കാത്തുസൂക്ഷിച്ചാലും നഷ്ടമാകാറുണ്ട്. അതുപോലെ തന്നെയല്ലേ ചില ബന്ധങ്ങളും?
ഹൃദയത്തിന്റെ ആഴങ്ങളിൽ നമ്മളവയെ എത്രയൊക്കെ ചേർത്തുനിർത്താൻ ശ്രമിച്ചാലും, അകന്നുപോകാൻ വിധിക്കപ്പെട്ടവ ഒരു ശരത്കാലത്തിലെ കരിയില പോലെ നമ്മിൽ നിന്നും അടർന്നുപോവുക തന്നെ ചെയ്യും!

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂൺ 28

•ജൂൺ 28 ലോകമെമ്പാടും ‘ലോക ദാരിദ്ര്യ ദിനം’ (World Poverty Day), ‘ദേശീയ കപ്പ ദിനം’ എന്നീ വിശേഷ ദിവസങ്ങളായാണ് ആചരിക്കുന്നത്.

•ഒന്നാം ലോകമഹായുദ്ധത്തിന്റെ അവസാനം: ഒന്നാം ലോകമഹായുദ്ധത്തിന് ഔദ്യോഗികമായി വിരാമമിട്ട വെഴ്സായ് ഉടമ്പടി (Treaty of Versailles) 1919-ൽ ഫ്രാൻസിൽ ഒപ്പുവെച്ചു.

•ഒന്നാം കുരിശുയുദ്ധം: 1098 ജൂൺ 28-നാണ് ഒന്നാം കുരിശുയുദ്ധത്തിലെ പോരാളികൾ കെർബോഗയെ പരാജയപ്പെടുത്തിയത്.

•പ്രശസ്തരുടെ ജന്മദിനം: പ്രമുഖ വ്യവസായിയും ടെക്നോളജിസ്റ്റുമായ ഇലോൺ മസ്ക് (ജൂൺ 28, 1971), നോബൽ സമ്മാന ജേതാവും ഗ്രാമീൺ ബാങ്കിന്റെ സ്ഥാപകനുമായ മുഹമ്മദ് യൂനുസ് എന്നിവരുടെ ജന്മദിനമാണിന്ന്.

തയ്യാറാക്കിയത്: കപിൽ ശങ്കർ

12 Likes

📱വാർത്തകൾ ഒറ്റനോട്ടത്തിൽ📱 – 2026 | ജൂൺ 28 | ഞായർ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂൺ 28

തയ്യാറാക്കിയത്: കപിൽ ശങ്കർ

ധീരാ..വീരാ.. ഒന്നടങ്ങ് ! ✍രാജു മൈലപ്രാ

യു.എസ്-ഇറാൻ സംഘർഷം രൂക്ഷം: പരസ്പരം മുന്നറിയിപ്പുമായി ട്രംപും ഇറാനും

മെസ്സി ആരാധനയിൽ ക്ലിനിക്ക് ‘ക്ഷേത്ര’മാക്കി ഡാല്ലാസിലെ ഡോക്ടർ

LEAVE A REPLY Cancel reply

Most Popular

ധീരാ..വീരാ.. ഒന്നടങ്ങ് ! ✍രാജു മൈലപ്രാ

നവജാത ശിശുവിനെ ഉപേക്ഷിച്ച നിലയിൽ കണ്ടെത്തി.

പോളിയോക്കെതിരെ രണ്ട് തുള്ളി പ്രതിരോധം.

യു.എസ്-ഇറാൻ സംഘർഷം രൂക്ഷം: പരസ്പരം മുന്നറിയിപ്പുമായി ട്രംപും ഇറാനും

Recent Comments

EDITOR PICKS

ധീരാ..വീരാ.. ഒന്നടങ്ങ് ! ✍രാജു മൈലപ്രാ

നവജാത ശിശുവിനെ ഉപേക്ഷിച്ച നിലയിൽ കണ്ടെത്തി.

പോളിയോക്കെതിരെ രണ്ട് തുള്ളി പ്രതിരോധം.

POPULAR POSTS

ഫിഫ 2026 ലോകകപ്പ് ഫുട്‌ബോള്‍: ഗ്രൂപ്പ് ഘട്ടത്തിനു ഇന്ന് സമാപനം, തിങ്കള്‍ പുലര്‍ച്ചെ മുതല്‍ നോക്കൗട്ട്.

പോർച്ചുഗലിനെ തളച്ച് കൊളംബിയ; ഗോള്‍രഹിത സമനില, അവസരങ്ങള്‍ നഷ്ടമാക്കി റൊണാള്‍ഡോ.

യൂകെയിൽ മലയാളി ഡോക്‌ടർക്ക് 14 വർഷം തടവുശിക്ഷ.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ജൂൺ 28 | ഞായർ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ജൂൺ 28

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************