പത്തനംതിട്ട —കോന്നി വനം ഡിവിഷനിലെ അരുവാപ്പുലം കല്ലേലിയില് ഹാരിസന് മലയാളം കമ്പനി കൈവശം വെച്ചിരിക്കുന്ന തോട്ടത്തിലെ കൈത കൃഷി നിര്ത്താന് വനം വകുപ്പ് നിര്ദേശം നല്കിയതായി കോന്നി എം എല് എ അഡ്വ ജനീഷ് കുമാറിന്റെ സബ് മിഷന് മന്ത്രി നിയമസഭയില് മറുപടി നല്കി . കോന്നി മണ്ഡലത്തിലെ രൂക്ഷമായ വന്യ മൃഗ ശല്യം സംബന്ധിച്ച് കെ യു ജനീഷ് കുമാര് എം എല് എ ഉന്നയിച്ച വിവിധ വിഷങ്ങളില് ആണ് മന്ത്രി മറുപടി പറഞ്ഞത് .
മനുഷ്യ മൃഗ ശല്യം ലഘൂകരിക്കാന് വനം വകുപ്പ് അശ്രാന്തം പരിശ്രമിച്ചു വരുന്നതായും എം എല് എ യുടെ ചോദ്യങ്ങള്ക്ക് ഉള്ള മറുപടിയില് പറയുന്നു .
കല്ലേലി , കലഞ്ഞൂര് , പാടം , പോത്ത് പാറ , ഇഞ്ചപ്പാറ , തണ്ണിതോട് ,കൊക്കാത്തോട് ,തലമാനം എന്നീ സ്ഥലങ്ങളാണ് കോന്നി വനം ഡിവിഷനിലെ മനുഷ്യ വന്യ മൃഗ സംഘര്ഷ ഹോട്ട്സ്പോട്ടുകള് . ആന ,പുലി ,കടുവ എന്നിവ ജനവാസ മേഖലയില് ഇറങ്ങുന്നതുമായി ബന്ധപ്പെട്ട് നിരവധി കേസുകള് ഉണ്ട് . പോത്ത് പാറ ,ഇഞ്ചപ്പാറ , ചെളിക്കുഴി എന്നിവിടെ പുള്ളിപ്പുലി ഇറങ്ങുന്നു . ഇവിടെ കൂട് സ്ഥാപിച്ചു .
കോന്നി എം എയ്ക്ക് ലഭിച്ച വിശദമായ മറുപടിയുടെ ഫയല് താഴെ
