കല്ലാച്ചി: മികച്ച സാഹിത്യപ്രവർത്തനത്തിനുള്ള ‘ഭാരതീയം’ പുരസ്ക്കാരം അഴിയൂർ സ്വദേശിനിയും, വിഷ്ണുമംഗലം എൽ.പി.സ്ക്കൂൾ റിട്ട: അദ്ധ്യാപികയുമായ ഒ.കെശൈലജ ടീച്ചർക്ക് ലഭിച്ചു. ജവഹർലാൽ നെഹ്റു കൾച്ചറൽ സൊസൈറ്റി കോഴിക്കോട് വെച്ചു നടന്ന ചടങ്ങിൽ മുൻമേയറും എം.എൽ.എയുമായ തോട്ടത്തിൽ രവീന്ദ്രനിൽ നിന്നും ഒ.കെശൈലജ ടീച്ചർ പുരസ്ക്കാരവും പ്രശസ്തിപത്രവും ഏറ്റുവാങ്ങി.
സംഘാടകസമിതി ചെയർമാൻ ജഗത് മയൻ ചന്ദ്രപുരാ അദ്ധ്യക്ഷത വഹിച്ചു. മന്ത്രി എ.കെ.ശശീന്ദ്രൻ ഉദ്ഘാടനം ചെയ്തു. അഹമ്മദ് ദേവർകോവിൽ എം.എൽ.എ, സ്വാതന്ത്ര്യ സമരസേനാനി പി. വാസു, ടി.വി. ബാലൻ( ചെയർമാൻ ഭവനനിർമ്മാണ ബോർഡ്) കെ.സി. അബു(പ്രസിഡൻ്റ് ഹൗസ് ഫെഡ്, വി. കുഞ്ഞാലി(ചെയർമാൻ ആഗ്രോ ഇൻഡസ്ട്രീസ് കോർപ്പറേഷൻ, പൂവച്ചൽ സുധീർ(പ്രസിഡൻ്റ് ജവഹർലാൽ നെഹ്റു കൾച്ചറൽ സൊസൈറ്റി) എന്നിവർ ചടങ്ങിൽ സംബന്ധിച്ചു.
