🌹 ചിന്താ പ്രഭാതം 🌹 – 2024 | ഓഗസ്റ്റ് 19 | തിങ്കൾ ✍ ബേബി മാത്യു അടിമാലി

പ്രണയം വെറും ഭ്രമമാണെന്ന് പലരും പറയുമ്പോഴും പ്രണയമില്ലാത്ത ജീവിതത്തെക്കുറിച്ച് നിങ്ങൾ ചിന്തിച്ചിട്ടുണ്ടോ?
പ്രണയമില്ലാത്ത ജീവിതത്തിൽ നിർവികാരത മാത്രമാണ് ഉള്ളത് എന്ന് നമ്മൾ തിരിച്ചറിയണം.

നളെയേ പ്രണയിക്കാതെ എങ്ങിനെ സന്തോഷമായി ഉണരാനാവും ? നിറങ്ങളെ പ്രണയിക്കാത്തവർക്കെങ്ങിനെ വസന്തത്തെ ആസ്വാദിക്കാനാവും ?
സുഗന്ധത്തെ പ്രണയിക്കാതെ എങ്ങിനെ പൂക്കളുടെ സൗരഭ്യം നുകരാനാകും?

നമ്മുടെ ജീവിതത്തോട് ചേർന്നു നിൽക്കുന്ന എന്തിനെയും ഏതിനെയും പ്രണയാർദ്രമായി കാണാൻ കഴിഞ്ഞൽ ജീവിതത്തോട് നമുക്കൊരാസക്തി ഉണ്ടാകും. നമ്മുടെ പ്രായത്തെ പോലും നമുക്ക് പകുതിയാക്കാൻ കഴിയും.

കാറ്റിനോടും കടലിനോടും പുഴയോടും മഴയോടും കിന്നാരം ചൊല്ലാം. കടന്നു പോകുന്നത് കനൽ വഴിയിലൂടെയെങ്കിലും കരളിനു കുളിരേകും പ്രണയം. ഈ കൊച്ചു ജീവിതത്തെ പ്രണയപൂർവ്വം ചേർത്തുപിടിക്കു പിന്നെ നിങ്ങളുടെ ഓരോ നിമിഷങ്ങളും കൗതുകമേറിയതാവും.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി