കൊച്ചി: സംസ്ഥാനത്ത് പേവിഷബാധ മരണങ്ങൾ കൂടിവരികയാണ്. ഒരു മാസത്തിനിടെ മൂന്ന് കുട്ടികളാണ് കേരളത്തിൽ പേവിഷബാധയേറ്റ് മരണപ്പെട്ടത്.
മൃഗങ്ങളുടെ കടിയേറ്റാൽ എന്താണ് ആദ്യം ചെയ്യേണ്ടതെന്ന് അറിയാത്തവരാണ് കൂടുതലും. വാക്സിൻ എടുത്തിട്ടും പേ വിഷ ബാധ മരണങ്ങൾ റിപ്പോർട്ട് ചെയ്യുന്ന സാഹചര്യത്തിൽ ഇക്കാര്യത്തിൽ വ്യക്തമായ ധാരണയുണ്ടാകേണ്ടതുണ്ട്.
ആരോഗ്യ രംഗത്തെ വിദഗ്ധർ പറയുന്നതെന്താണെന്ന് നോക്കാം.
പേവിഷബാധ മൂലമുള്ള മരണം ഒഴിവാക്കാന് പ്രത്യേകം ശ്രദ്ധിക്കണമെന്ന് പത്തനംതിട്ട ജില്ലാ മെഡിക്കല്ഓഫീസര് ഡോ. എല് അനിതകുമാരി പറഞ്ഞു. തെരുവ് മൃഗങ്ങളോ, വീടുകളില് വളര്ത്തുന്ന നായ, പൂച്ച എന്നിവ കടിക്കുകയോ, മാന്തുകയോ ചെയ്താല് മുറിവ് പറ്റിയഭാഗം 15 മിനിറ്റ് ടാപ്പ് തുറന്ന വെള്ളത്തിലോ, കോരി ഒഴിച്ചോ സോപ്പുപയോഗിച്ച് നന്നായി കഴുകണം. ഇതിലൂടെ 99 ശതമാനം അണുക്കളും ഇല്ലാതാകും. മുറിവ് കെട്ടിവയ്ക്കരുത്.
എത്രയും വേഗം അടുത്തുള്ള ആശുപത്രിയില് എത്തി പേവിഷബാധയ്ക്ക് എതിരായ കുത്തിവയ്പ്പ് ആരംഭിക്കണം. ഗുരുതരമായവയ്ക്ക് വാക്സിനു പുറമേ ഇമ്മ്യൂണോഗ്ലോബുലിന് കുത്തിവയ്പ്പും എടുക്കണം. വളര്ത്തുമൃഗങ്ങള്ക്ക് വാക്സിനേഷന് നല്കണം. പ്രതിരോധകുത്തിവയ്പ്പ് എടുത്ത വളര്ത്തുമൃഗങ്ങളില് നിന്ന് കടിയേറ്റാലും വാക്സിന് നിര്ബന്ധമായും എടുക്കണം.
സ്ഥിരമായി മൃഗങ്ങളില് നിന്ന് കടിയേല്ക്കാന് സാധ്യതയുള്ള തൊഴിലില് ഏര്പ്പെട്ടിരിക്കുന്നവര് മുന്കൂട്ടി പ്രതിരോധകുത്തിവയ്പ്പ് എടുക്കണം. കുട്ടികളുടെ കാര്യത്തില് പ്രത്യേക ശ്രദ്ധ വേണം. കളിക്കിടയില് മൃഗങ്ങളുടെ മാന്തലോ കടിയോ ഏറ്റാല് ആ വിവരം മാതാപിതാക്കളെ അറിയിക്കണം. ഇവ ബോധ്യപ്പെടുത്താന് മാതാപിതാക്കള് ശ്രദ്ധിക്കണം.
എല്ലാ ജില്ലാ ആശുപത്രികള്, ജനറല് ആശുപത്രികള്, കമ്മ്യൂണിറ്റി ഹെല്ത്ത് സെൻ്ററുകള്, കുടുംബാരോഗ്യകേന്ദ്രങ്ങള് എന്നിവിടങ്ങളില് പേവിഷബാധയ്ക്ക് എതിരായ പ്രതിരോധവാക്സിന് ലഭ്യമാണ്. കടിയേറ്റ ദിവസം, തുടര്ന്ന് മൂന്ന്, ഏഴ്, 28 ദിവസങ്ങളില് നാല് ഡോസ് ഐ ഡി ആര്വിയാണ് എടുക്കേണ്ടത്. ഒന്നോ രണ്ടോ വാക്സിന് എടുത്ത് അവസാനിപ്പിക്കരുത്. മുഴുവന് ഡോസും കൃത്യമായി പൂര്ത്തിയാക്കണം.
മുഖത്തും കൈകളിലും കടിയേല്ക്കുന്നത് പെട്ടെന്ന് പേവിഷബാധയേല്ക്കാന് കാരണമാകുന്നതിനാല് പെട്ടെന്നു പരമാവധി സമയം സോപ്പുപയോഗിച്ച് കഴുകണമെന്നും ആശുപത്രിയിലെത്തി ചികിത്സതേടണമെന്നും ഡോ. അനിതകുമാരി പറയുന്നു.
പേവിഷബാധ റിപ്പോര്ട്ട് ചെയ്യുന്ന സാഹചര്യത്തില് മുറിവ് കഴുകുന്നത് വളരെ പ്രധാനമാണെന്ന് കൊല്ലം ജില്ലാ മെഡിക്കല് ഓഫീസര് പറയുന്നത്. രോഗം ബാധിച്ച മൃഗങ്ങളുടെ ഉമിനീരില് നിന്ന് മനുഷ്യരിലേക്ക് പടരുന്ന മാരകമായ വൈറസാണ് റാബിസ്. ഈ വൈറസ് മനുഷ്യരിലും മറ്റ് സസ്തനികളിലും രോഗബാധ ഉണ്ടാക്കുന്നു. മൃഗങ്ങളുടെ കടി, പോറല്, നക്കല് എന്നിവയേല്ക്കുന്ന ഭാഗം സോപ്പും വെള്ളവും ഉപയോഗിച്ച് 15 മിനുട്ടെങ്കിലും ടാപ്പിലൂടെ ഒഴുകി വരുന്ന വെള്ളത്തില് കഴുകേണ്ടതാണ്.
ഇങ്ങനെ കൈ കഴുകുന്നത് വൈറസ് ശരീരത്തില് കടക്കുന്നത് ഒഴിവാക്കാന് സഹായിക്കും. മൃഗങ്ങളുമായി നിരന്തരം സമ്പര്ക്കത്തിലേര്പ്പെടുന്ന വ്യക്തിയാണെങ്കില് പേവിഷബാധ പ്രതിരോധിക്കാന് വാക്സിന് മുന് കൂട്ടിയെടുക്കേണ്ടതാണ്.
വളര്ത്തു മൃഗങ്ങള്ക്കു യഥാസമയം കുത്തിവയ്പ്പെടുക്കുക. വളര്ത്തു മൃഗങ്ങളുമായോ മറ്റു മൃഗങ്ങളുമായോ ഇടപെടുമ്പോള് ഉണ്ടാകുന്ന ചെറിയ മുറിവുകള്, പോറലുകള് എന്നിവ അവഗണിക്കരുത്.
മൃഗങ്ങളുടെ കടിയേറ്റാല് ഉടന് തന്നെ വൈദ്യസഹായം തേടുകയും പ്രതിരോധ കുത്തിവയ്പെടുത്തു സുരക്ഷിതരാവുകയും ചെയ്യുക. പേവിഷബാധ യ്ക്കെതിരെയുള്ള പ്രതിരോധ കുത്തിവയ്പ് എല്ലാ സര്ക്കാര് ആശുപത്രികളിലും സൗജന്യമായി ലഭിക്കുമെന്നും കൊല്ലം ജില്ലാ മെഡിക്കല് ഓഫീസർ അറിയിച്ചു.
