തിരുവനന്തപുരം: സംസ്ഥാനത്ത് സ്വർണവിലയിൽ തുടർച്ചയായ അഞ്ചാം ദിവസവും ഇടിവ്. പവന് 520 രൂപ താഴ്ന്ന് 1,14,560 രൂപയിലെത്തി. ഗ്രാമിന് 65 രൂപ കുറഞ്ഞ് 14,320 രൂപയായി. രാജ്യാന്തര സ്വർണവില 20 ഡോളർ ഇടിഞ്ഞ് 4530 ഡോളർ നിലവാരത്തിൽ തുടരുന്നു. ക്രൂഡ് ഓയിൽ വില ഉയർന്നതാണ് സ്വർണവില ഇടിയാൻ കാരണം.
ഒരു ഗ്രാം 24 കാരറ്റ് സ്വർണത്തിന് 15,622 രൂപയും, പവന് 1,24,976 രൂപയുമാണ് നിരക്ക്. 18 കാരറ്റിന് ഒരു ഗ്രാമിന് 11,717 രൂപയും പവന് 93,736 രൂപയുമാണ് വില. വെള്ളി വില ഗ്രാമിന് 300 രൂപയും കിലോഗ്രാമിന് 3,00,000 രൂപയുമാണ് ഇന്നത്തെ നിരക്ക്.
സംസ്ഥാനത്ത് വിവാഹസീസൺ ആരംഭിക്കാനിരിക്കെ സ്വർണവിലയിൽ വർധനവുണ്ടാകുന്നത് സാധാരണക്കാർക്ക് ആശങ്കയാണ്. എന്നിരുന്നാലും ചെറിയ തോതിലുള്ള ഏറ്റക്കുറച്ചിലുകൾ വെല്ലുവിളിയാണ്. സ്വർണാഭരണങ്ങളുടെ ഡിസൈനുകൾ മാറുന്നതിനനുസരിച്ച് പണിക്കൂലിയിൽ വലിയ വ്യത്യാസമുണ്ടാകും.
