ഒന്റാരിയോ (കാനഡ): കല്ലൂപ്പാറ പുതുശേരി കീരുവള്ളിപ്പാറയിൽ കെ ഇ വർഗീസിന്റെയും (ഷാജി) ജാക്വിലിന്റെയും മകൻ ജോയൽ വർഗീസ് (30) ജോലി കഴിഞ്ഞ് മടങ്ങുന്നതിനിടെ ഒന്റാരിയോ പ്രാവിശ്യയിലെ ലിസ്റ്റോവലിൽ വച്ച് സഞ്ചരിച്ചിരുന്ന കാർ ട്രക്കുമായി കൂട്ടിയിടിച്ചുണ്ടായ അപകടത്തിൽ മരിച്ചു. കാറിലുണ്ടായിരുന്ന മറ്റു രണ്ടു പേരും അപകടത്തിൽ മരണമടഞ്ഞു.
സംസ്കാരം ഇന്ന് (07-10-2024-തിങ്കൾ) ഉച്ചയ്ക്ക് 02:30-ന് കല്ലൂപ്പാറ സെന്റ് തോമസ് മാർത്തോമാ പള്ളിയിൽ.
എട്ട് മാസം മുൻപാണ് ജോയൽ വർഗീസ് പഠനത്തിനായി കാനഡയിലെത്തിയത്. പഠനത്തോടൊപ്പം ജോലിയും ചെയ്തു വരികയായിരുന്നു. ജോയൽ വർഗീസിന്റെ കുടുംബം വർഷങ്ങളായി മുംബൈയിലാണ്.
ഭാര്യ: ഗ്രേസ് ജോയൽ.
