കോഴിക്കോട്: അമ്മയ്ക്ക് ഒപ്പം അങ്കണവാടിയില് നിന്ന് വീട്ടിലേക്ക് മടങ്ങുന്നതിനിടെ കായണ്ണ കാപ്പുമ്മല് ബബിലേഷിന്റെയും ദീഷ്ണയുടെയും ഏക മകന് ആര്യന് ആണ് മരിച്ചത്. കൂടത്താംപൊയില് അങ്കണവാടിക്ക് സമീപം ഉച്ചക്ക് 3 മണിയോടെയാണ് അപകടം ഉണ്ടായത്.
അമ്മയ്ക്ക് ഒപ്പം അങ്കണവാടിയില് നിന്ന് വീട്ടിലേക്ക് മടങ്ങും വഴി റിവേഴ്സ് വന്ന പിക്കപ്പ് ആര്യന്റെ ദേഹത്ത് കയറി ഇറങ്ങുകയായിരുന്നു. പേരാമ്പ്ര ധീര ഗ്യാസ് ഏജന്സിക്ക് വേണ്ടി ഗ്യാസ് വിതരണം നടത്തുന്ന പിക്കപ്പ് ആണ് അപകടം ഉണ്ടാക്കിയത്. ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
