Tuesday, May 21, 2024
Homeകേരളംനി​മി​ഷ പ്രി​യ​യുടെ അ​മ്മ ഇ​ന്ന് യെ​മ​നി​ലേ​ക്ക്.

നി​മി​ഷ പ്രി​യ​യുടെ അ​മ്മ ഇ​ന്ന് യെ​മ​നി​ലേ​ക്ക്.

കൊ​ച്ചി: യെ​മ​ന്‍ പൗ​ര​ന്‍ ത​ലാ​ല്‍ അ​ബ്ദു​ള്‍ മ​ഹ്ദി​യെ കൊ​ല​പ്പെ​ടു​ത്തി​യ കേ​സി​ല്‍ വ​ധ​ശി​ക്ഷ​യ്ക്കു വി​ധി​ക്ക​പ്പെ​ട്ട് ജ​യി​ലി​ല്‍ ക​ഴി​യു​ന്ന നി​മി​ഷ പ്രി​യ​യെ കാ​ണാ​ന്‍ അ​മ്മ പ്രേ​മ​കു​മാ​രി ഇ​ന്ന് യെ​മ​നി​ലേ​ക്ക് യാ​ത്ര തി​രി​ക്കും.

വ​ര്‍​ഷ​ങ്ങ​ളാ​യി യെ​മ​നി​ല്‍ ബി​സി​ന​സ് ന​ട​ത്തു​ന്ന സാ​മു​വ​ല്‍ ജെ​റോ​മി​നൊ​പ്പ​മാ​ണ് മേ​രി എ​ന്ന പ്രേ​മ​കു​മാ​രി യെ​മ​നി​ലേ​ക്കു പോ​കു​ന്ന​ത്. യെ​മ​നി​ലേ​ക്കു പോ​കാ​ന്‍ അ​നു​വാ​ദം ന​ല്‍​ക​ണ​മെ​ന്നാ​വ​ശ്യ​പ്പെ​ട്ടു പ്രേ​മ​കു​മാ​രി ഡ​ൽ​ഹി ഹൈ​ക്കോ​ട​തി​യെ സ​മീ​പി​ച്ചി​രു​ന്നു. സ്വ​ന്തം ഉ​ത്ത​ര​വാ​ദി​ത്വ​ത്തി​ല്‍ അ​വി​ടേ​ക്കു പോ​കാ​നു​ള്ള അ​നു​വാ​ദം വേ​ണ​മെ​ന്നാ​യി​രു​ന്നു ആ​വ​ശ്യം.

ക​ഴി​ഞ്ഞ മാ​സം ആ​ദ്യം യെ​മ​നി​ലെ ഏ​ദ​ന്‍​വ​രെ എ​ത്താ​നു​ള്ള യാ​ത്രാ​നു​മ​തി പ്രേ​മ​കു​മാ​രി​ക്ക് ല​ഭി​ച്ചി​രു​ന്നു. ഡ​ല്‍​ഹി ഹൈ​ക്കോ​ട​തി ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ലാ​ണു യാ​ത്രാ​നു​മ​തി ല​ഭി​ച്ച​ത്. ഏ​ഡ​നി​ല്‍​നി​ന്നു സ​ന​യി​ലേ​ക്ക് റോ​ഡ് മാ​ര്‍​ഗം യാ​ത്ര ചെ​യ്യ​ണ​മെ​ങ്കി​ല്‍ സ​ന​യി​ല്‍​നി​ന്നു​ള്ള അ​നു​മ​തി ല​ഭി​ക്ക​ണ​മാ​യി​രു​ന്നു. അ​തു ല​ഭി​ക്കാ​ൻ വൈ​കി​യ​തോ​ടെ​യാ​ണു യാ​ത്ര മാ​റ്റി​വ​യ്‌​ക്കേ​ണ്ടി​വ​ന്ന​ത്.

ഇ​ന്നു പു​ല​ര്‍​ച്ചെ 5.30ന് ​നെ​ടു​മ്പാ​ശേ​രി​യി​ല്‍​നി​ന്ന് വി​മാ​ന​മാ​ര്‍​ഗം മു​ബൈ​യി​ലെ​ത്തും. അ​വി​ടെ​നി​ന്ന് വൈ​കു​ന്നേ​രം അ​ഞ്ചി​നാ​ണ് യെ​മ​നി​ലേ​ക്കു​ള്ള വി​മാ​നം. യെ​മ​നി​ല്‍​നി​ന്ന് നി​മി​ഷ പ്രി​യ​യെ ജ​യി​ലി​ല്‍ പാ​ര്‍​പ്പി​ച്ചി​രി​ക്കു​ന്ന സ​ന​യി​ലേ​ക്ക് റോ​ഡ് മാ​ര്‍​ഗം പോ​കു​മെ​ന്ന് നി​മി​ഷ പ്രി​യ​യു​ടെ അ​ഭി​ഭാ​ഷ​ക​ന്‍ സു​ഭാ​ഷ് ച​ന്ദ്ര​ന്‍ പ​റ​ഞ്ഞു.

മൂ​ന്നു മാ​സ​മാ​ണ് വീ​സാ കാ​ലാ​വ​ധി. ഇ​തി​ല്‍ ഒ​രു മാ​സം പി​ന്നി​ട്ടു. ബാ​ക്കി​യു​ള്ള സ​മ​യ​ത്തി​നു​ള്ളി​ല്‍ മ​ക​ളു​ടെ മോ​ച​നം ഉ​ള്‍​പ്പെ​ടെ​യു​ള്ള കാ​ര്യ​ങ്ങ​ള്‍ ചെ​യ്തു​തീ​ര്‍​ക്കാ​നു​ള്ള ശ്ര​മ​ത്തി​ലാ​ണ് പ്രേ​മ​കു​മാ​രി. ക​ഴി​ഞ്ഞ ഒ​മ്പ​തു വ​ര്‍​ഷ​മാ​യി എ​റ​ണാ​കു​ളം താ​മ​ര​ച്ചാ​ലി​ലെ ഒ​രു വീ​ട്ടി​ല്‍ ജോ​ലി ചെ​യ്യു​ക​യാ​ണ് പ്രേ​മ​കു​മാ​രി.

2012ലാ​ണ് നി​മി​ഷ പ്രി​യ യെ​മ​നി​ല്‍ ന​ഴ്‌​സാ​യി ജോ​ലി​ക്കു പോ​യ​ത്. ഭ​ര്‍​ത്താ​വ് സ്വ​കാ​ര്യ സ്ഥാ​പ​ന​ത്തി​ലും നി​മി​ഷ ക്ലി​നി​ക്കി​ലും ജോ​ലി നേ​ടി. യെ​മ​ന്‍ പൗ​ര​നാ​യ ത​ലാ​ല്‍ അ​ബ്ദു​ള്‍ മ​ഹ്ദി​യെ പ​രി​ച​യ​പ്പെ​ടു​ക​യും ഇ​രു​വ​രും ചേ​ര്‍​ന്ന് ക​ച്ച​വ​ട​പ​ങ്കാ​ളി​ത്ത​ത്തോ​ടെ ക്ലി​നി​ക്ക് തു​ട​ങ്ങാ​ൻ തീ​രു​മാ​നി​ക്കു​ക​യും ചെ‌‌​യ്തു.

യെ​മ​ന്‍ പൗ​ര​ന്‍റെ ഉ​ത്ത​ര​വാ​ദി​ത്വ​ത്തോ​ടെ​യ​ല്ലാ​തെ ക്ലി​നി​ക്ക് ആ​രം​ഭി​ക്കാ​നാ​കി​ല്ല എ​ന്ന​തി​നാ​ലാ​ണ് മ​ഹ്ദി​യു​ടെ സ​ഹാ​യം തേ​ടി​യ​ത്. ബി​സി​ന​സ് തു​ട​ങ്ങാ​ന്‍ നി​മി​ഷ​യും ഭ​ര്‍​ത്താ​വും ത​ങ്ങ​ളു​ടെ സ​മ്പാ​ദ്യ​മെ​ല്ലാം മ​ഹ്ദി​ക്ക് കൈ​മാ​റി​യി​രു​ന്നു. ഇ​ട​യ്ക്ക് ഇ​വ​ര്‍ നാ​ട്ടി​ലേ​ക്കു മ​ട​ങ്ങി​യെ​ത്തി​യെ​ങ്കി​ലും പി​ന്നീ​ട് നി​മി​ഷ പ്രി​യ മാ​ത്ര​മാ​ണ് യെ​മ​നി​ലേ​ക്കു പോ​യ​ത്.

തു​ട​ര്‍​ന്ന് ത​ലാ​ല്‍ അ​ബ്ദു​ള്‍ മ​ഹ്ദി​യി​ല്‍​നി​ന്നു​ണ്ടാ​യ മാ​ന​സി​ക, ശാ​രീ​രി​ക പീ​ഡ​ന​ത്തി​ല്‍​നി​ന്നു ര​ക്ഷ​പ്പെ​ടാ​നാ​യി 2017ല്‍ ​മ​ഹ്ദി​യെ കൊ​ല​പ്പെ​ടു​ത്തി​യെ​ന്ന​താ​ണ് നി​മി​ഷ​പ്രി​യ​യ്‌​ക്കെ​തി​രേ​യു​ള്ള കേ​സ്.

കേ​സി​ല്‍ വി​ചാ​ര​ണ​ക്കോ​ട​തി​യു​ടെ ശി​ക്ഷാ​വി​ധി യെ​മ​ന്‍ സു​പ്രീം​കോ​ട​തി​യും ശ​രി​വ​ച്ചി​രു​ന്നു. യെ​മ​ന്‍ പൗ​ര​ന്‍റെ കു​ടും​ബം അ​നു​വ​ദി​ച്ചാ​ല്‍ മാ​ത്ര​മേ വ​ധ​ശി​ക്ഷ​യി​ല്‍​നി​ന്ന് നി​മി​ഷ പ്രി​യ​യെ ര​ക്ഷി​ക്കാ​നാ​കൂ.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments