അതിവേഗത്തിൽ പായുന്ന വന്ദേ ഭാരത് എക്‌സ്പ്രസ് ട്രെയിൻ തട്ടി പശുക്കൾ ചത്ത സംഭവങ്ങൾ രാജ്യത്തുടനീളം റിപ്പോര്‍ട്ട് ചെയ്യപ്പെട്ടിട്ടുണ്ട്. അതേസമയം റയില്‍വേ പാളത്തിലൂടെ നടന്നുപോയ പശുവിനെ രക്ഷിച്ച വന്ദേഭാരതിന്റെ ലോക്കോ പൈലറ്റിന്റെ പ്രവ‍ൃത്തിയാണ് ഇപ്പോള്‍ വാര്‍ത്തയായിരിക്കുന്നത്. എമർജെൻസി ബ്രേക്ക് ഇട്ട് പശുവിനെ ലോക്കോ പൈലറ്റ് രക്ഷിക്കുന്ന വീഡിയോയാണ് സോഷ്യൽ മീഡിയയിൽ ഇപ്പോള്‍ വൈറലായിരിക്കുന്നത്. സംഭവത്തിൻ്റെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്.
വന്ദേ ഭാരത് ട്രെയിനിനടിയിൽ പശു കുടുങ്ങി കിടക്കുന്നത് വീഡിയോയിൽ കാണാം. വന്ദേ ഭാരത് എക്‌സ്പ്രസ് ട്രെയിനിൻ്റെ ലോക്കോ പൈലറ്റ് റെയിൽവേ ട്രാക്കിൽ പശുവിനെ കണ്ടുതും പശുവിനെ രക്ഷിക്കാൻ എമർജൻസി ബ്രേക്ക് ഇട്ടു. എന്നാല്‍ അപ്പോഴേയ്ക്കും പശു ട്രാക്കിനും ട്രെയിനിനും ഇടയില്‍ കുടുങ്ങിയതായി ദൃശ്യങ്ങളില്‍ കാണാം. ഇത് ശ്രദ്ധയില്‍പ്പെട്ട ലോക്കോ പൈലറ്റ് ട്രെയിൻ പുറകോട്ടേയ്ക്ക് എടുത്ത് പശുവിന്റെ ജീവൻ രക്ഷിക്കുകയായിരുന്നു.
