പാക്ക് ഭീകരൻ ഹംസ ബുർഹാനെ വധിച്ചു. പുൽവാമ ഭീകരാക്രമണത്തിന്റെ മുഖ്യ സൂത്രധാരൻ ആണ് ഹംസ. പാക്ക് അധീന കശ്മീരിലെ മുസാഫറാബാദില് വച്ച് അജ്ഞാതരായ അക്രമികൾ വെടിവച്ചു കൊലപ്പെടുത്തുകയായിരുന്നു. പുല്വാമ നിവാസിയായ ബുര്ഹാന്റെ യഥാര്ത്ഥ പേര് അര്ജുമന്ദ് ഗുല്സാര് ദാര് എന്നാണ്. ഡോക്ടര് എന്നാണ് ഇയാള് ഭീകരര്ക്കിടയില് അറിയപ്പെട്ടിരുന്നത്.
2022-ല് കേന്ദ്ര ആഭ്യന്തര മന്ത്രാലയം ബുര്ഹാനെ ഭീകരനായി പ്രഖ്യാപിച്ചിരുന്നു.
2019-ലെ പുല്വാമ ആക്രമണത്തില് 40 ലേറെ സിആര്പിഎഫ് ജവാന്മാരാണ് കൊല്ലപ്പെട്ടത്. ജമ്മു കാശ്മീരില് പുല്വാമ ജില്ലയിലെ അവാന്തിപുരക്കടുത്ത് സുരക്ഷാ ഉദ്യോഗസ്ഥരുമായി സഞ്ചരിച്ചിരുന്ന വാഹനങ്ങള്ക്കു നേരെ ഭീകരര് ചാവേര് ആക്രമണം നടത്തുകയായിരുന്നു..2019 ഫെബ്രുവരി പതിനാലാം തീയതിയായിരുന്നു രാജ്യത്തെ നടുക്കിയ ഭീകരാക്രമണം ഉണ്ടായത്. ആക്രമണത്തിന്റെ ഉത്തരവാദിത്തം പാകിസ്ഥാനിലെ ഭീകരസംഘടനയായ ജെയ്ഷ് ഇ മൊഹമ്മദ് ഏറ്റെടുത്തിരുന്നു.
