സാമൂഹിക പ്രവർത്തക ഡോ.എം .എസ് .സുനിൽ ഭവനരഹിതരായി സുരക്ഷിതമല്ലാത്ത കുടിലുകളിൽ കഴിയുന്ന നിരാലംബർക്ക് പണിതു നൽകുന്ന 375-ാമത് സ്നേഹഭവനം ബിജി മാണിയുടെയും നിഷ മാണിയുടെയും സഹായത്താൽ പ്രകാശ് സിറ്റിയില് പ്ലാന്തോട്ടത്തിൽ ആതിര സന്തോഷിനും കുടുംബത്തിനും ആയി നിർമ്മിച്ചു നൽകി. വീടിൻറെ താക്കോൽ ദാനവും ഉദ്ഘാടനവും സുപ്രസിദ്ധ സിനിമാതാരം ജോജി. കെ. ജോൺ നിർവഹിച്ചു.
വർഷങ്ങളായി സ്വന്തമായ ഒരു ഭവനം നിർമ്മിക്കുവാൻ സാധിക്കാതെ മൂന്ന് പെൺകുഞ്ഞുങ്ങളുമായി സുരക്ഷിതമല്ലാത്ത ഒരു ചെറിയ കുടിലിൽ ആയിരുന്നു ആതിരയും സന്തോഷും താമസിച്ചിരുന്നത്. ഏതാനും നാളുകൾക്കു മുമ്പ് സന്തോഷിന്റെ തലയിൽ പാറവീണ് പരിക്കേൽക്കുകയും ജോലിക്ക് പോകാൻ പറ്റാത്ത സാഹചര്യത്തിലും ആയിരുന്നു.
കുട്ടികളുടെ വിദ്യാഭ്യാസവും വീട്ടുചിലവും ചികിത്സയുമായി ബുദ്ധിമുട്ടിയിരുന്ന കുടുംബം സ്വന്തമായ ഒരു ഭവനം നിർമ്മിക്കുവാൻ കഴിയാതെ കുടിലിൽ കഴിഞ്ഞിരുന്നത് നേരിൽ കാണാൻ കഴിഞ്ഞ ടീച്ചർ ഇവർക്കായി രണ്ട് മുറികളും അടുക്കളയും ഹാളും ശുചിമുറിയും സിറ്റൗട്ട് മടങ്ങിയ വീട് വിഷു കൈനീട്ടമായി നിർമ്മിച്ചു നൽകി. ചടങ്ങിൽ വാർഡ് മെമ്പർമാരായ ഷേർളി ജോസഫ് ., റെജി തോമസ്., പ്രോജക്ട് കോഡിനേറ്റർ കെ. പി. ജയലാൽ .,അനീഷ് എം .കെ .എന്നിവർ പ്രസംഗിച്ചു.
