പാതിവില തട്ടിപ്പുകേസിൽ രാഷ്ട്രീയക്കാരും ജുഡീഷ്യറിയിലെ ഉന്നതരുമടക്കം ഉള്പ്പെട്ട കേസായതിനാല് ജീവന് ഭീഷണിയുണ്ടെന്നും പൊലീസ് സംരക്ഷണം വേണമെന്നും കഴിഞ്ഞ ദിവസം കോടതിയില് ഹാജരാക്കവെ അനന്തുകൃഷ്ണന് ആവശ്യപ്പെട്ടിരുന്നു. അനന്തുകൃഷ്ണന്റെ ജാമ്യാപേക്ഷയെ ശക്തമായി എതിര്ക്കാനാണ് പ്രോസിക്യൂഷന് തീരുമാനം.
അനന്തുകൃഷ്ണന്റെ ജാമ്യാപേക്ഷയെ ശക്തമായി എതിര്ക്കാനാണ് പ്രോസിക്യൂഷന് തീരുമാനം. കേസില് റിമാന്ഡിലായ അനന്തുകൃഷ്ണനെ അഞ്ചു ദിവസത്തെ പൊലീസ് കസ്റ്റഡി കാലാവധി അവസാനിച്ചതിനെത്തുടര്ന്ന് കഴിഞ്ഞ ദിവസമാണ് മൂവാറ്റുപുഴ കോടതിയില് ഹാജരാക്കിയത്. അതേസമയം കേസ് ക്രൈംബ്രാഞ്ച് ഏറ്റെടുത്ത സാഹചര്യത്തില് പ്രത്യേക അന്വേഷണ സംഘം ഉടന് യോഗം ചേര്ന്ന് തുടര് നടപടികള് തീരുമാനിക്കും.
ക്രൈം ബ്രാഞ്ച് എഡിജിപി യുടെ മേല്നോട്ടത്തില് എറണാകുളം ക്രൈം ബ്രാഞ്ച് എസ്.പി സോജനായിരിക്കും അന്വേഷണം നടത്തുക.നൂറിലധികം ഉദ്യോഗസ്ഥരാണ് സംഘത്തിലുള്ളത്. അഞ്ചു ജില്ലകളിലായി രജിസ്റ്റര് ചെയ്ത 34 കേസുകള് ആയിരിക്കും ആദ്യ ഘട്ടത്തില് ക്രൈം ബ്രാഞ്ച് അന്വേഷിക്കുക.
